1 ɛBiturus 3:21 - ɛWee ne ìTsɛm iHywas

²¹ Kɛ ten inɛn nɛdaa nggyɛ wo ne ibatisima ne i phɔt ninyi nɛ ɛlyilyɛghaa. Sɔng i ne phɔt njwɛɛn lenɛ ne kɛ kuus irwirwik ne ibek njwɛɛn nang. I yang phɔt njwɛɛn no lenɛ ne bol ne ɛTaanggbey ye ne icwas ne irway iywɛnɛng wɛlɛng ɛkɔn ne tok gbik ne yilitsik ɛYɛso ɛKiriti ndɔ ne ikpuu.

1 ɛBiturus 3:21 ပူးပေါင်းရင်းမြစ်များ

ɛMarakus 16:16

ɛHiha ɛnyi ne ɛ kɛ bhɛ say ibol mon de, wu ɛ kɛ ne yɛk ɛn ɛbhɛ ne ibatisima de, ɛbhɛ sɛ ne phɔrɔt. ɛHaa ne ɛ kɛ ne bhɛ mbaray tang say iphɛ, kɛ ne ku hyɛ ɛbhɛ ɛshara ne iku.

ɛTomɛ 2:38

ɛBiturus sa ne yaak nibhɛ, “Te ɛrɔngɔ ndɔ mon no san ɛbɔk, te yɛk ɛbhɛ ne ibatisima ndɔ ne irywɛɛk ɛYɛso ɛKiriti wo. Yaa ne lenɛ ɛlɛy ɛTaanggbey ya ne hana nyini ne ɛfɔt mon no, i nang nyini izɛɛng ne iKabyik ɛTaanggbey de.

iGalatiya 3:27

Kɛ ne sɛ kɛ yɛk nyini ne ibatisima de, iphɛ ne so te ɛKiriti gha ne ɛ kɛ sɔɔl ɛn nyini te ɛtura ɛphas.

ɛTomɛ 22:16

iKyee ne ɛ tɔɔ hyep bhe? Yilitsik te i yɛk kɛ ne ibatisima de te kuus ɛfɔt mo lenɛ ne yel-le irywɛɛk ɛDaray yo.’

iFisus 5:26

ɛKiriti gha kɛ mɔn ɛlɛ wo te ɛ tul ɛTaanggbey ye idira ninaa ne roos de kang lenɛ ne ibol ɛbhɛ, ɛtsim mɛ ne ɛ kɛ kuus nibhɛ ne inɛn.

1 ɛBiturus 1:3

Te njwɛɛn dɛp ɛTaanggbey yegha ne ɛbhɛ so ɛkyɛɛ ɛDaray njwɛɛn ɛYɛso ɛKiriti gha. Ɛbhɛ kɛ san iyɔm njwɛɛn gbom, ɛ nang njwɛɛn ishwɛɛ ifas lenɛ ne iyilitsik ɛKiriti ndɔ ne ikpuu. iBol lɛ kɛ ne te njwɛɛn bok ìyɛk ne irway ne iphɛ so iken.

1 iKɔrɔntos 12:13

Daa ɛli ne gbik njwɛɛn no, hang ɛYahodawa yɔɔ, hang ma sang so ɛYahodawa yɔɔ, hang nikpuru yɔɔ, hang ninɔn ne ijwee yɔɔ, kɛ yɛk njwɛɛn ne ibatisima idaan ne ikabyik idaan, njwɛɛn kɛ teye ibek idaan. Kɛ ne ta nang njwɛɛn iKabyik idaan ndɔ ne irway njwɛɛn.

iKɔlɔsi 2:12

ɛLi ne kaa yɛk nyini ne ibatisima de, iphɛ ne so te kɛ rɛɛ nyini ne ɛKiriti gha. Kaa ne ta lenɛ ne ibatisima de, ne yiisik nyini ne ɛbhɛ lenɛ ne ìnang ne itin mon daa ne ihwet ɛTaanggbey da ne ɛ kɛ yiisik ɛbhɛ ndɔ ne ikpuu da.

ɛMacu 28:19

iPhɛ ɛlɛy, ne ɛ cwi ɛn ɛbhɛ tɔng ɛn igbagha ɛzay yo gbik wu tɛ roos me, nibhɛ tes en ninɔn ne icwam nge, ɛ yaak ɛn nibhɛ ne ibatisima de ndɔ ne irywɛɛk ɛkyɛɛ, ne irywɛɛk ɛNgɔn ne ihoo ne iKabyik ɛTaanggbey.

iBirani 9:24

Sɔng ɛKiriti gha kaa lel ɛLɔ gha ne kɛ Tul Kang i Shɛs ne ɛten ɛsii ɛbhɛ kɛ ryɔng nang. ɛLɔ gha ne ɛten ɛsii gha kɛ ryɔng ngo soye izazurum ninaa ɛdaa ne irywa de. ɛKiriti gha kɛ ne bhɛ lel daa ne irywa wo, te ɛbhɛ tɔɔrek ito ɛbhɛ ɛnu ɛyisɛ ɛTaanggbey ya ɛlɔ njwɛɛn ɛlyilyɛghaa wo.

1 ɛTimɔti 6:12

Tel nggbiy ne ìnang ne itin da yɛnɛng. Wum ibol ne iken ne inat de ne kɛ yel-le yɛnɛ wo ne ihwet. iBol de ne ɛ kɛ ku nang ishɛɛda iyɛnɛng ngɛ ɛnu ɛyisɛ nishɛɛda na gbom mo.

2 iKɔrɔntos 7:1

Daa ɛli ne kɛ ku sim njwɛɛn nɛ nikɔn nɛnaa wo gbik ko nigwaa nge ne nzi sim, ne njwɛɛn kuus ito njwɛɛn daa nikɔn na nɛ nibhɛ aa te ibek njwɛɛn de ne irway njwɛɛn da yɛk ivebhe da, te njwɛɛn ku tul en kang lenɛ ne ɛnik ɛTaanggbey ne njwɛɛn bok.

1 iKɔrɔntos 4:6

Nigwaa en, nggɛ mɔn nikɔn nɛnaa wo daa ne ito nge de ne ɛPolos sa te ɛ mɛmɛ ɛn ne ɛkɔn daa mos, te ɛ seng ɛn ibol de ne kɛ ku haa ndɔ ne ɛWee ne iBol ɛTaanggbey yo i bo, “Sɔng ɛ phee ɛn ɛkɔn na ne kɛ haa wo nang.” ɛLɔ ne ɛdɛ mon hal ɛgyɛy ne ɛkyɛɛ ne icwam ɛbhɛ ɛ mbaray ɛdɛng nang.

ɛTomɛ 16:33

Ndɔ ɛtuk kɛghaa nggyɛ wo, ɛhaa ne hyep ijwee ne nyang nga ne bo ɛBulus segha ne ɛSila gha ne ɛbhɛ kuus nibhɛ inuu nibhɛ de. Ne ma ku roos i yɛk ne ibatisima de nɛ ninaa ne ijwee ɛbhɛ na.

ɛTomɛ 8:36

Ne sɛ nibhɛ ma tɔɔ hyel lo nibhɛ ne sɛ irong inɛn, ɛgbaang ɛnyi wo ne yɔngɔ, “Yaang, inɛn daa nggyɛ ɛyakɔn ɛbhɛ yaa ne ring ne yɛk me ne ibatisima dee?”

iRooma 5:14

Gbik ne iphɛ ɛlɛy, iku de ne ku bok igbɔm da ninyi na gbik lenɛ nten ɛDɛmu phyin ne hɔn nten ɛMuusaa. iPhɛ ma phyin so daa ninyi na ne hame nibhɛ kɛ mɔn ɛfɔt lenɛ nɛ nibhɛ kɛ ten ikpii da te ɛDɛmu gha kaa ten no. Kaa ten ɛDɛmu yegha ne ɛnyi gha ne ɛ sɛ yɛɛs so.

iBirani 11:19

ɛBaraying nga kaa tas, ne ɛ seng ntsɛntsɛng wu ɛTaanggbey ya sɛ yɛɛ ne yiisik ɛnyi gha tsik ndɔ ne ikpuu da. iPhɛ ne ma ku so te kɛ bhɛ kyii ɛBaraying ngegha ne ɛShaaku gha ndɔ ne ikpuu da.

2 iKɔrɔntos 1:12

Njwii lɛng ɛgyɛy daa ɛli ne icwas ne irway mos kɛ tɔɔrek wu njwi kɛ shɛɛ ishwɛɛ kang, ne irway mos ijwaan ndɔ ɛzay ya. Yang ji so ndɔ ne ishwɛɛ da ne njwi kɛ shɛɛ ne nyinɛn no. Naa yɔng njwi kɛ mɔn ɛlɛ wo ndɔ ne itin nɛ te ɛTaanggbey lenɛ ne izɛɛng ɛTaanggbey de, sɔng ne ntsɛntsɛng ɛzay yɛdee nang.

1 ɛTimɔti 1:5

ɛKɔn na ne kɛ cwaak ɛyisɛ ndɔ ne ibol lɛdee wo so ishwim, ivaa ne ifɛ le ndɔ ne irway iwɛwɛy, ne izɔlɔs ne irway iywɛnɛng gbik ne ìnang ne itin ne itin.

iBirani 9:14

Neyi ɛKiriti na ne phyin neyi nikɔn nɛnaa nggyɛ wo gbom. Kɛ lenɛ ne iKabyik ne inat tɛdee nggyɛ wo ɛKiriti gha ne ɛ sang ɛkɔn ne tok ka ne nang ɛTaanggbey yegha ito ɛbhɛ gbik. ˆƐ kɛ mɔn ɛlɛ wo te ɛ kuus icwas ne irway njwɛɛn, te njwɛɛn tek nikɔn na nɛ nibhɛ aa sang phyik njwɛɛn no, njwɛɛn yaa re ɛTaanggbey ne iken na ntsong.

iBirani 10:22

iPhɛ ɛlɛy nɛ njwɛɛn shompeey cɛcɛk ne ɛTaanggbey ya ne irway ijwaan, ne ìnang ne itin hyɔrɔ. Nɛ njwɛɛn shompeey ne irway ne kɛ kuus ifɛ kɛ te tɔrɔk, gbik ne ibek ne kɛ kuus ne inɛn iwɛwɛy.

iBirani 13:18

Boote ɛn ne ɛTaanggbey daa ne ito mos. Njwi yɛɛ ncɛncɛng, sɔng irway mos da bok ɛkɔn ne tok nang, daa ɛli ne njwi sim te njwi sɛɛ ku i mɔn ɛkɔn na ne ɛ so cik.

1 ɛBiturus 3:16

Te izɔlɔs ne irway mon da ne ku shɛɛ byirik tang ɛkɔn ne tok te yaa ne sɛ ninaa ne bol ivol ikpɛɛ da kɛ yaa bol daa ne ishwɛɛ iywɛnɛng mon da ndɔ ɛKiriti gha, nibhɛ ne sɔ ncwa.

ɛYohana 13:9

ɛSimɔn ɛBiturus sa ne kyii nɛ ɛ yaak ɛbhɛ, “ɛDaray sɔng ɛ kuus me ita de zɔng ngo nang, kuus me ibɔ gbik ne ito dɔng!”

ɛTomɛ 8:37

ɛFilibus sa ne yaak ɛbhɛ, “Wu ɛ kɛ nang ne itin nɛ ne irway mo gbik, yaa ne yɛk kɛ nɛ.” ɛNyi gha ne yɔngɔ, “Nggɛ nang ne itin nɛ ɛYɛso ɛKiriti gha ɛbhɛ so ɛngɔn ɛTaanggbey ya.”