1 ɛBiturus 3:18 - ɛWee ne ìTsɛm iHywas

¹⁸ ɛLɛy ne iphɛ kaa ne so daa ɛKiriti gha. Ɛ kaa so cik ne ɛ ku ɛlɔ ninyi nɛ nibhɛ sang so cik. Ɛ kaa ku ɛlɔ ne ɛfɔt ɛdaan zɔng te ɛ phɛ nɛ nibhɛ ɛlɔ ɛTaanggbey. Kaa phoo ɛKiriti yegha ndɔ ne ibek, ne yiisik ɛbhɛ ndɔ ne ikabyik.

1 ɛBiturus 3:18 ပူးပေါင်းရင်းမြစ်များ

ɛMacu 27:19

Kaa ne sɛ nten de ne ɛBilatus sa kɛ soos ɛlɔ ne soos ɛ bol ɛshara gha, ɛkuk ɛbhɛ ne tom ɛbhɛ nɛ ɛ yɔngɔ, “Sɔng ɛ mɔn ɛnyi yɛghaa nggyɛ wo ne ɛ kɛ sang mɔn ɛkɔn na ne ɛkɔn nang. Nibok kɛ tak me iyɔm gbom daa ɛbhɛ ne ɛtuk.”

ɛMacu 27:24

Ne sɛ ɛBilatus sa kɛ yaang ɛli ne aa sang yɛɛ ne mɔn ɛhak ɛkɔn na, ninyi na kɛ tum izok ne irywen, ɛBilatus sa ne bo inɛn ɛ kuus ne ibɔ ɛbhɛ ɛnu ɛyisɛ ne idira ninyi de, ɛ ji yɔngɔ, “Sɔng n bok iwɔ daa neyi ɛnyi yɛghaa wo nang, nyinɛn aa phok ɛn nɛ.”

ɛYohana 16:10

Nibhɛ kɛ ta ben daa ɛkɔn na ne ɛ so cik ko, daa ɛli ne n phɛɛs ɛlɔ ɛkyɛɛ gha sɔng aa ne yaang ɛn mɛɛn nang.

ɛTomɛ 22:14

Ne ɛ ji yɔngɔ, ‘ɛTaanggbey nikyɛɛ-nikyɛɛ njwɛɛn na kɛ ku kasa yɛ te ɛ seng icwas ɛbhɛ. Te ɛ yaang ɛNyi gha ne i yeres ɛbhɛ ɛNyi ɛCik ka ɛ ta phok ibol ɛbhɛ.

ɛTomɛ 3:14

Ɛ kaa mbaray nyini ɛYɛso yegha ne ɛ so ɛnyi ɛcik, ɛnyi ɛkang, ɛ yang yɔngɔ ɛn te tek ɛhaa ne phobho ninyi te ɛ hyel.

iRooma 1:4

Ndɔ ne ibol de ne ɛ le ɛlɔ ɛTaanggbey ya ne idee ne iwɛwɛy ɛbhɛ de nang, kaa ne tɔɔrek ɛli ne ɛ so ɛngɔn ɛTaanggbey ya nten de ne kaa yiisik ɛbhɛ tsik ndɔ ne ikpuu da lenɛ ne ihwet ne iKabyik ɛTaanggbey de. Ɛbhɛ ne ɛ so ɛYɛso ɛKiriti ɛDaray njwɛɛn.

iRooma 4:25

ɛTaanggbey ya kaa nang ɛYɛso yegha te ɛ ku ɛlɔ ne ɛfɔt njwɛɛn, kɛ ne yiisik ɛbhɛ tsik ndɔ ne ikpuu da te ɛ te i say njwɛɛn wu so cik ɛnu ɛyisɛ ɛTaanggbey ya.

iRooma 5:2

Kɛ lenɛ ne ɛbhɛ ne njwɛɛn kɛ sɛ lel ndɔ ne izɛɛng ngɛdee wo lenɛ ne ìnang ne itin njwɛɛn da. iPhɛ ɛlɛy njwɛɛn ne bok irway ihwala daa ɛli ne njwɛɛn kɛ yɛk ne irway njwɛɛn sɛ so ndɔ ninaa nɛ nibhɛ so ndɔ ne ndiinday ɛTaanggbey de.

iRooma 8:11

Wu iKabyik ɛTaanggbey de, ne iphɛ kaa yiisik ɛYɛso yegha tsik ne ikpuu da, i shɛɛ ndɔ ne irway mon da, ɛnyi gha ne ɛ kaa yiisik ɛKiriti yegha tsik ne ikpuu da sɛ ne ma nang ibek mon de ne iphɛ soye idee ne iku de iken de, lenɛ ne iKabyik ɛbhɛ de ne iphɛ shɛɛ ndɔ ne irway mon da.

iRooma 8:3

ɛKɔn na ne iMɛmɛ ɛMuusaa da kɛ sang yɛɛ ne mɔn nɛ daa ɛli ne ɛten ɛsii gha kɛ taasek, ɛTaanggbey ya kɛ ne mɔn. ɛTaanggbey ya kɛ phoo ihwet ne ɛfɔt to ndɔ ne ibek ɛten ɛsii de lenɛ ne ɛ kɛ tom ɛNgɔn ɛbhɛ ndɔ ne ibek ɛten ɛsii ne iphɛ so cɛcɛɛy idee ne ɛfɔt, te ɛ bunga ɛfɔt to.

2 iKɔrɔntos 1:24

Sɔng njwii bo njwi yaa tɔɔrek nyini ndiinday daa ne ìnang ne itin mon de nang, kwa, njwɛɛn i mɔn ɛtomɛ gha ɛte, te ɛ sɛ ɛn irway ihwala daa ɛli ne ɛ kɛ kyinak ɛn ne ihwet ndɔ ne ìnang ne itin mon de.

2 iKɔrɔntos 13:4

Gbik ɛli ne kaa gangat ɛKiriti yegha ndɔ ne kyɔkyɔt de, ne ɛ so ɛken lenɛ ne ihwet ne ndiinday ɛTaanggbey. Njwi ne ma so kyɔkyɔt ndɔ ɛKiriti gha, gbik ne iphɛ ɛlɛy, njwi ne so niken lenɛ ne ihwet ne ndiinday ɛTaanggbey te njwi mɔn ɛtomɛ gha ne njwi yaa mɔn ndɔ mon no.

2 iKɔrɔntos 5:21

Sɔng ɛKiriti gha kɛ ku mɔn ɛfɔt nang, gbik ne phɛ ɛlɛy, ɛTaanggbey ya kɛ ne bo ɛbhɛ te ɛhaa ne ɛfɔt, te ne lenɛ ne ɛKiriti gha njwɛɛn ne te cik ɛnu ɛyisɛ ɛTaanggbey ya.

iGalatiya 1:4

ɛKiriti gha kɛ nang ito ɛbhɛ ɛlɔ ne ɛfɔt njwɛɛn te ne ɛ phɔt njwɛɛn ndɔ ɛzay ɛbebhe yeghaa wo ɛli ne ɛTaanggbey ya ne ɛ so ɛKyɛɛ njwɛɛn na i sim.

iGalatiya 3:13

Njwɛɛn kɛ phɔrɔt ndɔ ɛkawɛy ɛShara ɛMuusaa gha daa ɛli ne ɛKiriti gha kɛ phɔt njwɛɛn ndɔ ɛkawɛy ya lenɛ ne ɛ kɛ teye ɛhaa ɛkawɛy ya ɛlɔ njwɛɛn. Daa ɛli ne kɛ haa i bo: “Gbik ɛnyi gha ne kɛ gangat ɛbhɛ daa ne ihon no, ne ɛ soye ɛhaa ɛkawɛy.”

iFisus 3:12

Kɛ lenɛ ne ìtsɛm be ne njwɛɛn bok ne ɛKiriti gha, gbik ne ìnang ne itin de ne ɛbhɛ wo, njwɛɛn i ne phɛ ɛnu ɛyisɛ ɛTaanggbey ya tɔrɔk wɛlɛng ɛnik.

ɛTitus 2:14

ɛYɛso ɛKiriti gha ɛbhɛ kɛ nang ito ɛbhɛ te ɛ phɔt njwɛɛn ndɔ ne ibebhe de, te ɛ kɛ ne kuus njwɛɛn, te njwɛɛn teye ninyi ɛbhɛ zɔng, niwɛwɛy yɛ, njwɛɛn has irway ne mɔn nikɔn niyɛnɛng.

iBirani 10:10

Daa ɛli ne ɛKiriti gha kɛ mɔn ɛkɔn na ne ɛTaanggbey ya i sim mo, kɛ ne tul njwɛɛn kang lenɛ ne ɛYɛso ɛKiriti gha i nang ibek ɛbhɛ de te hap ne itsanga de ɛdaan na zɔng ngo.

iBirani 9:14

Neyi ɛKiriti na ne phyin neyi nikɔn nɛnaa nggyɛ wo gbom. Kɛ lenɛ ne iKabyik ne inat tɛdee nggyɛ wo ɛKiriti gha ne ɛ sang ɛkɔn ne tok ka ne nang ɛTaanggbey yegha ito ɛbhɛ gbik. ˆƐ kɛ mɔn ɛlɛ wo te ɛ kuus icwas ne irway njwɛɛn, te njwɛɛn tek nikɔn na nɛ nibhɛ aa sang phyik njwɛɛn no, njwɛɛn yaa re ɛTaanggbey ne iken na ntsong.

iBirani 9:26

Sɛɛ yɔng ɛlɛy yo, ɛYɛso gha saa ne i ku ɛ kyi ta mɔɔng ɛ ku ne ile ne tum ɛzay de. ɛYɛso gha kaa yang tɔɔrek ito ɛbhɛ ɛdaan zɔng nten de ne ɛtuk ɛshara gha yungaa shwaak ghe, te ɛ ba ɛfɔt to lenɛ ne ɛ kɛ nang ito ɛbhɛ de.

iBirani 9:28

ɛLɛy ne iphɛ ne ma so, kɛ ne nang ɛKiriti yegha ɛdaan zɔng te ɛ bo ɛfɔt ninyi gbom. Ɛ sɛ ne ta bhɛ kyii, ikyii ne ifaa yɛ, sɔng te ɛ ta ba ɛfɔt to nang, ɛ sɛ yang bhɛ kyii te ɛ phɔt ninaa nɛ nibhɛ hyep ɛbhɛ wo.

ɛYakub 5:6

ˆƐ kɛ hyɛ ɛn ninyi nɛ nibhɛ sang ɛfɔt ɛshara ˆɛ ta phobho ɛn nibhɛ, sɔng nibhɛ ne yaak nyini ɛkɔn nang.

1 ɛBiturus 3:19

Ndɔ ne ikabyik ge ne ɛKiriti gha kaa ne bhɛ bol ne ikpabyik ga ne ifɛ kaa so ne ijwee ne nyang ngo.

1 ɛBiturus 4:1

Daa ɛli ne ɛKiriti gha kɛ sɔ nggbang ngga ne ibek ge, ne ɛ ma bo ɛn icwas sɛdaa wo te ɛ rop ɛn iku ɛli ne aa sɔ nggbang ngga te ɛbhɛ wo. Nzo gbik ɛnyi gha ne ɛɛ sɔ nggbang ngga ɛ so ɛnyi ne ɛ mbaray ɛfɔt.

1 ɛBiturus 4:6

iBol lɛdee wo iphɛ phɛ kɛ te kaa bhɛ tɔng ninyi na nɛ nibhɛ kɛ kus so iBol iYɛnɛng ngge. Ninyi na ne kɛ ku hyɛ nibhɛ ɛshara gha ndɔ ne ibek ge te ɛbyin ninyi na. Kaa ne bhɛ tɔng nibhɛ iBol iYɛnɛng ge tɛ nibhɛ shɛɛ ndɔ ne ishwɛɛ ne ikabyik nibhɛ de ɛli ne ɛTaanggbey so.

1 ɛYohana 1:9

Wu njwɛɛn kɛ ne tɔng ɛTaanggbey yegha ɛfɔt njwɛɛn no, ne ɛ so ɛhaa ne sɛ kyinak daa ne ibol ɛbhɛ, ne ɛ ta so ɛhaa ne itin, aa ne hana njwɛɛn ne ɛfɔt njwɛɛn no ɛ kuus iyɔm ne icik njwɛɛn de gbik.