1 ɛBiturus 3:17 - ɛWee ne ìTsɛm iHywas

¹⁷ Daa ɛli ne iphɛ phyin, wu iphɛ soye icwas ɛTaanggbey, ɛ sɔ ɛn nggbang ngga daa ne mɔn iyɛnɛng ngge, ne aa sɔ ɛn daa mɔn ikpɛɛ de.

1 ɛBiturus 3:17 ပူးပေါင်းရင်းမြစ်များ

ɛMacu 26:39

ɛYɛso gha kɛ shompeey gyigyɔɔ, ɛ ho ne ivel, ɛyisɛ ɛbhɛ ne so ne ivel da, ne ɛ roo ɛ yɔngɔ, “ɛKyɛɛ nge, sɛɛ yɔng ˆaa sim ˆɛ sɛɛ ne ba me ɛhyihyangas nggbang ngɛdaa wo, gbik ne iphɛ ɛlɛy, sɔng nzi ne bo wu te ɛ roos idee nge nang, idee mo ne yaa roos.”

ɛMacu 26:42

ɛYɛso gha ne ta kyii, ikyii ne ifaa yɛ ɛbhɛ boote ne ɛTaanggbey ya ɛ yɔngɔ, “ɛKyɛɛ nge, wu phɛ so ngbingbing te ne roos ibol mo de.”

ɛTomɛ 18:21

Ne sɛ ɛBulus sa yaa bo nikɔn, ne ɛ yaak nibhɛ, “Nzɛ ta bhɛ kyii n yɛɛs ɛlɔ mon na wu ɛTaanggbey kɛ sim me nɛ, ne ɛ ji tek iFisus de ɛ hyel ndɔ ne ɛgyirigyi inɛn.”

ɛTomɛ 21:14

Ne sɛ njwi kɛ yaang ɛli ne yaa sang sunu ɛbhɛ irway da, njwi ne kunggbyak njwii yɔngɔ, “Te ɛDaray ya mɔn ɛkɔn na ne ɛ yaang ɛ kɛ jam ɛbhɛ.”

1 ɛBiturus 1:6

iPhɛ ɛlɛy, ne ɛ yɛk ɛn ne irway ihwala gbom, gbik ɛli ne ɛ bok en irway ishwii da ne hame ifɛ yaa phyɔngɔle wo lenɛ ne nggbang ngga ne ɛ sɔ ɛn ihywee-ihywee de ɛlyilyɛghaa wo.

1 ɛBiturus 2:15

Daa ɛli ne icwas ɛTaanggbey da i sim te sɛɛ icwam ɛnu ninaa ne ivol iwamang ngge lenɛ nɛ nikɔn niyɛnɛng mon na ne ɛɛ mɔn ɛn no.

1 ɛBiturus 2:20

Wu kɛ bak nyini nggbang ngga daa ne ibebhe de ne ɛ kɛ mɔn ɛn, ɛ ji rop ɛn iku de, ɛwɛng ngɛ ne ji so kyee? Wu kɛ ne bak nyini nggbang ngga daa ɛkɔn ɛyɛnɛng ne ɛ kɛ mɔn ɛn ɛ ji rop ɛn iku de, iphɛ ne ji so ɛkɔn ne dɛp ɛlɔ ɛTaanggbey ya.

1 ɛBiturus 3:14

Gbik ne iphɛ ɛlɛy, wu ɛ kɛ sɔ ɛn nggbang ngga daa ɛli ne ɛ so ɛn cik ko, aa ne sɛ ɛn ɛwɛng. iPhɛ ɛlɛy, sɔng ne ɛ phok ɛn ɛnik ko nang, sɔng ne ɛ sap ɛn ɛkɔn nang.

1 ɛBiturus 4:15

Ne ɛ wɛɛ ɛn nyini yɛnɛng, sɔng ne towos nyini wo daa ɛli ne ɛ kɛ phoo ɛn ɛnyi nang, sɔng ne towos nyini daa ɛli ne ɛ kɛ hyel ɛn ɛyi nang, hang ɛ kɛ mɔn ɛn ɛdɛ ɛkɔn ɛkpɛɛ yɔɔ. Sɔng ma yung towos nyini daa ɛli ne ɛ kɛ lel ɛn ɛdɛ ɛkɔn na ne ɛ sang so ɛhaa mon nang.

1 ɛBiturus 4:19

iPhɛ ɛlɛy, ninyi na nɛ nibhɛ ne sɔ nggbang ngga daa ɛli nɛ nibhɛ mɔn ɛkɔn na ne ɛ so icwas ɛTaanggbey da, tɛ nibhɛ ne see ito ne mɔn ɛkɔn ɛyɛnɛng, nibhɛ tek irway nibhɛ ndɔ ne iwɔ ɛTaanggbey yo ne ɛbhɛ kɛ ryɔng nibhɛ, ɛ so sɛɛ kyinak daa ne ibol ɛbhɛ.