1 ɛBiturus 3:16 - ɛWee ne ìTsɛm iHywas

¹⁶ Te izɔlɔs ne irway mon da ne ku shɛɛ byirik tang ɛkɔn ne tok te yaa ne sɛ ninaa ne bol ivol ikpɛɛ da kɛ yaa bol daa ne ishwɛɛ iywɛnɛng mon da ndɔ ɛKiriti gha, nibhɛ ne sɔ ncwa.

1 ɛBiturus 3:16 ပူးပေါင်းရင်းမြစ်များ

ɛMacu 5:11

“Ɛ so ɛn nyini ninaa ɛwɛng wu ninyi na i towos nyini, nibhɛ baasek nyini nggbang, nibhɛ robhos nyini ne ihyoo nikɔn nibebhe ihywee-ihywee ɛlɔ mee wo.

ɛTomɛ 24:16

iPhɛ phɛ kɛ ne te nzi kyangas me nɛ te n yaang izɔlɔs ne irway so byirik, ɛnu ɛyisɛ ɛTaanggbey ya gbik nɛ niten nisii.”

ɛTomɛ 28:22

Gbik ne iphɛ ɛlɛy, njwii ne sim njwi aa phok, ɛnu mo, ɛkɔn na ne icwas mo i bo, daa ɛli ne njwi yɛɛ ninyi na nilɔ na kang-ka-kang kɛ bol ivol ne ifɛ kɛ mbaray ibol ɛguu ɛnyi ne tɔng ivol ifas sɛdaa wo.”

iRooma 9:1

Nzi tɔng itin nɛ ndɔ ɛKiriti, sɔng irywɛɛk ne nzi tɔng nang. Ndɔ ne icwas ne irway nge nzi yɛɛ iphɛ ɛlɛy ɛli ne iKabyik ɛTaanggbey kɛ ne ma tɔɔrek iphɛ ɛlɛy.

2 iKɔrɔntos 1:12

Njwii lɛng ɛgyɛy daa ɛli ne icwas ne irway mos kɛ tɔɔrek wu njwi kɛ shɛɛ ishwɛɛ kang, ne irway mos ijwaan ndɔ ɛzay ya. Yang ji so ndɔ ne ishwɛɛ da ne njwi kɛ shɛɛ ne nyinɛn no. Naa yɔng njwi kɛ mɔn ɛlɛ wo ndɔ ne itin nɛ te ɛTaanggbey lenɛ ne izɛɛng ɛTaanggbey de, sɔng ne ntsɛntsɛng ɛzay yɛdee nang.

2 iKɔrɔntos 4:2

Njwi kɛ yang mbaray nikɔn ncwa na ne i rɛrɛs so, sɔng njwii iwul irywɛɛk nang, sɔng njwii hyeem ibol ɛTaanggbey de njwi tɔng nang. Njwii yang tɔng itin de wɛsɛrɛk, ɛTaanggbey i yɛɛ iphɛ ɛlɛy, gbik ninyi na ne yɛɛ wu iphɛ so itin nɛ ndɔ ne irway nibhɛ.

1 ɛTimɔti 1:19

ɛ bok ìnang ne itin mo de gɛy ɛ tenes izɔlɔs ne irway iywɛnɛng mo. Nidɛng ninyi na kɛ mbaray tang tenes izɔlɔs ne irway nibhɛ da, ìnang ne itin nibhɛ da kɛ ne bees se.

1 ɛTimɔti 1:5

ɛKɔn na ne kɛ cwaak ɛyisɛ ndɔ ne ibol lɛdee wo so ishwim, ivaa ne ifɛ le ndɔ ne irway iwɛwɛy, ne izɔlɔs ne irway iywɛnɛng gbik ne ìnang ne itin ne itin.

2 ɛTimɔti 1:3

N bok irway ihwala ne ɛTaanggbey ɛhaa ne nzi mɔn ɛbhɛ ɛtomɛ gha ɛli nɛ nikyɛɛ-nikyɛɛ nge kɛ mɔn, izɔlɔs ne irway nge ne so tɔrɔk. Nzi tas ne igyɛ ne igbey ne ɛtuk gbik nten de ne nzi bol ne ɛTaanggbey ya.

ɛTitus 2:8

Mɔn ɛtomɛ ne ivol iywɛnɛng ne yaa sang sɛ yɛ ne ɛkɔn ne tok. Tɛ ninaa ne iphup mo na sɔ ncwa, ɛli ne hame nibhɛ yaa sɛ ɛkɔn ɛkpɛɛ nɛ nibhɛ yaa bol da ne ito njwɛɛn de.

iBirani 13:18

Boote ɛn ne ɛTaanggbey daa ne ito mos. Njwi yɛɛ ncɛncɛng, sɔng irway mos da bok ɛkɔn ne tok nang, daa ɛli ne njwi sim te njwi sɛɛ ku i mɔn ɛkɔn na ne ɛ so cik.

iBirani 9:14

Neyi ɛKiriti na ne phyin neyi nikɔn nɛnaa nggyɛ wo gbom. Kɛ lenɛ ne iKabyik ne inat tɛdee nggyɛ wo ɛKiriti gha ne ɛ sang ɛkɔn ne tok ka ne nang ɛTaanggbey yegha ito ɛbhɛ gbik. ˆƐ kɛ mɔn ɛlɛ wo te ɛ kuus icwas ne irway njwɛɛn, te njwɛɛn tek nikɔn na nɛ nibhɛ aa sang phyik njwɛɛn no, njwɛɛn yaa re ɛTaanggbey ne iken na ntsong.

1 ɛBiturus 2:12

Shɛɛ ɛn ishwɛɛ iywɛnɛng ndɔ ninyi na nɛ nibhɛ sang yɛɛ ɛTaanggbey yegha. Te yaa ne sɛ nibhɛ bol ivol ne rip ba daa mon no nang, ne yang kyii lenɛ nɛ nikɔn niyɛnɛng nga ne ɛ mɔn ɛn no nibhɛ nang ɛTaanggbey ye ne ndiinday ɛtuk ka ne ɛTaanggbey ya sɛ yɛɛs ɛlɔ njwɛɛn na.

1 ɛBiturus 2:15

Daa ɛli ne icwas ɛTaanggbey da i sim te sɛɛ icwam ɛnu ninaa ne ivol iwamang ngge lenɛ nɛ nikɔn niyɛnɛng mon na ne ɛɛ mɔn ɛn no.

1 ɛBiturus 2:19

Gbik ɛnyi gha ne ɛ kɛ bo ɛbɔk ka daa ne nggbang ngga ne ɛɛ sɔ daa ɛkɔn na ne ɛ kɛ sang mɔn no daa ɛli ne ɛ bok icwas ɛTaanggbey da, ne ɛ so ɛhaa ne sɛɛ dɛp.

1 ɛBiturus 3:21

Kɛ ten inɛn nɛdaa nggyɛ wo ne ibatisima ne i phɔt ninyi nɛ ɛlyilyɛghaa. Sɔng i ne phɔt njwɛɛn lenɛ ne kɛ kuus irwirwik ne ibek njwɛɛn nang. I yang phɔt njwɛɛn no lenɛ ne bol ne ɛTaanggbey ye ne icwas ne irway iywɛnɛng wɛlɛng ɛkɔn ne tok gbik ne yilitsik ɛYɛso ɛKiriti ndɔ ne ikpuu.

1 ɛBiturus 4:4

ɛLyilyɛghaa wo, nitaay ne ile mon na i ne yaang ɛkɔn ne kparat ne hame ɛ tɔ sim ɛ mɔn ɛn nikɔn nibebhe yɛnaa nggyɛ wo, iphɛ ɛlɛy, nibhɛ ne towos nyini.