1 ɛBiturus 3:11 - ɛWee ne ìTsɛm iHywas

¹¹ Te ɛ hyereey ɛ tek ibebhe ɛ tɔk iyɛnɛng. Te ɛ tɔk irway ne laal ne irway ɛbhɛ gbik.

1 ɛBiturus 3:11 ပူးပေါင်းရင်းမြစ်များ

ɛMacu 5:45

Te ɛ te ɛn ɛKyɛɛ mon ɛdaa ne irywa gha, Ɛɛ yɛk ngɛ iroy ɛbhɛ de wuru ninyi nibebhe na nɛ niyɛnɛng ngɛ, ne ɛ tom ninyi ne icik ka nɛ ninaa nɛ nibhɛ sang so cik ko ne inɛn da.

ɛMacu 5:9

Ninaa ɛwɛng ngaa nggyɛy nɛ nibhɛ te i shɛɛ ncaang ngo, daa ɛli ne sɛ yaak nibhɛ ninɔn ɛTaanggbey.

ɛMacu 6:13

Sɔng ɛ sim njwii ho ne itɛrɛk ga nang, yang kyɛngɛse njwii ndɔ ne ntsɛntsɛng igywebhe ɛShɛtan de.’

ɛMarakus 14:7

Ɛ ku shɛɛ tang yaang ɛn nihala ninyi naa? Gbik nten de ne ɛ kɛ sim ɛn, ɛ sɛ yɛɛ ne phyik ɛn nibhɛ. Me wo nang, sɔng naa ne maa shɛɛ ne nyinɛn cɛcɛɛy yang.

ɛLuka 1:79

Te iphɛ tol ninaa gbyik ka ne iku de kɛ cwaal nibhɛ wo, te iphɛ hyel ne njwɛɛn nkiinɛ ne irway ne laal.”

ɛLuka 6:35

Yang sim ɛn ninaa ne iphup mon na, te ɛ mɔn nibhɛ nikɔn niyɛnɛng. Kɔp ɛn nibhɛ ɛkɔn na, sɔng ne ɛ tas ɛn wu sɛ bhɛ kyii nyini nɛ nang. Sɛ ne bhɛ mɔn nyini iyɛnɛng gbom, ɛ ta te nyini ninɔn ɛTaanggbey ne ɛ so daa Nyu ne irywa na nɛ ne itin nɛ, daa ɛli ne ɛTaanggbey ya tɔɔsel ninaa ne bɛɛs nikɔn na nɛ nibebhe na iyɛnɛng ɛbhɛ de gbik.

ɛLuka 6:9

ɛYɛso gha ne ji yaak nibhɛ, “Naa phom nyini, ikyee ne ɛShara njwɛɛn na kɛ sim njwɛɛn nɛ te njwɛɛn mɔn ɛtuk ne iWɛsɛ ghaa? Ɛ bo te njwɛɛn mɔn ɛkɔn ɛyɛnɛng nge, hang ɛbebhe yɛ? Te phɔt iken ɛnyi, hang bees iphɛ?”

ɛYohana 17:15

Sɔng ɛroo nge gha i bo wu te ɛ tul nibhɛ ndɔ ɛzay ya nang, nzi bo wu te ɛ kyɛngɛse nibhɛ ɛlɔ ɛbebhe gha.

iRooma 12:18

Mɔn ɛn ɛkɔn na ne aa yɛɛ ne mɔn ɛn te ɛ shɛɛ ɛn ncaang nɛ ninyi na gbik.

iRooma 14:17

Daa ɛli ne sɔng igbɔm ɛTaanggbey ba so daa ne ibol ne re i sɔ nang, ifɛ yang so daa ne ibol icik, ne irway ne laal, ne irway ihwala ne iKabyik ɛTaanggbey i naas.

iRooma 14:19

iPhɛ ɛlɛy, te njwɛɛn see ito te mɔn nikɔn na nɛ nibhɛ yaa yɛɛs ne irway ne laal nibhɛ ta byinɛ njwɛɛn.

iRooma 5:1

iPhɛ ɛlɛy, ɛlyilyɛghaa wo ne kɛ say njwɛɛn wu njwɛɛn so icik ɛnu ɛyisɛ ɛTaanggbey ya lenɛ ne nang ne itin de, njwɛɛn ne bok irway ne laal ɛnu ɛyisɛ ɛTaanggbey lenɛ ne ɛDaray njwɛɛn ɛYɛso ɛKiriti.

iRooma 7:19

Sɔng nzi mɔn ɛkɔn ɛyɛnɛng nga ne nzi sim te naa mɔn no nang, nzi yang kyii mɔn ibebhe de ne nzi mbaray me iphɛ.

iRooma 7:21

iPhɛ kɛ te te ibek nge, i sɛ nzi sim na mɔn ɛkɔn ɛyɛnɛng nga, ibebhe de ne jung sonɛ.

iRooma 8:6

iKyii ne ihywɛɛ de daa ɛkɔn na ne ibek ge i sim mo i yɛɛs ne iku, ikyii ne ihywɛɛ de daa ɛkɔn na ne iKabyik ge i sim mo i yɛɛs ne iken ne irway ne laal.

iGalatiya 5:22

Nikɔn na ne iKabyik ɛTaanggbey de ne yaak ko nibhɛ naa lɛ: ishwim, irway ihwala, irway ne laal, ɛbɔk, iyɛnɛng, irway ne phyik nigwaa, ìnang ne itin,

iGalatiya 6:10

iPhɛ ɛlɛy, gbik nten de ne njwɛɛn kɛ sɛ, te njwɛɛn mɔn ninyi na gbik nikɔn niyɛnɛng, yang ji so ninaa ne roos ɛKiriti yegha.

iKɔlɔsi 3:15

Te irway ne laal ɛKiriti da hyel ne nyinɛn ndɔ nikɔn na ne ˆaa mɔn ɛn gbik, daa ɛli ne kɛ lenɛ ne irway ne laal lɛdaa wo ɛTaanggbey ya yel-le nyini ndɔ ne ibek idaan. Te ɛ te ɛn nyini ninaa ne tɔɔsel ɛTaanggbey yegha irway ihwala.

1 ɛTimɔti 6:18

Yaak nibhɛ tɛ nibhɛ mɔn nikɔn niyɛnɛng, tɛ nibhɛ hɔn gbom ndɔ ne mɔn nikɔn niyɛnɛng nga, tɛ nibhɛ phyik ninyi na ne irway walala, nibhɛ yɛk irway ne nang.

iBirani 12:14

Mɔn ɛn gbik ɛkɔn na ne ˆaa yɛɛ ne mɔn ɛn te ˆɛ shɛɛ ɛn ncaang nɛ ninyi na gbik. iPhɛ ɛlɛy, tul ɛn nyini kang, daa ɛli ne sɔng ɛnyi sɛ yɛɛ ne yaang ɛDaray yegha wu ɛ kɛ sang tul le kang ngo nang.

iBirani 13:16

Sɔng ne ˆɛ te ɛn bap ne mɔn iyɛnɛng ngge gbik ne ìtsɛm ne phyighis ɛn ninyi na nɛ nikɔn na ne ˆɛ bok ɛn no nang. Mɔn ɛlɛ wo daa ɛli ne ihywee ne hap itsanga yɛdee nggyɛ wo i nang ɛTaanggbey irway ihwala.

ɛYakub 4:17

iPhɛ ɛlɛy, gbik ɛnyi gha ne ɛ ne yɛɛ ɛkɔn na ne ɛ kɛ jam ɛ sɛ mon no ɛ mbaray tang mɔn no, ɛ kɛ ne mɔn ɛfɔt.

1 ɛBiturus 3:12

Daa ɛli ne irwisɛ ɛDaray da so daa ninyi nicik ka. iToro ɛbhɛ de i ne tenes ishwin nibhɛ. ɛYisɛ ɛbhɛ gha i ne ji mbaray ninyi na nɛ nibhɛ mɔn ibebhe.”

3 ɛYohana 1:11

iGyɛ ɛgwaa nge ne nzi sim, sɔng ˆɛ roos ibebhe de nang, yang roos iyɛnɛng. Gbik ɛnyi gha ne ɛ mɔn ɛkɔn ɛyɛnɛng nga ɛ soye ɛhaa ɛTaanggbey, ɛnyi gha ne ɛ ne mɔn ibebhe de nang, sɔng ɛ yɛɛ ɛTaanggbey yegha nang.