1 ɛBiturus 3:10 - ɛWee ne ìTsɛm iHywas

¹⁰ Kɛ haa ndɔ ne ɛWee ne iBol ɛTaanggbey yo i bo, “ɛNyi gha ne ɛ sim aa phok iyɛnɛng ne ishwɛɛ da, ɛnyi gha ne ɛ sim aa yaang nituk niyɛnɛng nga, te ɛ ring ilem ɛbhɛ ne ivol ikpɛɛ ɛ ta ring ɛnu ɛbhɛ ne bol irywɛɛk.

1 ɛBiturus 3:10 ပူးပေါင်းရင်းမြစ်များ

ɛMacu 19:17

ɛYɛso gha ne yaak ɛbhɛ, “iKyee phɛ kɛ te ɛ phomos me daa ɛkɔn ɛyɛnɛng ngaa? ɛNyi ɛdaan zɔng ɛbhɛ so ɛyɛnɛng nga. Wu ˆɛ sim ˆɛ sɛ bhɛ lel ne iken ne inat de ne ˆɛ roos ikpii da.”

ɛMarakus 8:35

ɛHiha ɛnyi ne ɛ sim te aa phɔt iken ɛbhɛ de, aa ne wɔs iphɛ. ɛHaa ne ɛ kɛ ne wɔs iken ɛbhɛ de ɛlɔ me wo ne ibol iyɛnɛng ngge, aa ne sɛ iphɛ.

ɛYohana 1:47

Kɛ ne sɛ ɛYɛso gha yaang ɛNatanyɛl legha ɛ hyel ɛ phɛɛs ɛlɔ ɛbhɛ gha, ne ɛ boote daa ne ito ɛNatanyɛl de ɛ yɔng ngo, “Ji so ɛnyi niSɛrɛla ɛririk kɛghaa ɛ yaaso. Sɔng sɛɛ ji ta rip ɛbhɛ ɛdɛ ɛkɔn nang.”

ɛYohana 12:25

ɛNyi gha ne ɛ sim iken ɛbhɛ de, aa ne wɔs iphɛ, ɛhaa ne ɛɛ ne mbaray iken ɛbhɛ de ndɔ ɛzay yeghaa wo, yaa ne nang iphɛ idee ne inat.

ɛYakub 1:26

Wu ɛdɛ ɛnyi gha i wɛɛ te ɛ so ɛhaa ne roos ɛTaanggbey ye byirik ɛ kyi sang wum ɛnu ɛbhɛ, ɛ ne luk ito ɛbhɛ, iroos ɛbhɛ da ne so buu.

1 ɛBiturus 2:1

iPhɛ ɛlɛy, ne ɛ hosop ɛn nyini ne ibebhe de, ne irywɛɛk ga, ne iluk ga, ne waa irway da, gbik ne ivol ikpɛɛ da.

1 ɛBiturus 2:22

ɛWee ne iBol ɛTaanggbey yo kɛ boote da ɛKiriti gha ɛbhɛ yɔngɔ, “Sɔng ɛ kɛ mɔn ɛfɔt nang, sɔng kɛ ne ku phok ɛbhɛ ne irywɛɛk nang.”

Nikɔn ne kɛ Phaal 14:5

Sɔng kɛ ku phok irywɛɛk ɛnu nibhɛ nang, daa ɛli ne hame nibhɛ bok ɛkɔn ne tok.