1 ɛBiturus 2:7 - ɛWee ne ìTsɛm iHywas

⁷ Nyinɛn no ne ɛ kɛ ne nang ɛn ne itin nɛ wo, ikɛɛ yɛdee nggyɛ wo ne so nyini ɛkɔn ɛyɛnɛng. Ninyi na nɛ nibhɛ kɛ ne mbaray tang nang ne itin nɛ wo nang, “iKɛɛ de nɛ ninaa ne lɔl ijwee na kɛ ne mbaray yo, iphɛ kɛ ne kyii teye ɛkangashi yɛ.”

1 ɛBiturus 2:7 ပူးပေါင်းရင်းမြစ်များ

ɛMacu 21:42

ɛYɛso gha ne yaak nibhɛ, “Ɛ ku shɛɛ tang tɔng ɛn ɛkɔn na ne ɛWee ne iBol ɛTaanggbey yo bo lo naa? Ɛbhɛ bo, ‘iKɛɛ de nɛ ninaa ne lɔl ijwee na kɛ mbaray yo, iphɛ phɛ kɛ kyii teye ɛkangashi yɛ. ɛTaanggbey ɛbhɛ kɛ mɔn ɛlɛy, iphɛ ne so njwɛɛn ɛkɔn ne wɛɛ zii.’

ɛLuka 2:32

ˆƐ so ɛwɛwɛy ne ˆaa tɔɔl ninaa ne hame nibhɛ so niSɛrɛla na irway mo.” Ne ˆɛ hante ninyi mo niSɛrɛla ne ndiinday.

ɛLuka 2:34

ɛSimiyɔn na ne ji sit nibhɛ ne ɛwɛng, ɛ yaak ɛgyinɛ ɛbhɛ, ɛMɛri yegha, “ɛTaanggbey ya kɛ kasa ɛngɔn neghaa wo te ɛ teye ɛnkiinɛ ne kyibhɛse, ne ɛwoo ne iphɔrɔt nidɛng gbom ndɔ niSɛrɛla na. Ɛ sɛ́ ne teye ɛkɔn ne ɛ le daa ɛlɔ ɛTaanggbey nɛ ninyi sɛ́ mbaray.

ɛLuka 20:17

ɛYɛso gha ne yɛɛn nibhɛ, ne ɛ ji phom nibhɛ ɛ yɔngɔ, “Ɛ wɛɛ ɛn te ibol lɛdee wo ne kɛ haa ndɔ ne ɛWee ne iBol ɛTaanggbey yo i bo ɛlii? iBol de ne iphɛ bo, ‘iKɛɛ de nɛ ninaa ne lɔl ijwee na kɛ mbaray yo, iphɛ phɛ kɛ ne kyii teye ɛkangashi yɛwoo.’

ɛYohana 4:42

nibhɛ ne yaak ɛkuk ka, Sɔng njwi kɛ nang ne itin nɛ wo daa ɛkɔn na ne ɛ kɛ mɔng njwii wo nang, njwi kɛ nang ne itin nɛ daa ɛli njwit ne ito mos, njwi kɛ phok ɛbhɛ, njwi kɛ ne ji seng ɛtsak ɛbhɛ ɛ soye ɛHaa ne Phɔt ɛZay ya.

ɛTomɛ 26:19

“iPhɛ ɛlɛy, igyɛ ne ɛgɔm ɛGiripa, sɔng nggɛ ne mbaray me tang roos ibol ne iyuwa ɛdaa ne irywa de ne nggɛ yaang ngo nang.

iRooma 10:21

Daa ne ibol ninyi niSɛrɛla de ɛTaanggbey ya kɛ ne ta yɔngɔ, “Nggɛ phoo iroy gbik, nggɛ phaal ninaa ne sang roos ibol nge de gbik nɛ nisang-phok kɛ na wo ibɔ nge.”

iRooma 15:31

Boote ɛn ne ɛTaanggbey ya ɛli ne naa bhɛ sɛ iphɔrɔt ne iwɔ ninaa ne sang roos ne iYahudiya na, te iphyik ga ne n phɛɛs ne nang ne iYɛrushɛlɛm de bhɛ say ye ne irway ihwala ɛlɔ ninaa ne roos ɛlɔ yɛwo.

2 iKɔrɔntos 2:16

ɛLɔ ninaa nɛ nibhɛ ne so ne nkiinɛ ne iku wo, ɛnkyinkyɔp pɛghaa nggyɛ wo ne phɛlɛng te iku, mpɛ ne yɛɛs ne iku. ɛLɔ ninaa nɛ nibhɛ ne so ne nkiinɛ ne say iphɔrɔt da, ɛnkyinkyɔp pɛ ne phɛlɛng te iken, mpɛ ne yɛɛs ne iken. Ɛhay ɛbhɛ aa ne yɛɛ ne tɔɔk irighitik nikɔn nɛnaa woo?

iKɔlɔsi 2:10

ˆƐ kɛ ne ma te ɛn hyɔrɔ ndɔ ɛKiriti gha ne ɛbhɛ ɛ soye ɛndiinday ne ikpabyik ga gbik ne igbɔm ba.

ɛTitus 3:3

Njwɛɛn kaa ma tsa soye niwamang nɛ nisang-phok, ihyop nikɔn ɛzay de luk njwɛɛn, i teye nikpuru nibhɛ. Njwɛɛn ne yaa shɛɛ ishwɛɛ ne boos en ne irway ne ɛnkyis, ninyi i mbaray njwɛɛn, njwɛɛn ne ma i mbaray nibhɛ.

iBirani 11:31

Kaa lenɛ ne ìnang ne itin de, ɛRahaba ne ɛ kaa so ɛkuk ne re shwaa ne sɛ iphɔrɔt. Sɔng ne phoo ɛbhɛ nang, daa ɛli ne ɛ kaa say ninaa ne ta ɛduk ne ivel la tɛ nitaay.

iBirani 4:11

iPhɛ ɛlɛy, te njwɛɛn kyangkey yɛ gbom te bhɛ lel ndɔ ne ìfɔng ngɛdaa nggyɛ wo. Sɔng ɛdɛ ɛnyi shɛɛ tang bhɛ lel daa ɛli ne ɛ kɛ roos ngkɔɔl ninaa ne mbaray ibol ɛTaanggbey de nang.

1 ɛBiturus 1:8

Sɔng ɛ kaa ku yaang ɛn ɛYɛso ɛKiriti yegha nang, gbik ne iphɛ ɛlɛy, ɛɛ ne sim ɛn ɛbhɛ. Sɔng ɛɛ ta yaang ɛn ɛbhɛ ɛlyilyɛghaa wo nang, gbik ne iphɛ ɛlɛy, ɛ kɛ ne nang ɛn ne itin nɛ ne ɛbhɛ, ne ɛ bok ɛn irway ihwala ne ifɛ sang ɛgak, ɛ ta bok ɛn bok ndiinday,

1 ɛBiturus 2:4

Yɛɛs ɛn cɛcɛk ɛlɔ ɛbhɛ, ne ɛbhɛ so ikɛɛ ne iken de. iKɛɛ de nɛ ninyi na kɛ mbaray yo, ikɛɛ de ne ɛTaanggbey ya bo iphɛ ɛ nang ɛbhɛ ne ndiinday ne iphɛ phyin gbik ko.

1 ɛBiturus 2:8

Kɛ haa ndɔ ne ɛWee ne iBol ɛTaanggbey i bo, “iKɛɛ yɛdee wo iphɛ yaa teye ɛkɔn ne kyibhɛ, ne ɛkɔn ne hoghɛse ninyi.” iPhɛ ne so ɛlɛy ɛtsak! Ninyi na gbom kɛ kyibhɛ daa ɛli nɛ nibhɛ kɛ mbaray tang roos ibol ɛTaanggbey de. ɛLɛy ne kɛ ne ku ryɔng nibhɛ nɛ.