1 ɛBiturus 2:4 - ɛWee ne ìTsɛm iHywas

⁴ Yɛɛs ɛn cɛcɛk ɛlɔ ɛbhɛ, ne ɛbhɛ so ikɛɛ ne iken de. iKɛɛ de nɛ ninyi na kɛ mbaray yo, ikɛɛ de ne ɛTaanggbey ya bo iphɛ ɛ nang ɛbhɛ ne ndiinday ne iphɛ phyin gbik ko.

1 ɛBiturus 2:4 ပူးပေါင်းရင်းမြစ်များ

ɛMacu 11:28

“Yɛɛs ɛn ɛlɔ nge, nyinɛn no ne ɛ sɔ ɛn nggbang ngga nɛ nikɔn nɛ nibhɛ kɛ yɛbhɛsek nyini wo, naa ne nang nyini ifɔng.

ɛMacu 12:18

“ɛKpuru ngeghaa bɛ ne nggɛ kasa, nzi ne sim ɛbhɛ, nzi phok yɛnɛng ɛbhɛ. Naa sit ɛbhɛ ne ikabyik nge, aa ne tɔng ɛzay ya ibol ne iphɔrɔt de.

ɛMacu 21:42

ɛYɛso gha ne yaak nibhɛ, “Ɛ ku shɛɛ tang tɔng ɛn ɛkɔn na ne ɛWee ne iBol ɛTaanggbey yo bo lo naa? Ɛbhɛ bo, ‘iKɛɛ de nɛ ninaa ne lɔl ijwee na kɛ mbaray yo, iphɛ phɛ kɛ kyii teye ɛkangashi yɛ. ɛTaanggbey ɛbhɛ kɛ mɔn ɛlɛy, iphɛ ne so njwɛɛn ɛkɔn ne wɛɛ zii.’

ɛYohana 14:19

Yaa phyɔngɔle ncɛt sɔng ɛzay ya yaa ne tɔ yaang me nang. Aa ne i yaang ɛn mɛɛn daa ɛli ne nzo ɛken, aa ne ma shɛɛ ɛn niken na.

ɛYohana 14:6

ɛYɛso gha ne kyii nɛ ɛ yaak ɛbhɛ, “Mee nzo ɛnkiinɛ wo ne itin de gbik ne iken de. Sɔng ɛnyi yaa phɛ ɛlɔ ɛKyɛɛ gha tang roos ɛlɔ nge gha nang.

ɛYohana 5:26

ɛLi ne ɛKyɛɛ gha bok ito ne nang iken de ndɔ ɛbhɛ wo, ɛ kɛ ne ma nang ɛNgɔn na ito ne nang iken de ndɔ ɛbhɛ ne mang.

ɛYohana 5:40

Gbik ne iphɛ ɛlɛy, sɔng ɛ kɛ ne sim ɛn ɛ yɛɛs ɛn ɛlɔ nge gha ɛ say ɛn iken inat de nang.

ɛYohana 6:37

Gbik ninyi na ne ɛKyɛɛ nge gha kɛ ne ku nang me wo, nibhɛ yaa ne yɛɛs ɛlɔ nge gha, ɛhiha ɛnyi ne ɛ kɛ ne yɛɛs ɛlɔ nge gha sɔng naa ne mbaray me ɛbhɛ nang.

ɛYohana 6:57

ɛLi ne iphɛ so wo, ɛKyɛɛ nge gha ne ɛ so iken na, ɛ kɛ tom me, ne nzo ɛken daa ɛli ne ɛkyɛɛ nge gha so ɛken, ɛlɛy ne mang, ɛhiha ɛnyi ne ɛ kɛ re ibek nge de, naa te ɛbhɛ ɛ shɛɛ ɛken.

iRooma 5:10

Kaa kyii ryɔng njwɛɛn ne ɛTaanggbey ya nten de ne njwɛɛn kaa tɔ ninaa ne iphup ɛbhɛ lenɛ ne iku ɛNgɔn ɛbhɛ. ɛLyilyɛghaa wo, njwɛɛn kɛ ne ji teye nitaay ɛbhɛ, njwɛɛn sɛ ne phɔrɔt lenɛ ne iken ɛNgɔn ɛbhɛ de!

1 iKɔrɔntos 3:11

daa ɛli ne sɔng ɛnyi ma yung sonɛ ne aa ta yɛɛ ne see ɛhak ɛtum kang ne ɛwoo ne kɛ ku see wo nang, kaabi ɛtum mo ne ɛbhɛ soye ɛYɛso ɛKiriti gha.

iKɔlɔsi 3:4

Sɛ ne sɛ ɛKiriti gha ne ɛbhɛ ɛ soye iken mon de kɛ tɔɔl le, ˆɛ sɛ ne ma tɔɔl nyini ne ɛbhɛ ndɔ ne ito-ndiinday ɛbhɛ de.

1 ɛBiturus 1:19

Kɛ yang say nyini nɛ neyi ɛYɛso ɛKiriti na nɛ nibhɛ ku phyin ne ndiinday gbik. ɛYɛso ɛKiriti gha ne so te ɛngɔn ne pharak ne hap itsanga, byirik, wɛlɛng ɛkɔn ne tok.

1 ɛBiturus 1:7

Nggbang ngga kɛ yɛɛs nyini te mpɛ tɔɔrek iwɛwɛy ne ìnang ne itin mon da. I tɛɛsek iwɛwɛy ne izinariya de ne iphɛ so ɛkɔn na ne iphɛ yaa phyɔngɔle iphɛ taal le wo ne igboo. ɛLɛy ne i ne ma tɛɛsek iwɛwɛy ne ìnang ne itin mon de ne iphɛ phyin izinariya de ne ndiinday. ɛLɛ wo ne ìnang ne itin mon nɛdaa wo sɛ ne yɛɛs nyini ne idɛp, ne ndiinday, gbik ne igbom ɛtuk ka ne sɛ phaal ɛYɛso ɛKiriti yegha te igbagha ɛzay yo gbik yaang ɛbhɛ.

1 ɛBiturus 2:7

Nyinɛn no ne ɛ kɛ ne nang ɛn ne itin nɛ wo, ikɛɛ yɛdee nggyɛ wo ne so nyini ɛkɔn ɛyɛnɛng. Ninyi na nɛ nibhɛ kɛ ne mbaray tang nang ne itin nɛ wo nang, “iKɛɛ de nɛ ninaa ne lɔl ijwee na kɛ ne mbaray yo, iphɛ kɛ ne kyii teye ɛkangashi yɛ.”

2 ɛBiturus 1:1

ɛWee yɛwoo wo le ɛlɔ ɛSimɔn ɛBiturus ne ɛbhɛ ɛ so ɛkpuru ne ɛngɔn ne tom ɛYɛso ɛKiriti. Ɛbhɛ phɛɛs ɛlɔ ninyi ne kɛ lenɛ ne icik ɛTaanggbey ne ɛhaa ne phɔt njwɛɛn ɛYɛso ɛKiriti nibhɛ say ìnang ne itin ne iphɛ shɛs ne yɛnɛng te idee mos.

2 ɛBiturus 1:4

Kɛ ne lenɛ nɛ nikɔn nɛnaa wo ɛTaanggbey ya ne nang njwɛɛn ibol ɛbhɛ ne ɛ kɛ ku sim-mɛ, ne iphɛ shɛs ne yɛnɛng gbom. Te ne lenɛ ne nibhɛ te ɛ yɛɛ ne shɛɛ ɛn ne ɛbhɛ ndɔ ne iTaanggbey ɛbhɛ, ɛ ta phɔrɔt ɛn ndɔ ibebhe ɛzay de ne ihyop ne ibek ge i hɔ wo.