1 ɛBiturus 2:24 - ɛWee ne ìTsɛm iHywas

²⁴ ɛKiriti gha ne ito ɛbhɛ, ɛ kɛ bo ɛfɔt njwɛɛn no ne ibek ɛbhɛ daa ne ihon ne gangat te njwɛɛn te te ikpom ne kɛ ɛlɔ ne ɛfɔt to, kaabi ɛlɛy njwɛɛn so niken i ihywel icik. Te ɛli ne kɛ haa i bo, “Kɛ lenɛ ne inuu de ne kaa yaak ɛKiriti yegha nɛ wo, ɛ kɛ ne tes ɛn niken.”

1 ɛBiturus 2:24 ပူးပေါင်းရင်းမြစ်များ

ɛMacu 8:17

Kaa mɔn ɛlɛ wo te shwaak ibol de ne ɛnɛbi ɛShaa gha kaa boote ɛ yɔngɔ, “Ɛ kɛ tul njwii ndɔ irɔ mos ne ɛ bo ishwa mos.”

iRooma 6:11

ɛLɛy ne mang, nɛ ma bo ɛn ito mon de te ikom ne kɛ hosop iphɛ ne iken daa ne ihwet ne ɛfɔt da, kaabi ɛlɛy ne ɛ so ɛn niken ndɔ ɛTaanggbey lenɛ ne ɛYɛso ɛKiriti.

Nikɔn ne kɛ Phaal 22:2

iNɛn ne ihywel da i tel ɛceree ne ɛnkiinɛ ɛgbaang ɛgarang ngo. ɛHon ne nang iken ne so ne ihoo iwap ne ihywel lo. ɛHon ne Nang iKen na i yɛk ikpam ɛte ɛnduwubɔ ne ifɛ ifaa ne ishay. Ɛ yɛk ikpam ba ɛdaan ifɛl. iBee ɛhon de ne so te iphɛ tes igbagha ɛzay yo gbik niken.

1 ɛYohana 2:29

Wu ɛ yɛɛ ɛn wu ɛKiriti gha so cik ko, ˆaa ne seng ɛn wu ɛnyi gha ne ɛ mɔn nikɔn nicik ka ɛ soye ɛngɔn ɛTaanggbey.

ɛYakub 5:16

iPhɛ ɛlɛy, te ɛrɔngɔ ne i tɔng ɛrɔngɔ ɛfɔt ɛbhɛ, te ɛrɔngɔ i boote ne ɛTaanggbey ya daa ɛrɔngɔ, te i tes nyini niken. iBoote ne ɛTaanggbey ya ne ɛnyi ɛcik ka kɛ boote wo bok ihwet, ifɛ i ne ta mɔn ɛtomɛ gbom.

iBirani 9:28

ɛLɛy ne iphɛ ne ma so, kɛ ne nang ɛKiriti yegha ɛdaan zɔng te ɛ bo ɛfɔt ninyi gbom. Ɛ sɛ ne ta bhɛ kyii, ikyii ne ifaa yɛ, sɔng te ɛ ta ba ɛfɔt to nang, ɛ sɛ yang bhɛ kyii te ɛ phɔt ninaa nɛ nibhɛ hyep ɛbhɛ wo.

iGalatiya 3:13

Njwɛɛn kɛ phɔrɔt ndɔ ɛkawɛy ɛShara ɛMuusaa gha daa ɛli ne ɛKiriti gha kɛ phɔt njwɛɛn ndɔ ɛkawɛy ya lenɛ ne ɛ kɛ teye ɛhaa ɛkawɛy ya ɛlɔ njwɛɛn. Daa ɛli ne kɛ haa i bo: “Gbik ɛnyi gha ne kɛ gangat ɛbhɛ daa ne ihon no, ne ɛ soye ɛhaa ɛkawɛy.”

iRooma 6:2

Kwa! Kɛ hosop njwɛɛn ne ɛfɔt to te ɛli ne kɛ hosop ikom ne iken, yaa ne ta mɔn ɛli njwɛɛn tɔɔ shɛɛ niken na nɛ ndɔ yɛwoo?

iKɔlɔsi 3:3

Daa ɛli ne ˆɛ kɛ ku ku ɛn, kɛ ne rɛɛ iken mon de ne ɛKiriti gha ndɔ ɛTaanggbey.

iRooma 6:13

Sɔng ɛ nang ɛn nilɔ ne ibek mon na ndɔ ne ɛfɔt to nibhɛ teye nikɔn ne mɔn ibebhe de nang. Yang nang ɛn ɛTaanggbey yegha ito mon gbik tɛ ninyi ne kɛ tul nibhɛ ndɔ ne iku i phɛ nɛ ndɔ ne iken. Nang ɛn ɛTaanggbey ye nilɔ ne ibek mon na tɛ nibhɛ teye nikɔn nitomɛ nicik.

ɛYohana 1:29

Kɛ ne cwiil ne ihwɛlɛ ɛYohana gha ne yaang ɛYɛso yegha ɛ yaaso ɛlɔ ɛbhɛ, ne ɛ yaak ninyi na, “Yaang ɛn ɛNgɔn ne ɛpharak ɛTaanggbey yɛghaa nggyɛ ne ɛ kɛ bo ɛfɔt ɛzay yo.

iRooma 7:6

ɛLyilyɛghaa wo, njwɛɛn kɛ ne sɔrɔt ndɔ ne iMɛmɛ ɛMuusaa da daa ɛli ne njwɛɛn kɛ ku ɛlɔ ɛkɔn na ne ɛ kaa rop njwɛɛn no. iPhɛ ɛlɛy njwɛɛn kɛ ne yaa re ɛTaanggbey yegha ntsong ngga ndɔ ne ɛnkiinɛ ɛphas ne ikabyik ge kɛ yɛɛs nɛ, sɔng ndɔ ne ɛnkiinɛ ɛtɛl lo ne iMɛmɛ ɛMuusaa da kaa nang ngo nang.

1 ɛYohana 3:7

Nyinɛn ninɔn nge ne nzi sim, sɔng ˆɛ tek ɛn ɛnyi luk nyini nang. Gbik ɛnyi gha ne ɛ mɔn nikɔn nicik ka ne ɛ so ɛnyi ɛcik ɛli ne ɛKiriti gha so cik ko.

iRooma 6:7

I sɛ ɛnyi gha kɛ ku wo ɛ kɛ ne sɔrɔt ndɔ ne iwɔ ne ɛfɔt to.

iRooma 6:16

Ɛ doo ɛn ɛli ne ɛnyi gha i teye ɛkpuru ɛkɔn na ne ɛ kɛ ku kasa aa roos ibol ɛbhɛ dee? Ɛ ɛnyi gha sɛɛ yɛɛ ne teye ɛkpuru ne ɛfɔt ta ne ɛbhɛ yɛɛs ne iku, ɛnyi gha ne ta yee ne teye ɛkpuru ne roos ibol ɛTaanggbey ne iphɛ yɛɛs ne ihywel icik.

2 iKɔrɔntos 6:17

iPhɛ ɛlɛy wuru ɛn ndɔ nibhɛ, hobhos ɛn nyini nɛ nibhɛ, n phok ɛTaanggbey ya. Sɔng ɛ dat ɛn ibebhe nang, ɛlɛy naa ne ji say nyini.

ɛTomɛ 5:30

Ɛ kɛ phoo ɛn ɛYɛso yegha, daa ɛli ne ɛ kɛ gangat ɛn ɛbhɛ dak ne ihon. Nɛ so ɛTaanggbey ya ne ɛ so ɛTaanggbey nikyɛɛ nikyɛɛ mos, ɛbhɛ kɛ yiisik ɛYɛso yegha tsik ndɔ ne ikpuu da.

ɛLuka 4:18

“iKabyik ɛDaray de so daa mee, daa ɛli ne ɛbhɛ kɛ kasa me, te n tɔng nihala ninyi ibol iyɛnɛng ngge. Ɛ kɛ ne tom me te n yaak ninyi na ne kɛ robhos so, wu yaa biisi nibhɛ. Wu yaa ne phaasel niwil la irwisɛ. Te n phyik ninyi na ne i kɛ nggbɛɛt to.

ɛMacu 5:20

Nzi bok nyini, wu ɛ kɛ sang hyel ɛn cik ɛ phyin ɛn niFarisawa na nɛ ninaa ne kpɛl ɛShara gha, ɛtsak kɛ sɔng ɛ sɛ ne bhɛ lel ɛn ne igbɔm ɛdaa ne irywa da nang.

iBirani 12:13

Hyel ɛn ne nkpiinɛ mon da cik, ɛlɔ ne ita mon de ne iphɛ rɔ wo yaa yung hante ne te kyɔkyɔt, te iphɛ yang te iken.

ɛTomɛ 13:29

Ne sɛ nibhɛ kɛ mɔn ɛYɛso yegha ɛli ne ɛWee ne iBol ɛTaanggbey yo kɛ ku bol lo, nibhɛ ne ji ɛtura ɛbhɛ daa ne ihon no nibhɛ bhɛ rɛɛ ɛbhɛ ndɔ ne ikpuu.

ɛTomɛ 10:35

ɛTaanggbey ya phok iyɛnɛng ɛhiha ɛnyi ne ɛ phok ɛnik ɛbhɛ ɛ ta hyel cik ndɔ ne igbagha ɛzay yo gbik.

iBirani 7:26

ɛYɛso gha ɛbhɛ ne ɛ soye ihywee ne ɛGbaang ɛGɔm Nibo gha ne njwɛɛn i sim. iHywee de ne aa nang njwɛɛn nikɔn na nɛ nibhɛ yaa hɔn njwɛɛn. Ɛ ku so kang, wɛlɛng ɛfɔt, ne ɛkɔn ne tok, kɛ tul ɛbhɛ ndɔ ninaa ne ɛfɔt ta, kɛ nang ɛbhɛ ne ndiinday i phyin irywa gbik.

iKɔlɔsi 2:20

ˆƐ kɛ ku ɛn ne ɛKiriti gha, kɛ ne phɔt nyini ndɔ ne ihwet ne ikpabyik ɛzay yɛdaa wo. iKyee iphɛ kɛ ne te ˆɛ shɛɛ ɛn te ˆɛ tɔɔ ɛn nyini ninaa ɛzay yaa? iKyee iphɛ kɛ te ˆɛ kɛ nang ɛn itso mon da daa ne ikpii ɛzay yɛdaa woo?

iRooma 6:22

ɛLyilyɛghaa wo, kɛ ne tul nyini ndɔ ne ɛfɔt to, ɛ kɛ te ɛn nyini ne nikpuru ɛTaanggbey. ɛWɛng nga ne ɛ sɛ ɛn ndɔ ne ishwɛɛ yɛdaa daa wo ne i te ɛ shɛɛ ɛn iwɛwɛy, iphɛ sɛ ne ta nang nyini iken ne inat.

ɛTomɛ 10:39

“Njwit to, njwi kaa ne sonɛ njwi yaang nikɔn na ne ɛYɛso gha kɛ mɔn ne iYahudiya de gbik ne iYɛrushɛlɛm be. niYahodawa na kaa ne phoo ɛYɛso yegha nibhɛ gangat ɛbhɛ dak ne ihon.

ɛMacu 27:26

ɛBilatus sa ne ji tul nibhɛ ɛBarabas segha ndɔ ne nyang ngge. Ne ji sɛ ɛ kɛ hal ɛYɛso yegha, ne ɛ ji nang nibhɛ ɛbhɛ, te nibhɛ bhɛ gangat ɛbhɛ.

iFisus 5:9

Daa ɛli ne iwɛwɛy de iphɛ i yɛɛs nɛ nikɔn niyɛnɛng, ne ishwɛɛ cik, gbik ne itin ne ibol.

ɛYohana 19:1

ɛBilatus sa ne bhɛ bo ɛYɛso yegha ɛ yɛk ngɛ i hal ɛbhɛ.

iFilibi 1:11

Te ishwɛɛ mon da te hyɔrɔ nɛ nitomɛ nicik nɛ nibhɛ i le ɛlɔ ɛYɛso ɛKiriti, te i sɛ nang ɛTaanggbey yegha ne ndiinday i ta dɛp ɛbhɛ.

ɛMarakus 15:15

ɛBilatus sa ne i sim te ɛ sɛ laasek nibhɛ irway, iphɛ ɛlɛy yang, ne ɛ biri ɛBarabas segha ndɔ ne nyang ngge ɛ tek ɛbhɛ. Ne ɛ ji yɛk ngɛ lɛng ɛYɛso yegha, ɛ ji nang nisooja ɛbhɛ wu tɛ nibhɛ bhɛ gangat ɛbhɛ.

1 iKɔrɔntos 15:3

ɛKɔn na ne ɛ shɛs gbik ndɔ nikɔn na ne nggɛ say yo ɛbhɛ ne nzi ne ma tɔng nyini. Ɛbhɛ ghaa lɛ, ɛKiriti gha kaa ku ɛlɔ ne ɛfɔt njwɛɛn, ɛli ne kɛ haa ndɔ ɛWee ne iBol ɛTaanggbey yo,

iKɔlɔsi 2:14

ɛTaanggbey ya kɛ bunga nikɔn na nɛ nibhɛ i naas ishɛɛda de wu njwɛɛn kɛ ben iMɛmɛ ɛMuusaa da. Ɛ kɛ bo nibhɛ ɛ yɛk ndɔ ne ɛKiriti gha ɛbhɛ gangat daa ne ihon ne gangat.

iBirani 10:5

iPhɛ phɛ kɛ te kaa sɛ ɛKiriti gha yaaso ndɔ ɛzay ya, ne ɛ yɔngɔ: “Sɔng nikɔn ne hap itsanga, ne izɛɛng ngge ne ɛ sim nang, ˆɛ kɛ ryɔng me ibek nge te hap ne itsang de.

iBirani 10:10

Daa ɛli ne ɛKiriti gha kɛ mɔn ɛkɔn na ne ɛTaanggbey ya i sim mo, kɛ ne tul njwɛɛn kang lenɛ ne ɛYɛso ɛKiriti gha i nang ibek ɛbhɛ de te hap ne itsanga de ɛdaan na zɔng ngo.