1 ɛBiturus 2:23 - ɛWee ne ìTsɛm iHywas

²³ Kaa sɛ ninyi na i towos ɛbhɛ wo, sɔng ne ɛ kyii ne ɛkɔn nang. Kaa ne sɛ ɛ sɔ nggbang, sɔng ne ɛ yɔng wu yaa tal nang. Ɛ kaa yang ku sit irwisɛ ɛbhɛ daa ɛTaanggbey ne ɛbhɛ so ɛhaa ne bol ɛshara cik.

1 ɛBiturus 2:23 ပူးပေါင်းရင်းမြစ်များ

1 ɛBiturus 4:19

iPhɛ ɛlɛy, ninyi na nɛ nibhɛ ne sɔ nggbang ngga daa ɛli nɛ nibhɛ mɔn ɛkɔn na ne ɛ so icwas ɛTaanggbey da, tɛ nibhɛ ne see ito ne mɔn ɛkɔn ɛyɛnɛng, nibhɛ tek irway nibhɛ ndɔ ne iwɔ ɛTaanggbey yo ne ɛbhɛ kɛ ryɔng nibhɛ, ɛ so sɛɛ kyinak daa ne ibol ɛbhɛ.

iBirani 12:3

Yung tas ɛn ne ɛYɛso gha ne ihywee ɛbɔk ge ne ɛ kɛ bo daa ne mbaray da nɛ ninaa ne ɛfɔt ta kɛ mbaray ɛbhɛ wo! iPhɛ ɛlɛy sɔng ne ɛ te ɛn kpos, ɛ tul ɛn irway nang.

ɛTomɛ 4:29

“ɛDaray, yaang ɛli nɛ nibhɛ ta sim nibhɛ yaa ring njwii ne ɛtomɛ gha. Nang nikpuru mo na irway nviit ne tɔng ibol mo de tang ɛnik.

2 ɛTimɔti 4:8

ɛLyilyɛghaa wo, kɛ ne tek me ɛkɔn ne ito ne igbɔm ne ihywel cik ne ɛbhɛ ɛ so ilong nge. ɛDaray ya ne soye ɛhaa ne bol ɛshara ne ɛcik ka sɛ nang me ɛkɔn ne ito yɛghaa nggyɛ wo ɛTuk ɛDaray ya. Sɔng nɛ some zɔng nang, gbik nɛ ninyi na nɛ nibhɛ hyep nibhɛ has irway tɛ nibhɛ yaang ɛli ne ɛDaray yaa tɔɔl le wo.

2 ɛTimɔti 1:12

ɛKɔn nɛghaa wo ɛbhɛ kɛ te nzi sɔ nggbang ngga ne nzi sɔ wo. Gbik ne iphɛ ɛlɛy, sɔng ne n bok ncwa yɛ nang, daa ɛli ne nzi yɛɛ ɛhaa ne nggɛ nang ne itin nɛ ne ɛbhɛ, nzi ne yɛɛ ncɛncɛng aa yɛɛ ne hyep ɛkɔn na ne ɛ kɛ tek me nɛ ne iwɔ wo ɛTuk ɛDaray ya phyii tuu.

ɛLuka 23:46

ɛYɛso gha ne yel-le ne ɛgbaang ne izɔlɔs, ɛ yɔngɔ, “ɛTaa, nggɛ tek iken nge de ndɔ ne iwɔ mo.” Kɛ ne sɛ ɛ kɛ boote ɛlɛ wo nang, ifɔng ɛbhɛ da ne ji wuru.

Nikɔn ne kɛ Phaal 19:11

Ne n yaang irywa wo phere, ɛrɔghɔ sonɛ. I bok ɛsaa yɛ ɛHaa ne sɛ Kyinak ne iBol ɛbhɛ ne ɛHaa ne iTin. Ɛ ne bol ɛshara ɛbhɛ gha ne itsom ɛbhɛ de cik.

1 ɛBiturus 3:9

Sɔng ɛ tal ɛn ibebhe de ne bebhe de nang. Sɔng ne ɛ ta tal ɛn tok ge ne tok ge nang. Yang sit ɛn nibhɛ ne ɛwɛng, daa ɛli ne ɛTaanggbey ya kɛ yel-le nyini te ɛɛ mɔn ɛn ɛlɛ wo, te ɛ sɛ ɛn ɛwɛng.

2 iTasɔlɔnika 1:5

Gbik ɛkɔn nɛghaa wo kɛ tɔɔrek wu ɛshara ɛTaanggbey ya so cik. iPhɛ kɛ ne ta tɔɔrek wu ɛ kɛ hɔn ɛn ɛ sɛɛ shɛɛ ɛn ndɔ ne igbɔm ɛTaanggbey da, daa ɛli ne ibol ne igbɔm ba ne ɛ sɔ ɛn ne nggbang ngga.

iFisus 6:9

Nyinɛn nikyɛɛ ne ijwee na, ne ˆɛ mɔn ɛn nikpuru mon ɛlɛy, sɔng ˆɛ baasek nibhɛ ɛnik ko nang. Daa ɛli ne nyinɛn no nɛ nibhɛ wo gbik ˆɛ bok ɛKyɛɛ ne ijwee ɛdaan nɛ daa ne irywa, sɔng ne ɛ bok sim ito nang.

iRooma 2:5

Ɛ bok ito ihet ne irway gɛgɛy, ɛ ne waa ito mo ɛndok ɛTaanggbey, ne iphɛ sɛ phaal le ɛtuk ne njenjek ɛTaanggbey ya, ɛtuk ka ne sɛ tɔɔrek ɛli ne ɛTaanggbey ya i hyɛ ɛshara ɛbhɛ gha cik ko.

ɛTomɛ 17:31

ɛTaanggbey ya kɛ ku yɛk ne ɛtuk ne ɛ sɛ bol ɛzay gbik ɛshara ne itin. Ɛ kɛ ne kasa ɛYɛso ye ɛbhɛ so ɛnyi gha ne ɛ sɛ bol ninaa ɛzay ya ɛshara gha. ɛTaanggbey ya kɛ ne tɔɔrek ninyi ɛzay ya ibol lɛdee wo ywɛywɛy ɛli ne ɛ kaa yiisik ɛYɛso yegha tsik ndɔ ne ikpuu da.”

ɛTomɛ 9:1

ɛShawulu gha kaa ma tɔ baasek ninaa ne roos sa nggbang ngga ɛ sim ɛli ne aa phobho nibhɛ. Ne ɛ phɛ ɛlɔ ɛgɔm nibo gha,

ɛLuka 23:9

iPhɛ ɛlɛy yang, ɛHyiridus sa ne phomos ɛYɛso yegha nikɔn na, sɔng ɛYɛso gha ne kyii ɛbhɛ ibol nang.

ɛTomɛ 7:59

Kɛ ne sɛ nibhɛ phengɛ ɛSitivin ne gha, ne ɛ roo ɛ yɔngɔ, “ɛDaray ɛYɛso, say iken nge.”

ɛLuka 23:41

Njwit to nang, i tal njwii ne ɛkɔn na ne njwi kɛ mɔn, njwii saasel iphɛ. Ɛbhɛ wo sɔng ɛ kɛ ne mɔn ɛkɔn ɛbebhe nang.”