1 ɛBiturus 2:21 - ɛWee ne ìTsɛm iHywas

²¹ Daa ɛkɔn nɛghaa wo ne ɛTaanggbey ya kɛ yel-le nyini nɛ. Ɛ kɛ yel-le nyini te ɛ sɔ ɛn nggbang ngga ɛli ne ɛKiriti gha kɛ ma sɔ ɛlɔ mon na. ɛLɛ wo ne ɛ kɛ ne tek nyini ne ngkɔɔl lɛ ne aa roos ɛn.

1 ɛBiturus 2:21 ပူးပေါင်းရင်းမြစ်များ

1 ɛYohana 2:6

Gbik ɛnyi gha ne ɛ bo wu so ndɔ ɛTaanggbey ya, iphɛ ne so nggbinggbing ɛ hyel ihywel da ɛli ne ɛYɛso ɛKiriti gha kɛ hyel lo.

ɛMacu 16:24

ɛYɛso gha ne ji yaak ninɔn ne icwam ɛbhɛ na, “Gbik ɛnyi gha ne ɛ sim aa roos me wo, te ne ɛ mbaray ito ɛbhɛ, ɛ tɔɔk ihon ne gangat ɛbhɛ ɛ kungus me nɛ.

ɛYohana 13:15

Nggɛ tɔɔrek nyini ɛkɔn ne aa mɔn ɛn, te ɛ ma mɔn ɛn ɛli ne nggɛ mɔn nyini nɛ wo.

iFisus 5:2

Shɛɛ ishwɛɛ ne ishwim ɛli ne ɛKiriti gha kɛ sim njwɛɛn no, ɛ phyii nang ito ɛbhɛ de ɛlɔ njwɛɛn na te ɛkɔn ne hap itsanga gha ne ɛ bok ɛnkyinkyɔp ɛyɛnɛng nga ne kɛ hap ɛTaanggbey yegha ne itsanga de.

1 ɛYohana 3:16

ɛLɛ ne njwɛɛn i seng ɛli ne ishwim ba so: ɛYɛso gha kɛ nang iken ɛbhɛ ɛlɔ njwɛɛn. iPhɛ ne so nggbinggbing njwɛɛn ma nang iken njwɛɛn de ɛlɔ nigwaa njwɛɛn na.

1 ɛBiturus 2:24

ɛKiriti gha ne ito ɛbhɛ, ɛ kɛ bo ɛfɔt njwɛɛn no ne ibek ɛbhɛ daa ne ihon ne gangat te njwɛɛn te te ikpom ne kɛ ɛlɔ ne ɛfɔt to, kaabi ɛlɛy njwɛɛn so niken i ihywel icik. Te ɛli ne kɛ haa i bo, “Kɛ lenɛ ne inuu de ne kaa yaak ɛKiriti yegha nɛ wo, ɛ kɛ ne tes ɛn niken.”

1 iKɔrɔntos 11:1

Ne ɛ roos ɛn ngkɔɔl nge da ɛli ne nzi ma roos ngkɔɔl ɛKiriti da.

1 ɛBiturus 4:1

Daa ɛli ne ɛKiriti gha kɛ sɔ nggbang ngga ne ibek ge, ne ɛ ma bo ɛn icwas sɛdaa wo te ɛ rop ɛn iku ɛli ne aa sɔ nggbang ngga te ɛbhɛ wo. Nzo gbik ɛnyi gha ne ɛɛ sɔ nggbang ngga ɛ so ɛnyi ne ɛ mbaray ɛfɔt.

iFilibi 2:5

Te icwas mon da ma so ihywee ne icwas ɛYɛso ɛKiriti da.

ɛMacu 11:29

Nang ito mon ndɔ ne ikpii nge da tɛ nɛ mɛmɛ ɛn nɛ ne mee. Nzo lyaak, ne n da so hywɛɛ, aa ne sɛ ɛn ifɔng ndɔ ne irway mon.

iRooma 8:29

Ninyi na ne ɛTaanggbey ya kaa ku yɛɛ ne ile de ɛ kaa ku kasa nibhɛ tɛ nibhɛ te tɛ ɛNgɔn ɛbhɛ, te ɛNgɔn na ɛbhɛ ji teye ɛngɔn ɛkɔɔn nɛ ndɔ nigwaa ɛbhɛ na nɛ nibhɛ so gbom mo.

ɛTomɛ 14:22

Nibhɛ ne kpɛng ninaa ne roos sa nibhɛ te nibhɛ itsɔngɔl gɛgɛy wu tɛ nibhɛ ma boos ìnang ne itin de gɛgɛy. Nibhɛ bok nibhɛ, “iPhɛ so sɔ nggbinggbing njwɛɛn sɔ nggbang gbom nyɛɛn njwɛɛn kyi bhɛ lel ne igbɔm ɛTaanggbey ba.”

1 ɛBiturus 3:18

ɛLɛy ne iphɛ kaa ne so daa ɛKiriti gha. Ɛ kaa so cik ne ɛ ku ɛlɔ ninyi nɛ nibhɛ sang so cik. Ɛ kaa ku ɛlɔ ne ɛfɔt ɛdaan zɔng te ɛ phɛ nɛ nibhɛ ɛlɔ ɛTaanggbey. Kaa phoo ɛKiriti yegha ndɔ ne ibek, ne yiisik ɛbhɛ ndɔ ne ikabyik.

ɛMacu 10:38

Gbik ɛnyi gha ne ɛ kɛ ne sang bo itson ne gangat ɛbhɛ de ɛ kungus me nɛ wo, sɔng ɛ kɛ ne hɔn ɛ sɛɛ soye ɛhaa nge nga nang.

1 ɛBiturus 3:9

Sɔng ɛ tal ɛn ibebhe de ne bebhe de nang. Sɔng ne ɛ ta tal ɛn tok ge ne tok ge nang. Yang sit ɛn nibhɛ ne ɛwɛng, daa ɛli ne ɛTaanggbey ya kɛ yel-le nyini te ɛɛ mɔn ɛn ɛlɛ wo, te ɛ sɛ ɛn ɛwɛng.

ɛYohana 16:33

“Nggɛ tɔng nyini nikɔn nɛnaa wo te ɛ bok ɛn irway ne laal ndɔ me wo. Aa sɔ ɛn nggbang ndɔ ɛzay ya. Nzi ne bok, te ɛn irway nviit daa ɛli ne nggɛ ku phoo ɛzay ya nɛ.”

Nikɔn ne kɛ Phaal 12:11

Nibhɛ kɛ re ɛwɛng nga ne ɛhaa ne banga ikun njwɛɛn na, lenɛ nɛ neyi ɛNgɔn ne ɛpharak ka, gbik ne ishɛɛda nɛ nibhɛ kɛ nang. Gbik ɛli ne kɛ tɔk te yaa phoo nibhɛ wo, nibhɛ ne jung nang iken nibhɛ, kɛ sim nibhɛ ku.

iBirani 2:10

ɛTaanggbey ya ɛbhɛ ɛ kɛ ryɔng nikɔn na gbik, nikɔn na ne sonɛ gbik tɛ nibhɛ nang ɛbhɛ ne ndiinday. ɛTaanggbey ya i sim te ɛ sɛ nang ninɔn ɛbhɛ na nɛ nibhɛ so gbom mo ne ndiinday. iPhɛ ɛlɛy, iphɛ kɛ jam mɛ ɛ te ɛYɛso yegha ne ɛbhɛ ɛ so ɛndiinday ne iphɔrɔt ta, ɛ te hyɔrɔ lenɛ ne nggbang ngga ne ɛbhɛ ɛYɛso gha kɛ sɔ wo.

2 ɛTimɔti 3:12

ɛTsak, gbik ɛhiha ɛnyi ne ɛ sim te aa shɛɛ ihywee ne ishwɛɛ da ne ɛTaanggbey ya sim ndɔ ɛYɛso ɛKiriti gha, aa ne sɔ nggbang.

1 ɛBiturus 1:20

Ɛbhɛ ne ɛTaanggbey ya kaa ku kasa ɛli ne tang ryɔng ɛzay ya, kɛ ne ma ji phaal ɛbhɛ nten ɛtsim mɛdee wo daa ne ibol mon.

1 iTasɔlɔnika 4:2

Daa ɛli ne ˆɛ yɛɛ ɛn ɛkɔn na ne njwi kɛ mɛmɛ nyini nɛ wo le ɛlɔ ɛDaray ɛYɛso.

1 iTasɔlɔnika 3:3

ɛLɔ ne nggbang ngɛdaa wo yaa yung te ɛdɛ mon ɛ tul irway. Nyinɛn no ne ito mon ˆɛ ku yɛɛ ɛn wu kɛ ku ryɔng njwɛɛn nggbang ngɛdaa wo.

ɛTomɛ 17:3

Ɛ kpɛl nibhɛ nɛ, ɛ tɔɔsel nibhɛ ɛli ne phɛ ku so nggbinggbing ɛKiriti gha sɔ nggbang ngga ɛ kyi ta yilitsik ne ikpuu da. Ne ɛ ta yaak nibhɛ, “ɛYɛso yeghaa wo ne nzi tɔng nyini ibol ɛbhɛ de, ɛbhɛ so ɛKiriti gha.”

ɛTomɛ 9:16

Na tɔɔrek ɛbhɛ nggbang ngga ne iphɛ so ngbingbing ɛ sɔ mpɛ ɛlɔ me wo.”

ɛLuka 24:26

iPhɛ so nggbinggbing ɛKiriti gha sɔ nggbang ngɛdaa nggyɛ wo nyɛɛn ɛ kyi lel ndɔ ne ndiinday ɛbhɛ de!”

1 ɛBiturus 4:13

Yang yɛk ɛn irway ihwala, daa ɛli ne ɛɛ ma sɔ ɛn ihywee ne nggbang ngga ne ɛKiriti gha kaa sɔ wo, te ɛ sɛ ne ma bok ɛn irway ihwala wɛlɛng ɛgak, nten de ne ɛYɛso gha sɛ wuru ndɔ ne ndiinday ɛbhɛ de.