1 ɛBiturus 2:12 - ɛWee ne ìTsɛm iHywas

¹² Shɛɛ ɛn ishwɛɛ iywɛnɛng ndɔ ninyi na nɛ nibhɛ sang yɛɛ ɛTaanggbey yegha. Te yaa ne sɛ nibhɛ bol ivol ne rip ba daa mon no nang, ne yang kyii lenɛ nɛ nikɔn niyɛnɛng nga ne ɛ mɔn ɛn no nibhɛ nang ɛTaanggbey ye ne ndiinday ɛtuk ka ne ɛTaanggbey ya sɛ yɛɛs ɛlɔ njwɛɛn na.

1 ɛBiturus 2:12 ပူးပေါင်းရင်းမြစ်များ

ɛMacu 10:25

iPhɛ kɛ hɔn ɛNgɔn ne icwam ma nɛ ɛ te tɛ ɛkyɛɛ ne icwam ɛbhɛ gha. iPhɛ kɛ ne ma hɔn ɛkpuru gha nɛ ɛ te tɛ ɛkyɛɛ ne ijwee ɛbhɛ. Wu kɛ yɔngɔ wu ɛkyɛɛ ne ijwee gha soye ɛBɛlizɛbul la, yaa ne yel-le ninaa ne ijwee ɛbhɛ na ne irɛɛk ge ne iphɛ phyin idede nggyɛ wo.

ɛMacu 5:11

“Ɛ so ɛn nyini ninaa ɛwɛng wu ninyi na i towos nyini, nibhɛ baasek nyini nggbang, nibhɛ robhos nyini ne ihyoo nikɔn nibebhe ihywee-ihywee ɛlɔ mee wo.

ɛMacu 5:16

Ɛlɛy ne mang, te iwɛwɛy mon de ne tol ɛnu ɛyisɛ ninyi na tɛ nibhɛ ne yaang nikɔn ne yɛnɛng mon na ne ɛ mɔn ɛn no, tɛ nibhɛ dɛp ɛKyɛɛ mon na ne ɛ so dak ne irywa wo.

ɛMacu 9:8

Kɛ ne sɛ idira ninyi de kɛ yaang ɛlɛ wo, nibhɛ ne wum ɛnu zii. Nibhɛ ne ji dɛp ɛTaanggbey ye ne ɛbhɛ kɛ nang ninyi na ihywee ne igbɔm mɛdaa nggyɛ wo.

ɛLuka 1:68

Te dɛp ɛDaray ye ne ɛ so ɛTaanggbey niSɛrɛla. Ɛ kɛ yɛɛs te ɛ phyik ninyi ɛbhɛ ɛ phɔt nibhɛ.

ɛLuka 19:44

Nibhɛ sɛ phobho nyini, nibhɛ bunga ɛgarang mon na gbigbik. Sɔng nibhɛ sɛ ne tek idɛ ikɛɛ ne idee mon de daa ne ihak nang, daa ɛli ne ɛ kɛ mbaray nyini tang seng ɛn nten de ne ɛTaanggbey ya kɛ yɛɛs ne phɔt nyini wo.”

ɛLuka 6:22

Ninaa ɛwɛng ngaa nggyɛy, ne ɛzay kɛ mbaray nibhɛ wo, ɛ towos nibhɛ wo ɛ yaak nibhɛ wu nibhɛ soye nibebhe na lenɛ ne ɛNgɔn ɛNyi gha.

ɛYohana 13:31

Kɛ ne sɛ ɛYahuza gha yek ghe, ɛYɛso gha ne yɔngɔ, “ɛLyilyɛghaa wo ne yaa ji tɔɔl ito-ndiinday ɛNgɔn ɛNyi de ne ma ta tɔɔl ito-ndiinday ɛTaanggbey lenɛ ne ɛbhɛ wo.

ɛTomɛ 15:14

ɛSimɔn ɛBiturus sa kaa tɔng njwɛɛn ɛli ne ɛTaanggbey ya kaa tɔɔl ishwim ndɔ ninyi na ne hame nibhɛ so niYahodawa na ɛli ne ɛ kaa bo nidɛng ndɔ nibhɛ wo nibhɛ teye ninaa ɛbhɛ.

ɛTomɛ 24:13

Sɔng nibhɛ yaa ne yɛɛ ne tɔɔrek kɛ ɛkɔn na ne aa tɔɔrek wu ivol nibhɛ da daa ne ito nge de so itin nɛ nang.

ɛTomɛ 25:7

Ne sɛ ɛBulus sa kɛ yɛɛs, niYahodawa na nɛ nibhɛ le ne iYɛrushɛlɛm be ne yilitsik nibhɛ te ɛbhɛ gyɔɔ, nibhɛ jii yɛɛset ne ivol nibhɛ da daa ne ito ɛBulus de gbom, sɔng nibhɛ ne kyii yɛɛ ne tɔɔrek wu ifɛ so ɛlɛy ɛtsak kang.

ɛTomɛ 28:22

Gbik ne iphɛ ɛlɛy, njwii ne sim njwi aa phok, ɛnu mo, ɛkɔn na ne icwas mo i bo, daa ɛli ne njwi yɛɛ ninyi na nilɔ na kang-ka-kang kɛ bol ivol ne ifɛ kɛ mbaray ibol ɛguu ɛnyi ne tɔng ivol ifas sɛdaa wo.”

iRooma 12:17

Wu ɛnyi gha kɛ mɔn nɛ ibebhe, sɔng ɛ tal ɛbhɛ nɛ ne ibebhe ɛbhɛ de nang. Wɛɛ nyini hywɛɛ te ɛ mɔn ɛn ɛkɔn na nɛ ninyi na gbik i yaang ɛ kɛ jam.

iRooma 13:13

Te njwɛɛn hyel byirik tɛ ninyi nɛ nibhɛ so ndɔ ne iwɛwɛy. Sɔng njwɛɛn teye ninaa sim ijwira ne sɔ i re i tes ziizii wo nang, sɔng njwɛɛn ne teye ninaa ne nzangas sa nang, sɔng njwɛɛn ne phok iyɛnɛng nikɔn na nɛ nibhɛ ninaa ne iyɔm ncwa na nang, sɔng njwɛɛn teye ninaa ne ishamas sa nang, sɔng yɛk ɛnkyis sa nɛ nigwaa na nang.

iRooma 14:18

Gbik ɛnyi gha ne ɛ re ɛKiriti yegha ntsong ngga ɛlɛ wo, aa ne i naas ɛTaanggbey ye irway ihwala ninyi na ne i sim ɛbhɛ.

iRooma 15:9

Tɛ ninyi na ne hame nibhɛ so niYahodawa na ta nang ɛTaanggbey ye ne ndiinday daa ne isan iyɔm ɛbhɛ de. Te ɛli ne ɛWee ne iBol ɛTaanggbey yo i bo, “iPhɛ ɛlɛy ɛDaray, Naa ne nang ngɛ ne ndiinday ndɔ ninyi na ne hame nibhɛ so niYahodawa, naa yɛk ne iywel, te nang irywɛɛk mo wo ne ndiinday.”

1 iKɔrɔntos 14:25

Yaa ne phaal nikɔn ne gying ndɔ ne irway ɛbhɛ da, ne lenɛ ɛlɛy aa ne ji te ne irwa-nggburuk ɛ re ɛTaanggbey ye ntsong, ɛ yɔngɔ, “ɛTsak, ɛTaanggbey so ndɔ mon.”

2 iKɔrɔntos 1:12

Njwii lɛng ɛgyɛy daa ɛli ne icwas ne irway mos kɛ tɔɔrek wu njwi kɛ shɛɛ ishwɛɛ kang, ne irway mos ijwaan ndɔ ɛzay ya. Yang ji so ndɔ ne ishwɛɛ da ne njwi kɛ shɛɛ ne nyinɛn no. Naa yɔng njwi kɛ mɔn ɛlɛ wo ndɔ ne itin nɛ te ɛTaanggbey lenɛ ne izɛɛng ɛTaanggbey de, sɔng ne ntsɛntsɛng ɛzay yɛdee nang.

2 iKɔrɔntos 13:7

Njwii bol ne ɛTaanggbey ɛli ne aa yung mɔn ɛn ɛkɔn ne ɛ sang so ɛyɛnɛng ngɛ. Sɔng njwii ne bo wu njwi kɛ ku taal yɛnɛng nang, njwii yang sim te ɛ sɛ mɔn ɛn ɛkɔn ɛyɛnɛng, gbik ɛli ɛbyin ninyi na i wɛɛ te njwi taasek ko.

2 iKɔrɔntos 8:21

iCwas mos da so, te njwi mɔn ɛkɔn na ne aa jam, sɔng ɛnu ɛyisɛ ɛDaray zɔng nang, gbik ne ɛnu ɛyisɛ ninyi.

iFisus 2:3

Njwɛɛn gbik kaa tsa so tɛ nibhɛ wo. Njwɛɛn kaa i roos ihyop igywebhe ne ibek njwɛɛn nɛ, i roos ɛkɔn na ne ibek ge ne irway i shɔk njwɛɛn te mɔn zɔng. Njwɛɛn kaa ne teye ɛkɔn ne baasek ɛTaanggbey ye njenjek, iphɛ ne te nggbinggbing njenjek ɛTaanggbey de ho daa njwɛɛn te ɛbyin ninyi ɛzay ya.

iFisus 4:22

iPhɛ ɛlɛy hana ɛn ishwɛɛ icwɛl mon da ne ˆɛ kaa i shɛɛ ɛn nɛ wo. iShwɛɛ icwɛl mon da ne ifɛ i bees ibek ge lenɛ ne iluk ga ne ibek ge i sim mo.

iFilibi 1:27

Gbik ɛkɔn na ne ɛ kɛ te, shɛɛ ɛn ishwɛɛ da ne ifɛ kancɛng ne ibol iyɛnɛng ɛKiriti de. Shɛɛ ɛn ɛlɛ wo, te yaa sɛ nggɛ yɛɛs ne yaang nyini, hang nggɛ ma sang yɛɛs yɔɔ, te ne n phok wu ˆɛ kɛ kyinak ɛn ne ihwet ndɔ ne ikabyik idaan, ˆɛ kɛ byinki ɛn ito mon ˆɛ tabha ɛn ilong ndɔ ɛtomɛ ne ibol iyɛnɛng ngge te ɛnyi ɛdaan lenɛ ne ìnang ne itin mon da ne bol iyɛnɛng ngge.

iFilibi 4:8

ɛTsim mɛ gbik nigwaa nge, te icwas mon da kyii daa ɛkɔn na ne ɛ so itin, ne ɛkɔn na ne ɛ kɛ hɔn sɛ nang ɛbhɛ ne ndiinday, ne ɛkɔn na ne ɛ sɛ so kancɛng, ne ɛkɔn na ne ɛ so wɛwɛy, ne ɛkɔn na ne ɛ yɛɛs ne ishwim, ne ɛkɔn na ne ɛ kɛ jam wɛɛ. Wu ɛdɛ ɛkɔn na sonɛ ne ɛ kɛ jam ɛ shɛs, ne ɛhaa ne ɛ kɛ hɔn idɛp, te icwas mon da ne kyii ne ɛdak kɛ.

1 iTasɔlɔnika 4:12

Wu ˆɛ kɛ mɔn ɛn ɛlɛ wo, ˆaa ne te ɛn ninyi na ne hame nibhɛ soye ninaa ne iroos sa nang nyini ne ndiinday. Sɔng ˆaa ne tɔk ɛn ɛkɔn ɛlɔ ɛnyi nang.

1 ɛTimɔti 2:2

Te bol ne ɛTaanggbey ya ɛlɔ nigɔm gbik nɛ ninaa nibhɛ bok igbɔm ba, te njwɛɛn shɛɛ ncaang, ne irway ne laal, njwɛɛn nang ɛTaanggbey yegha ne ndiinday ndɔ ne nkpiinɛ da gbik ne ishwɛɛ ne ifɛ so kancɛng ne ishwɛɛ ninaa ne roos.

1 ɛTimɔti 4:12

Sɔng ɛ sim ɛnyi bɛɛs sɛdaa ɛli ne ɛ tɔ ne ifas nang. Yang teyɛ ɛkɔn ne mɛmɛ nɛ ɛlɔ ninaa ne roos sa ndɔ ne ivol mo, ne ishwɛɛ mo, ne ishwim mo, ne ìnang ne itin mo gbik ne ishwɛɛ wɛwɛy mo.

1 ɛTimɔti 5:10

Te ɛ so ɛkuk ne ngka nitomɛ ɛbhɛ kɛ jam, kaabi ɛ boos ninɔn ɛbhɛ byirik, ɛ say ninaa ne ikpoo, ɛ mɔn ninaa roos ɛTaanggbey ye ɛtomɛ, ɛ phyighis ninaa nɛ nibhɛ i tɔk iphyik, ɛ kɛ see ito daa ne mɔn nikɔn niyɛnɛng cɛcɛɛy.

iBirani 13:18

Boote ɛn ne ɛTaanggbey daa ne ito mos. Njwi yɛɛ ncɛncɛng, sɔng irway mos da bok ɛkɔn ne tok nang, daa ɛli ne njwi sim te njwi sɛɛ ku i mɔn ɛkɔn na ne ɛ so cik.

iBirani 13:5

Shɛɛ ɛn kyaam daa ne irway ne sim ijam be. Te ɛkɔn na ne ɛ bok ɛn no hɔn nyini. Daa ɛli ne ɛTaanggbey ya bo, “Sɔng naa tek kɛ nang, sɔng nzɛ ne hana yɛ nang.”

ɛYakub 3:13

ɛHay ɛbhɛ bok ntsɛntsɛng gbik ne ishweng ndɔ mon noo? Te ne ɛ tɔɔrek iphɛ daa ne ishwɛɛ iywɛnɛng gbik nɛ nitomɛ niyɛnɛng ne ɛ mɔn ne irway ilyaak ne i sɛ lenɛ ne ntsɛntsɛng ngge.

1 ɛBiturus 2:15

Daa ɛli ne icwas ɛTaanggbey da i sim te sɛɛ icwam ɛnu ninaa ne ivol iwamang ngge lenɛ nɛ nikɔn niyɛnɛng mon na ne ɛɛ mɔn ɛn no.

1 ɛBiturus 3:16

Te izɔlɔs ne irway mon da ne ku shɛɛ byirik tang ɛkɔn ne tok te yaa ne sɛ ninaa ne bol ivol ikpɛɛ da kɛ yaa bol daa ne ishwɛɛ iywɛnɛng mon da ndɔ ɛKiriti gha, nibhɛ ne sɔ ncwa.

1 ɛBiturus 4:11

Gbik ɛnyi gha ne kɛ nang ɛbhɛ izɛɛng ne sanga ibol ɛTaanggbey de, te ne ɛ bol te ɛTaanggbey ya ne ito ɛbhɛ bhɛ bol. Gbik ɛnyi gha ne kɛ ne nang ɛbhɛ izɛɛng ne mɔn nigwaa ɛtomɛ, te ne ɛ mɔn gbik ne ihwet da ne ɛTaanggbey kɛ nang ɛbhɛ. Te mɔn ɛlɛ wo te nang ɛTaanggbey ye ne ndiinday ndɔ nikɔn na gbik lenɛ ne ɛYɛso ɛKiriti. Te sɛ yɔngɔ ɛTaanggbey ya bhɛ bok igbɔm ne ndiinday ne ishay-ishay. Ɛɛy.

2 ɛBiturus 3:11

Daa ɛli ne sɛ ne bees nikɔn na gbik ɛlɛ wo, iphɛ kɛ ne jam mɛ ɛ sɛ te ɛn nyini iya ihywee ninyi daa mɛɛ? iPhɛ kɛ jam mɛ ɛ sɛ tul ɛn nyini kang ɛ te ɛn ninyi ninaa ɛTaanggbey.