1 ɛBiturus 2:11 - ɛWee ne ìTsɛm iHywas

¹¹ Nigwaa nge ne nzi sim, nzi bok nyini, daa ɛli ɛ so ɛn ninaa ne ikpoo na ndɔ ɛzay ya, ne ɛ hosop ɛn nyini ne roos ihyop ne ibek ge ne iphɛ so ɛfɔt to. iHyop pɛdee nggyɛ wo i ta itsom ne irway mon da.

1 ɛBiturus 2:11 ပူးပေါင်းရင်းမြစ်များ

ɛLuka 21:34

“Wɛɛ ɛn nyini yɛnɛng, sɔng ɛ sim ɛn irywɛɛk ga, ne isɔ da gbik ne icwas ne ishwɛɛ ɛzay ya kpuru ihywɛɛ mon de nang. ɛTuk kɛgha nggyɛ wo sɛ yung ban nyini dirik te irwa.

ɛTomɛ 15:20

Te njwɛɛn yang haa nibhɛ ɛwee te yaak nibhɛ wu hang nibhɛ re ɛn ire ne ikpii, hang nibhɛ ra ɛn nzangas, hang nibhɛ ne re inwam ne kɛ sang hyɛ i tul neyi yɛ, wu hang nibhɛ ne re neyi.

ɛTomɛ 15:29

Nibhɛ naa ɛlɛ: sɔng ɛ re ɛn ire ne ikpii nang, sɔng ne ɛ re ɛn inwam ne kɛ sang hyɛ nang, sɔng ɛ re ɛn inwam nɛ neyi yɛ nang, sɔng ne ɛ ra ɛn nzangas nang. Wu ɛ kɛ mɔn ɛn nikɔn nɛ na wo, ɛ kɛ mɔn ɛn ɛkɔn na ne ɛ kɛ jam. Shɛɛ ɛn ncaang.’ ”

iRooma 12:1

iPhɛ ɛlɛy nigwaa en, daa ɛli ne ɛTaanggbey ya kɛ san iyɔm mon de gbom mo, nzi ne roro ne nyinɛn gbom: nang ɛn ɛTaanggbey yegha ibek mon gbik, te ɛkɔn ne kɛ hap ɛbhɛ ne itsanga, ɛ so ɛken, kɛ tul kang, ɛ kɛ jam ɛbhɛ. ɛNggyɛ wo ɛbhɛ so re ntsong ne itin da ne aa nang ɛbhɛ wo.

iRooma 7:23

Nzi ne jung kyii phok ɛdɛ ɛkɔn na kang ne ɛ mɔn ɛtomɛ nɛ nilɔ ne ibek nge na. ɛKɔn nɛghaa nggyɛ wo i ne dat iphup ne ɛkɔn na ne irway nge da sim. ɛKɔn kɛgha kɛ ne te nggɛ te me ɛkpuru ɛkɔn ne ɛfɔt tɛghaa nggyɛ wo ne ɛ tɔ ndɔ ne ibek nge de.

iRooma 8:13

Wu ˆɛ kɛ ne shɛɛ ɛn ɛli ne icwas ne irway ɛten ɛsii da i sim mo ˆaa ne kus ɛn. Wu ˆɛ kɛ ne yang phoo ɛn icwas nikɔn na nɛ nibhɛ te nyini ˆɛ mɔn ɛn ɛfɔt to lenɛ ne ihwet ne iKabyik ga ˆaa ne shɛɛ ɛn niken.

2 iKɔrɔntos 5:20

iPhɛ ɛlɛy, njwi ne so ninyi ne ɛKiriti gha kɛ tom; ɛTaanggbey ya ne bol ne nyinɛn lenɛ ne njwit. Njwi roro ne nyinɛn ndɔ ne irywɛɛk ɛKiriti, sim ɛn te ɛTaanggbey ya hyere nyini te ɛ te nyini nitaay ɛbhɛ sɔng ninaa ne iphup ɛbhɛ nang.

2 iKɔrɔntos 6:1

Daa ɛli ne njwi so ninaa ɛtomɛ ɛTaanggbey ya, njwii ne roro ne nyinɛn, sɔng ɛ say ɛn izɛɛng ɛTaanggbey de ihywɛ te buu nang.

2 iKɔrɔntos 7:1

Daa ɛli ne kɛ ku sim njwɛɛn nɛ nikɔn nɛnaa wo gbik ko nigwaa nge ne nzi sim, ne njwɛɛn kuus ito njwɛɛn daa nikɔn na nɛ nibhɛ aa te ibek njwɛɛn de ne irway njwɛɛn da yɛk ivebhe da, te njwɛɛn ku tul en kang lenɛ ne ɛnik ɛTaanggbey ne njwɛɛn bok.

iGalatiya 5:24

Ninyi na nɛ nibhɛ soye ninaa ɛYɛso ɛKiriti na, nibhɛ kɛ ne ku phoo ihyop ne bek nibhɛ de daa nikɔn ne ɛfɔt ta ne ibek ge sim mo gbik.

iFisus 2:19

iPhɛ ɛlɛy yang, nyinɛn no ne ˆɛ sang so ɛn niYahodawa na, sɔng ne ˆɛ tɔ ɛn kyakyak tɛ ninaa ne kpoo nang, sɔng ne ˆɛ sang ihop daa ɛkɔn ninaa ɛTaanggbey ya nang. ˆƐ kɛ yang te ɛn nyini nidaan nɛ ne ninyi ɛTaanggbey ya, ninaa ne ijwee ɛTaanggbey ya.

iFisus 4:1

iPhɛ ɛlɛy, mee wo ne nzo ne nyang ngge daa ɛli ne nzi roos ɛKiriti yegha, nzi roro ne nyinɛn, shɛɛ ɛn ishwɛɛ da ne ifɛ so kancɛng yel-le da ne kɛ yel-le nyini nɛ wo.

2 ɛTimɔti 2:22

Tel lɛ ihyop igywebhe ne ifas da te ɛ see ito ne roos icik, ne ìnang ne itin, ne ishwim gbik ne irway ne laal. Mɔn ɛlɛ wo nɛ ninaa nibhɛ yeres daa ne irywɛɛk ɛDaray yo ne irway iwɛwɛy.

iBirani 11:13

Gbik ninyi yɛnaa wo kaa ne kus ndɔ ne ìnang ne itin nibhɛ de. Sɔng nibhɛ kaa say nikɔn na ne ɛTaanggbey ya kaa rop nɛ nibhɛ wo nang. Nibhɛ kaa yang yaang nikɔn nɛ kyakyak. Nibhɛ ne phok yɛnɛng ngɛ, nibhɛ ne nang ishɛɛda yɛ wɛsɛrɛk wu nibhɛ soye ninaa ne ikpoo ndɔ ɛzay ya, sɔng ninaa ne ivel lɛ nang.

iBirani 6:9

Nigwaa nge ne nzi sim, ɛli ne njwii kyi bol ɛlɛ wo, njwi ne yɛɛ ncɛncɛng wu ɛ mɔn ɛn nikɔn niyɛnɛng nɛ nibhɛ kɛ tɔɔrek wu ɛ kɛ phɔrɔt ɛn.

ɛYakub 4:1

iKyee iphɛ yɛɛs ne irywen da gbik ne ishamas de ndɔ mon noo? Sang so ihyop ne ibek mon ihywee-ihywee ne ᐩihywɛ lɛng ɛn ndɔ mon ne i?

1 ɛBiturus 1:1

ɛWee yɛwoo wo le ɛlɔ ɛBiturus, ɛngɔn ne tom ɛYɛso ɛKiriti, ɛbhɛ phɛɛs ɛlɔ ninyi ɛTaanggbey, ninaa ne ɛ kɛ kasa, ne kɛ te nibhɛ shwaa, nibhɛ kɛ tes en ninaa ne kpoo ne ivel ne iPantus, ne iGalatiya, ne iKapadosiya, ne iSiya, gbik ne iBitaniya.

1 ɛBiturus 1:17

Ɛɛ yel-le ɛn ɛbhɛ ɛTaa nten de ne ɛɛ bol ɛn ne ɛTaanggbey ya ne ɛ sang bok sim ito da nten de ne ɛ bol ɛrɔngɔ ɛshara gha daa ɛkɔn na ne ɛ kɛ mɔn no. iPhɛ ɛlɛy ne ɛ taal ɛn ishwɛɛ mon da ndɔ ɛzay yɛghaa wo ne ɛ so ɛn nɛ tɛ ninaa ne kpoo na, ɛ phok ɛn ɛnik ɛTaanggbey yo.

1 ɛBiturus 4:12

Nigwaa nge ne nzi sim, sɔng ɛ yaang ɛn ɛkɔn ne kparat daa ne nggbang gbom ba ne i tɛɛsek nyini nɛ wo nang. Sɔng ɛ wɛɛ ɛn te ɛkɔn ɛphas ɛbhɛ kɛ sɛ nyini nang.

1 ɛBiturus 4:2

iPhɛ ɛlɛy, nggbinggbing ɛ yaa shɛɛ ɛbyin ne ishwɛɛ ɛbhɛ gha ndɔ ɛzay yɛghaa wo ɛɛ roos ɛkɔn na ne ɛ so icwas ɛTaanggbey, sɔng ɛkɔn na ibek i sim nang.

2 ɛBiturus 3:1

Nigwaa nge ne nzi sim, ɛwee ne ifaa yɛwoo wo ne nzi haa nyini nɛ. Ngge ne haa nyini ifɛ gbik te n taate nyini nɛ te ɛ tas ɛn ihywee ne icwas da ne ɛTaanggbey ye i sim ne irway mon gbik.