1 ɛBiturus 1:8 - ɛWee ne ìTsɛm iHywas

⁸ Sɔng ɛ kaa ku yaang ɛn ɛYɛso ɛKiriti yegha nang, gbik ne iphɛ ɛlɛy, ɛɛ ne sim ɛn ɛbhɛ. Sɔng ɛɛ ta yaang ɛn ɛbhɛ ɛlyilyɛghaa wo nang, gbik ne iphɛ ɛlɛy, ɛ kɛ ne nang ɛn ne itin nɛ ne ɛbhɛ, ne ɛ bok ɛn irway ihwala ne ifɛ sang ɛgak, ɛ ta bok ɛn bok ndiinday,

1 ɛBiturus 1:8 ပူးပေါင်းရင်းမြစ်များ

ɛMacu 10:37

“ɛHiha ɛnyi ne ɛ kɛ sim ɛkyɛɛ ne ɛgyinɛ ɛ phyin ɛli ne ɛ sim me wo, sɔng ɛ kɛ ne hɔn ɛ sɛɛ soye ɛhaa nga nang; ɛhiha ɛnyi ne ɛ ne sim ɛngɔn ɛbhɛ ne ɛlap ɛ phyin ɛli ne ɛ sim mo wo, sɔng ɛ kɛ ne hɔn ɛ sɛɛ soye ɛhaa nga nang.

ɛYohana 14:15

ɛYɛso gha ne yaak nibhɛ, “Wu ɛ sim ɛn mɛɛn, aa ne roos ɛn ikpii nge da.

ɛYohana 14:21

Gbik ɛnyi gha ne ɛ kɛ say ikpii nge da ɛ roos ifɛ wo, ɛbhɛ ɛ soye ɛhaa ne ɛ sim me wo. ɛNyi gha ne ɛ sim me wo, ɛKyɛɛ nge gha yaa ne ma sim ɛbhɛ. Mee wo ne ma sim ɛbhɛ, ne n tɔɔl ɛbhɛ ito nge.”

ɛYohana 14:24

ɛNyi gha ne ɛ sang sim me wo nang, sɔng aa ne roos ibol nge da nang. iVol lɛbaa wo ne ɛ tenes ɛn no, sɔng ifɛ ma so ivaa nge nang, ifɛ so ivaa ɛkyɛɛ da ne ɛ kɛ tom me wo.

ɛYohana 16:22

Ɛlɛy ne iphɛ so ne nyinɛn no: ɛlyilyɛghaa wo iphɛ so nten ne irway ishwii mon da, nzɛ ne ta yaang nyini dɔng ɛ sɛ ne yɛk ɛn irway ihwala, sɔng ɛnyi sɛ ne phɔt irway ihwala mon da nang.

ɛYohana 20:29

ɛYɛso gha ne yaak ɛbhɛ, “Ɛ kɛ nang ne itin nɛ daa ɛli ne ɛ kɛ yaang me. Ninaa ɛwɛng ngaa nggyɛy nɛ nibhɛ kɛ sang yaang, nibhɛ ne jung nang ne itin nɛ.”

ɛYohana 8:42

ɛYɛso gha ne yaak nibhɛ, “Sɛɛ yɔng ɛTaanggbey ya bhɛ so ɛkyɛɛ mon na, ɛ sɛɛ ne sim ɛn mɛɛn, daa ɛli ne nggɛ le daa ɛlɔ ɛTaanggbey ya, ɛlyilyɛghaa wo ne nzo ɛbɛ. Sɔng ngge yɛɛs ne igbɔm ne ito nge nang, ɛbhɛ kɛ tom me.

ɛTomɛ 16:34

Ne ɛ bo ɛBulus segha ne ɛSila gha ɛ phɛ nɛ ne ijwee ɛbhɛ, ɛbhɛ nang nibhɛ ire. Ɛbhɛ wo ne ijwee ɛbhɛ gbik ne yɛk irway ihwala daa ɛli nɛ nibhɛ kɛ nang ne itin nɛ ne ɛTaanggbey ya.

iRooma 14:17

Daa ɛli ne sɔng igbɔm ɛTaanggbey ba so daa ne ibol ne re i sɔ nang, ifɛ yang so daa ne ibol icik, ne irway ne laal, ne irway ihwala ne iKabyik ɛTaanggbey i naas.

iRooma 15:13

Te ɛTaanggbey ya ne ɛ so ɛhaa ne te ɛnyi gha ɛ sit irwisɛ da, yɛk nyini ne irway ihwala hyɔrɔ, ne irway ne laal ndɔ nang ne itin de ne ɛ kɛ nang ɛn nɛ ne ɛbhɛ wo, te iKabyik ɛTaanggbey de te nyini ɛ raras ɛn ndɔ ne sit irwisɛ mon da.

1 iKɔrɔntos 16:22

Gbik ɛnyi gha ne ɛ sang sim ɛDaray yegha, ne ɛ soye ɛkawɛy. Yɛɛs, ɛDaray yɔɔy.

2 iKɔrɔntos 1:22

ɛTaanggbey ya kɛ yɛk njwɛɛn ne ɛlamba ne aa tɔɔrek wu njwɛɛn soye ninaa ɛbhɛ. Ɛ kɛ ne nang njwɛɛn iKabyik ɛbhɛ ndɔ ne irway njwɛɛn, te njwɛɛn seng ncɛncɛng wu ɛ sɛ shwaak ɛkɔn na ne ɛ kɛ ku sim njwɛɛn nɛ wo.

2 iKɔrɔntos 12:4

Kaa ne bo ɛbhɛ i phɛ nɛ daa ne ɛnyu ne irywa wo ɛbhɛ tenes ivol da ne hame ɛnyi sɛɛ yɛɛ ne tɔng ngɛ, ivol da ne kɛ ring ɛten ɛsii ne tɔng ngɛ.

2 iKɔrɔntos 4:18

Sɔng njwi kɛ ne sit irwisɛ mos da daa nikɔn na ne i yaang nang, njwi kɛ yang sit daa nikɔn na ne i sang yaang. Daa ɛli nɛ nikɔn na ne i yaang ngo so ninaa ne phee, ninaa ne i ne sang yaang ngo ne so ninaa ne inat.

2 iKɔrɔntos 5:7

Daa ɛli ne ishwɛɛ njwɛɛn da soye ivaa ne ìnang ne itin nɛ, sɔng ivaa nikɔn ne i yaang ne irwisɛ nang.

2 iKɔrɔntos 9:15

Ne njwɛɛn tɔɔrek ɛTaanggbey yegha irway ihwala daa ne izɛɛng ɛbhɛ de ne ɛ kɛ nang njwɛɛn ihywɛ sang ɛgak ko.

iGalatiya 5:22

Nikɔn na ne iKabyik ɛTaanggbey de ne yaak ko nibhɛ naa lɛ: ishwim, irway ihwala, irway ne laal, ɛbɔk, iyɛnɛng, irway ne phyik nigwaa, ìnang ne itin,

iGalatiya 5:6

Daa ɛli ne ndɔ ɛYɛso ɛKiriti gha, sɔng ibol ne hyɛghɛ icwee da ne idee ne sang hyɛghɛ wo iphɛ soye ɛkɔn nang. Ɛkɔn na ne i sim, te ɛnyi gha nang ne itin nɛ ne ɛDaray ya, te ne ɛ tɔɔl iphɛ daa ne ishwim nigwaa.

iFisus 3:19

Te ˆɛ ta seng ɛn ishwim ɛKiriti da ne ifɛ phyin nikɔn na ne ishweng ngga gbik ko te ˆɛ te ɛn hyɔrɔ ne ihyɔrɔ ɛTaanggbey de.

iFisus 6:24

Te izɛɛng ɛTaanggbey de shɛɛ daa ninyi gbik nɛ nibhɛ i sim ɛDaray ɛYɛso ɛKiriti yegha ne ishwim ba ne ifɛ sang ɛgak ko. Ɛɛy.

iFilibi 1:25

ɛLi ne nzi yɛɛ iphɛ ncɛncɛng ɛlɛ wo, nzi ne yɛɛ naa shɛɛ ne nyinɛn gbik te ˆɛ re ɛn ɛyisɛ ne ndɔ ne ìnang ne itin mon de, ˆɛ yɛk ɛn irway ihwala.

iFilibi 3:3

Njwɛɛn, njwɛɛn yang soye ninaa ne kɛ hyɛghɛ njwɛɛn icwee ne itin da. Njwɛɛn no ne njwɛɛn i re ɛTaanggbey yegha ntsong ngga lenɛ ne iKabyik Ɛbhɛ de. Njwɛɛn no ne njwɛɛn i hal ɛggyɛy ya ne ɛYɛso ɛKiriti gha. Njwɛɛn no ne njwɛɛn i sang hal ɛggyɛy ya daa ne ikpii ɛten ɛsii da ne i yaang ne irwisɛ da.

iFilibi 4:4

Yɛk ɛn irway ihwala cɛcɛɛy ndɔ ne ìtsɛm mon de ne ɛDaray ya. Nzi ne ta bo, yɛk ɛn irway ihwala!

iBirani 11:1

ìNang ne itin de so ikyinak nting daa ɛkɔn ne kɛ sit ne irwisɛ, iphɛ so ikyinak nting daa ɛkɔn na ne njwɛɛn i sang yaang.

iBirani 11:27

Kaa ne lenɛ ne ìnang ne itin de, ne ɛ tek ivel ne iMasad da tang ɛ sap njenjek ɛgɔm be. Ɛ kaa kyinak ne irway nviit da daa ɛli ne ɛ kaa yaang ɛkɔn na ne hame i yaang ne irwisɛ.

1 ɛBiturus 1:6

iPhɛ ɛlɛy, ne ɛ yɛk ɛn ne irway ihwala gbom, gbik ɛli ne ɛ bok en irway ishwii da ne hame ifɛ yaa phyɔngɔle wo lenɛ ne nggbang ngga ne ɛ sɔ ɛn ihywee-ihywee de ɛlyilyɛghaa wo.

1 ɛBiturus 2:7

Nyinɛn no ne ɛ kɛ ne nang ɛn ne itin nɛ wo, ikɛɛ yɛdee nggyɛ wo ne so nyini ɛkɔn ɛyɛnɛng. Ninyi na nɛ nibhɛ kɛ ne mbaray tang nang ne itin nɛ wo nang, “iKɛɛ de nɛ ninaa ne lɔl ijwee na kɛ ne mbaray yo, iphɛ kɛ ne kyii teye ɛkangashi yɛ.”

1 ɛBiturus 5:4

Sɛ ne sɛ ɛDaray ya ne ɛbhɛ so ɛndiinday ninaa ne hyep ᐩigyol la kɛ bhɛ kyii nang, sɛ ne tal nyini ne ɛkɔn ne ito ne igbɔm ne ɛ bok ndiinday ɛɛ sang haatel.