1 ɛBiturus 1:7 - ɛWee ne ìTsɛm iHywas

⁷ Nggbang ngga kɛ yɛɛs nyini te mpɛ tɔɔrek iwɛwɛy ne ìnang ne itin mon da. I tɛɛsek iwɛwɛy ne izinariya de ne iphɛ so ɛkɔn na ne iphɛ yaa phyɔngɔle iphɛ taal le wo ne igboo. ɛLɛy ne i ne ma tɛɛsek iwɛwɛy ne ìnang ne itin mon de ne iphɛ phyin izinariya de ne ndiinday. ɛLɛ wo ne ìnang ne itin mon nɛdaa wo sɛ ne yɛɛs nyini ne idɛp, ne ndiinday, gbik ne igbom ɛtuk ka ne sɛ phaal ɛYɛso ɛKiriti yegha te igbagha ɛzay yo gbik yaang ɛbhɛ.

1 ɛBiturus 1:7 ပူးပေါင်းရင်းမြစ်များ

ɛMacu 19:28

ɛYɛso gha ne yaak nibhɛ, “Nzi tɔng nyini itin nɛ, ɛzay ɛphas sa, nten de ɛNgɔn ɛNyi gha sɛ bhɛ soos ɛlɔ ne soos ɛndiinday ne igbɔm ɛbhɛ da, nyinɛn no ne ɛ kɛ roos ɛn mɛɛn no, ɛ sɛ ne ma sooset en daa nicuruu ne igbɔm ɛnduwubɔ nɛ nibhɛ ifaa, ɛ bol ɛn itaang ɛnduwubɔ nɛ nibhɛ ifaa niSɛrɛla de ɛshara.

ɛMacu 25:21

“ɛKyɛɛ ne ijwee ɛbhɛ gha ne yɔngɔ, ‘Yaa, ɛ soyɛ ɛkpuru ɛyɛnɛng ne ɛhaa ne itin ne ibol. Ɛ kɛ tɔɔrek itin nɛ daa ɛkɔn ɛncɛt, naa ne nang ngɛ nikɔn na gbom, yɛɛs te ɛ phyik me ne irway ihwala da!’

ɛMacu 25:23

“ɛKyɛɛ ne ijwee ɛbhɛ gha ne yɔngɔ, ‘Yaa, ɛ soyɛ ɛkpuru ɛyɛnɛng ne ɛhaa ne itin nɛ. Ɛ kɛ tɔɔrek itin nɛ daa ɛkɔn ɛncɛt, naa ne nang ngɛ nikɔn na gbom, yɛɛs te ɛ phyik me ne irway ihwala da!’

ɛLuka 12:33

Lɛbhɛl ɛn nikɔn mon na gbik, te ɛ nang ɛn nihala. Aa ne ji sɛ ɛn irambak ne ijam ne hame iphɛ bees se, iryat ɛdaa ne irywa ne hame ihywɛ taal le, sɔng ninaa ɛyi ne bo nang, sɔng nzuu ne ta bees sang.

ɛLuka 17:30

ɛLɛy ne iphɛ sɛ ne so ɛtuk ka ne ɛNgɔn ɛNyi gha sɛ tɔɔl le wo.

ɛYohana 12:26

ɛNyi gha ne ɛ sim aa mɔn me ɛtomɛ gha, iphɛ ne so nggbinggbing ɛ roos me; te ɛlɔ gha ne nzo nɛ, te ɛkpuru nge gha ne ma so ne ɛlɔ yɛ ne mang. ɛKyɛɛ nge gha sɛ ne nang ɛnyi gha ne ɛ mɔn me ɛtomɛ ne ndiinday.”

ɛYohana 5:44

Ɛ ku tɔk ɛn te ɛ sɛɛ dɛp ɛn nyini ndɔ mon; sɔng ɛ sim ɛ tɔk ɛn idɛp ɛTaanggbey da ne ɛ so ɛdaan zɔng ngo nang. Aa ne mɔn ɛn ɛlii ɛ nang ne itin nɛ ne mee woo?

ɛTomɛ 8:20

ɛBiturus sa ne yaak ɛSimɔn negha, “iGyɛ wo ne jam mo de ku ɛn! Ɛ wɛɛ te i say izɛɛng ɛTaanggbey de ne ijam naa?

iRooma 2:10

Gbik ɛnyi gha ne ɛ mɔn iyɛnɛng ngge, sɛ ne nang ɛbhɛ ne ndiinday, ne igbom gbik ne irway ne laal, sɛ tsa nɛ niYahodawa ne ji kungus nɛ ninaa ne hame nibhɛ soye niYahodawa na.

iRooma 2:29

ɛYahodawa ne itin na so ɛnyi ne ɛ kɛ nang ɛTaanggbey irway ɛbhɛ gbik. iHyɛ itee ntin da ne so hyere irway lenɛ ne iKabyik ɛTaanggbey. Sɔng iphɛ so ibol ne hyep ɛkɔn ne kɛ haa ne ɛwee ɛShara zɔng nang. iHywee ɛnyi yɛdee nggyɛ wo ɛTaanggbey ɛbhɛ dɛp ɛbhɛ, sɔng ɛten ɛsii ɛbhɛ dɛp ɛbhɛ nang.

iRooma 2:7

Nidɛng ne sonɛ nɛ nibhɛ kɛ see ito nibhɛ mɔn iyɛnɛng cɛcɛɛy, nibhɛ tɔk ndiinday ne igbom gbik ne iken ne iphɛ sang taal le. Nibhɛ ne ɛTaanggbey ya sɛ ne nang nibhɛ iken ne inat.

iRooma 8:19

Gbik nikɔn na ne kɛ ryɔng ngo i has irway nibhɛ hyep ɛli ne ɛTaanggbey ya yaa tɔɔrek ninɔn ɛbhɛ na wɛsɛrɛk ɛzay ya.

1 iKɔrɔntos 3:13

sɛ ne seng ihywee ɛtomɛ de ne ɛrɔngɔ kɛ mɔn ɛtuk ɛDaray ya. Daa ɛli ne ɛtuk kɛghaa nggyɛ wo, sɛ bo igboo i tɛɛsek ne ɛtomɛ ɛrɔngɔ, igboo wo ifɛ sɛ ne te i seng ihywee ɛkɔn de ne ɛrɔngɔ kɛ lɔl lɛ.

1 iKɔrɔntos 4:5

iPhɛ ɛlɛy sɔng ne ɛ hyɛ ɛn ɛshara gha nten nɛ tɔ wo nang, hyep ɛn te ɛDaray ya kyi bhɛ kyii nyɛɛn. Ɛbhɛ sɛ phaal nikɔn na nɛ ninyi na kɛ rɛɛ ndɔ gbyik ka, ɛ ta te i seng icwas ne irway ninyi na. Nten nɛdee nggyɛ wo ɛrɔngɔ sɛ ne ji say idɛp ɛTaanggbey da cɛcɛɛy ne ɛtomɛ ɛbhɛ.

ɛYakub 1:12

ɛHaa ɛwɛng nga nggyɛ ne ɛ kɛ rop iku ndɔ ne itɛɛsek ga, daa ɛli ne yaa sɛ ɛ kɛ kyinak gɛy ndɔ ne itɛɛsek ga, ɛ sɛ ne say ɛkɔn ne ito ne igbɔm ne iken ne ɛTaanggbey ya kaa ku sim-mɛ aa nang ninaa nɛ nibhɛ sim ɛbhɛ wo.

1 ɛBiturus 1:13

iPhɛ ɛlɛy, ne ɛ ryɔng ɛn irway mon da ɛli ne aa mɔn ɛn ɛtomɛ gha. Tek ɛn itso mon ɛlɔ ɛdaan, te ɛ yɛk ɛn irway daa ne izɛɛng ngge ne sɛ nang nyini wo nten de ne sɛ phaal igbagha ɛzay ɛYɛso ɛKiriti yegha.

1 ɛBiturus 1:5

iSha mon nɛdee lɛ, nyinɛn no ne ɛTaanggbey ya i hyep nyini daa ne ihwet ɛbhɛ lenɛ ne ìnang ne itin mon de. iCwas ɛbhɛ da i bo te ɛ sɛ ɛn iphɔrɔt da ne sɛ phaal ɛtuk ne taal ɛzay ya.

1 ɛBiturus 2:4

Yɛɛs ɛn cɛcɛk ɛlɔ ɛbhɛ, ne ɛbhɛ so ikɛɛ ne iken de. iKɛɛ de nɛ ninyi na kɛ mbaray yo, ikɛɛ de ne ɛTaanggbey ya bo iphɛ ɛ nang ɛbhɛ ne ndiinday ne iphɛ phyin gbik ko.

1 ɛBiturus 2:7

Nyinɛn no ne ɛ kɛ ne nang ɛn ne itin nɛ wo, ikɛɛ yɛdee nggyɛ wo ne so nyini ɛkɔn ɛyɛnɛng. Ninyi na nɛ nibhɛ kɛ ne mbaray tang nang ne itin nɛ wo nang, “iKɛɛ de nɛ ninaa ne lɔl ijwee na kɛ ne mbaray yo, iphɛ kɛ ne kyii teye ɛkangashi yɛ.”

1 ɛBiturus 4:12

Nigwaa nge ne nzi sim, sɔng ɛ yaang ɛn ɛkɔn ne kparat daa ne nggbang gbom ba ne i tɛɛsek nyini nɛ wo nang. Sɔng ɛ wɛɛ ɛn te ɛkɔn ɛphas ɛbhɛ kɛ sɛ nyini nang.

1 ɛBiturus 4:13

Yang yɛk ɛn irway ihwala, daa ɛli ne ɛɛ ma sɔ ɛn ihywee ne nggbang ngga ne ɛKiriti gha kaa sɔ wo, te ɛ sɛ ne ma bok ɛn irway ihwala wɛlɛng ɛgak, nten de ne ɛYɛso gha sɛ wuru ndɔ ne ndiinday ɛbhɛ de.

1 ɛBiturus 5:1

Mee wo ne nzo ɛnu ne ikɔɔn na, ɛgwaa mon ɛhaa ne roos sa, nzi ne bol nɛ nigwaa ninu ne ikɔɔn na nɛ nibhɛ so ndɔ mon no. Nggɛ yaang ne irwisɛ nge nggbang ngga ne ɛKiriti gha kɛ sɔ wo, nzɛ ne ma sɛ ihop ndɔ ne ndiinday ɛbhɛ de ɛtuk ka ne ɛ sɛ yɛɛs so.

2 ɛBiturus 1:1

ɛWee yɛwoo wo le ɛlɔ ɛSimɔn ɛBiturus ne ɛbhɛ ɛ so ɛkpuru ne ɛngɔn ne tom ɛYɛso ɛKiriti. Ɛbhɛ phɛɛs ɛlɔ ninyi ne kɛ lenɛ ne icik ɛTaanggbey ne ɛhaa ne phɔt njwɛɛn ɛYɛso ɛKiriti nibhɛ say ìnang ne itin ne iphɛ shɛs ne yɛnɛng te idee mos.

2 ɛBiturus 1:4

Kɛ ne lenɛ nɛ nikɔn nɛnaa wo ɛTaanggbey ya ne nang njwɛɛn ibol ɛbhɛ ne ɛ kɛ ku sim-mɛ, ne iphɛ shɛs ne yɛnɛng gbom. Te ne lenɛ ne nibhɛ te ɛ yɛɛ ne shɛɛ ɛn ne ɛbhɛ ndɔ ne iTaanggbey ɛbhɛ, ɛ ta phɔrɔt ɛn ndɔ ibebhe ɛzay de ne ihyop ne ibek ge i hɔ wo.

2 ɛBiturus 3:14

iPhɛ ɛlɛy, nigwaa nge ne nzi sim, ɛli nɛ ɛɛ ne hyep ɛn ɛtuk kɛghaa nggyɛ wo, ne ɛ mɔn ɛkɔn na ne aa yɛ ne mɔn ɛn te ɛ shɛɛ ɛn ɛnu ɛyisɛ ɛTaanggbey ya wɛwɛy tang ɛkɔn ne rip, te ne ɛ bok ɛn irway ne laal ne ɛnu ɛyisɛ ɛbhɛ gha.

ɛYahuza 1:24

Te ne dɛp ɛTaanggbey yegha ne ɛbhɛ ɛ bok ihwet ne aa phyik njwɛɛn ɛlɔ ne njwɛɛn yaa yung ho wo, ɛ yɛɛs ne njwɛɛn ɛlɔ ɛbhɛ gha, wɛlɛng ɛkɔn ne tok ka, ɛnu ɛyisɛ ne ito-ndiinday ɛbhɛ de ne irway ihwala da gbom mo.

Nikɔn ne kɛ Phaal 1:7

Yaang ɛn! Ɛ yaaso ndɔ ne inɔp, ninyi na gbik sɛ yaang ɛbhɛ, nɛ ninaa nɛ nibhɛ kɛ tolo ɛbhɛ ne nibhɛ kugha wo. iLwem ɛzay da gbik sɛ san ɛbhɛ. ɛTsak! Ɛlɛy ne phɛ sɛ te. Ɛɛy.

Nikɔn ne kɛ Phaal 2:10

Sɔng ɛ phok ɛnik ne nggbang ngga ne ɛ yungaa sɔ wo nang. Nzi tɔng ngɛ ɛShɛtan na yaa bo ɛbyin mon ɛbhɛ rop nibhɛ ndɔ ne ijwee ne nyang te ɛ sɛ ɛ phɔwɔ nyini, ne ɛ sɔ ɛn nggbang ngga nituk ɛnduwubɔ. Kyinak ndɔ ne ìnang ne itin mon de, kɛsim i phoo yɛ, naa ne nang ngɛ ɛkɔn ne ito ne igbɔm ne iken.

Nikɔn ne kɛ Phaal 3:10

Daa ɛli ne ɛ kɛ bo ɛbɔk ka ɛ hyep ibol nge de, nzɛ ne ma hyep pɛ nten ne nggbang ngɛdee nggyɛ wo ne mpɛ sɛ yɛɛs ninaa ɛzay ya gbik ko te phɔwɔ nibhɛ wo.

Nikɔn ne kɛ Phaal 3:18

iPhɛ ɛlɛy, nzi ne kpɛng ngɛ, yɛɛs ɛ say izinariya de ɛlɔ nge, izinariya de ne kɛ halang i tul ishoo yɛ, te ɛ sɛ iryat de. Yɛɛs te ɛ say itsura ihwala da ɛlɔ nge dɔng te ɛ cwaal ne nkywankywaang mo de ne iphɛ soye ɛkɔn ncwa gha. Te ɛ ta say ihwal ne irwisɛ ne aa yɛk ne irwisɛ mo da te ɛ yaa wɛɛ yɛnɛng.