1 ɛBiturus 1:6 - ɛWee ne ìTsɛm iHywas

⁶ iPhɛ ɛlɛy, ne ɛ yɛk ɛn ne irway ihwala gbom, gbik ɛli ne ɛ bok en irway ishwii da ne hame ifɛ yaa phyɔngɔle wo lenɛ ne nggbang ngga ne ɛ sɔ ɛn ihywee-ihywee de ɛlyilyɛghaa wo.

1 ɛBiturus 1:6 ပူးပေါင်းရင်းမြစ်များ

ɛMacu 11:28

“Yɛɛs ɛn ɛlɔ nge, nyinɛn no ne ɛ sɔ ɛn nggbang ngga nɛ nikɔn nɛ nibhɛ kɛ yɛbhɛsek nyini wo, naa ne nang nyini ifɔng.

ɛMacu 26:37

ɛYɛso gha ne bo ɛBiturus se nɛ ninɔn ɛZɛbɛdi na ifaa ne ɛ kyii yaa bees irway ɛbhɛ ɛ yɛk irway ishwii.

ɛMacu 5:12

Taasey ɛn ne irway ihwala, daa ɛli ne ɛ sɛ bhɛ pha ɛn gbom dak ne irywa wo. Ɛlɛy ne kaa ma baasek ninabawa na nggbang ngga nɛ nibhɛ ka so ɛyisɛ mon na.

ɛLuka 1:47

iKabyik nge bok irway ihwala ne ɛDaray ɛhaa ne phɔt me,

ɛLuka 10:20

Gbik ne phɛ ɛlɛy, sɔng irway ihwala mon ba ne teye ivaa nɛ niphoo na kɛ roos nyini nɛ nang; te ifɛ teye ivaa ne kɛ haa irɛɛk mon daa ne irywa.

ɛLuka 2:10

ɛMalɛka gha ne yaak nibhɛ, “Sɔng ɛ wum ɛn ɛnik ko nang! Nggɛ yɛɛs nyini ne ibol iyɛnɛng, idee ne iphɛ yaa nang ninyi gbik irway ihwala gbom.

ɛYohana 16:22

Ɛlɛy ne iphɛ so ne nyinɛn no: ɛlyilyɛghaa wo iphɛ so nten ne irway ishwii mon da, nzɛ ne ta yaang nyini dɔng ɛ sɛ ne yɛk ɛn irway ihwala, sɔng ɛnyi sɛ ne phɔt irway ihwala mon da nang.

ɛYohana 16:33

“Nggɛ tɔng nyini nikɔn nɛnaa wo te ɛ bok ɛn irway ne laal ndɔ me wo. Aa sɔ ɛn nggbang ndɔ ɛzay ya. Nzi ne bok, te ɛn irway nviit daa ɛli ne nggɛ ku phoo ɛzay ya nɛ.”

ɛTomɛ 14:22

Nibhɛ ne kpɛng ninaa ne roos sa nibhɛ te nibhɛ itsɔngɔl gɛgɛy wu tɛ nibhɛ ma boos ìnang ne itin de gɛgɛy. Nibhɛ bok nibhɛ, “iPhɛ so sɔ nggbinggbing njwɛɛn sɔ nggbang gbom nyɛɛn njwɛɛn kyi bhɛ lel ne igbɔm ɛTaanggbey ba.”

iRooma 12:12

Yɛk ɛn irway ihwala ndɔ ne iyɛk ne irway mon da, bo ɛn ɛbɔk ndɔ ne nggbang ngga, te ne ɛ bol ɛn ne ɛTaanggbey ya cɛcɛɛy.

iRooma 5:11

Sɔng ɛlɛ wo zɔng nang, njwɛɛn bok irway ihwala ne ɛkɔn na ne ɛTaanggbey ya kɛ mɔn lenɛ ne ɛDaray njwɛɛn ɛYɛso ɛKiriti gha, ne kɛ lenɛ ne ɛbhɛ i kyii ta ryɔng njwɛɛn ne ɛTaanggbey ya.

iRooma 5:2

Kɛ lenɛ ne ɛbhɛ ne njwɛɛn kɛ sɛ lel ndɔ ne izɛɛng ngɛdee wo lenɛ ne ìnang ne itin njwɛɛn da. iPhɛ ɛlɛy njwɛɛn ne bok irway ihwala daa ɛli ne njwɛɛn kɛ yɛk ne irway njwɛɛn sɛ so ndɔ ninaa nɛ nibhɛ so ndɔ ne ndiinday ɛTaanggbey de.

iRooma 9:2

N bok irway ishwii gbom, irway nge ne bees se cɛcɛɛy.

2 iKɔrɔntos 4:17

Daa ɛli ne nggbang ncɛt tɛdaa wo ne mpɛ yaa sang phyɔngɔle wo yaa yɛɛs njwɛɛn ne ito-ndiinday ne inat gbom ne iphɛ phyin nggbang ngga ne njwii sɔ wo wu kɛ ten-nɛ.

2 iKɔrɔntos 6:10

njwi bok irway ishwii, gbik ne iphɛ ɛlɛy, njwi ne so ne irway ihwala cɛcɛɛy. Njwi so nihala, gbik ne iphɛ ɛlɛy njwi kɛ ne tes ninyi gbom nibhɛ kɛ yɛk iryat. Sɔng njwi bok ɛkɔn nang, gbik iphɛ ɛlɛy nikɔn na gbik ne soye ninaa mos.

iGalatiya 5:22

Nikɔn na ne iKabyik ɛTaanggbey de ne yaak ko nibhɛ naa lɛ: ishwim, irway ihwala, irway ne laal, ɛbɔk, iyɛnɛng, irway ne phyik nigwaa, ìnang ne itin,

iFilibi 2:26

ɛBafaratus sa i has irway te sɛ yɔng aa yaang nyini, ibol lɛ i ma yung tak ɛbhɛ iyɔm gbom daa ɛli ne ˆɛ kɛ phok ɛn ɛli ne ɛ so shwa wo.

iFilibi 3:3

Njwɛɛn, njwɛɛn yang soye ninaa ne kɛ hyɛghɛ njwɛɛn icwee ne itin da. Njwɛɛn no ne njwɛɛn i re ɛTaanggbey yegha ntsong ngga lenɛ ne iKabyik Ɛbhɛ de. Njwɛɛn no ne njwɛɛn i hal ɛggyɛy ya ne ɛYɛso ɛKiriti gha. Njwɛɛn no ne njwɛɛn i sang hal ɛggyɛy ya daa ne ikpii ɛten ɛsii da ne i yaang ne irwisɛ da.

iFilibi 4:4

Yɛk ɛn irway ihwala cɛcɛɛy ndɔ ne ìtsɛm mon de ne ɛDaray ya. Nzi ne ta bo, yɛk ɛn irway ihwala!

1 iTasɔlɔnika 1:6

Ɛ kɛ ne te nyini ninaa ne mɛmɛ ne ihywel mos da ne ivaa ɛDaray da. Gbik ne ihywee ne nggbang ngga ne ɛ kaa sɔ ɛn no, ne ɛ say ɛn ibol de ne irway ihwala idee ne ikabyik ɛTaanggbey de iphɛ i nang.

ɛYakub 1:2

Nigwaa en, bo ɛn nggbang ngga ne ˆɛ sɔ ɛn ihywee-ihywee de te mpɛ teye ɛkɔn ne irway ihwala,

ɛYakub 1:9

Te ɛgwaa gha ne ɛ so ɛhaa ne roos sa ɛ so ɛhala gha tɔɔrek irway ihwala, daa ɛli ne ɛ ɛTaanggbey kɛ yinɛ ɛbhɛ.

ɛYakub 4:9

Bees ɛn irway, yɛk ɛn irway ishwii, banga ɛn ikun. Te ishwɛ mon da teye ishwin, te irway ihwala mon da ne teye irway ishwii.

1 ɛBiturus 3:17

Daa ɛli ne iphɛ phyin, wu iphɛ soye icwas ɛTaanggbey, ɛ sɔ ɛn nggbang ngga daa ne mɔn iyɛnɛng ngge, ne aa sɔ ɛn daa mɔn ikpɛɛ de.

1 ɛBiturus 4:7

Nten ne taal ɛzay de yek cɛcɛk. iPhɛ ɛlɛy, ne ɛ wum ɛn ihywɛɛ mon ɛlɔ ɛdaan, ɛ shɛɛ ɛn ɛkanang, daa ɛli ne ɛkɔn yaa yung ring nyini ne bol ne ɛTaanggbey ya.

1 ɛBiturus 5:10

Yaa ne sɛ ɛ kɛ sɔke ɛn ne nggbang ngga ndɔ nten ncɛt nang, ɛTaanggbey ne ɛ so ɛhaa ne izɛɛng nga gbik ko, ne ɛ kɛ yel-le nyini wo te ɛ sɛ ɛn ihop ndɔ ne ndiinday ne inat ɛbhɛ de lenɛ ne ɛYɛso ɛKiriti gha, sɛ ne te nyini niphas sɛ, ɛ lɔl nyini, ɛ te nyini hyɔrɔ, ɛ ji hante nyini ne ihwet. Ɛbhɛ wo ne ito ɛbhɛ ɛ sɛ mɔn ɛlɛy wo.