1 ɛBiturus 1:3 - ɛWee ne ìTsɛm iHywas

³ Te njwɛɛn dɛp ɛTaanggbey yegha ne ɛbhɛ so ɛkyɛɛ ɛDaray njwɛɛn ɛYɛso ɛKiriti gha. Ɛbhɛ kɛ san iyɔm njwɛɛn gbom, ɛ nang njwɛɛn ishwɛɛ ifas lenɛ ne iyilitsik ɛKiriti ndɔ ne ikpuu. iBol lɛ kɛ ne te njwɛɛn bok ìyɛk ne irway ne iphɛ so iken.

1 ɛBiturus 1:3 ပူးပေါင်းရင်းမြစ်များ

ɛYohana 1:13

Sɔng i bo nibhɛ kaa tes se ninɔn ɛTaanggbey ya wu nibhɛ soye neyi ɛbhɛ nang, sɔng kaa yɛk nibhɛ ɛli ne ɛras i shɛɛ ne ɛkuk ɛbhɛ nibhɛ ji yɛk ɛngɔn nang. ɛTaanggbey ya ne ito ɛbhɛ, ɛbhɛ kaa yɛk ngɛ nibhɛ teye ninɔn ɛbhɛ na.

iRooma 12:12

Yɛk ɛn irway ihwala ndɔ ne iyɛk ne irway mon da, bo ɛn ɛbɔk ndɔ ne nggbang ngga, te ne ɛ bol ɛn ne ɛTaanggbey ya cɛcɛɛy.

iRooma 15:13

Te ɛTaanggbey ya ne ɛ so ɛhaa ne te ɛnyi gha ɛ sit irwisɛ da, yɛk nyini ne irway ihwala hyɔrɔ, ne irway ne laal ndɔ nang ne itin de ne ɛ kɛ nang ɛn nɛ ne ɛbhɛ wo, te iKabyik ɛTaanggbey de te nyini ɛ raras ɛn ndɔ ne sit irwisɛ mon da.

iRooma 4:25

ɛTaanggbey ya kaa nang ɛYɛso yegha te ɛ ku ɛlɔ ne ɛfɔt njwɛɛn, kɛ ne yiisik ɛbhɛ tsik ndɔ ne ikpuu da te ɛ te i say njwɛɛn wu so cik ɛnu ɛyisɛ ɛTaanggbey ya.

iRooma 5:10

Kaa kyii ryɔng njwɛɛn ne ɛTaanggbey ya nten de ne njwɛɛn kaa tɔ ninaa ne iphup ɛbhɛ lenɛ ne iku ɛNgɔn ɛbhɛ. ɛLyilyɛghaa wo, njwɛɛn kɛ ne ji teye nitaay ɛbhɛ, njwɛɛn sɛ ne phɔrɔt lenɛ ne iken ɛNgɔn ɛbhɛ de!

iRooma 8:11

Wu iKabyik ɛTaanggbey de, ne iphɛ kaa yiisik ɛYɛso yegha tsik ne ikpuu da, i shɛɛ ndɔ ne irway mon da, ɛnyi gha ne ɛ kaa yiisik ɛKiriti yegha tsik ne ikpuu da sɛ ne ma nang ibek mon de ne iphɛ soye idee ne iku de iken de, lenɛ ne iKabyik ɛbhɛ de ne iphɛ shɛɛ ndɔ ne irway mon da.

iRooma 8:24

Ɛlɛy, daa ne yɛk ne irway yɛdaa wo ne kɛ phɔt njwɛɛn nɛ. Wu njwɛɛn kɛ ne yaang ɛkɔn ne njwɛɛn kɛ yɛk ne irway da, sɔng iphɛ ne ta tɔye iyɛk ne irway nang. Ɛhay ɛbhɛ yɛk ne irway da daa ɛkɔn na ne ɛɛ yaang ngoo?

1 iKɔrɔntos 13:13

Nikɔn itwat tɛnaa wo ku sonɛ. Nibhɛ naa lɛ, ìnang ne itin nɛ, iyɛk ne irway, ne ishwim; ɛgbaang ngɛ gbik ndɔ nibhɛ wo ne soye ishwim ba.

1 iKɔrɔntos 15:20

Kɛ ne yiisik ɛKiriti yegha tsik ne ikpuu da ɛtsak, ɛbhɛ ne ɛ so te ire ɛyisɛ ne kɛ tsa pha ndɔ ninaa nɛ nibhɛ kɛ kus so ne sɛ yiisik nibhɛ wo.

2 iKɔrɔntos 1:3

Te dɛp ɛTaanggbey ye ne ɛ so ɛKyɛɛ ɛDaray ɛYɛso ɛKiriti njwɛɛn, ɛbhɛ so ɛTaa gha ne ɛ so hyɔrɔ ne san iyɔm, ne ɛTaanggbey ne wɔrɔp irway gbik.

iGalatiya 6:16

Te irway ne laal, ne san iyɔm ɛTaanggbey shɛɛ daa ninaa nɛ nibhɛ roos ikpii yɛdaa wo, nibhɛ bhɛ soye ninyi niphas ɛTaanggbey ya!

iFisus 1:17

Nzi bo wu te ɛTaanggbey ɛDaray njwɛɛn ɛYɛso ɛKiriti gha, ɛTaa ne ito-ndiinday ya nang nyini iKabyik ne ntsɛntsɛng, ɛ ta phaal nyini ito ɛbhɛ te ˆɛ seng ɛn ɛbhɛ yɛnɛng.

iFisus 1:3

Te dɛp ɛTaanggbey ye ne ɛ soye ɛKyɛɛ ɛDaray njwɛɛn ɛYɛso ɛKiriti. Te dɛp ɛbhɛ wo daa ɛli ne ɛ kɛ nang njwɛɛn gbik Niwɛng ne iKabyik nɛ nibhɛ so ne igbɔm ɛzay ɛdaa ne irywa lenɛ ne ɛYɛso ɛKiriti gha.

iFisus 1:7

Kɛ lenɛ nɛ neyi ɛKiriti na ne ɛ kɛ lok ne i say njwɛɛn, kaabi i hana ɛfɔt njwɛɛn no lenɛ ne izɛɛng ɛbhɛ ne ihywɛ so gbogbom.

iFisus 2:4

Gbik ne iphɛ ɛlɛy, ɛTaanggbey ya ne soye ɛhaa ne san iyɔm gbom, ishwim ɛbhɛ da daa njwɛɛn no ne so gbogbom.

iFisus 3:20

Te nang ɛTaanggbey ye ne ndiinday, ɛhaa ne ihwet ɛbhɛ i mɔn ɛtomɛ ndɔ njwɛɛn iphɛ te njwɛɛn mɔn nikɔn na nɛ nibhɛ phyin ɛli ne njwɛɛn kɛ phom gbik nɛ ninaa ne njwɛɛn i tas.

iKɔlɔsi 1:23

iPhɛ so nggbinggbing ˆɛ re ɛn ɛnu ɛyisɛ ndɔ ne ìnang ne itin mon de te ˆɛ kyinak ɛn nting daa ne itin nɛdee wo. Sɔng ɛ sim ɛn i sungki nyini, ˆɛ hana ɛn iyɛk ne irway yɛdaa wo ne ˆɛ kaa sɛ ɛn nten de ne ˆɛ kaa phok ɛn ibol iyɛnɛng ngɛdee wo nang. iBol iyɛnɛng ngɛdee wo ne kɛ sanga ndɔ nikɔn na ne kɛ ryɔng ngo, ne mee ɛBulus sa nggɛ te me ɛhaa ɛtomɛ yɛwo.

iKɔlɔsi 1:27

iCwas ɛTaanggbey da ne so tɛ ninyi ɛbhɛ na seng wu ɛkɔn ɛgying ngɛghaa wo ne ɛ soye iryat de ɛ bok ne ndiinday de ma so ɛhaa ninyi na ne hame nibhɛ so niYahodawa na. ɛKɔn ɛgying ngɛghaa wo ne so ɛlɛ, ɛKiriti gha so ndɔ mon, ˆɛ sɛ ne sɛ ɛn ihop ne ito-ndiinday ɛbhɛ de.

1 iTasɔlɔnika 1:3

Njwii tas ne nyinɛn ɛnu ɛyisɛ ɛTaanggbey ya ne ɛ so ɛTaa gha. Njwii tas ne ɛtomɛ gha ne ìnang ne itin mon da i tɔɔsel lo, ne ɛtomɛ gha ne ɛ mɔn ɛn lenɛ ne ishwim mon da, gbik ne rop iku mon de ne ɛ bok ɛn lenɛ ne sit ne irwisɛ da daa ɛDaray njwɛɛn ɛYɛso ɛKiriti gha.

1 iTasɔlɔnika 4:13

Nigwaa en, sɔng njwii sim te ˆɛ sɛ tɔ ɛn gbyik daa ne ibol ninaa nɛ nibhɛ kɛ wum nwa da ndɔ ɛKiriti gha nang, kaabi ninaa nɛ nibhɛ kɛ kus so. Daa ɛli ne ˆaa yung bees ɛn irway tɛ ninaa ne hame nibhɛ kɛ sit irwisɛ da nibhɛ sɛ́ bhɛ shɛɛ ne ɛTaanggbey ya.

2 iTasɔlɔnika 2:16

Te ɛDaray ɛYɛso ɛKiriti njwɛɛn na ne ito ɛbhɛ gbik ne ɛTaanggbey ya ne ɛ soye ɛKyɛɛ njwɛɛn na, ne ɛ kɛ sim njwɛɛn no, ɛ wɔrɔp njwɛɛn no, ɛ ta nang njwɛɛn iyɛk ne irway iywɛnɛng ngga, lenɛ ne izɛɛng ɛbhɛ de,

1 ɛTimɔti 1:14

ɛDaray njwɛɛn na kaa ne sit izɛɛng ɛbhɛ de walala daa mee, ɛ ta nang me ìnang ne itin ne ishwim ba ne ifɛ so ndɔ ɛYɛso ɛKiriti gha.

ɛTitus 2:13

Njwɛɛn i shɛɛ ɛlɛ wo i hyep ɛtuk ɛwɛng nga ne njwɛɛn kɛ yɛk ne irway da. Nten de ne ito-ndiinday ɛTaanggbey ne nindiinday ɛHaa ne Phɔt njwɛɛn ɛYɛso ɛKiriti gha sɛ tɔɔl le wo.

iBirani 3:6

ɛKiriti gha ne so sɛ kyinak daa ne ibol ɛbhɛ daa ɛli ne ɛbhɛ ɛ yang so ɛNgɔn na ne ɛ wɛɛ ninyi ɛTaanggbey ya. Njwɛɛn no, njwɛɛn ne soye ninyi ɛTaanggbey ya, wu njwɛɛn kɛ boos irway nviit da, njwɛɛn sang te ikyɔkyɔt daa ɛkɔn na ne njwɛɛn kɛ sit ne irwisɛ da.

ɛYakub 1:18

Kɛ lenɛ ne icwas ɛTaanggbey da, ne nang njwɛɛn iken lenɛ ne ibol ɛbhɛ ne iphɛ so itin nɛ, te njwɛɛn teye ninaa ɛyisɛ yɛ ndɔ nikɔn na ne kɛ ryɔng ngo.

1 ɛBiturus 1:13

iPhɛ ɛlɛy, ne ɛ ryɔng ɛn irway mon da ɛli ne aa mɔn ɛn ɛtomɛ gha. Tek ɛn itso mon ɛlɔ ɛdaan, te ɛ yɛk ɛn irway daa ne izɛɛng ngge ne sɛ nang nyini wo nten de ne sɛ phaal igbagha ɛzay ɛYɛso ɛKiriti yegha.

1 ɛBiturus 1:21

Kɛ ne lenɛ ne ɛKiriti gha ne ɛ nang ɛn ne itin nɛ ne ɛTaanggbey ne ɛ kɛ yiisik ɛKiriti yegha tsik ne ikpuu da ɛ nang ɛbhɛ ito-ndiinday. iPhɛ ɛlɛy, ìnang ne itin mon da, ne ìyɛk ne irway mon da ne so daa ɛTaanggbey.

1 ɛBiturus 1:23

Kɛ kyii ta yɛk nyini, sɔng ìyɛk kɛ ne so ìyɛk ne ifɛ sɛ sa nang, ifɛ yang so ìyɛk ne sang sa. Kɛ kyii ta yɛk nyini wo lenɛ ne ibol ɛTaanggbey ne iphɛ so idee ne iken, idee ne inat.

1 ɛBiturus 2:2

Te ne ɛɛ sak ɛn nyini ne ire ne ikabyik ge ɛli nɛ ninɔn nishesheng nga i sak ghe ne mbalas da, te ɛ hɔn ɛn ndɔ ne ìphɔrɔt mon da,

1 ɛBiturus 3:15

Yang nang ɛn ɛKiriti yegha ne ndiinday ndɔ ne irway mon da daa ɛli ne ɛbhɛ ɛ so ɛDaray. Shɛɛ ɛn ɛkanang cɛcɛɛy ɛli ne aa kyii ɛn ɛnyi gha nɛ ne ɛ kɛ phom nyini ɛkɔn na ne ɛ kɛ te ɛ kɛ yɛk ɛn irway mon daa ne roos ɛKiriti yegha. Gbik ne iphɛ ɛlɛy, ne ɛ mɔn ɛlɛ wo ndɔ ne ihywɛɛ, ne ìnang ne ndiinday.

1 ɛBiturus 3:21

Kɛ ten inɛn nɛdaa nggyɛ wo ne ibatisima ne i phɔt ninyi nɛ ɛlyilyɛghaa. Sɔng i ne phɔt njwɛɛn lenɛ ne kɛ kuus irwirwik ne ibek njwɛɛn nang. I yang phɔt njwɛɛn no lenɛ ne bol ne ɛTaanggbey ye ne icwas ne irway iywɛnɛng wɛlɛng ɛkɔn ne tok gbik ne yilitsik ɛYɛso ɛKiriti ndɔ ne ikpuu.

1 ɛBiturus 3:5

ɛLɛ wo nɛ nikuk ne ile na nɛ nibhɛ kaa so kang ngo, nibhɛ soye ninaa ne sit irwisɛ da daa ɛTaanggbey ya kaa gyura en. Nibhɛ kaa roos ibol niras nibhɛ de.

1 ɛYohana 2:29

Wu ɛ yɛɛ ɛn wu ɛKiriti gha so cik ko, ˆaa ne seng ɛn wu ɛnyi gha ne ɛ mɔn nikɔn nicik ka ɛ soye ɛngɔn ɛTaanggbey.

1 ɛYohana 3:3

Gbik ɛnyi gha ne ɛ bok iyɛk ne irway yɛdaa wo daa ɛKiriti gha, te ɛ te ito ɛbhɛ wɛwɛy ɛ shɛɛ wɛwɛy daa ɛli ne ɛKiriti gha so wɛwɛy.

1 ɛYohana 3:9

Gbik ɛnyi gha ne ɛ so ɛNgɔn ɛTaanggbey ya, sɔng aa ne re ɛnu ɛyisɛ ne mɔn ɛfɔt to nang, daa ɛli ne iken iphas ɛTaanggbey de so ndɔ ɛbhɛ. Sɔng aa ne yɛɛ ne re ɛnu ɛyisɛ ne mɔn ɛfɔt to nang, daa ɛli ne ɛ kɛ teye ɛNgɔn ɛTaanggbey ya.

1 ɛYohana 4:7

Nyinɛn ninaa ne nzi sim, te ɛrɔngɔ sim ɛrɔngɔ daa ɛli ne ishwim ba le ɛlɔ ɛTaanggbey. Gbik ɛnyi gha ne ɛ bok ishwim ba, ɛ soye ɛNgɔn ɛTaanggbey, ɛ yɛɛ ɛTaanggbey ye.

1 ɛYohana 5:1

Gbik ɛnyi gha ne ɛ kɛ nang ne itin nɛ wu ɛYɛso gha ɛbhɛ ɛ soye ɛKiriti gha, ɛnyi yɛghaa nggyɛ wo ne soye ɛngɔn ɛTaanggbey. Gbik ɛnyi gha ne ɛ ne sim ɛTaa yegha, ɛ ne ma sim ɛNgɔn na.

1 ɛYohana 5:18

Njwɛɛn i yɛɛ wu gbik ɛnyi gha ne ɛ soye ɛngɔn ɛTaanggbey ya, sɔng ɛ re ɛnu ɛyisɛ ne mɔn ɛfɔt to nang, daa ɛli ne ɛYɛso gha ne ɛ so ɛNgɔn ɛTaanggbey ya i kyɛngɛse ɛbhɛ. Sɔng ɛShɛtan na yaa ne yɛɛ ne dat ɛbhɛ nang.

1 ɛYohana 5:4

daa ɛli ne gbik ɛnyi gha ne ɛ soye ɛngɔn ɛTaanggbey ya ɛ bok ihwet ne re ɛwɛng ne ɛzay ya. ìNang ne itin njwɛɛn de ndɔ ɛKiriti gha i te njwɛɛn re ɛwɛng daa ne ibebhe ɛzay de.