1 ɛBiturus 1:23 - ɛWee ne ìTsɛm iHywas

²³ Kɛ kyii ta yɛk nyini, sɔng ìyɛk kɛ ne so ìyɛk ne ifɛ sɛ sa nang, ifɛ yang so ìyɛk ne sang sa. Kɛ kyii ta yɛk nyini wo lenɛ ne ibol ɛTaanggbey ne iphɛ so idee ne iken, idee ne inat.

1 ɛBiturus 1:23 ပူးပေါင်းရင်းမြစ်များ

ɛMacu 24:35

iRywa ne ɛzay ya sɛ phebhe gbik, sɔng ibol nge de sɛ ne ma phee nang.

ɛLuka 8:11

“ɛNting ne ibol ne igɔrɔp be ne so ɛlɛ; iHywee de so ibol ɛTaanggbey.

ɛYohana 1:13

Sɔng i bo nibhɛ kaa tes se ninɔn ɛTaanggbey ya wu nibhɛ soye neyi ɛbhɛ nang, sɔng kaa yɛk nibhɛ ɛli ne ɛras i shɛɛ ne ɛkuk ɛbhɛ nibhɛ ji yɛk ɛngɔn nang. ɛTaanggbey ya ne ito ɛbhɛ, ɛbhɛ kaa yɛk ngɛ nibhɛ teye ninɔn ɛbhɛ na.

ɛYohana 1:3

Kaa lenɛ ne ɛbhɛ ɛTaanggbey ya ne ryɔng nikɔn na gbik; sɔng ɛdɛ ɛkɔn na sonɛ ne kaa ryɔng sang lenɛ ne ɛbhɛ wo nang.

ɛYohana 3:3

ɛYɛso gha ne kyii ɛbhɛ nɛ ɛ yɔngɔ, “Nzi tɔng ngɛ itin nɛ, wu kɛ sang kyii ta yɛk ɛnyi gha dɔng, sɔng ɛ sɛ ne bhɛ yaang igbɔm ɛTaanggbey da nang.”

ɛYohana 3:5

ɛYɛso gha ne kyii nɛ ɛ yɔngɔ, “Nzi tɔng ngɛ itin nɛ, wu kɛ sang kyii ta yɛk ɛnyi ndɔ inɛn gbik ne iKabyik, sɔng ɛ sɛ ne bhɛ lel ne igbɔm ɛTaanggbey da nang.

ɛYohana 6:63

iKabyik ɛTaanggbey de iphɛ phɛ so ɛkɔn na ne iphɛ nang iken; sɔng ibek bok ito ne nang iken nang. iVol da ne nggɛ ne bol ne nyinɛn no ne so ivaa ne iKabyik ɛTaanggbey ne ifɛ ne nang iken.

iRooma 1:23

Nibhɛ kɛ sunu re ɛTaanggbey ne ndiinday yegha ntsong, ɛTaanggbey ya ne hame ɛ ku wo, nibhɛ kyi yaa re igunkyi ne iphɛ so te ɛten ɛsii ne iphɛ ku, nɛ ninon, ne inyam ɛhay gbik nɛ nikɔn ne hyel ne ibuu ntsong ngga.

iBirani 4:12

Daa ɛli ne ibol ɛTaanggbey de so iken nɛ, iphɛ bok ihwet. iPhɛ re iphɛ phyin ˆɛwal ninu ifaa. iPhɛ lel ndɔ ɛnyi gha gbik iphɛ hyɛ iphɛ hobhose iken ne ikabyik, ne ikpup ne isɔrɔm, iphɛ tuul icwas ɛnyi da gbik.

ɛYakub 1:18

Kɛ lenɛ ne icwas ɛTaanggbey da, ne nang njwɛɛn iken lenɛ ne ibol ɛbhɛ ne iphɛ so itin nɛ, te njwɛɛn teye ninaa ɛyisɛ yɛ ndɔ nikɔn na ne kɛ ryɔng ngo.

1 ɛBiturus 1:25

ibɔrɔk ne ibol ɛDaray de, yaa ne i shɛɛ nɛ ishay-ishay.” iBol lɛdee wo iphɛ ne so iBol iYɛnɛng ngge ne kɛ tɔng nyini wo.

1 ɛBiturus 1:3

Te njwɛɛn dɛp ɛTaanggbey yegha ne ɛbhɛ so ɛkyɛɛ ɛDaray njwɛɛn ɛYɛso ɛKiriti gha. Ɛbhɛ kɛ san iyɔm njwɛɛn gbom, ɛ nang njwɛɛn ishwɛɛ ifas lenɛ ne iyilitsik ɛKiriti ndɔ ne ikpuu. iBol lɛ kɛ ne te njwɛɛn bok ìyɛk ne irway ne iphɛ so iken.

1 ɛYohana 3:9

Gbik ɛnyi gha ne ɛ so ɛNgɔn ɛTaanggbey ya, sɔng aa ne re ɛnu ɛyisɛ ne mɔn ɛfɔt to nang, daa ɛli ne iken iphas ɛTaanggbey de so ndɔ ɛbhɛ. Sɔng aa ne yɛɛ ne re ɛnu ɛyisɛ ne mɔn ɛfɔt to nang, daa ɛli ne ɛ kɛ teye ɛNgɔn ɛTaanggbey ya.

1 ɛYohana 5:18

Njwɛɛn i yɛɛ wu gbik ɛnyi gha ne ɛ soye ɛngɔn ɛTaanggbey ya, sɔng ɛ re ɛnu ɛyisɛ ne mɔn ɛfɔt to nang, daa ɛli ne ɛYɛso gha ne ɛ so ɛNgɔn ɛTaanggbey ya i kyɛngɛse ɛbhɛ. Sɔng ɛShɛtan na yaa ne yɛɛ ne dat ɛbhɛ nang.