1 ɛBiturus 1:21 - ɛWee ne ìTsɛm iHywas

²¹ Kɛ ne lenɛ ne ɛKiriti gha ne ɛ nang ɛn ne itin nɛ ne ɛTaanggbey ne ɛ kɛ yiisik ɛKiriti yegha tsik ne ikpuu da ɛ nang ɛbhɛ ito-ndiinday. iPhɛ ɛlɛy, ìnang ne itin mon da, ne ìyɛk ne irway mon da ne so daa ɛTaanggbey.

1 ɛBiturus 1:21 ပူးပေါင်းရင်းမြစ်များ

ɛMacu 28:18

ɛYɛso gha ne yɛɛs cɛcɛk, ne ɛ yaak nibhɛ, “Kɛ nang me igbɔm ɛdaa ne irywa da ne ivaa ndɔ ɛzay ya gbik.

ɛYohana 12:44

ɛYɛso gha ne boote ne ɛgbaang ne izɔlɔs ɛ yɔngɔ, “Wu ɛnyi gha kɛ nang ne itin nɛ ne me wo, sɔng mee ne ɛ kɛ nang ne itin nɛ zɔng nang, ɛ kɛ ma nang ne itin nɛ ne ɛhaa ne ɛ kɛ tom me.

ɛYohana 14:1

ɛYɛso gha ne yaak nibhɛ, “Sɔng ɛ sap ɛn nang, nang ɛn ne itin nɛ ne ɛTaanggbey ɛ ma ta nang ɛn itin nɛ ne mee.

ɛYohana 14:6

ɛYɛso gha ne kyii nɛ ɛ yaak ɛbhɛ, “Mee nzo ɛnkiinɛ wo ne itin de gbik ne iken de. Sɔng ɛnyi yaa phɛ ɛlɔ ɛKyɛɛ gha tang roos ɛlɔ nge gha nang.

ɛYohana 17:1

Kɛ ne sɛ ɛYɛso gha kɛ taal ivol lɛbaa wo, ne ɛ waal ito ɛ yɛɛn daa ne irywa ɛ roo ɛ yɔngɔ: “ɛTaa nten nɛ kɛ tuu. Tɔɔrek ito-ndiinday mo daa ɛNgɔn mo gha, te ɛNgɔn na ne ma tɔɔrek kɛ ito-ndiinday.

ɛYohana 17:24

“ɛTaa! Ɛ kɛ nang me nibhɛ, nzi ne sim tɛ nibhɛ sɛ ɛbhɛ so ne mee ɛlɔ gha ne nzo nɛ wo, tɛ nibhɛ yaang ito-ndiinday nge idee ne ɛ kɛ nang me wo daa ɛli ne ɛ kaa ku sim me tang ryɔng ɛzay ya.

ɛYohana 17:5

ɛLyilyɛghaa wo ɛTaa, tɔɔrek ito-ndiinday daa mee, ito-ndiinday de ne nggaa ku bok ɛnu ɛyisɛ mo gha ɛli ne kaa tang ryɔng ɛzay ya.

ɛYohana 3:34

ɛNyi gha ne ɛTaanggbey ya kɛ tom mo nang, ɛ ne bol ivol ɛTaanggbey daa ɛli ne ɛTaanggbey ya kɛ nang ɛbhɛ iKabyik wɛlɛng ɛgak.

ɛTomɛ 2:24

Gbik ne phɛ ɛlɛy, ɛTaanggbey ya ne yiisik ɛYɛso yegha tsik ndɔ ne ikpuu da. Ɛ kaa sɔ nggbang ndɔ ne iku de, sɔng ɛTaanggbey ya ne sim ɛ shɛɛ ndɔ ne iku de nang, daa ɛli ne sɔng ikpuu da yaa yɛɛ ne boos ɛbhɛ nang.

ɛTomɛ 3:13

ɛTaanggbey ɛBaraying ne ɛShaaku, ne ɛYakub, ɛTaanggbey nikyɛɛ-nikyɛɛ njwɛɛn na kɛ nang ɛkpuru ɛbhɛ ɛYɛso yegha ne ndiinday. ɛYɛso gha ne ɛ kaa nang ɛn ɛbhɛ te i phoo wo. Ɛ kaa ne mbaray ɛn nyini ɛbhɛ ɛnu ɛyisɛ ɛBilatus ɛli ne ɛ kaa jung i sim te aa tek ɛbhɛ ɛ hyel.

ɛTomɛ 3:15

Ɛ kaa phoo ɛn ɛHaa ne ɛ nang iken, ɛbhɛ ne ɛTaanggbey ya kɛ ne yiisik ɛbhɛ tsik ndɔ ne ikpuu da. Njwi kaa yaang ɛli nɛ nikɔn nɛnaa wo kɛ tes.

ɛTomɛ 4:10

Ne ɛ seng ɛn iphɛ ɛlɛ nyinɛn no gbik nɛ ninyi niSɛrɛla na: ɛnyi yɛghaa wo ne ɛ kɛ kyinak ɛbɛ wo, kɛ te ɛken na lenɛ ne irywɛɛk ɛYɛso ɛKiriti ne iNazarat, ɛhaa ne ɛ kaa gangat ɛn ɛbhɛ wo, ɛhaa ne ɛTaanggbey ya ne kyii yiisik ɛbhɛ tsik ndɔ ne ikpuu da.”

iRooma 10:9

Wu ɛ kɛ boote ne ɛnu mo, ɛ yɔng wu “ɛYɛso so ɛDaray,” ɛ ta nang ne itin nɛ ndɔ ne irway mo wu ɛTaanggbey kɛ yiisik ɛbhɛ tsik ndɔ ne ikpuu, yaa ne phɔt tɛ.

iRooma 4:24

Kɛ ma haa daa njwɛɛn, sɛ bo njwɛɛn wu njwɛɛn so ninyi nicik, njwɛɛn no ne njwɛɛn kɛ nang ne itin nɛ ne ɛTaanggbey ya ne ɛ kɛ yiisik ɛDaray njwɛɛn ɛYɛso yegha ndɔ ne ikpuu da.

2 iKɔrɔntos 6:15

ɛKiriti gha bok isaa nibhɛ ne ɛShɛtan naa? ɛYakɔn ɛbhɛ kɛ byinki ɛhaa ne roos sa ne ɛhaa ne sang roos saa?

iFisus 1:15

iPhɛ phɛ kɛ te, nten de ne nggaa phok ibol ne ìnang ne itin mon de ndɔ ɛDaray ɛYɛso gha gbik ne ishwim mon da daa ninyi ɛTaanggbey ya,

iKɔlɔsi 1:27

iCwas ɛTaanggbey da ne so tɛ ninyi ɛbhɛ na seng wu ɛkɔn ɛgying ngɛghaa wo ne ɛ soye iryat de ɛ bok ne ndiinday de ma so ɛhaa ninyi na ne hame nibhɛ so niYahodawa na. ɛKɔn ɛgying ngɛghaa wo ne so ɛlɛ, ɛKiriti gha so ndɔ mon, ˆɛ sɛ ne sɛ ɛn ihop ne ito-ndiinday ɛbhɛ de.

1 ɛTimɔti 1:1

ɛWee yɛwoo wo le ɛlɔ ɛBulus, ɛngɔn ne tom ɛYɛso ɛKiriti lenɛ ne iyɛk ngɛ ɛTaanggbey ne ɛ so ɛHaa ne phɔt njwɛɛn gbik ne ɛYɛso ɛKiriti ne ɛbhɛ ɛ so ɛhaa ne sit ne irwisɛ njwɛɛn.

1 ɛTimɔti 3:16

Sɔng ito irway sonɛ nang, ɛduk ne ìnang ne itin njwɛɛn na ne ɛTaanggbey ya kɛ phaal lo so kyukyum. Kɛ tɔɔrek ɛKiriti yegha ndɔ ne ibek Kɛ tɔɔrek ɛ soye ne itin lenɛ ne iKabyik. Kɛ yaang ɛbhɛ lenɛ nɛ niMalɛka, kɛ tɔng ibol ɛbhɛ ndɔ ne igbagha, Kɛ nang ne itin nɛ ne ɛbhɛ ɛzay ya gbik, kɛ bo ɛbhɛ ndɔ ne ndiinday.

iBirani 2:9

Njwi yang yaang ɛYɛso yegha ne kaa yɛk ngɛ igbɔm ɛbhɛ taasek ivaa nimalɛka da. ɛLyilyɛghaa wo, kɛ ne nang ɛbhɛ ne ndiinday ne igbom, daa ɛli ne ɛ kɛ sɔ nggbang ne iku. Ɛ kaa mɔn ɛlɛ wo te lenɛ ne izɛɛng ɛTaanggbey de ɛ ku ɛlɔ ninyi na gbik.

iBirani 6:1

iPhɛ ɛlɛy, ne ɛ njwɛɛn re ɛnu ɛyisɛ te hɔn ndɔ ne imɛmɛ ne ibol ɛKiriti de, te njwɛɛn tek tɔk ɛli ne yaa kyii ta mɛmɛ njwɛɛn ne ilwing ne ibol ɛTaanggbey de. Sɔng njwɛɛn kyi ta yaa tɔk ɛli sɛɛ phok ibol ne ilwing ne ibol ɛTaanggbey de ne iphɛ tɔɔsel njwɛɛn ɛli ne yaa san ɛbɔk ka i tek nikɔn nikpɛɛ na, ne ìnang ne itin de ne ɛTaanggbey ya nang.

iBirani 7:25

iPhɛ ɛlɛy, aa ne yɛɛ ne phɔt ninyi na wɛlɛng ɛgak. Ninyi na nɛ nibhɛ kɛ yɛɛs ɛlɔ ɛTaanggbey ya lenɛ ne ɛbhɛ wo, daa ɛli ne ɛ ku so ɛken, ɛɛ bol ne ɛTaanggbey ya ɛlɔ nibhɛ cɛcɛɛy.

1 ɛBiturus 1:11

Nibhɛ kaa sim tɛ nibhɛ sɛɛ seng nten nɛ, gbik ɛli ne iphɛ sɛ yɛɛs. Nten de ne iKabyik ɛKiriti de ne iphɛ so ndɔ nibhɛ kaa tɔng nibhɛ wo. iKabyik ge kaa tɔng nibhɛ ibol ne nggbang ngga ne ɛKiriti gha sɛ sɔ wo, ne ndiinday de ne iphɛ sɛ roos ɛtsim mɛ wo.

1 ɛBiturus 1:3

Te njwɛɛn dɛp ɛTaanggbey yegha ne ɛbhɛ so ɛkyɛɛ ɛDaray njwɛɛn ɛYɛso ɛKiriti gha. Ɛbhɛ kɛ san iyɔm njwɛɛn gbom, ɛ nang njwɛɛn ishwɛɛ ifas lenɛ ne iyilitsik ɛKiriti ndɔ ne ikpuu. iBol lɛ kɛ ne te njwɛɛn bok ìyɛk ne irway ne iphɛ so iken.

1 ɛBiturus 3:22

ɛYɛso ɛKiriti gha kɛ ɛbhɛ kɛ ne waray daa ne irywa. Ne ɛbhɛ so ne iwɔ ne irwye ɛTaanggbey, ɛɛ re igbɔm daa nimalɛka, nɛ nigɔm, gbik ne ikpabyik.