1 ɛBiturus 1:20 - ɛWee ne ìTsɛm iHywas

²⁰ Ɛbhɛ ne ɛTaanggbey ya kaa ku kasa ɛli ne tang ryɔng ɛzay ya, kɛ ne ma ji phaal ɛbhɛ nten ɛtsim mɛdee wo daa ne ibol mon.

1 ɛBiturus 1:20 ပူးပေါင်းရင်းမြစ်များ

ɛMacu 25:34

“ɛNggyɛ wo, ɛgɔm ma sɛ ne ji yaak ninaa nɛ nibhɛ so ne iwɔ ne irwye ɛbhɛ wo, ‘Yɛɛs ɛn ɛKyɛɛ nge gha kɛ ku sit nyini ne ɛwɛng; ngga ɛn isha mon de, igbɔm ba ne kɛ ku ryɔng nyini nɛ wo nten de ne kaa ryɔng ɛzay ya.

ɛTomɛ 2:23

ɛTaanggbey ya kaa ku lɔl lɛ, ne ɛ ku i yɛɛ iphɛ ɛlɛy. Ɛ kaa nang ɛn ɛYɛso yeghaa wo ndɔ ne iwɔ nibebhe ninyi, nibhɛ ne phoo ɛbhɛ dak ne ihon.

iRooma 3:25

ɛTaanggbey ya kɛ tom ɛYɛso yegha te igyol ne hap itsanga, te ne ji lenɛ nɛ neyi ɛbhɛ te han ninyi na ne ɛfɔt nibhɛ wo lenɛ nɛ nibhɛ kɛ nang ne itin nɛ ne ɛbhɛ. ɛTaanggbey ya kɛ mɔn ɛlɛ wo te ɛ tɔɔrek wu ɛ so cik, daa ɛli ne ile de ɛTaanggbey ya kaa bok ɛbɔk daa ne ɛfɔt ninyi wo, sɔng ɛ kaa wɛɛ ibol lɛ nang.

iRooma 8:29

Ninyi na ne ɛTaanggbey ya kaa ku yɛɛ ne ile de ɛ kaa ku kasa nibhɛ tɛ nibhɛ te tɛ ɛNgɔn ɛbhɛ, te ɛNgɔn na ɛbhɛ ji teye ɛngɔn ɛkɔɔn nɛ ndɔ nigwaa ɛbhɛ na nɛ nibhɛ so gbom mo.

iGalatiya 4:4

Kaa ne ji sɛ nten de ne ɛTaanggbey ya kɛ yɛk ngɛ wo kɛ shwaak ghe, ɛTaanggbey ya ne tom ɛNgɔn ɛbhɛ, ɛkuk yɛk ɛbhɛ. Ne ɛ ma shɛɛ ndɔ ikpii ɛShara da.

iFisus 1:10

iCwas ɛbhɛ da so ɛlɛ, sɛ́ sɛ nten nɛ kɛ shwaak ghe, ɛ sɛ ne byingis nikɔn na gbik ndɔ ne igbɔm ɛKiriti ba, kaabi nikɔn ɛdaa ne irywa na nɛ ninaa ndɔ ɛzay ya gbik.

iFisus 1:4

Ɛbhɛ kaa kasa njwɛɛn lenɛ ne ɛYɛso ɛKiriti. Ɛ kaa ne kasa njwɛɛn no ɛli ne kaa tang tum ɛzay ya wu te njwɛɛn tul en kang, wɛlɛng ɛkɔn ne tok. Kaa ne lenɛ ne ishwim ne ɛ bok ne njwɛɛn,

iFisus 3:11

ɛTaanggbey ya kaa mɔn ɛlɛ wo lenɛ ne icwas ɛbhɛ ne ɛ kaa ku bok, ne ɛ kɛ shwaak ifɛ ndɔ ɛDaray njwɛɛn ɛYɛso ɛKiriti gha.

iFisus 3:9

Te n da phaal ninyi na nɛ gbik icwas ne ibol igying ɛTaanggbey de, idee ne iphɛ ku so igying izam-izam be. iBol igying ɛTaanggbey de ne ɛbhɛ ɛ kɛ ryɔng nikɔn na gbik ko.

iKɔlɔsi 1:26

iBol lɛdee wo kaa so gying ɛlɔ ninyi ne izam-izam gbom, ɛLyilyɛghaa wo kɛ ne ji phaal ninyi ɛTaanggbey ya nɛ.

1 ɛTimɔti 3:16

Sɔng ito irway sonɛ nang, ɛduk ne ìnang ne itin njwɛɛn na ne ɛTaanggbey ya kɛ phaal lo so kyukyum. Kɛ tɔɔrek ɛKiriti yegha ndɔ ne ibek Kɛ tɔɔrek ɛ soye ne itin lenɛ ne iKabyik. Kɛ yaang ɛbhɛ lenɛ nɛ niMalɛka, kɛ tɔng ibol ɛbhɛ ndɔ ne igbagha, Kɛ nang ne itin nɛ ne ɛbhɛ ɛzay ya gbik, kɛ bo ɛbhɛ ndɔ ne ndiinday.

iBirani 1:2

ɛLyilyɛghaa, ndɔ nituk ɛtsim mɛnaa wo, ɛTaanggbey ya i ne bol ne njwɛɛn lenɛ ne ɛNgɔn ɛbhɛ ne kɛ lenɛ ne ɛbhɛ i ryɔng ɛzay ya. Ɛbhɛ ne ɛTaanggbey ya kɛ ta kasa ɛbhɛ ɛ tek ɛbhɛ nɛ nikɔn na gbik.

iBirani 2:14

ɛLi nɛ ninɔn na so inwam ba nɛ neyi na, ɛYɛso gha kɛ ne ma teye ɛten ɛsii tɛ nibhɛ. Ɛ kɛ mɔn ɛlɛ wo te ne lenɛ ne iku ɛbhɛ de ɛ bunga ɛnyi ne ɛ bok igbɔm ne iku da, kaabi ɛShɛtan na.

iBirani 9:26

Sɛɛ yɔng ɛlɛy yo, ɛYɛso gha saa ne i ku ɛ kyi ta mɔɔng ɛ ku ne ile ne tum ɛzay de. ɛYɛso gha kaa yang tɔɔrek ito ɛbhɛ ɛdaan zɔng nten de ne ɛtuk ɛshara gha yungaa shwaak ghe, te ɛ ba ɛfɔt to lenɛ ne ɛ kɛ nang ito ɛbhɛ de.

1 ɛBiturus 1:2

Nyinɛn no ne ɛTaanggbey ya ne so ɛTaa gha kaa ku i yɛɛ nyini ɛ kasa nyini ne ile lenɛ ne iKabyik ɛbhɛ de, ɛ tul nyini kang ɛ te ɛn nyini ninyi ɛbhɛ, te ɛ roos ɛn ɛYɛso ɛKiriti ye, ɛ sɛ ɛn iyɛnɛng daa ne neyi ɛbhɛ na ne ɛ kɛ lok ko. Te iyɛnɛng ne irway ne laal ɛTaanggbey shɛɛ ne nyinɛn cɛcɛɛy.

1 ɛYohana 1:2

iKen nɛdee wo kaa ne phaal le njwi ne yaang. Njwi i ne naas ishɛɛda ne iphɛ njwi i ta tɔng nyini wu iphɛ iphɛ soye iKen ne inat, idee ne iphɛ kaa ku sonɛ ɛTaa gha ne ile de, iphɛ ne kɛ ne tɔɔl njwii wo.

1 ɛYohana 3:5

Ɛ ku yɛɛ ɛn wu ɛYɛso gha kaa yɛɛs te ɛ ba ɛfɔt to. Ndɔ ɛYɛso gha sɔng ɛfɔt sonɛ nang.

1 ɛYohana 3:8

Gbik ɛnyi gha ne ɛ re ɛnu ɛyisɛ ne mɔn ɛfɔt to, ɛ soye ɛhaa ɛShɛtan, daa ɛli ne ɛShɛtan na kaa ku mɔn ɛfɔt to ne ile ne ɛtum mɛ. ɛKɔn na ne ɛ kɛ te ɛNgɔn ɛTaanggbey ya yɛɛs ɛzay ya so te bunga nitomɛ ɛShɛtan na.

Nikɔn ne kɛ Phaal 13:8

Gbik ninyi ɛzay ya sɛ́ ne re inyam be ntsong kang nɛ ninaa ne kaa ku haa irɛɛk nibhɛ de ndɔ ne ɛWee ne iKen no. ɛWee ne iKen no soye ɛwoo ɛNgɔn ne ɛpharak ko ne kaa phoo ɛbhɛ wo. Kaa ne ku haa irɛɛk nibhɛ de nten de ne kaa tang ryɔng ɛzay ya.