1 ɛBiturus 1:2 - ɛWee ne ìTsɛm iHywas

² Nyinɛn no ne ɛTaanggbey ya ne so ɛTaa gha kaa ku i yɛɛ nyini ɛ kasa nyini ne ile lenɛ ne iKabyik ɛbhɛ de, ɛ tul nyini kang ɛ te ɛn nyini ninyi ɛbhɛ, te ɛ roos ɛn ɛYɛso ɛKiriti ye, ɛ sɛ ɛn iyɛnɛng daa ne neyi ɛbhɛ na ne ɛ kɛ lok ko. Te iyɛnɛng ne irway ne laal ɛTaanggbey shɛɛ ne nyinɛn cɛcɛɛy.

1 ɛBiturus 1:2 ပူးပေါင်းရင်းမြစ်များ

ɛMacu 24:22

Sɛ́ sang yɔng ɛTaanggbey ya kɛ tɛ nituk kɛnaa nggyɛ wo, sɔng ɛnyi ne sonɛ ne ɛ saa ne shɛɛ ɛken nang. ɛTaanggbey ya kɛ ne ku tɛ nituk kɛ nibhɛ te ncɛt ɛlɔ ninyi na ne kɛ kasa wo.

ɛMacu 24:24

Daa ɛli nɛ nikiriti ne irywɛɛk ka nɛ ninabawa ne irywɛɛk ka sɛ wuusi, nibhɛ tɔɔsel nyu ne igbaang nikɔn ne kparat tɛ nibhɛ luk ninyi na ne ɛTaanggbey ya kɛ ku kasa wo, wu nibhɛ yaa yɛɛ nɛ.

ɛMacu 24:31

Sɛ ne wuute ɛntuntuung, ne ɛ tom nimalɛka ɛbhɛ ndɔ ne ibap naas ɛzay de. Nibhɛ sɛ ne bhɛ tumɛ ninyi ɛbhɛ ne ɛ kɛ ku kasa wo ne ibap naas ɛzay de gbik. Nibhɛ sɛ ne tsa ne iwap ɛdak nibhɛ te ɛzay ya gyɔɔ gbik.

ɛMarakus 13:20

Sɛ sang yɔng ɛTaanggbey ya kɛ tɛ nituk ka ne sɛ́ sɔ ne nggbang ngɛdaa nggyɛ wo nang, sɔng ɛnyi ne sonɛ ne ɛ saa shɛɛ ɛken nang. ɛTaanggbey ya kɛ ne tɛ nituk kɛ nibhɛ te ncɛt daa ɛli ne ɛ kɛ san iyɔm ninyi ɛbhɛ ne ɛ kɛ ku kasa.

ɛMarakus 13:22

niKiriti ne irywɛɛk, nɛ ninabawa ne irywɛɛk sɛ ne wuusi gbom. Nibhɛ sɛ ne tɔɔrek nyu nikɔn ne kparat ta gbom tɛ nibhɛ luk ninyi na. Sɛ ne sɛ nibhɛ kɛ sɛ ikɛk, nibhɛ sɛ ne hɔ ihywɛɛ ninyi de ne ɛTaanggbey ya kɛ ku kasa wo.

ɛMarakus 13:27

Ɛ sɛ ne tom niMalɛka ɛbhɛ nibhɛ bhɛ tumɛ ninyi ɛbhɛ ne ɛ kɛ ku kasa nɛ nibhɛ so ne ibap inwaas ɛzay de gbik. Nibhɛ sɛ́ ne roos niduk ɛzay ya gbik.

ɛLuka 18:7

Yaa ne mɔn ɛli ɛTaanggbey ya sang nang ninyi ɛbhɛ na ne ɛ kɛ ku kasa wo, nɛ nibhɛ san ɛbhɛ ishwin da ne ɛtuk ka ne igbey yo ɛkɔn na ne ɛ so ɛhaa nibhɛ ghaa? Aa maa shɛɛ tang phyik nibhɛ naa?

ɛTomɛ 15:18

ɛLɛ wo ne ɛDaray ya kaa bol. Ɛbhɛ ɛ kaa ne tɔɔl nikɔn nɛnaa wo ne ile ne ile.’ ”

ɛTomɛ 2:23

ɛTaanggbey ya kaa ku lɔl lɛ, ne ɛ ku i yɛɛ iphɛ ɛlɛy. Ɛ kaa nang ɛn ɛYɛso yeghaa wo ndɔ ne iwɔ nibebhe ninyi, nibhɛ ne phoo ɛbhɛ dak ne ihon.

ɛTomɛ 20:32

“ɛLyilyɛghaa wo, nzi ne bo te ɛTaanggbey hyep nyini. Te bol ne izɛɛng ɛbhɛ de hyep nyini, te iphɛ nang nyini ihwet iphɛ yɛk ngɛ ɛwɛng ɛbhɛ sɛ nyini, ɛwɛng nga ne ɛ sɛ teye isha ninaa ne roos ɛbhɛ na.

iRooma 1:5

Kaa ne lenɛ ne ɛDaray ɛYɛso gha, te ne ta nang irywɛɛk ne ndiinday, kɛ ne nang izɛɛng ɛTaanggbey ne ɛ ta yel-le me te n te me ɛhaa ne tom ɛbhɛ mbɛ tɔng ibol ɛbhɛ de ɛlɔ ninyi na ne hame nibhɛ so niYahodawa na gbik, tɛ nibhɛ nang ne itin nɛ, nibhɛ ta roos nɛ ihywɛɛ.

iRooma 1:7

Nyinɛn no ne ɛ so ɛn iRooma de ne ɛTaanggbey ya i sim nyini ɛ kɛ ta yel-le nyini te ɛ shɛɛ ɛn kang, Te izɛɛng ne irway ne laal ɛTaanggbey ne ɛ so ɛkyɛɛ njwɛɛn gbik ne ɛDaray ɛYɛso ɛKiriti shɛɛ ne nyinɛn.

iRooma 11:2

Sɔng ɛTaanggbey ya kɛ mbaray ninyi ɛbhɛ na ne ɛ kaa ku yɛɛ ne ile de nang. Ɛ yɛɛ ɛn ɛkɔn na ne ɛWee ne iBol ɛTaanggbey yo i bol daa ne ito ɛLiya de ɛli ne ɛ kaa phɛ ne ishwin ɛbhɛ da ɛlɔ ɛTaanggbey ya daa ne ito niSɛrɛla de ɛ bo,

iRooma 11:28

Daa ɛli nɛ niYahodawa na gbom kɛ mbaray ibol iyɛnɛng ngge, nibhɛ kɛ ne teye ninaa ne iphup ɛTaanggbey ya, iphɛ kɛ ne yang kyi phyik nyini ne hame ɛ so ɛn nyini niYahodawa na. Daa ɛli ne ɛTaanggbey ya kɛ ne ku kasa nibhɛ wo, nibhɛ kɛ teye nitaay ɛTaanggbey da lenɛ nɛ nikyɛɛ-nikyɛɛ nibhɛ ɛBaraying ne ɛYakub gbik ne ɛShaaku.

iRooma 15:16

te n te me ɛhaa ne mɔn ɛYɛso ɛKiriti yegha ɛtomɛ gha ɛlɔ ninyi na ne hame nibhɛ so niYahodawa na. Nzi mɔn ɛtomɛ ɛbo ɛTaanggbey ya ɛli ne nzi sanga iBol iYɛnɛng ɛTaanggbey de tɛ ninyi na hame nibhɛ so niYahodawa na teye ɛkɔn ne hap itsanga ne ɛTaanggbey ne kɛ tek ɛTaanggbey ye nɛ lenɛ ne iKabyik ɛTaanggbey.

iRooma 16:19

Gbik ninyi kɛ ku phok ɛli ne ɛ roos ɛn ibol iyɛnɛng ngge, iphɛ ɛlɛy ne n bok irway ihwala daa ne ibol mon de. Gbik ne iphɛ ɛlɛy, nzi ne sim te ɛ sɛɛ te ɛn ntsɛntsɛng daa ɛkɔn na ne ɛ so ɛyɛnɛng ngɛ, tɛ nyini ninaa nɛ nibhɛ sang sim nibhɛ sɛɛ yaang ibebhe.

iRooma 16:26

ɛlyilyɛghaa wo nang, kɛ ne ji phaal iphɛ, iphɛ kɛ te wɛsɛrɛk lenɛ ne ibol de nɛ ninabawa na kaa ku i haa. Kɛ ne lenɛ ne ibol ɛTaanggbey ne inat de ne ɛ kɛ yɛk ngɛ ne phaal igbagha wo nɛ gbik tɛ nibhɛ nang ne itin nɛ nibhɛ ta roos.

iRooma 8:13

Wu ˆɛ kɛ ne shɛɛ ɛn ɛli ne icwas ne irway ɛten ɛsii da i sim mo ˆaa ne kus ɛn. Wu ˆɛ kɛ ne yang phoo ɛn icwas nikɔn na nɛ nibhɛ te nyini ˆɛ mɔn ɛn ɛfɔt to lenɛ ne ihwet ne iKabyik ga ˆaa ne shɛɛ ɛn niken.

iRooma 8:33

ɛHay ɛbhɛ aa ne yɔng bok ibol nɛ ninyi na ne ɛTaanggbey ya kɛ kasa wo? Wɛlɛng ɛnyi! Daa ɛli ɛTaanggbey ya ne ito ɛbhɛ ɛbhɛ kɛ say nibhɛ wu nibhɛ so cik.

1 iKɔrɔntos 1:30

ɛTaanggbey ya ɛbhɛ kɛ te ɛ so ɛn ndɔ ɛYɛso ɛKiriti gha, ɛbhɛ ta te ɛKiriti gha teye ntsɛntsɛng njwɛɛn. Kɛ ne lenɛ ne ɛKiriti gha ɛTaanggbey ya say njwɛɛn wu njwɛɛn so cik ɛnu ɛyisɛ ɛbhɛ, njwɛɛn ta teye ninyi ne wɛwɛy ɛTaanggbey ya, njwɛɛn ta teye ninyi ne kɛ phɔt.

1 iKɔrɔntos 6:11

ɛLɛy nɛ nidɛng ndɔ mon ka ne ma so ne ile de, ɛlyilyɛghaa wo kɛ ne kuus nyini, i tek nyini ɛ so ɛn ninaa ɛTaanggbey, kɛ ne say nyini wu ɛ so ɛn cik ɛnu ɛyisɛ ɛTaanggbey ndɔ ne irywɛɛk ɛDaray ɛYɛso ɛKiriti, gbik ne ikabyik ɛTaanggbey njwɛɛn.

2 iKɔrɔntos 10:5

Njwii bunga ishamas ninaa ne hal ɛgyɛy de gbik nɛ nikɔn na nɛ nibhɛ ring ne seng ɛTaanggbey yegha, njwii ne yaak ninyi nɛ nibhɛ kyii ne icwas nibhɛ ndɔ ne roos ibol ɛKiriti de.

2 iKɔrɔntos 13:14

Te izɛɛng ɛDaray njwɛɛn ɛYɛso ɛKiriti, ne ishwim ɛTaanggbey ne gbik ìtsɛm ne iKabyik ɛTaanggbey shɛɛ ne nyinɛn gbik. Ɛɛy.

iKɔlɔsi 3:12

ɛTaanggbey ya kɛ kasa nyini te ˆɛ te ɛn nyini ninyi ɛbhɛ ne kɛ tul kang, ninaa ne ɛ sim gbom. iPhɛ ɛlɛy, ne ˆɛ yɛk ɛn irway ne san iyɔm nigwaa, ˆɛ mɔn ɛn nikɔn niyɛnɛng, ˆɛ te ɛn lyaak, ˆɛ laasek ɛn ito, ˆɛ bo ɛn ɛbɔk.

2 iTasɔlɔnika 2:13

iPhɛ so nggbinggbing njwi tɔɔrek ɛTaanggbey ye irway ihwala daa mon nigwaa en ne ɛDaray ya i sim mo. Daa ɛli ne ɛTaanggbey ya kaa ku kasa nyini te ɛ te ɛn nyini ninaa ɛyisɛ yɛ ne kɛ phɔt. Ɛ kɛ mɔn ɛlɛ wo lenɛ ne ɛtomɛ ne iKabyik ge ne iphɛ kɛ tul nyini kang gbik ne ìnang ne itin mon ndɔ ne itin de.

2 ɛTimɔti 2:10

iPhɛ ɛlɛy, nggɛ ne tɔɔk nggbang nikɔn da gbik, ɛlɔ ninaa ne kɛ kasa nibhɛ wo, tɛ nibhɛ sɛ iphɔrɔt da ne ifɛ so ndɔ ɛYɛso ɛKiriti gha, nibhɛ ne ta sɛ ndiinday ne inat de.

ɛTitus 1:1

ɛWee yɛwoo wo le ɛlɔ ɛBulus, ɛkpuru ɛTaanggbey ne ɛngɔn ne tom ɛYɛso ɛKiriti. Kɛ kasa me i tom me te n phyik ìnang ne itin ninaa ne ɛTaanggbey kɛ kasa, n da tɔɔrek nibhɛ ɛnkiinɛ ne seng itin de ne iphɛ yaa tɔɔrek ɛli ne yaa shɛɛ ishwɛɛ ne ifɛ yaa nang ɛTaanggbey ye irway ihwala,

iBirani 10:22

iPhɛ ɛlɛy nɛ njwɛɛn shompeey cɛcɛk ne ɛTaanggbey ya ne irway ijwaan, ne ìnang ne itin hyɔrɔ. Nɛ njwɛɛn shompeey ne irway ne kɛ kuus ifɛ kɛ te tɔrɔk, gbik ne ibek ne kɛ kuus ne inɛn iwɛwɛy.

iBirani 11:28

Kaa lenɛ ne ìnang ne itin de ɛMuusaa gha ne see iDira ne Tes iDee Tsak, ɛ yɛk ngɛ i phyimɛ neyi na ninu ne iduk ka ɛlɔ ne ɛmalɛka ne phobho ninɔn nikɔɔn na yaa yung phobho ninɔn nikɔɔn niSɛrɛla na.

iBirani 12:24

ˆƐ kɛ yɛɛs ɛn ɛlɔ ɛYɛso ne ɛbhɛ ɛ kɛ kyinak ɛceree ninyi ne ɛTaanggbey ndɔ ne ìtsɛm ihywas de ne kɛ rop. ˆƐ kɛ yɛɛs ɛn ɛlɔ neyi ɛYɛso ne kɛ phyimɛ. Neyi nɛ nibhɛ bol ivol ne ifɛ phyin ivaa neyi ɛHabila na.

iBirani 5:9

ɛLɛ wo ne ɛYɛso gha kaa ne taal nikɔn ne ɛ kɛ yɛɛs ne mɔn no, ɛ ji teye itin ne iphɔrɔt ne inat ɛlɔ ninaa ne roos ibol ɛTaanggbey de.

1 ɛBiturus 1:14

ɛLyilyɛghaa wo ne ɛ kɛ te ɛn nyini ninɔn ɛTaanggbey ya, ne ɛ roos ibol ɛbhɛ de, sɔng ne ɛ sim ɛn nikɔn na ne ɛ kaa bok ɛn ihyop pɛ ne ile de ta bo ihywɛɛ mon de nang. Nzo ɛ kaa so ɛn ndɔ gbyik nten nɛdee nggyɛ wo.

1 ɛBiturus 1:19

Kɛ yang say nyini nɛ neyi ɛYɛso ɛKiriti na nɛ nibhɛ ku phyin ne ndiinday gbik. ɛYɛso ɛKiriti gha ne so te ɛngɔn ne pharak ne hap itsanga, byirik, wɛlɛng ɛkɔn ne tok.

1 ɛBiturus 1:20

Ɛbhɛ ne ɛTaanggbey ya kaa ku kasa ɛli ne tang ryɔng ɛzay ya, kɛ ne ma ji phaal ɛbhɛ nten ɛtsim mɛdee wo daa ne ibol mon.

1 ɛBiturus 1:22

ɛLyilyɛghaa wo ne kɛ ne te nyini wɛwɛy ndɔ ne ɛfɔt mon no daa ɛli ne ɛ roos ɛn itin de, ɛ ta i sim ɛn nigwaa mon na ne ishwim ne itin da. iPhɛ ɛlɛy, ne ɛ sim ɛn nigwaa mon ndɔ ɛkyukyum ne irway.

1 ɛBiturus 2:9

Ne ɛ so ɛn ninyi ne ɛTaanggbey kɛ kasa, ɛguu nibo ɛTaanggbey ɛgbaang ɛgɔm, igbagha ne kɛ tul kang, idira ninyi nɛ nibhɛ so ninaa ɛTaanggbey. ɛTaanggbey ya kɛ tul nyini ndɔ gbyik ka ɛ yɛɛs ne nyinɛn ndɔ ne iwɛwɛy ɛbhɛ ne iphɛ so ɛkɔn ne kparat te ɛ sanga ɛn ibol nikɔn niyɛnɛng ne ɛ kɛ mɔn no.

2 ɛBiturus 1:2

Te izɛɛng gbik ne irway ne laal ɛTaanggbey hɔn ndɔ mon gbom lenɛ ne iseng ne ɛ kɛ seng ɛn ɛTaanggbey ye gbik ne ɛDaray njwɛɛn ɛYɛso ɛKiriti.

2 ɛYohana 1:1

ɛWee yɛwoo le ɛlɔ ɛndiinday ɛYohana, ɛbhɛ phɛɛs ɛlɔ ɛgyinɛ ne ijwee ne ɛTaanggbey kɛ kasa gbik nɛ ninɔn ɛbhɛ ninaa ne nzi sim gbom. Sɔng mee zɔng nzi sim nibhɛ wo nang, gbik nɛ ninyi na nɛ nibhɛ ma yɛɛ itin ne bol ɛTaanggbey de.

2 ɛYohana 1:13

Ninɔn ɛgwaa mo ɛkuk ka ne ɛTaanggbey ya kɛ kasa ɛbhɛ wo i kyiisi yɛ.

ɛYahuza 1:2

Te ɛTaanggbey nang nyini irway ne san iyɔm, ne irway ne laal gbik ne ishwim gbom.