1 ɛBiturus 1:18 - ɛWee ne ìTsɛm iHywas

¹⁸ Ɛɛ yɛɛ ɛn wu kɛ phɔt nyini ndɔ ne nkiinɛ ɛbebhe wo nɛ nikyɛɛ-nikyɛɛ mon na kaa sonɛ wo. Ɛɛ ne yɛɛ ɛn, sɔng kɛ ne say nyini ne ɛkɔn ɛyɔyɔk te izinariya ne ɛzurufa ne iphɛ phyɔngɔle iphɛ bees se nang.

1 ɛBiturus 1:18 ပူးပေါင်းရင်းမြစ်များ

1 iKɔrɔntos 6:20

Kɛ say nyini i tal. iPhɛ ɛlɛy ne ɛ nang ɛn ɛTaanggbey ye ne ndiinday ne ibek mon de.

1 iKɔrɔntos 7:23

ɛKiriti gha kɛ say nyini ɛ tal, sɔng ne ɛ tes ɛn nyini nikpuru niten nisii na nang.

ɛTitus 2:14

ɛYɛso ɛKiriti gha ɛbhɛ kɛ nang ito ɛbhɛ te ɛ phɔt njwɛɛn ndɔ ne ibebhe de, te ɛ kɛ ne kuus njwɛɛn, te njwɛɛn teye ninyi ɛbhɛ zɔng, niwɛwɛy yɛ, njwɛɛn has irway ne mɔn nikɔn niyɛnɛng.

iGalatiya 1:4

ɛKiriti gha kɛ nang ito ɛbhɛ ɛlɔ ne ɛfɔt njwɛɛn te ne ɛ phɔt njwɛɛn ndɔ ɛzay ɛbebhe yeghaa wo ɛli ne ɛTaanggbey ya ne ɛ so ɛKyɛɛ njwɛɛn na i sim.

iFisus 4:17

iPhɛ ɛlɛy, nzi ne tɔng nyini, nzi kpɛng nyini ndɔ ne irywɛɛk ɛDaray, sɔng ˆɛ tɔ shɛɛ ɛn tɛ ninaa nɛ nibhɛ doo ɛTaanggbey yegha ne icwas nibhɛ da so icwas ɛbuu da nang.

iRooma 1:21

Ɛli nɛ nibhɛ yɛɛ ɛTaanggbey yegha, gbik ne phɛ ɛlɛy sɔng nibhɛ kɛ ne nang ɛbhɛ ne ndiinday wo ɛ so ɛTaanggbey yang, sɔng nibhɛ kɛ ne ta tɔɔrek ɛbhɛ irway ihwala nang. iCwas nibhɛ da kɛ ne yang kyi te buu, irway nibhɛ da ne ifɛ sang seng ɛkɔn na kɛ ne te gbyik.

1 ɛBiturus 4:3

Ɛ kaa ku bees ɛn nten mon gbom ne ile de, ɛ kaa mɔn ɛn nikɔn nɛ ninyi ne hame nibhɛ so ninaa ne roos i saghe nɛ. Ɛ kaa sak nyini mɔn nikɔn ne yɔm ncwa, ne ɛ roos ɛn ihyop ne ibek nɛ, ne ɛ sim ɛn te ɛ sɛ ku i shɛɛ ɛn ziizii, ɛ ra ɛn nzangas, ɛ sak ɛn nyini ne ijwira ne sɔ igbuut, ɛ re ɛn igunkyi ntsong ne iphɛ so ɛkɔn ne ishis.

1 ɛBiturus 1:7

Nggbang ngga kɛ yɛɛs nyini te mpɛ tɔɔrek iwɛwɛy ne ìnang ne itin mon da. I tɛɛsek iwɛwɛy ne izinariya de ne iphɛ so ɛkɔn na ne iphɛ yaa phyɔngɔle iphɛ taal le wo ne igboo. ɛLɛy ne i ne ma tɛɛsek iwɛwɛy ne ìnang ne itin mon de ne iphɛ phyin izinariya de ne ndiinday. ɛLɛ wo ne ìnang ne itin mon nɛdaa wo sɛ ne yɛɛs nyini ne idɛp, ne ndiinday, gbik ne igbom ɛtuk ka ne sɛ phaal ɛYɛso ɛKiriti yegha te igbagha ɛzay yo gbik yaang ɛbhɛ.

1 iKɔrɔntos 3:20

Kɛ ne ta haa ndɔ ne ɛWee ne iBol ɛTaanggbey yo i bo, “ɛDaray ya yɛɛ ɛli ne icwas ne ihywee ninaa ne ntsɛntsɛng ngɛnaa wo so icwas ɛbuu.”

iBirani 9:12

Sɔng ɛ kaa ne bhɛ lel lenɛ nɛ neyi ninɔn ne irwandɔng nɛ ninaa ne ᐩigyol nang. Ɛ kaa ku bhɛ lel ne ɛLɔ gha ne kɛ Tul Kang i Shɛs so ɛdaan zɔng, lenɛ nɛ neyi ɛbhɛ, ɛ sɛ njwɛɛn iphɔrɔt ne inat.

1 ɛYohana 3:5

Ɛ ku yɛɛ ɛn wu ɛYɛso gha kaa yɛɛs te ɛ ba ɛfɔt to. Ndɔ ɛYɛso gha sɔng ɛfɔt sonɛ nang.

ɛMarakus 8:37

iKyee ne ɛnyi gha sɛɛ nang ɛ sunu ne iken ɛbhɛ dee?