1 ɛBiturus 1:13 - ɛWee ne ìTsɛm iHywas

¹³ iPhɛ ɛlɛy, ne ɛ ryɔng ɛn irway mon da ɛli ne aa mɔn ɛn ɛtomɛ gha. Tek ɛn itso mon ɛlɔ ɛdaan, te ɛ yɛk ɛn irway daa ne izɛɛng ngge ne sɛ nang nyini wo nten de ne sɛ phaal igbagha ɛzay ɛYɛso ɛKiriti yegha.

1 ɛBiturus 1:13 ပူးပေါင်းရင်းမြစ်များ

ɛMacu 20:4

Ne ɛ yaak nibhɛ, ‘Ma cwi ɛn te ɛbhɛ mɔn ɛn ɛtomɛ gha ne ihwap ɛnap nge da, naa ne tal nyini ɛkɔn na ne ɛ kɛ jam mɛ.’

ɛLuka 12:35

“Rop ɛn ɛgagha te ɛ shɛɛ ɛn ɛ ɛkanang, te igboo mon no ne i tol,

ɛLuka 17:30

ɛLɛy ne iphɛ sɛ ne so ɛtuk ka ne ɛNgɔn ɛNyi gha sɛ tɔɔl le wo.

ɛLuka 17:8

Kwa sɔng ɛlɛy yang. Nzi bo wu ɛ sɛ yaak ɛbhɛ wu te ɛ tɔk ghe ire ɛtuk; ɛkpuru gha ji yɛk ghe ne itsura ne wol ire de, ɛ wol ire de, ɛ hyep pɛ ɛ re nyɛɛn, ɛ ma ji kyi re idee ɛbhɛ.

iRooma 13:13

Te njwɛɛn hyel byirik tɛ ninyi nɛ nibhɛ so ndɔ ne iwɛwɛy. Sɔng njwɛɛn teye ninaa sim ijwira ne sɔ i re i tes ziizii wo nang, sɔng njwɛɛn ne teye ninaa ne nzangas sa nang, sɔng njwɛɛn ne phok iyɛnɛng nikɔn na nɛ nibhɛ ninaa ne iyɔm ncwa na nang, sɔng njwɛɛn teye ninaa ne ishamas sa nang, sɔng yɛk ɛnkyis sa nɛ nigwaa na nang.

iRooma 8:19

Gbik nikɔn na ne kɛ ryɔng ngo i has irway nibhɛ hyep ɛli ne ɛTaanggbey ya yaa tɔɔrek ninɔn ɛbhɛ na wɛsɛrɛk ɛzay ya.

1 iKɔrɔntos 1:7

iPhɛ ɛlɛy, sɔng ɛ kɛ ne wɔs ɛn ɛdɛ ɛwɛng ne ikabyik ka ɛli ne ɛ kɛ sit ɛn irwisɛ ɛ hyep ɛn ibhɛ kyii ɛDaray njwɛɛn ɛYɛso ɛKiriti yegha nang.

1 iKɔrɔntos 13:13

Nikɔn itwat tɛnaa wo ku sonɛ. Nibhɛ naa lɛ, ìnang ne itin nɛ, iyɛk ne irway, ne ishwim; ɛgbaang ngɛ gbik ndɔ nibhɛ wo ne soye ishwim ba.

iFisus 6:14

iPhɛ ɛlɛy, kyinak ɛn nting, te itin de teye ɛgagha mon, te ihywel icik ga teye ɛtura ne igyɔs ne ta itsom mon.

iKɔlɔsi 3:4

Sɛ ne sɛ ɛKiriti gha ne ɛbhɛ ɛ soye iken mon de kɛ tɔɔl le, ˆɛ sɛ ne ma tɔɔl nyini ne ɛbhɛ ndɔ ne ito-ndiinday ɛbhɛ de.

2 iTasɔlɔnika 1:7

Nyinɛn no ne ɛɛ sɔ ɛn nggbang ngga ɛlyilyɛghaa ɛ sɛ́ ne phɔng ne nyinɛn gbik ne njwit to ne mang. ɛKɔn nɛghaa wo sɛ ne te ɛtuk ka ne ɛDaray ɛYɛso gha sɛ le daa ne irywa wo ɛ tɔɔl le gbik ne igbaang nimalɛka ɛbhɛ ndɔ ne ilem ne igboo.

2 ɛTimɔti 4:5

iGyɛ ne ɛTimɔti wo nang, wum ito mo ndɔ nikɔn na gbik, rop iku ndɔ ne nggbang ngga, mɔn ɛtomɛ ɛhaa ne sanga ibol iyɛnɛng ngge, shwaak ɛtomɛ mo gha gbik ɛli ne ɛ so ɛkpuru ɛTaanggbey ya.

2 ɛTimɔti 4:8

ɛLyilyɛghaa wo, kɛ ne tek me ɛkɔn ne ito ne igbɔm ne ihywel cik ne ɛbhɛ ɛ so ilong nge. ɛDaray ya ne soye ɛhaa ne bol ɛshara ne ɛcik ka sɛ nang me ɛkɔn ne ito yɛghaa nggyɛ wo ɛTuk ɛDaray ya. Sɔng nɛ some zɔng nang, gbik nɛ ninyi na nɛ nibhɛ hyep nibhɛ has irway tɛ nibhɛ yaang ɛli ne ɛDaray yaa tɔɔl le wo.

iBirani 10:35

iPhɛ ɛlɛy, ne ɛ hante ɛn ne irway nviit mon da, sɛ mɔn nyini iyɛnɛng gbom.

iBirani 3:6

ɛKiriti gha ne so sɛ kyinak daa ne ibol ɛbhɛ daa ɛli ne ɛbhɛ ɛ yang so ɛNgɔn na ne ɛ wɛɛ ninyi ɛTaanggbey ya. Njwɛɛn no, njwɛɛn ne soye ninyi ɛTaanggbey ya, wu njwɛɛn kɛ boos irway nviit da, njwɛɛn sang te ikyɔkyɔt daa ɛkɔn na ne njwɛɛn kɛ sit ne irwisɛ da.

iBirani 6:19

Sit ne irwisɛ njwɛɛn da ne so ngkangat te ɛgangat ne ɛ kɛ wum ivel gɛgɛy. iPhɛ ne te njwɛɛn sang to irway wɛlɛng ɛnik. iPhɛ ne bhɛ lel ndɔ ne ideng ngge, iphɛ phee ɛlɛbhɛlɛ gha, iphɛ bhɛ hɔn ɛlɔ ne shɛɛ ɛTaanggbey.

iBirani 9:28

ɛLɛy ne iphɛ ne ma so, kɛ ne nang ɛKiriti yegha ɛdaan zɔng te ɛ bo ɛfɔt ninyi gbom. Ɛ sɛ ne ta bhɛ kyii, ikyii ne ifaa yɛ, sɔng te ɛ ta ba ɛfɔt to nang, ɛ sɛ yang bhɛ kyii te ɛ phɔt ninaa nɛ nibhɛ hyep ɛbhɛ wo.

1 ɛBiturus 1:10

Daa ne ibol ne iphɔrɔt tɛdee wo, ninabawa na nɛ nibhɛ kaa tɔng ibol lɛ wo kaa bo nten nibhɛ phɛl iphɛ tɛ nibhɛ seng ibol ne izɛɛng ngɛdee wo ne ɛTaanggbey ya sɛ nang nyini wo.

1 ɛBiturus 3:15

Yang nang ɛn ɛKiriti yegha ne ndiinday ndɔ ne irway mon da daa ɛli ne ɛbhɛ ɛ so ɛDaray. Shɛɛ ɛn ɛkanang cɛcɛɛy ɛli ne aa kyii ɛn ɛnyi gha nɛ ne ɛ kɛ phom nyini ɛkɔn na ne ɛ kɛ te ɛ kɛ yɛk ɛn irway mon daa ne roos ɛKiriti yegha. Gbik ne iphɛ ɛlɛy, ne ɛ mɔn ɛlɛ wo ndɔ ne ihywɛɛ, ne ìnang ne ndiinday.

1 ɛBiturus 4:7

Nten ne taal ɛzay de yek cɛcɛk. iPhɛ ɛlɛy, ne ɛ wum ɛn ihywɛɛ mon ɛlɔ ɛdaan, ɛ shɛɛ ɛn ɛkanang, daa ɛli ne ɛkɔn yaa yung ring nyini ne bol ne ɛTaanggbey ya.

1 ɛBiturus 5:12

ɛSilibanos ne ɛ soye ɛgwaa, ɛhaa ne ɛ so sɛ kyinak daa ne ibol ɛbhɛ ndɔ ne ibol ne roos de, ɛbhɛ kɛ phyik me ne haal ɛwee yɛwoo wo. Nggɛ ne haal ncɛt te n te nyini itsɔngɔl gɛgɛy, n da yaak nyini wu iyɛnɛng ntin ɛTaanggbey yɛdee wo, kyinak ɛn gɛgɛy nɛ ndɔ yɛ.

1 ɛBiturus 5:8

Wum ɛn itso mon ɛ shɛɛ ɛn ɛkanang. ɛHaa ne iphup mon na, ne ɛ so ɛShɛtan na i kaan, ɛɛ bunga ikun te ɛkuramanza, ɛɛ tɔk ɛnyi ne aa kpɛɛ, ɛ re.

1 ɛYohana 3:3

Gbik ɛnyi gha ne ɛ bok iyɛk ne irway yɛdaa wo daa ɛKiriti gha, te ɛ te ito ɛbhɛ wɛwɛy ɛ shɛɛ wɛwɛy daa ɛli ne ɛKiriti gha so wɛwɛy.