1 ɛBiturus 1:12 - ɛWee ne ìTsɛm iHywas

¹² ɛTaanggbey ya kaa phaal nibhɛ nɛ wu hang ɛtomɛ gha nɛ nibhɛ mɔn no so daa ne iyɛnɛng nibhɛ, wu ɛ yang so daa ne iyɛnɛng mon. ɛLyilyɛghaa wo, iKabyik ɛTaanggbey de ne iphɛ le daa ne irywa wo, kɛ ne yɛk ngɛ kɛ phaal nyini nikɔn nɛnaa wo gbik ndɔ ne iBol iYɛnɛng ɛKiriti de ne kɛ sanga ndɔ mon no. Nikɔn nɛnaa wo nɛ nimalɛka na kɛ ma yung has irywa tɛ nibhɛ sɛɛ seng.

1 ɛBiturus 1:12 ပူးပေါင်းရင်းမြစ်များ

ɛMacu 11:25

Nten nɛ de nggyɛ wo, ɛYɛso gha kaa boote ɛ yɔngɔ, “ɛTaa, ɛDaray ɛdaa ne irywa ne ɛzay gbik, n bok irway ihwala ne igyɛ, daa ɛli ne ɛ kɛ rɛɛ ninaa ne ntsɛntsɛng nga, nɛ ninaa ishweng nga ibol mo de, ɛ ji tɔɔrek ninɔn mo iphɛ.

ɛMacu 11:27

“ɛKyɛɛ nge gha kɛ nang me nikɔn na gbik. Sɔng ɛnyi ne yɛɛ ɛNgɔn na kang ne ɛKyɛɛ gha nang, sɔng ɛnyi ne yɛɛ ɛKyɛɛ gha kang ne ɛNgɔn na gbik nɛ ninaa ne ɛbhɛ ɛNgɔn na kɛ kasa aa phaal nibhɛ wo nang.

ɛMacu 16:17

ɛYɛso gha ne kyii nɛ ɛ yaak ɛBiturus segha, “ɛSimɔn ne ɛ soyɛ ɛngɔn ɛYunana, ɛ soyɛ ɛhaa ɛwɛng! Sɔng ɛten ɛsii ɛbhɛ kɛ mɔng ngɛ ibol lɛdee wo nang, ɛKyɛɛ nge ne ɛ so daa ne irywa ɛbhɛ kɛ mɔng ngɛ.

ɛMarakus 16:15

ɛYɛso gha ne yaak nibhɛ, “Cwi ɛn ndɔ ɛzay ya gbigbik, te ɛbhɛ tɔng ɛn igbagha wo gbik ibol ɛyɛnɛng ngge.

ɛLuka 15:10

Nzi ne tɔng nyini, ɛlɛy ne iphɛ so, niMalɛka ɛTaanggbey ya yaa ne bok irway ihwala daa ɛhaa ne ɛfɔt ɛdaan ne ɛ kɛ san ɛbɔk ka.”

ɛLuka 2:26

iKabyik ɛTaanggbey de kaa ne ku tɔɔl ɛbhɛ, wu hang ɛ sɛ ku tang yaang ɛKiriti yegha ne ɛDaray ya kaa ku sim-mɛ wo.

ɛLuka 9:6

iPhɛ ɛlɛy, nibhɛ ne roos nigarang nga gbik, nibhɛ tɔng ibol iyɛnɛng ngge, nibhɛ ne ta i tes nishwa na niken ndɔ nilɔ na nɛ nibhɛ kɛ roos so gbik.

ɛYohana 15:26

“Sɛ́ ne sɛ ɛHaa ne iPhyik ka, ne nzɛ tom nyini nɛ ɛ le daa ɛlɔ ɛkyɛɛ gha kɛ ne yɛɛs; iKabyik ntin de ne iphɛ sɛ le ɛlɔ ɛkyɛɛ gha; iPhɛ ne sɛ ne tɔng nyini nikɔn na gbik daa ne ito nge de.

ɛTomɛ 10:44

Kɛ ne sɛ ɛBiturus sa tɔ bol, iKabyik ɛTaanggbey de ne tɔm dak ninyi na gbik nɛ nibhɛ tenes ibol ɛbhɛ de.

ɛTomɛ 16:10

Kɛ ne sɛ ɛtsim mɛ ne ɛBulus sa kɛ yaang iyuwa de, njwi ne yɔngɔ hywarat njwi bo nikɔn njwi phɛ ne iMakyidɔniya de, daa ɛli ne njwi kɛ seng wu ɛTaanggbey ɛbhɛ kɛ yel-le njwii te njwi tɔng ninyi ɛgarang ngɛnaa nggyɛ wo iBol iYɛnɛng nge.

ɛTomɛ 2:33

Kɛ nang ɛYɛso yegha ne ndiinday, ɛbhɛ so ne iwɔ ne irwye ɛTaanggbey. Ɛ kɛ ne say iKabyik ɛTaanggbey de ne ɛlɔ ɛKyɛɛ gha ɛli ne ku sim-mɛ wo, iphɛ ne ɛ kɛ ne ji sit daa ninyi yɛnaa wo ne ɛ yaang ɛn no, ɛ ta phok ɛn no.

ɛTomɛ 4:31

Kɛ ne sɛ nibhɛ kɛ roo wo, ɛlɔ gha nɛ nibhɛ sonɛ wo ne sunkit. Ne ji yɛk nibhɛ ne iKabyik ɛTaanggbey de hyɔrɔ nibhɛ ne ji yaa tɔng ibol ɛTaanggbey de tang ɛnik.

ɛTomɛ 4:8

iKabyik ɛTaanggbey de ne yɛɛs ndɔ ɛBiturus sa hyɔrɔ, ne ɛ kyii nibhɛ nɛ ɛ yaak nibhɛ, “Nindiinday nɛ ninu ne ikɔɔn ne igbagha,

ɛTomɛ 8:25

Ne sɛ ɛBiturus sa ne ɛYohana gha kɛ tɔng ninyi na nikɔn na nɛ nibhɛ kɛ yaang ngo, gbik ne ibol ɛDaray de, nibhɛ ne phɛ ne iYɛrushɛlɛm de. Nibhɛ kaa ne roos nigyigyaarang ne iSamariya na gbom nibhɛ sanga ibol iyɛnɛng ngge.

iRooma 1:15

iPhɛ phɛ kɛ te nggɛ has irway da te sɛ yɔng nggɛ ma yɛɛs n tɔng nyini iBol iYɛnɛng ngge nyinɛn no ne ɛ so ɛn iRooma de.

iRooma 1:17

Daa ɛli iBol iYɛnɛng ngge iphɛ phaal ɛli ɛTaanggbey ya i say ɛnyi wu ɛ so cik. Ninyi na ne say icik kɛdee nggɛ wo lenɛ ne nang ne itin nɛ, ɛli ne kɛ haa i bo: “ɛCik ka yaa shɛɛ ɛken lenɛ ne nang ne itin nɛ.”

iRooma 10:15

Yaa ne ta mɔn ɛli ninaa ne sanga ibol la bhɛ sanga ibol de wu kɛ sang tom nibhɛ woo? Te ɛli ne kɛ haa ndɔ ne ɛWee ne iBol ɛTaanggbey yo i bo, “iYɛɛs ninaa ne sanga ibol iyɛnɛng ngge kɛ jam gbom!”

iRooma 15:19

ne ihwet ne nyu nikɔn, nɛ nikɔn ne kparat, lenɛ ne ihwet ne iKabyik ɛTaanggbey. iPhɛ ɛlɛy nggɛ le ne iYɛrushɛlɛm n phyii bhɛ hɔn iLirikum nzi sanga iBol iYɛnɛng ɛKiriti de n phyii taal ɛtomɛ yɛghaa wo gbik.

1 iKɔrɔntos 2:10

Ne so njwit ne ɛTaanggbey kɛ ne tɔɔrek nikɔn nɛnaa wo lenɛ ne iKabyik ɛbhɛ. iKabyik ge phɛ phɛl nikɔn na gbik, iphɛ phyii bhɛ phɛl nikɔn ɛTaanggbey ya nɛ nibhɛ so kyukyum.

2 iKɔrɔntos 1:22

ɛTaanggbey ya kɛ yɛk njwɛɛn ne ɛlamba ne aa tɔɔrek wu njwɛɛn soye ninaa ɛbhɛ. Ɛ kɛ ne nang njwɛɛn iKabyik ɛbhɛ ndɔ ne irway njwɛɛn, te njwɛɛn seng ncɛncɛng wu ɛ sɛ shwaak ɛkɔn na ne ɛ kɛ ku sim njwɛɛn nɛ wo.

2 iKɔrɔntos 6:6

Njwi kɛ ne tɔɔrek nyini na wu njwi soye ninaa ɛtomɛ ɛTaanggbey ya lenɛ ne iKabyik ɛTaanggbey de ne iphɛ so ndɔ mos, lenɛ ne ishwɛɛ kang mos, ne ishweng mos, ne ɛbɔk mos, ne iyɛnɛng mos, ne ishwim mos ivaa ne itin nɛ,

iGalatiya 1:12

Sɔng nggɛ say iphɛ ɛlɔ ɛten ɛsii nang. Sɔng nggɛ ne ta mɛmɛ nɛ ɛlɔ ɛnyi nang. ɛYɛso ɛKiriti gha ne ito ɛbhɛ ɛbhɛ kɛ tɔɔrek me.

iGalatiya 1:16

Te ɛ phaal me irwisɛ ne seng ɛngɔn ɛbhɛ gha, te mbɛ tɔng ninyi na ne hame nibhɛ ne so niYahodawa na ibol iyɛnɛng ɛbhɛ de. Kaa ne sɛ ɛ kɛ mɔn ɛlɛ wo, sɔng nggaa ne bhɛ phom ɛnyi ɛli ne naa mɔn nang.

iFisus 3:10

iCwas ɛbhɛ da kaa so wu te lenɛ ne idira ninaa ne roos de ɛlyilyɛghaa wo, tɛ nigɔm gbik nɛ ninaa ne igbɔm ɛzay ɛdaa ne irywa na mɛmɛ ne ntsɛntsɛng ɛTaanggbey de hywee-hywee.

1 iTasɔlɔnika 2:9

Nigwaa en, ɛtsak, nyinɛn no ˆɛ yɛɛ ɛn nggbang ngga ne ɛbung nga ne njwi kɛ sɔ wo. Njwi kɛ mɔn ɛtomɛ gha ne ɛtuk ne igbey gbik daa ɛli ne njwi yaa yung nang nyini irighitik nten de ne njwii sanga iBol iYɛnɛng ngge ne iphɛ le ɛlɔ ɛTaanggbey ya.

1 ɛTimɔti 3:16

Sɔng ito irway sonɛ nang, ɛduk ne ìnang ne itin njwɛɛn na ne ɛTaanggbey ya kɛ phaal lo so kyukyum. Kɛ tɔɔrek ɛKiriti yegha ndɔ ne ibek Kɛ tɔɔrek ɛ soye ne itin lenɛ ne iKabyik. Kɛ yaang ɛbhɛ lenɛ nɛ niMalɛka, kɛ tɔng ibol ɛbhɛ ndɔ ne igbagha, Kɛ nang ne itin nɛ ne ɛbhɛ ɛzay ya gbik, kɛ bo ɛbhɛ ndɔ ne ndiinday.

iBirani 11:13

Gbik ninyi yɛnaa wo kaa ne kus ndɔ ne ìnang ne itin nibhɛ de. Sɔng nibhɛ kaa say nikɔn na ne ɛTaanggbey ya kaa rop nɛ nibhɛ wo nang. Nibhɛ kaa yang yaang nikɔn nɛ kyakyak. Nibhɛ ne phok yɛnɛng ngɛ, nibhɛ ne nang ishɛɛda yɛ wɛsɛrɛk wu nibhɛ soye ninaa ne ikpoo ndɔ ɛzay ya, sɔng ninaa ne ivel lɛ nang.

iBirani 2:4

ɛTaanggbey ya kɛ ne ta hante nang idee ɛbhɛ ishɛɛda lenɛ nɛ nikɔn ne kparat, nɛ nikɔn ne ɛnik, ne ìnang ne iKabyik ɛbhɛ ihywee-ihywee ne ɛ kɛ naas ninyi na lenɛ ɛli ne ɛ sim.

iBirani 4:2

Daa ɛli ne njwɛɛn kɛ phok iBol iYɛnɛng ngge ɛli nɛ ninyi ɛTaanggbey ya nɛ nibhɛ kaa so ndɔ ɛhay ya kaa ma phok ko. Gbik ne iphɛ ɛlɛy, sɔng ibol de nɛ nibhɛ kɛ ne phok ko kɛ ne phyik nibhɛ nang, daa ɛli ne sɔng nibhɛ kaa say iphɛ lenɛ ne ìnang ne itin de nang.

1 ɛBiturus 1:25

ibɔrɔk ne ibol ɛDaray de, yaa ne i shɛɛ nɛ ishay-ishay.” iBol lɛdee wo iphɛ ne so iBol iYɛnɛng ngge ne kɛ tɔng nyini wo.

1 ɛBiturus 4:6

iBol lɛdee wo iphɛ phɛ kɛ te kaa bhɛ tɔng ninyi na nɛ nibhɛ kɛ kus so iBol iYɛnɛng ngge. Ninyi na ne kɛ ku hyɛ nibhɛ ɛshara gha ndɔ ne ibek ge te ɛbyin ninyi na. Kaa ne bhɛ tɔng nibhɛ iBol iYɛnɛng ge tɛ nibhɛ shɛɛ ndɔ ne ishwɛɛ ne ikabyik nibhɛ de ɛli ne ɛTaanggbey so.

Nikɔn ne kɛ Phaal 5:11

Ne sɛ nggɛ yɛɛn ne n bok ᐩizɔlɔs ne nimalɛka nɛ nibhɛ kɛ ne hɔn ninom ma daa ɛco ninom nɛ nibhɛ kɛ hɔn ᐩishin daa ɛco ne ᐩishin gbarang. Nibhɛ kɛ te ɛcuruu ne igbɔm ma nɛ nikɔn niken nwaas sa, nɛ ninu nikɔɔn nzuwubɔ ifaa nɛ nibhɛ nwaas sa gyɔɔ gbik.