1 ɛBiturus 1:11 - ɛWee ne ìTsɛm iHywas

¹¹ Nibhɛ kaa sim tɛ nibhɛ sɛɛ seng nten nɛ, gbik ɛli ne iphɛ sɛ yɛɛs. Nten de ne iKabyik ɛKiriti de ne iphɛ so ndɔ nibhɛ kaa tɔng nibhɛ wo. iKabyik ge kaa tɔng nibhɛ ibol ne nggbang ngga ne ɛKiriti gha sɛ sɔ wo, ne ndiinday de ne iphɛ sɛ roos ɛtsim mɛ wo.

1 ɛBiturus 1:11 ပူးပေါင်းရင်းမြစ်များ

ɛMacu 26:24

ɛNgɔn ɛNyi gha yaa ku ɛli ne kɛ ku haa ibol ɛbhɛ de, gbik ne iphɛ ɛlɛy iphɛ ne so ɛkɔn ne ɛnik daa ɛnyi gha ne ɛ kɛ sim ɛ rɛp ɛngɔn ɛnyi gha! Sɛɛ ma yung yɔng kɛ ku shɛɛ tang yɛk ɛnyi yɛghaa nggyɛ wo, iphɛ sɛ ne phyin ɛbhɛ ne yɛnɛng.”

ɛLuka 24:44

Ne ɛ yaak nibhɛ, “iBol lɛdee wo ne nggaa mɔng nyini ɛli ne nggaa tɔ ne nyinɛn no: iPhɛ so nggbinggbing i shwaak nikɔn na ne kɛ haa daa ne ito nge de ndɔ iMɛmɛ ɛMuusaa da ninabawa na ma ta haa wo, i kyii ta haa ndɔ ne ɛWee ne iGhel lo.”

ɛYohana 12:41

ɛShaa gha kaa boote ɛlɛ wo daa ɛli ne ɛ kaa yaang ito-ndiinday ɛYɛso de, ne ɛ boote daa ɛbhɛ.

ɛTomɛ 16:7

Ne sɛ nibhɛ kɛ tuu ɛgak ne ivel ne iMasiya, nibhɛ ne i sim tɛ nibhɛ yaa phɛ ne ivel ne iBitaniya, iKabyik ɛYɛso de ne ring nibhɛ nɛ.

iRooma 8:9

Nyinɛn no wu ikabyik ɛTaanggbey de ne shɛɛ ndɔ mon, sɔng icwas ne irway ɛten ɛsii da ifɛ ne hyel ne nyinɛn nang, iKabyik ɛTaanggbey iphɛ hyel ne nyinɛn. Gbik ɛnyi gha ne ɛ sang bok iKabyik ɛKiriti de, sɔng ne ɛ soye ɛhaa ɛKiriti gha nang.

iGalatiya 4:6

ɛLyilyɛghaa wo ne njwɛɛn kɛ tes en ninɔn ɛTaanggbey ya, ɛTaanggbey ya kɛ ne tom iKabyik ɛNgɔn ɛbhɛ ndɔ ne irway njwɛɛn. iKabyik kɛdee wo i ne te njwɛɛn yɔngɔ, “Abba, ɛTaa nge.”

2 ɛBiturus 1:21

Daa ɛli ne sɔng ivol ɛnɛbi da i le ne icwas ɛten ɛsii nang, ninyi na kaa yang bol ivol ɛTaanggbey da lenɛ ne iKabyik ɛTaanggbey ne iphɛ kaa so ndɔ nibhɛ.

Nikɔn ne kɛ Phaal 19:10

Ne n ho ne ita ɛbhɛ te n re ɛbhɛ ntsong. Ne ɛ yaak me, “Yɛwɛy! Sɔng ˆɛ mɔn ɛlɛ wo nang! Ma nzo me ɛkpuru ɛYɛso gha te igyɛ wo nɛ nigwaa mo ninaa ne roos sa nɛ nibhɛ i naas ishɛɛda ne itin de ne ɛYɛso gha kɛ phaal lo. ɛTaanggbey ne ˆaa re ɛbhɛ ntsong ngga.” Daa ɛli ne itin de ne ɛYɛso gha kɛ phaal lo i nang ihwet ne tɔng ibol ɛTaanggbey de.