1 ɛBiturus 1:10 - ɛWee ne ìTsɛm iHywas

¹⁰ Daa ne ibol ne iphɔrɔt tɛdee wo, ninabawa na nɛ nibhɛ kaa tɔng ibol lɛ wo kaa bo nten nibhɛ phɛl iphɛ tɛ nibhɛ seng ibol ne izɛɛng ngɛdee wo ne ɛTaanggbey ya sɛ nang nyini wo.

1 ɛBiturus 1:10 ပူးပေါင်းရင်းမြစ်များ

ɛMacu 13:17

Nzi tɔng nyini itin nɛ, ninabawa na gbom nɛ ninyi ɛTaanggbey ya gbom kɛ sim ɛli nɛ nibhɛ yaa yaang ɛkɔn na ne ɛ yaang ɛn no, sɔng nibhɛ kɛ yaang nang. Nibhɛ ne ta sim ɛli nɛ nibhɛ yaa phok ɛkɔn na ne ɛ phok ɛn no, sɔng nibhɛ kɛ ne phok kang.”

ɛMacu 26:24

ɛNgɔn ɛNyi gha yaa ku ɛli ne kɛ ku haa ibol ɛbhɛ de, gbik ne iphɛ ɛlɛy iphɛ ne so ɛkɔn ne ɛnik daa ɛnyi gha ne ɛ kɛ sim ɛ rɛp ɛngɔn ɛnyi gha! Sɛɛ ma yung yɔng kɛ ku shɛɛ tang yɛk ɛnyi yɛghaa nggyɛ wo, iphɛ sɛ ne phyin ɛbhɛ ne yɛnɛng.”

ɛLuka 10:24

Nzi tɔng nyini, niNabawa gbom nɛ nigɔm kɛ tɔk tɛ nibhɛ sɛɛ yaang nikɔn ne ɛ kɛ yaang ɛn no, sɔng nibhɛ ne yang nang. Nibhɛ ne ta i sim tɛ nibhɛ sɛ tenes ivol ba ne ɛ kɛ tenes ɛn no, sɔng nibhɛ ne phok kang.”

ɛLuka 24:44

Ne ɛ yaak nibhɛ, “iBol lɛdee wo ne nggaa mɔng nyini ɛli ne nggaa tɔ ne nyinɛn no: iPhɛ so nggbinggbing i shwaak nikɔn na ne kɛ haa daa ne ito nge de ndɔ iMɛmɛ ɛMuusaa da ninabawa na ma ta haa wo, i kyii ta haa ndɔ ne ɛWee ne iGhel lo.”

ɛYohana 5:39

Ɛ phɛl ɛn ɛWee ne iBol ɛTaanggbey yo cɛcɛɛy daa ɛli ne ɛ wɛɛ ɛn te ndɔ yɛ ne aa sɛ ɛn ne iken ne inat de. iVol lɛdaa nggyɛ wo ifɛ ne bol daa ne ito nge.

ɛYohana 7:52

Nibhɛ ne kyii nɛ, nibhɛ yɔngɔ, “ˆƐ ma so ɛnyi ne iGalili gha naa? Yung phɛl ɛWee ne iBol ɛTaanggbey yo ɛ yaang ɛli lɛɛ, sɔng aa ne yaang wu ɛnɛbi kɛ ku le ne iGalili de nang.”

ɛTomɛ 10:43

ɛNyi yɛghaa nggyɛ wo nɛ ninabawa na gbik kɛ ne tɔng ibol lɛ wu gbik ɛnyi gha ne ɛ kɛ nang ne itin nɛ, sɛ ne hana ɛbhɛ ne ɛfɔt ɛbhɛ wo lenɛ ne irywɛɛk ɛYɛso wo.”

ɛTomɛ 17:11

niYahodawa ne iBiriya na ne kaa ne phyin ninaa ne iTasɔlɔnika na ne iyɛnɛng. Nibhɛ kaa say ibol nibhɛ de ne irway ihwala, nibhɛ phɛl ɛWee ne iBol ɛTaanggbey yo izenge ne ihwɛlɛ tɛ nibhɛ yaang hang ibol ɛBulus de so itin nɛ yoo.

ɛTomɛ 28:23

Nibhɛ ne yɛk ne ɛtuk nɛ nibhɛ sɛ sɛm me nɛ, ninyi na gbom ne yɛɛset ɛlɔ gha ne ɛBulus sa kɛ tek nɛ nikɔn na, ɛBulus sa ne i kpɛl nibhɛ ivol ne igbɔm ɛTaanggbey da gbik. Ɛ kaa ne tsa ne ihwɛlɛ ne ɛ phyii bhɛ hɔn irwirywɛ ɛ kpɛl nibhɛ ivol da ɛ kyangase nɛ tɛ nibhɛ hyereey nibhɛ nang ne itin nɛ ne ɛYɛso gha lenɛ ne ɛShara ɛMuusaa gha gbik ne ibol ne iwee ninabawa na.

ɛTomɛ 7:52

ɛDɛ ɛnɛbi gha sonɛ ne hame nikyɛɛ-nikyɛɛ mon na kaa sang baasek ɛbhɛ nggbang ngga? Nibhɛ kaa phobho ninaa nɛ nibhɛ kɛ tɔng ibol ne yɛɛs ɛNyi ɛCik ge ne ˆɛ kɛ mbaray ɛn nyini ɛbhɛ ˆɛ phoo ɛn no.

iBirani 11:13

Gbik ninyi yɛnaa wo kaa ne kus ndɔ ne ìnang ne itin nibhɛ de. Sɔng nibhɛ kaa say nikɔn na ne ɛTaanggbey ya kaa rop nɛ nibhɛ wo nang. Nibhɛ kaa yang yaang nikɔn nɛ kyakyak. Nibhɛ ne phok yɛnɛng ngɛ, nibhɛ ne nang ishɛɛda yɛ wɛsɛrɛk wu nibhɛ soye ninaa ne ikpoo ndɔ ɛzay ya, sɔng ninaa ne ivel lɛ nang.

iBirani 11:40

daa ɛli ne ɛTaanggbey ya kɛ ku ryɔng njwɛɛn ɛdɛ ɛkɔn ɛyɛnɛng nga, te njwɛɛn no nɛ nibhɛ wo sɛ te hyɔrɔ nten idaan nɛ.

1 ɛBiturus 1:11

Nibhɛ kaa sim tɛ nibhɛ sɛɛ seng nten nɛ, gbik ɛli ne iphɛ sɛ yɛɛs. Nten de ne iKabyik ɛKiriti de ne iphɛ so ndɔ nibhɛ kaa tɔng nibhɛ wo. iKabyik ge kaa tɔng nibhɛ ibol ne nggbang ngga ne ɛKiriti gha sɛ sɔ wo, ne ndiinday de ne iphɛ sɛ roos ɛtsim mɛ wo.

1 ɛBiturus 1:13

iPhɛ ɛlɛy, ne ɛ ryɔng ɛn irway mon da ɛli ne aa mɔn ɛn ɛtomɛ gha. Tek ɛn itso mon ɛlɔ ɛdaan, te ɛ yɛk ɛn irway daa ne izɛɛng ngge ne sɛ nang nyini wo nten de ne sɛ phaal igbagha ɛzay ɛYɛso ɛKiriti yegha.