1 ɛBiturus 1:1 - ɛWee ne ìTsɛm iHywas

¹ ɛWee yɛwoo wo le ɛlɔ ɛBiturus, ɛngɔn ne tom ɛYɛso ɛKiriti, ɛbhɛ phɛɛs ɛlɔ ninyi ɛTaanggbey, ninaa ne ɛ kɛ kasa, ne kɛ te nibhɛ shwaa, nibhɛ kɛ tes en ninaa ne kpoo ne ivel ne iPantus, ne iGalatiya, ne iKapadosiya, ne iSiya, gbik ne iBitaniya.

1 ɛBiturus 1:1 ပူးပေါင်းရင်းမြစ်များ

ɛMacu 10:2

Nibhɛ kaa ne so ɛlɛ: ɛHaa ɛyisɛ yɛ kaa so ɛSimɔn ne ɛYɛso gha kaa nang ɛbhɛ idɛ irywɛɛk ko ɛ bok ɛbhɛ ɛBiturus, ne ɛgwaa ɛbhɛ ɛNdarawus, ne ɛYakub ne ɛ so ɛngɔn ɛZɛbɛdi, gbik ne ɛgwaa ɛbhɛ ɛYohana.

ɛMacu 24:22

Sɛ́ sang yɔng ɛTaanggbey ya kɛ tɛ nituk kɛnaa nggyɛ wo, sɔng ɛnyi ne sonɛ ne ɛ saa ne shɛɛ ɛken nang. ɛTaanggbey ya kɛ ne ku tɛ nituk kɛ nibhɛ te ncɛt ɛlɔ ninyi na ne kɛ kasa wo.

ɛMacu 4:18

Kaa ne sɛ ɛYɛso gha i hyel ɛmbambang ne ɛLing ne iGalili gha, ne ɛ yaang nidɛng nigwaa na ifaa, ɛSimɔn ne i ta bok ɛbhɛ ɛBiturus, ne ɛgwaa ɛbhɛ ɛNdarawus. Nibhɛ kaa ne i cwaasek ne ɛkara ndɔ ɛling nga daa ɛli nɛ nibhɛ so ninaa ne lok izing.

ɛLuka 18:7

Yaa ne mɔn ɛli ɛTaanggbey ya sang nang ninyi ɛbhɛ na ne ɛ kɛ ku kasa wo, nɛ nibhɛ san ɛbhɛ ishwin da ne ɛtuk ka ne igbey yo ɛkɔn na ne ɛ so ɛhaa nibhɛ ghaa? Aa maa shɛɛ tang phyik nibhɛ naa?

ɛYohana 11:52

Sɔng ɛ sɛ ne ku ɛlɔ igbagha niYahodawa na zɔng nang, ɛ sɛ phyii tumɛ ninɔn ɛTaanggbey ya nɛ nibhɛ kɛ sangay ndɔ ɛzay ya, nibhɛ teye ɛkɔn ɛdaan.

ɛYohana 7:35

niYahodawa na ne yaa bol ndɔ nibhɛ nibhɛ bo, “Ɛ sɛ ji phɛ ɛbii ne hame njwɛɛn sɛ yɛɛ ne phɛ wo lɛɛ? Hang ɛ sɛ yung phɛ ɛlɔ niYahodawa na nɛ nibhɛ sos ne ivel ne iGirik ga, ɛbhɛ mɛmɛ ninyi ne iGirik ka nɛ bɛ?

ɛTomɛ 18:2

ɛNggyɛ wo ɛBulus sa ne bhɛ sɛme ne ɛdɛ ɛnyi ne iYahudiya gha ne i bok ɛbhɛ ɛKyila ne ɛ kaa soye ɛnyi ɛgarang ne iPɔntus. ɛKyila gha ne ɛkuk ɛbhɛ ɛPirisila kaa tɔ le ne iTaliya ɛ yɛɛs ne iKɔrɔntos de daa ɛli ne ɛGɔm ɛKaladiyus ne iRooma kaa yɛk ngɛ wu tɛ niYahodawa na hyel nibhɛ tek ivel ne iRooma da. ɛBulus sa ne phɛ ɛlɔ nibhɛ.

ɛTomɛ 18:23

Kɛ ne sɛ ɛ kɛ phyɔngɔle ne iNtakiya de, ne ɛ roos nigarang nga nɛ nibhɛ so ne ivel ne iGalatiya gbik nɛ ninaa nɛ nibhɛ so ne ivel ne iFirijiya ɛɛ tes ninaa ne roos sa itsɔngɔl gɛgɛy.

ɛTomɛ 19:10

Ne ɛ mɔn ɛlɛ wo ɛ hɔn ishay iphaa, iphɛ ne te niYahodawa gbik nɛ ninyi na ne hame nibhɛ soye niYahodawa ne ivel ne iSiya de phok ibol ɛDaray ɛYɛso de.

ɛTomɛ 6:9

Nidɛng niYahodawa nɛ nibhɛ kaa ne les nigarang ne iSɛrene, ne ɛLɛzɛndariya, ne iSilisiya nɛ nibhɛ so ne ivel ne iSiya kaa ne so ɛnggyɛ wo. Nibhɛ kaa ne re ntsong ɛlɔ gha ne i bok ɛbhɛ iJwee ne itɔɔy ne ninyi nɛ nibhɛ kaa so nikpuru. Ninyi yɛnaa nggyɛ wo kaa ne tum ishamas ne ɛSitivin na.

ɛTomɛ 8:4

Ninyi na ne kɛ ne te nibhɛ shwaa wo ne i sanga ibol iyɛnɛng ngge gbik ɛlɔ gha nɛ nibhɛ kɛ phɛ.

1 iKɔrɔntos 16:19

iJwira ninaa ne roos ne ivel ne iSiya de i kyiisi nyini. ɛKyila gha ne ɛkuk ɛbhɛ ɛPirisila gha gbik ne idira ninaa ne roos de nɛ nibhɛ so ne ijwee nibhɛ ma kyiisi nyini ndɔ ne irywɛɛk ɛDaray.

2 iKɔrɔntos 1:8

Nigwaa en, sɔng njwii sim te ɛ sɛ doo ɛn ihywee ne nggbang ngga ne njwi kɛ sɔ ne iSiya de nang, nggbang mos da ne iSiya de kaa kat, mpɛ phyin ihwet mos, njwi ne yaa wɛɛ te njwi aa kus.

iGalatiya 1:2

Nigwaa na gbik ne njwi sonɛ nibhɛ ɛbɛ wo i kyiisi nyini ninaa ne roos ne iGalatiya na.

iFisus 2:12

Taate ɛn nɛ, nten nɛdee nggyɛ wo, ˆɛ kaa hosop ɛn nyini ne ɛKiriti gha. Sɔng ˆɛ kaa bok ɛn ihop ɛkɔn ndɔ niSɛrɛla na nang. ˆƐ kaa so ɛn tɛ ninaa ne kpoo daa ne ibol ne rop ìtsɛm be ne ɛTaanggbey ya kɛ sim-mɛ wo. Sɔng ɛ kaa bo ɛn ɛkɔn ne ˆɛ kɛ sit ɛn ne irwisɛ nang, sɔng ɛ bok ɛn ɛTaanggbey ye ndɔ ɛzay yeghaa wo nang.

iFisus 2:19

iPhɛ ɛlɛy yang, nyinɛn no ne ˆɛ sang so ɛn niYahodawa na, sɔng ne ˆɛ tɔ ɛn kyakyak tɛ ninaa ne kpoo nang, sɔng ne ˆɛ sang ihop daa ɛkɔn ninaa ɛTaanggbey ya nang. ˆƐ kɛ yang te ɛn nyini nidaan nɛ ne ninyi ɛTaanggbey ya, ninaa ne ijwee ɛTaanggbey ya.

2 ɛTimɔti 1:15

ˆƐ yɛɛ ɛli ne gbik ninaa ne ivel ne iSiya na kɛ hyere me ɛtsim ma, ndɔ nibhɛ wo, ɛFijelus gbik ne ɛHamɛjɛnɛs sonɛ.

iBirani 11:13

Gbik ninyi yɛnaa wo kaa ne kus ndɔ ne ìnang ne itin nibhɛ de. Sɔng nibhɛ kaa say nikɔn na ne ɛTaanggbey ya kaa rop nɛ nibhɛ wo nang. Nibhɛ kaa yang yaang nikɔn nɛ kyakyak. Nibhɛ ne phok yɛnɛng ngɛ, nibhɛ ne nang ishɛɛda yɛ wɛsɛrɛk wu nibhɛ soye ninaa ne ikpoo ndɔ ɛzay ya, sɔng ninaa ne ivel lɛ nang.

ɛYakub 1:1

ɛWee yɛwoo wo le ɛlɔ ɛYakub, ɛkpuru ɛTaanggbey gbik ne ɛhaa ɛDaray ɛYɛso ɛKiriti. Ɛbhɛ phɛɛs ɛlɔ ninyi ɛTaanggbey ne kɛ te shwaa ndɔ ne igbagha ɛzay yo gbik ko te itaang ɛnduwubɔ ne iphɛ ifaa niSɛrɛla de. Nzi kyiisi nyini gbom.

1 ɛBiturus 2:11

Nigwaa nge ne nzi sim, nzi bok nyini, daa ɛli ɛ so ɛn ninaa ne ikpoo na ndɔ ɛzay ya, ne ɛ hosop ɛn nyini ne roos ihyop ne ibek ge ne iphɛ so ɛfɔt to. iHyop pɛdee nggyɛ wo i ta itsom ne irway mon da.

2 ɛBiturus 1:1

ɛWee yɛwoo wo le ɛlɔ ɛSimɔn ɛBiturus ne ɛbhɛ ɛ so ɛkpuru ne ɛngɔn ne tom ɛYɛso ɛKiriti. Ɛbhɛ phɛɛs ɛlɔ ninyi ne kɛ lenɛ ne icik ɛTaanggbey ne ɛhaa ne phɔt njwɛɛn ɛYɛso ɛKiriti nibhɛ say ìnang ne itin ne iphɛ shɛs ne yɛnɛng te idee mos.

Nikɔn ne kɛ Phaal 1:11

iZɔlɔs de ne yaak me, “Haa ɛkɔn na ne ɛ yaang ngo ndɔ ne ɛwee te ɛ tom ijwira ninaa ne roos de nɛ nibhɛ so nilɔ ɛniitaa na. Tom idira ninaa ne roos ne iFisus nɛ, nɛ ninaa ne iSimirina nɛ, nɛ ninaa ne iBirigamu nɛ, nɛ ninaa ne iTiyatira, ne iSadis, ne iFiladafiya gbik ne iLɔdakiya nɛ.”