1 ɛTimɔti 6:9 - ɛWee ne ìTsɛm iHywas

⁹ Ninyi na nɛ nibhɛ kat irway ne tɔk iryat de i ne hoghɛ ndɔ ne itɛrɛk, ne irwa gbik ne ihyop igywebhe hywee-hywee ne ihywɛ so iwamang, ihywɛ hɔ nibhɛ ndɔ ne bees se gbik ne iku.

1 ɛTimɔti 6:9 ပူးပေါင်းရင်းမြစ်များ

ɛMacu 13:22

iHywee de ne ihywɛ kɛ ne ho ndɔ ne itsutsɔ da ne so te ninyi na ne i sɛ nibhɛ kɛ phok ibol ɛTaanggbey de nang, icwas nikɔn ɛzay, ne tɔk iryat ne cwaal nibhɛ, iphɛ ring ibol de ne hɔn ndɔ ne irway nibhɛ da, sɔng iphɛ ne tang yɛk ɛkɔn nang.

ɛMacu 19:22

Ne sɛ ɛngɔn ɛphas sa kɛ phok ɛlɛ wo, ne ɛ bees irway ɛbhɛ ɛ hyel, daa ɛli ne ɛ kaa bok iryat gbom.

ɛMacu 26:15

ɛbhɛ yaak nibhɛ, “Aa nang ɛn mɛɛn ikyee wu nggɛ nang nyini ɛYɛso yegha?” Nibhɛ ne nang ɛbhɛ ijam kyɔsɔk ne kɛ ryɔng ne ɛzurufa nzuwubɔ icwat.

ɛMacu 6:19

“Sɔng ɛ tumɛ ɛn iryat de ɛzay yeghaa wo ne nzuu de yaa re wo ihywɛ ta phulɛm mo, ninaa ɛyi ta bala ɛlɔ yɛ nibhɛ yibhɛ wo nang.

ɛMarakus 4:19

nibhɛ ne kyii ta i tas icwas nikɔn nggyɔngyɔɔt ɛzay, te sim iryat, gbik nɛ ɛbyin nikɔn nɛ. Nikɔn nɛnaa nggyɛ wo ne i ring ibol ɛTaanggbey de ne hyel cik ndɔ nibhɛ wo. Sɔng nibhɛ ne yɛk ibɔrɔk kang.

ɛLuka 12:21

ɛYɛso gha ne ji taal ivol ɛbhɛ ba, ɛ yɔngɔ, “Ɛlɛy ne iphɛ sɛ ne te daa ninyi na nɛ nibhɛ tumɛ itso nibhɛ nikɔn ɛzay ya gbik ko, nibhɛ ji kyii sang iryat de ɛlɔ ɛTaanggbey ya.”

ɛLuka 21:35

Daa ɛli ne ɛlɛy ne ɛtuk kɛ sɛ yɛɛs ninaa ɛzay ya nɛ gbik.

ɛTomɛ 8:20

ɛBiturus sa ne yaak ɛSimɔn negha, “iGyɛ wo ne jam mo de ku ɛn! Ɛ wɛɛ te i say izɛɛng ɛTaanggbey de ne ijam naa?

iFisus 4:22

iPhɛ ɛlɛy hana ɛn ishwɛɛ icwɛl mon da ne ˆɛ kaa i shɛɛ ɛn nɛ wo. iShwɛɛ icwɛl mon da ne ifɛ i bees ibek ge lenɛ ne iluk ga ne ibek ge i sim mo.

1 ɛTimɔti 1:9

Njwi i ne ta yɛɛ, sɔng iMɛmɛ ɛMuusaa da so daa ne ito ninyi ne cik nang. iMɛmɛ yɛ yang so daa ne ito ninaa nɛ nibhɛ tes ikpii ne imɛmɛ da tsaan. Nɛ ninaa ne ito ihet. Nɛ ninaa nɛ nibhɛ sang shɛɛ ishwɛɛ ɛTaanggbey. Nɛ ninaa ne ɛfɔt. Nɛ ninaa ne hame nibhɛ kɛ tul en kang. Nɛ ninaa ne bɛɛs ɛTaanggbey ye. Nɛ ninaa ne phobho nikyɛɛ gbik nɛ nigyinɛ, nɛ ninaa ne phobho ninyi.

1 ɛTimɔti 3:7

Kang nɛ nikɔn nɛnaa wo, iphɛ so nggbinggbing ɛndiinday ya soye ɛnyi ne ɛ bok ishɛɛda iyɛnɛng ndɔ ninyi, daa ɛli ne aa yung ɛ ho ndɔ ne irwa ɛShɛtan ɛ teye ɛkɔn ncwa.

1 ɛTimɔti 6:10

Daa ɛli ne sim ijam be gbom mo iphɛ phɛ soye ɛtum ne ibebhe de hywee-hywee. Tɔk iryat de gbom mo kɛ te ɛbyin ninyi na kɛ hana ìnang ne itin nibhɛ de, nibhɛ kɛ hɔ ito nibhɛ irway ishwii gbom.

1 ɛTimɔti 6:17

Kpɛng ninaa ne iryat ndɔ ɛzay yɛghaa wo, sɔng nibhɛ tɔɔk ito, nibhɛ kyii ne irway nibhɛ daa ne iryat de ne ihywɛ so te igbil lo ne ifɛ phebhe wo nang. Tɛ nibhɛ ne yang sit irwisɛ daa ɛTaanggbey ne ɛbhɛ naas njwɛɛn nikɔn na walala te njwɛɛn i phok iyɛnɛng ngɛ.

2 ɛTimɔti 2:26

ɛLɛ wo ne irwisɛ nibhɛ yaa ne phaal le nibhɛ ne wuru ndɔ ne irwa ɛShɛtan da ne ɛ kɛ wum nibhɛ nɛ ɛ yɛk nibhɛ nɛ nibhɛ roos ibol ɛbhɛ de.

ɛTitus 2:12

iZɛɛng ngɛdee wo i mɛmɛ njwɛɛn nɛ te njwɛɛn mbaray ishwɛɛ da ne ifɛ sang tɔɔsel ɛli ne ɛTaanggbey ya so wo, gbik ne ihyop nikɔn ɛzay de, te njwɛɛn te hywɛɛ byirik, i hyel cik, i shɛɛ ɛli ne ɛTaanggbey ya so ɛzay yɛghaa wo.

2 ɛBiturus 2:3

Ndɔ ne irisɛ nibhɛ de, nikyɛɛ ne icwam mɛnaa nggyɛ wo sɛ ne tɔng nyini irywɛɛk nɛ nibhɛ kɛ ku ryɔng nge nɛ tɛ nibhɛ sɛ ɛkɔn ne ibek mon. ɛHaa ne bol ɛshara nibhɛ gha kaa ne ku hyɛ nibhɛ ɛshara gha ne ile, ɛshara nibhɛ gha i ne hyep nibhɛ.

ɛYahuza 1:11

iPhɛ so nibhɛ ɛkɔn ne ɛnik! Nibhɛ kɛ hyel ihywel ɛKɛɛnu. iRisɛ ne ijam kɛ te nibhɛ mɔn ɛkɔn na ne ɛBalamu kaa mɔn. Nibhɛ bɛɛs nindiinday ɛli ne ɛKɔɔra kaa mɔn, ne bunga nibhɛ gbik te ɛKɔɔra gha.