1 ɛTimɔti 6:4 - ɛWee ne ìTsɛm iHywas

⁴ ɛ kɛ ne kat ito ihet, sɔng ɛ yɛɛ ɛkɔn nang, ɛɛ sim ishamas ne suruk ivol. iHywee ne ishwɛɛ yɛdaa wo i yɛɛs ne ɛnkyis, ne iphup, ne bees irywɛɛk, ne irip ivebhe,

1 ɛTimɔti 6:4 ပူးပေါင်းရင်းမြစ်များ

ɛTomɛ 15:2

Sɔng ishamas ncɛt ne ɛBulus sa gbik ne ɛBanabas sa kaa ne re nɛ ninyi yɛnaa nggyɛ wo daa ne ibol lɛdee wo nang. iPhɛ ɛlɛy, ninaa ne roos sa ne karase ɛBulus segha ne ɛBanabas sa gbik nɛ nidɛng ninyi na nibhɛ tom nibhɛ ne iYɛrushɛlɛm be tɛ nibhɛ bhɛ sɛ ninɔn ne tom ma nɛ ninu ne ikɔɔn na nibhɛ phom nibhɛ ibol lɛ.

ɛTomɛ 18:15

iBol lɛ ne kyii so ishamas daa ne ivol ne irɛɛk gbik ne ibol ɛshara mon, cwi ɛn ɛbhɛ wɛɛ ɛn iphɛ ndɔ mon. Sɔng nzi bol ɛshara ne ihywee ne ivol lɛdaa wo nang.”

ɛTomɛ 8:9

ɛDɛ ɛnyi gha kaa ne sonɛ ne iSamariya de ne bok ɛbhɛ ɛSimɔn. ɛSimɔn na kaa bok ikyarakyut, ikyarakyut ɛbhɛ de ne te ne ninyi ne iSamariya na wum en zii ne ɛ ma ji hal ne ɛgyɛy wu so ɛgbaang ɛnyi.

iRooma 12:16

Shɛɛ ɛn ncaang ndɔ mon no. Sɔng ɛ tɔɔsek ɛn ito nang yang sim ɛn ɛ shɛɛ ɛn nɛ ninyi na nɛ nibhɛ soye nitaasek. Sɔng ɛ wɛɛ ɛn te ɛ phyin ɛn ɛbyin ninyi na ne ntsɛntsɛng ge nang.

iRooma 13:13

Te njwɛɛn hyel byirik tɛ ninyi nɛ nibhɛ so ndɔ ne iwɛwɛy. Sɔng njwɛɛn teye ninaa sim ijwira ne sɔ i re i tes ziizii wo nang, sɔng njwɛɛn ne teye ninaa ne nzangas sa nang, sɔng njwɛɛn ne phok iyɛnɛng nikɔn na nɛ nibhɛ ninaa ne iyɔm ncwa na nang, sɔng njwɛɛn teye ninaa ne ishamas sa nang, sɔng yɛk ɛnkyis sa nɛ nigwaa na nang.

iRooma 14:1

Say ɛn ɛnyi gha ne ìnang ne itin ɛbhɛ da so kyɔkyɔt to, sɔng ne ɛ re ɛn ɛbhɛ ne ishamas wu icwas ɛbhɛ labhe ne ivaa mon nang.

iRooma 2:8

Nidɛng ne ma ji sonɛ nɛ nibhɛ ne sim ito, nibhɛ mbaray itin ne ibol nibhɛ ta i mɔn ibebhe, ɛTaanggbey ya sɛ ne tal nibhɛ ne njenjek gbik ne irway njɛt.

1 iKɔrɔntos 11:16

Wu ɛdɛng i ne sim te aa re ne ishamas daa ne ibol lɛdee wo, njwit to sɔng njwi ne yɛɛ idɛ ikpii ne roos da ndɔ ne itumɛ ninaa ne roos ɛTaanggbey yegha nang.

1 iKɔrɔntos 11:18

iDee ɛyisɛ yɛ, nzi phok wu i sɛ ˆɛ kɛ sɛm ɛn nyini ndɔ ne idira ninaa ne roos ɛTaanggbey de, ihosop en ne kyii lel, nggɛ ne ma nang ne itin nɛ ne ɛbyin ne ivol lɛ.

1 iKɔrɔntos 3:18

Sɔng ɛluk ɛn ito mon de nang. Wu ɛdɛ mon i wɛɛ te ɛ bok ntsɛntsɛng ɛli ne ɛzay ya kɛ bo ntsɛntsɛng ngge, te ne ɛ yang kyi teye ɛwamang, aa ne ji teye ɛhaa ne ntsɛntsɛng ne itin na.

1 iKɔrɔntos 3:3

daa ɛli ne ɛ tɔ shɛɛ ɛn tɛ ninyi nɛ nibhɛ roos icwas ɛten ɛsii nɛ. Wu ɛnkyis sa ne ishisim be tɔ ndɔ mon no, iphɛ kɛ ne tɔɔrek wu ɛ tɔ roos ɛn icwas ɛten ɛsii nɛ, ɛ shɛɛ ɛn ɛli ne ɛzay ya sim.

2 iKɔrɔntos 11:20

ɛTsak i sɛ ɛdɛ ɛnyi gha kɛ bo nyini te ɛkpuru, ɛɛ ne bo ɛn ɛbɔk ne ɛbhɛ, hang ɛhaa ne ɛ phɔrɔt nikɔn mon yɔɔ, hang ɛhaa ne ɛɛ luk nyini yɔɔ, hang ɛhaa ne ɛ bɛɛs nyini wo, hang ɛhaa ne ɛ babha nyini nggaam yɔɔ.

iGalatiya 5:15

Wu ɛ kɛ ne yaa lɛng ɛn nyini te inyam ɛhay de, ne ɛ wɛɛ ɛn nyini yɛnɛng, ɛlɔ ne aa bees ɛn nyini.

iGalatiya 5:26

Sɔng njwɛɛn tɔɔk ito nang, sɔng njwɛɛn sim hɔ irywen nang, sɔng njwɛɛn ta boos ɛnkyis sa nɛ nigwaa na nang.

iGalatiya 6:3

ɛNyi gha ne ɛ tɔɔsek ito ɛbhɛ de ɛ wɛɛ te ɛ sɔ ɛkɔn na, sɔng ne ɛ so ɛkɔn nang, ɛɛ luk ito ɛbhɛ.

iFilibi 1:15

ɛTsak, nidɛng i tɔng ibol ɛKiriti de daa ɛnkyis gbik ne tɔk irywen, nidɛng ne i tɔng ne irway iywɛnɛng.

iFilibi 2:14

Mɔn ɛn nikɔn na gbik wɛlɛng ivol mumuk gbik ne ishamas.

iFilibi 2:3

Sɔng ˆɛ mɔn ɛn ɛdɛ ɛkɔn na ndɔ ne sim ito gbik ne tɔɔk ɛn ito nang. Yang laasek ɛn ito mon de, te ɛ ɛrɔngɔ bo ito ɛbhɛ te ɛgwaa ɛbhɛ phyin ɛbhɛ.

iKɔlɔsi 2:18

iPhɛ ɛlɛy sɔng ne ˆɛ tek ɛn ɛdɛ ɛnyi gha hosop nyini ne ɛwɛng nga ne ɛ kɛ re ɛn daa nikɔn nɛnaa wo nang. Sɔng ɛ hosop nyini nɛ lenɛ ne ɛ kyangase ne ring ito ɛbhɛ ne phok yɛnɛng te ɛ sɛ ɛkɔn ne yaa tal ɛbhɛ nang. Sɔng ne ɛ hosop nyini nɛ lenɛ ne ɛ mɛmɛ nyini nɛ wu iphɛ so nggbinggbing i re nimalɛka ntsong nang. Sɔng ne ɛ hosop nyini nɛ lenɛ ne ɛ hal ɛgyɛy wu kɛ phaal le iyuwa ɛ ta i tɔɔsek ito ɛbuu nang. iRway ne ihywee ninyi yɛdee nggyɛ wo soye ishwɛɛ ɛten ɛsii ne ifɛ i te nibhɛ mɔn ɛlɛ wo.

2 iTasɔlɔnika 2:4

Ɛ sɛ yɛk iphup ne gbik ɛkɔn na ne i yeres ɛbhɛ ɛtaanggbey, ne ɛ yinɛ ito ɛbhɛ te ɛ phyin gbik ɛkɔn na ne i yeres ɛbhɛ ɛtaanggbey gbik nɛ nikɔn na ne i re nibhɛ ntsong ngga. Ɛ sɛ́ ma yung bhɛ lel ɛ soos ndɔ ne iDeng ɛTaanggbey de, ɛ yɔng, wu yee i soye ɛTaanggbey ya.

1 ɛTimɔti 1:4

Yaak nibhɛ tɛ nibhɛ kɔɔng tɔng ivol ne nggbyɛrɛs da gbik ne ibol ne irɛɛk nikyɛɛ-nikyɛɛ de ne iphɛ sang bok ɛgak ko. Daa ɛli ihywee nikɔn nɛnaa wo i yɛɛs ne ishamas zɔng. Sɔng nibhɛ phyik ne ɛkɔn ndɔ ɛtomɛ ɛTaanggbey ya ne i saras lenɛ ne ìnang ne itin de nang.

1 ɛTimɔti 1:7

Nibhɛ sim tɛ nibhɛ sɛ teye ninaa ne kpɛl iMɛmɛ ɛMuusaa, sɔng nibhɛ ne kyi yɛɛ ɛkɔn na nɛ nibhɛ i bol nang, gbik ɛli nɛ nibhɛ bo wu nibhɛ ku yɛɛ wo.

1 ɛTimɔti 3:6

Sɔng ɛ soye ɛnyi ne ɛ tɔ le ne san ɛbɔk nang, aa yung yaa tɔɔsek ito ɛ ho ndɔ ne ihywee ɛshara de ne kɛ ku hyɛ ɛShɛtan neghaa nɛ wo.

2 ɛTimɔti 2:14

Ku i tas nibhɛ nɛ nikɔn nɛnaa wo. Kpɛng nibhɛ ɛnu ɛyisɛ ɛTaanggbey wu hang nibhɛ re ishamas daa ne ivol da. Sɔng ishamas de bok iphyik nang, ihywɛ yang bees ninyi na nɛ nibhɛ tenes so.

2 ɛTimɔti 2:23

Tel lɛ ivol ne iwamang ngga ne ishamas ɛbuu de, daa ɛli ne ihywɛ yɛɛs ne izok zɔng.

2 ɛTimɔti 3:4

Nɛ ninaa ne re ihel. Nɛ ninaa sang icwas. Nɛ ninaa ne hal ɛgyɛy. Nɛ ninaa ne sim ɛnggɔnggɔɔt ɛzay iphɛ phyin ɛli nɛ nibhɛ sim ɛTaanggbey ye.

ɛTitus 3:9

Tel lɛ ishamas ɛbuu de gbik ne ibol ne wɛɛ irɛɛk ne itaang ngge, ne izok ge, ne ishisim daa ne ibol iMɛmɛ ɛMuusaa da. Daa ɛli ne sɔng nikɔn nɛnaa wo bok iphyik nang, sɔng nibhɛ kɛ ne ta jam nang.

ɛYakub 1:19

Nigwaa nge ne nzi sim, seng ɛn ɛlɛ, te ɛrɔngɔ so cwacwat ne tenes ivol da, sɔng ne ɛ so hywarat ne boote nang. Sɔng ne ɛ ta so hywarat ne te njenjek nang.

2 ɛBiturus 2:12

Ninyi yɛnaa nggyɛ wo i ne bol ivol ne bɛɛs daa ɛkɔn na nɛ nibhɛ sang yɛɛ ito yɛ. Nibhɛ so te inyam ɛhay ne ihywɛ sang yɛɛ ɛkɔn, ihywɛ roos ɛkɔn na ne ibek ne ihywɛ kɛ yɔngɔ. Nzo kɛ ryɔng inyam ɛhay de te i wum i hyɛ zɔng. Ninyi yɛnaa nggyɛ wo sɛ ne kus te inyam ɛhay de.

2 ɛBiturus 2:18

Nibhɛ rɛrɛ, nibhɛ ton itso nibhɛ daa ne ivol ɛbuu. I ne lenɛ ne sim phok yɛnɛng ne yɔm ncwa nibhɛ de, nibhɛ ne i sim tɛ nibhɛ sɛɛ hɔ ninyi na nɛ nibhɛ tɔɔ le ne iphɔrɔt ndɔ ne ishwɛɛ ne ɛfɔt da.

ɛYahuza 1:10

Gbik ne iphɛ ɛlɛy, ninyi yɛnaa nggyɛ wo i ne bol ivol ne towos daa nikɔn na nɛ nibhɛ sang yɛɛ, nibhɛ mɔn nikɔn na tang icwas te ᐩinyam ɛhay ne ᐩihywɛ sang icwas, nikɔn nɛnaa nggyɛ wo bhɛ sɛ ne bunga nibhɛ.

ɛYahuza 1:16

Ninyi yɛnaa nggyɛ wo i bol ivol mumuk, nibhɛ tɔk iben nidɛng. Nibhɛ roos ihyop igywebhe nibhɛ nɛ. Nibhɛ hal ɛgyɛy ne itso nibhɛ, nibhɛ bok ilem ibel tɛ nibhɛ sɛ ito nibhɛ ɛkɔn.

Nikɔn ne kɛ Phaal 3:17

iPhɛ dee ɛ bo, “N bok iryat, sɔng nzi ta sim ɛkɔn nang,” kaabi ɛ soyɛ ɛhala yɛ, ɛkɔn ne san iyɔm. Ɛ so ɛkɔn ncwa, ɛhaa ne iwil, ɛ so nkywankywaang.