3 Gbik ɛnyi gha ne ɛ mɛmɛ ne idɛ imɛmɛ da kang ne ifɛ kɛ sang roos ɛtsim ne ɛnting ne ibol ɛDaray njwɛɛn ɛYɛso ɛKiriti de, ifɛ sang ta so kancɛng ne imɛmɛ ne roos ɛTaanggbey da,
Nibhɛ ne yɔngɔ, “iZazurum ne irywɛɛk ɛKɛɛsat.” ɛYɛso gha ne yaak nibhɛ, “Ne ɛ nang ɛn ɛKɛɛsat tegha ɛkɔn na ne ɛ so ɛhaa ɛbhɛ gha, te ɛ ne ma nang ɛn ɛTaanggbey yegha ɛkɔn na ne ɛ so ɛhaa ɛbhɛ.”
Nɛ ninaa ne ra nzangas. Nɛ niras nɛ nibhɛ ra nɛ nilyiyap-ne-kut gbik nɛ nikuk. Nɛ nibhɛ ra nzangas nɛ nikuk. Nɛ ninaa ne yibhɛ ninyi nibhɛ lɛbhɛl. Nɛ ninaa ne wul irywɛɛk. Nɛ ninaa ne naas ishɛɛda ne irywɛɛk, gbik nɛ ninaa ne mɔn nikɔn na nɛ nibhɛ sang so kancɛng ne imɛmɛ ne itin.
Nzi sim te ˆɛ sɛ shɛɛ ne iFisus de, ɛli ne ngga mɔng ngɛ nten de ne naa phɛ ne iMakyidɔniya de. Nidɛng ninyi na so ne iFisus de nɛ nibhɛ i mɛmɛ ninyi na ne ivol ne irywɛɛk, nzi ne sim te ɛ sɛ yɛk nibhɛ nɛ nibhɛ kɔɔnge.
Boos imɛmɛ ne itin nɛdee wo ne ɛ kɛ phok ɛlɔ nge gha, te ˆɛ mɛmɛ nɛ ne iphɛ. Shɛɛ ndɔ ne ìnang ne itin gbik ne ishwim ne ifɛ soye ivaa njwɛɛn ndɔ ɛYɛso ɛKiriti gha.
Daa ɛli ne nten yaaso nɛ ninyi na sɛ mbaray imɛmɛ ne itin de. Nibhɛ sɛ yang tumɛ nikyɛɛ ne icwam nɛ nibhɛ yaa mɛmɛ nibhɛ nɛ nikɔn na ne itoro ne rangas nibhɛ i sim te iphɛ yaa phok.
ɛWee yɛwoo wo le ɛlɔ ɛBulus, ɛkpuru ɛTaanggbey ne ɛngɔn ne tom ɛYɛso ɛKiriti. Kɛ kasa me i tom me te n phyik ìnang ne itin ninaa ne ɛTaanggbey kɛ kasa, n da tɔɔrek nibhɛ ɛnkiinɛ ne seng itin de ne iphɛ yaa tɔɔrek ɛli ne yaa shɛɛ ishwɛɛ ne ifɛ yaa nang ɛTaanggbey ye irway ihwala,
Te ɛndiinday ya soye ɛnyi ne ɛ kɛ wum ibol ɛTaanggbey de ne sɛ kyinak ngɛ wo gɛgɛy, ɛli ne kɛ mɛmɛ ɛbhɛ nɛ wo. Yaa ne lenɛ ɛlɛ wo ne ɛ te ɛbyin ninyi na itsɔngɔl gɛgɛy lenɛ ne imɛmɛ ne itin, ɛ ta i nep ninaa nɛ nibhɛ bok iphup be ne imɛmɛ ne itin da.
iBol lɛdee wo so sɛ kyinak nɛ. Nzi ne sim te ɛ sɛ tiil ninyi na nikɔn nɛnaa wo gbik. Tɛ ninyi na nɛ nibhɛ kɛ nang ne itin nɛ ne ɛTaanggbey ya ne nang ihwet nibhɛ gbik ɛlɔ ne mɔn nikɔn niyɛnɛng. Nikɔn nɛnaa wo kɛ jam gbom, nibhɛ ne bok iphyik daa ninyi na gbik.