1 ɛTimɔti 6:20 - ɛWee ne ìTsɛm iHywas

²⁰ ɛTimɔti, wɛɛ ɛkɔn na ne kɛ tek kɛ nɛ ne iwɔ wo yɛnɛng. Hosop pɛ ne ivol ɛbuu da ne ifɛ sang bok ɛnik ɛTaanggbey yo gbik ne ishamas ne iwamang ngge gbik nɛ ninaa nɛ nibhɛ bok iphup ne igyɛ wo nibhɛ ji yɔng wu iphɛ so ishweng ngga, kaabi irywɛɛk ga.

1 ɛTimɔti 6:20 ပူးပေါင်းရင်းမြစ်များ

ɛTomɛ 16:1

ɛBulus sa ne ɛSila gha ne phɛ ne iDaribe gbik ne iLisitira. ɛNggyɛ wo nibhɛ ne bhɛ sɛ ɛdɛ haa ne roos sa ne i bok ɛbhɛ ɛTimɔti ne ɛgyinɛ kaa ne so ɛkuk ne ilem niYahodawa ne ɛ kɛ nang ne itin nɛ, ɛkyɛɛ ne ɛ ji so ɛnyi ne iGirik.

ɛTomɛ 17:18

Nidɛng nikyɛɛ ne icwam ne kaa i bok nibhɛ niBikuriya nɛ niSitɔkya kaa ne i re ishamas ne ɛBulus sa. Nidɛng ne yɔngɔ, “iKyee ne ɛnyi ne irwɛrɛ yɛghaa wo i sim aa bol le?” Nidɛng ne ji yɔngɔ, “Njwii wɛɛ te ɛ bol ibol nidɛng nitaanggbey de ne hame nibhɛ so ɛbɛ wo.” Nibhɛ kaa bol ɛlɛ wo daa ɛli ne ɛBulus sa kɛ tɔng nibhɛ ibol ɛYɛso ne idee ne yiisik tsik ne ikpuu.

ɛTomɛ 17:21

Ɛlɛy gbik ninyi ne iTina na nɛ nihak ninyi na nɛ nibhɛ shɛɛ ne iTina de kaa ku i sim tɛ nibhɛ sɛ tenes nibhɛ ta i bol ivol nikɔn niphas zɔng.

iRooma 1:22

Gbik ɛli nɛ nibhɛ wɛɛ tɛ nibhɛ bok ntsɛntsɛng ngge, nibhɛ ne kyi so niwamang.

iRooma 3:2

ɛTsak, nikɔn na sonɛ gbom ne ɛnyi niYahodawa gha phyin nɛ wo! niYahodawa na ne ɛTaanggbey ya kɛ tsa ɛ tek nibhɛ ne ibol ɛbhɛ de ndɔ ne iwɔ nibhɛ.

1 iKɔrɔntos 2:6

Gbik ne iphɛ ɛlɛy, njwii ne bol nɛ ninyi na nɛ nibhɛ kɛ hɔn ndɔ ne ìnang ne itin nibhɛ ivol ne ntsɛntsɛng ngga. Sɔng ne so ntsɛntsɛng ɛzay yɛdee nang, sɔng ne so izee nigɔm ɛzay yɛdee ne iphɛ sɛ taal le nang.

1 iKɔrɔntos 3:19

Daa ɛli ne ntsɛntsɛng ɛzay yɛdee wo soye iwamang ɛlɔ ɛTaanggbey ya, ɛli ne kɛ ku haa ndɔ ne ɛWee ne iBol ɛTaanggbey yo i bo: “ɛTaanggbey ya i wumus ninaa ne ntsɛntsɛng nga ndɔ ne nggyuk nibhɛ de.”

iKɔlɔsi 2:18

iPhɛ ɛlɛy sɔng ne ˆɛ tek ɛn ɛdɛ ɛnyi gha hosop nyini ne ɛwɛng nga ne ɛ kɛ re ɛn daa nikɔn nɛnaa wo nang. Sɔng ɛ hosop nyini nɛ lenɛ ne ɛ kyangase ne ring ito ɛbhɛ ne phok yɛnɛng te ɛ sɛ ɛkɔn ne yaa tal ɛbhɛ nang. Sɔng ne ɛ hosop nyini nɛ lenɛ ne ɛ mɛmɛ nyini nɛ wu iphɛ so nggbinggbing i re nimalɛka ntsong nang. Sɔng ne ɛ hosop nyini nɛ lenɛ ne ɛ hal ɛgyɛy wu kɛ phaal le iyuwa ɛ ta i tɔɔsek ito ɛbuu nang. iRway ne ihywee ninyi yɛdee nggyɛ wo soye ishwɛɛ ɛten ɛsii ne ifɛ i te nibhɛ mɔn ɛlɛ wo.

iKɔlɔsi 2:8

Wɛɛ ɛn nyini yɛnɛng, ɛlɔ ne ɛdɛ ɛnyi yaa yung kpuru ihywɛɛ mon, lenɛ ne iluk ne ishweng ɛzay yɛdaa wo ne ifɛ so ishweng ɛbuu da. iShweng ngga ne ifɛ le ɛlɔ ne ikpii ɛten ɛsii gha, ivaa ne ikpabyik ɛzay yɛdaa wo, ne ifɛ sang le ɛlɔ ɛKiriti gha.

2 iTasɔlɔnika 1:4

iPhɛ ɛlɛy njwii hal ɛgyɛy ne nyinɛn ndɔ ne ijwira ninaa ne roos ɛTaanggbey yede daa irop iku mon de gbik ne ìnang ne itin mon de ndɔ ne ɛnyɛs so ne i mɔn nyini nɛ wo gbik ne ɛmpyep pa ne ɛ so ɛn nɛ wo.

2 iTasɔlɔnika 2:15

iPhɛ ɛlɛy nigwaa en, kyinak ɛn gɛgɛy, te ɛ wum ɛn nikɔn na ne njwi kɛ mɛmɛ nyini nɛ wo. Ninaa ne njwi kɛ tɔng nyini ne ɛnu nɛ ninaa ne njwi kɛ haa nyini nɛ ndɔ ne ɛwee wo.

1 ɛTimɔti 1:11

iMɛmɛ ne itin nɛdaa wo so daa ne ibol iyɛnɛng ne iphɛ shɛs idee ɛTaanggbey ne ɛ so ɛhaa ɛwɛng. iBol iyɛnɛng ngge ne kɛ nang me te n sanga wo.

1 ɛTimɔti 1:2

Ɛbhɛ phɛɛs ɛlɔ ɛTimɔti ne ɛ soye ɛngɔn nge ɛhaa ne itin ndɔ ne ìnang ne itin de. Te izɛɛng ne isan iyɔm gbik ne irway ne laal ne ifɛ le ɛlɔ ɛTaanggbey ne ɛ so ɛTaa gbik ne ɛDaray njwɛɛn ɛYɛso ɛKiriti shɛɛ ne igyɛ.

1 ɛTimɔti 1:4

Yaak nibhɛ tɛ nibhɛ kɔɔng tɔng ivol ne nggbyɛrɛs da gbik ne ibol ne irɛɛk nikyɛɛ-nikyɛɛ de ne iphɛ sang bok ɛgak ko. Daa ɛli ihywee nikɔn nɛnaa wo i yɛɛs ne ishamas zɔng. Sɔng nibhɛ phyik ne ɛkɔn ndɔ ɛtomɛ ɛTaanggbey ya ne i saras lenɛ ne ìnang ne itin de nang.

1 ɛTimɔti 1:6

Nidɛng ninyi na kɛ ku labhe nibhɛ tek nikɔn nɛnaa wo, nibhɛ kɛ ku mak ghe ne ivol ɛbuu.

1 ɛTimɔti 1:9

Njwi i ne ta yɛɛ, sɔng iMɛmɛ ɛMuusaa da so daa ne ito ninyi ne cik nang. iMɛmɛ yɛ yang so daa ne ito ninaa nɛ nibhɛ tes ikpii ne imɛmɛ da tsaan. Nɛ ninaa ne ito ihet. Nɛ ninaa nɛ nibhɛ sang shɛɛ ishwɛɛ ɛTaanggbey. Nɛ ninaa ne ɛfɔt. Nɛ ninaa ne hame nibhɛ kɛ tul en kang. Nɛ ninaa ne bɛɛs ɛTaanggbey ye. Nɛ ninaa ne phobho nikyɛɛ gbik nɛ nigyinɛ, nɛ ninaa ne phobho ninyi.

1 ɛTimɔti 4:7

Shɛɛ kyaam ne nggbyɛrɛs ne bɛɛs ɛTaanggbey yegha gbik ne ivol ɛbuu da. Yang gbaat ito mo te ɛ shɛɛ ihywee ne ishwɛɛ ɛTaanggbey da.

1 ɛTimɔti 6:11

iGyɛ ne ɛTimɔti wo ne ɛ soyɛ ɛnyi ɛTaanggbey, tel nikɔn nɛnaa wo. See ito ne tɔk ihywel cik, ne ishwɛɛ ihywee ne ishwɛɛ ɛTaanggbey, ne ìnang ne itin, ne ishwim, ne rop iku gbik ne ihywɛɛ.

1 ɛTimɔti 6:14

Nzi bok kɛ te ˆɛ roos ikpii ne ivol lɛdaa wo gbyak tang ɛkɔn ne tok ne irwirwik, ɛDaray njwɛɛn ɛYɛso ɛKiriti gha phyii bhɛ kyii.

2 ɛTimɔti 2:1

iGyɛ ne ɛngɔn nge wo, kyinak gɛgɛy ndɔ ne izɛɛng ngge ne ɛTaanggbey ya kɛ nang ngɛ ndɔ ɛYɛso ɛKiriti gha.

2 ɛTimɔti 2:16

Tel ivol ɛbuu ne bɛɛs ɛTaanggbey yegha, daa ɛli ne ifɛ hanas ninyi na ne shɛɛ ishwɛɛ ne ifɛ sang so ivaa ɛTaanggbey.

ɛTitus 1:14

Tɛ nibhɛ kɔɔng nge tenes nggbyɛrɛs niYahodawa da ne ifɛ sang so itin de. Tɛ nibhɛ ta kɔɔng nge roos ikpii ninyi da nɛ nibhɛ mbaray itin de.

ɛTitus 1:4

ɛbhɛ phɛɛs ɛlɔ ɛTitus, ɛngɔn ne itin nge ndɔ ne ìnang ne itin mos. Te izɛɛng gbik ne irway ne laal, ne ifɛ le ɛlɔ ɛTaanggbey ne ɛ so ɛTaa, ne ɛYɛso ɛKiriti ɛHaa ne Phɔt Njwɛɛn shɛɛ ne igyɛ.

ɛTitus 1:9

Te ɛndiinday ya soye ɛnyi ne ɛ kɛ wum ibol ɛTaanggbey de ne sɛ kyinak ngɛ wo gɛgɛy, ɛli ne kɛ mɛmɛ ɛbhɛ nɛ wo. Yaa ne lenɛ ɛlɛ wo ne ɛ te ɛbyin ninyi na itsɔngɔl gɛgɛy lenɛ ne imɛmɛ ne itin, ɛ ta i nep ninaa nɛ nibhɛ bok iphup be ne imɛmɛ ne itin da.

ɛTitus 3:9

Tel lɛ ishamas ɛbuu de gbik ne ibol ne wɛɛ irɛɛk ne itaang ngge, ne izok ge, ne ishisim daa ne ibol iMɛmɛ ɛMuusaa da. Daa ɛli ne sɔng nikɔn nɛnaa wo bok iphyik nang, sɔng nibhɛ kɛ ne ta jam nang.

Nikɔn ne kɛ Phaal 3:3

iPhɛ ɛlɛy, ne ɛ taate nɛ nikɔn na ne kaa mɛmɛ yɛnɛ wo, ɛ say yo. San ɛbɔk te ɛ roos itin de. Wu ɛ kɛ ne sang seme wo, naa ne yɛɛs sɛ te ɛhaa ɛyi, sɔng ɛ sɛ ne yɛɛ nten de ne naa yɛɛs nɛ nang.