1 ɛTimɔti 6:18 - ɛWee ne ìTsɛm iHywas

¹⁸ Yaak nibhɛ tɛ nibhɛ mɔn nikɔn niyɛnɛng, tɛ nibhɛ hɔn gbom ndɔ ne mɔn nikɔn niyɛnɛng nga, tɛ nibhɛ phyik ninyi na ne irway walala, nibhɛ yɛk irway ne nang.

1 ɛTimɔti 6:18 ပူးပေါင်းရင်းမြစ်များ

ɛMacu 5:42

Wu ɛnyi kɛ roo yɛ ɛkɔn nang ɛbhɛ, wu ɛnyi kɛ yɔng wu te ɛ kɔp bhe ɛkɔn, kɔp ɛbhɛ.

ɛLuka 12:21

ɛYɛso gha ne ji taal ivol ɛbhɛ ba, ɛ yɔngɔ, “Ɛlɛy ne iphɛ sɛ ne te daa ninyi na nɛ nibhɛ tumɛ itso nibhɛ nikɔn ɛzay ya gbik ko, nibhɛ ji kyii sang iryat de ɛlɔ ɛTaanggbey ya.”

ɛLuka 3:11

ɛYohana gha ne kyii nɛ, ɛ yaak nibhɛ, “ɛNyi gha ne ɛ bok itsura ifɛ ifaa, te ɛ nang ɛhaa ne ɛ sang ɛdɛng, ɛhaa ne ɛ bok ire nang, te ne ɛ ma mɔn ɛlɛy.”

ɛTomɛ 10:38

Ɛ yɛɛ ɛn ɛli ne ɛTaanggbey ya kaa sit ɛYɛso ne iNazarat tegha ne iKabyik ɛTaanggbey ne ihwet da. ɛYɛso gha kaa ne roos nilɔ na gbik ɛɛ mɔn nikɔn niyɛnɛng ɛ ta tes ninaa ne ɛShɛtan na kaa bok ito de daa nibhɛ wo niken, daa ɛli ne ɛTaanggbey kaa so ne ɛbhɛ.

ɛTomɛ 11:29

Ninaa ne roos ne iNtakiya na ne bol nibhɛ sime nɛ wu ɛrɔngɔ yaa nang ɛkɔn na ne aa yɛɛ ne nang ngɛ te i phyik ninaa ne roos ne iYahudiya na nɛ.

ɛTomɛ 9:36

ɛDɛ ɛhaa ne roos sa kaa ne sonɛ ne iYopa ne kaa bok ɛbhɛ ɛTabita, ne ta yeres ɛbhɛ ɛDokas ne ilem ne iGirik. ɛTabita gha kaa mɔn nikɔn niyɛnɛng cɛcɛɛy, ɛ ta phyighis ninyi nihala.

iRooma 12:13

Hosop ɛn nikɔn mon na nɛ ninyi ɛTaanggbey ya nɛ nibhɛ so nitaasek. Say ɛn ninaa ne kpoo na ne izinɛ ne ishwɛ.

iRooma 12:8

Wu izɛɛng ngɛ so izee ne tes ninyi itsɔngɔl gɛgɛy te ne ɛ tes itsɔngɔl de gɛgɛy yo, wu izɛɛng ngɛ ne so izee ne nang ɛkɔn, te ne ɛ nang ne irway walala, wu izɛɛng ngɛ ne so izee ne igbɔm, te ne ɛ boos ninyi na byirik, wu izɛɛng ngɛ ne so izee ne san iyɔm, te ne ɛ san iyɔm be ndɔ ne izinɛ ne ishwɛ.

1 iKɔrɔntos 16:2

Yaa sɛ ɛtuk ne iLaadi te ɛrɔngɔ ne tul ɛkɔn ɛ tek, cɛcɛɛy ne ɛkɔn na ne ɛ sɛ. Sɔng ɛ hyep ɛn nggyi yɛɛs so nyɛɛn ɛ kyi tuma ɛn no nang.

2 iKɔrɔntos 8:12

Wu ɛ bok ɛn irway ne nang ìnang ngga, ɛTaanggbey ya yaa ne say ìnang mon da kancɛng ne ɛkɔn na ne ɛ bok ɛn, sɔng daa ɛkɔn na ne sang bok ɛn nang.

2 iKɔrɔntos 8:9

Ɛ yɛɛ ɛn izɛɛng ɛDaray njwɛɛn ɛYɛso ɛKiriti de. Ɛ kɛ soye ɛhaa ne iryat, ɛ kɛ ne teye ɛhala daa ne igboo mon. iHala ɛbhɛ de kɛ ne te nyini ɛ te ɛn nyini ninaa ne iryat.

iGalatiya 6:10

iPhɛ ɛlɛy, gbik nten de ne njwɛɛn kɛ sɛ, te njwɛɛn mɔn ninyi na gbik nikɔn niyɛnɛng, yang ji so ninaa ne roos ɛKiriti yegha.

iFisus 4:28

ɛNyi gha ne ɛɛ hyel ɛyi, te ɛ kɔɔng ihyel ɛyi da te ne ɛ yaa mɔn ɛtomɛ ne ibɔ ɛbhɛ ɛli ne aa re ilong ɛbhɛ, te ɛ phyii sɛ ɛkɔn ɛli ne aa phyik ninyi nihala nɛ.

1 ɛTimɔti 5:10

Te ɛ so ɛkuk ne ngka nitomɛ ɛbhɛ kɛ jam, kaabi ɛ boos ninɔn ɛbhɛ byirik, ɛ say ninaa ne ikpoo, ɛ mɔn ninaa roos ɛTaanggbey ye ɛtomɛ, ɛ phyighis ninaa nɛ nibhɛ i tɔk iphyik, ɛ kɛ see ito daa ne mɔn nikɔn niyɛnɛng cɛcɛɛy.

ɛTitus 2:14

ɛYɛso ɛKiriti gha ɛbhɛ kɛ nang ito ɛbhɛ te ɛ phɔt njwɛɛn ndɔ ne ibebhe de, te ɛ kɛ ne kuus njwɛɛn, te njwɛɛn teye ninyi ɛbhɛ zɔng, niwɛwɛy yɛ, njwɛɛn has irway ne mɔn nikɔn niyɛnɛng.

ɛTitus 3:8

iBol lɛdee wo so sɛ kyinak nɛ. Nzi ne sim te ɛ sɛ tiil ninyi na nikɔn nɛnaa wo gbik. Tɛ ninyi na nɛ nibhɛ kɛ nang ne itin nɛ ne ɛTaanggbey ya ne nang ihwet nibhɛ gbik ɛlɔ ne mɔn nikɔn niyɛnɛng. Nikɔn nɛnaa wo kɛ jam gbom, nibhɛ ne bok iphyik daa ninyi na gbik.

iBirani 13:16

Sɔng ne ˆɛ te ɛn bap ne mɔn iyɛnɛng ngge gbik ne ìtsɛm ne phyighis ɛn ninyi na nɛ nikɔn na ne ˆɛ bok ɛn no nang. Mɔn ɛlɛ wo daa ɛli ne ihywee ne hap itsanga yɛdee nggyɛ wo i nang ɛTaanggbey irway ihwala.

ɛYakub 2:5

Phok ɛn nigwaa nge ne nzi sim, ɛDaray ya kɛ sang kasa nihala ɛzay yɛnaa wo tɛ nibhɛ teye ninaa ne iryat ndɔ ne ìnang ne itin ne i? Nibhɛ bhɛ sang soye ninaa nɛ nibhɛ sɛ re isha ne igbɔm ba ne ɛ kɛ ku sim-mɛ daa ninaa nɛ nibhɛ i sim ɛbhɛ woo?

1 ɛBiturus 3:11

Te ɛ hyereey ɛ tek ibebhe ɛ tɔk iyɛnɛng. Te ɛ tɔk irway ne laal ne irway ɛbhɛ gbik.

1 ɛYohana 3:17

Wu ɛnyi bok iryat ɛ yaang ɛgwaa ɛbhɛ ne ɛ tɔk iphyik, ɛ mbaray tang phyik ɛgwaa ɛbhɛ, ɛnyi yɛghaa nggyɛ wo ne bok ishwim ɛTaanggbey da bɛ?

3 ɛYohana 1:11

iGyɛ ɛgwaa nge ne nzi sim, sɔng ˆɛ roos ibebhe de nang, yang roos iyɛnɛng. Gbik ɛnyi gha ne ɛ mɔn ɛkɔn ɛyɛnɛng nga ɛ soye ɛhaa ɛTaanggbey, ɛnyi gha ne ɛ ne mɔn ibebhe de nang, sɔng ɛ yɛɛ ɛTaanggbey yegha nang.