1 ɛTimɔti 6:17 - ɛWee ne ìTsɛm iHywas

¹⁷ Kpɛng ninaa ne iryat ndɔ ɛzay yɛghaa wo, sɔng nibhɛ tɔɔk ito, nibhɛ kyii ne irway nibhɛ daa ne iryat de ne ihywɛ so te igbil lo ne ifɛ phebhe wo nang. Tɛ nibhɛ ne yang sit irwisɛ daa ɛTaanggbey ne ɛbhɛ naas njwɛɛn nikɔn na walala te njwɛɛn i phok iyɛnɛng ngɛ.

1 ɛTimɔti 6:17 ပူးပေါင်းရင်းမြစ်များ

ɛMacu 12:32

Gbik ɛnyi gha ne ɛ kɛ bol ivol ne bɛɛs ɛNgɔn ɛNyi gha nɛ wo, sɛ ne hana ɛbhɛ nɛ. Wu ɛnyi gha kɛ ne bol ivol ne bɛɛs iKabyik ɛTaanggbey de, sɔng yaa ne hana ɛbhɛ nɛ ɛzay yɛghaa wo, ne ɛzay ya ne ɛ yaaso wo nang.”

ɛMacu 19:23

ɛYɛso gha ne yaak ninɔn ne icwam ɛbhɛ na, “Nzi tɔng nyini itin nɛ, iphɛ bok nggbang ɛhaa ne iryat ta bhɛ lel dak ne igbɔm ɛdaa ne irywa da.

ɛMacu 25:16

ɛKpuru gha ne kɛ nang ɛbhɛ ninom iwii na ne ɛ bo ɛ dat ne iza, ɛ ma sɛ nihak ninom iwii ne ɛdaa ɛco yɛ.

ɛMacu 27:57

Kaa ne sɛ ɛlɔ yɛ kɛ teye irwirywɛ, ɛdɛ ɛnyi ne iRamatiya gha ne i bok ɛbhɛ ɛYisifu ne yɛɛs. Ɛ kaa soye ɛhaa ne iryat, ne ɛ ma soye ɛdɛ ɛNgɔn ne icwam ɛYɛso gha.

ɛMacu 6:32

Nikɔn nɛnaa wo nɛ ninyi na nɛ nibhɛ doo ɛTaanggbey yegha tɔk. ɛKyɛɛ mon ɛdaa ne irywa gha i yɛɛ ɛli ne ɛ sim ɛn nibhɛ.

ɛMarakus 10:24

iBol lɛdee wo ne yaa tak ninɔn ne icwam ɛbhɛ na iyɔm gbom. ɛYɛso gha ne kyii ta yaak nibhɛ, “Ninɔn nge yɛɛ! iPhɛ bok nggbang gbom ɛnyi ne tɔk iryat ta lel ne igbɔm ɛTaanggbey ba!

ɛLuka 19:2

ɛDɛ ɛndiinday ninaa ne saasel ijam ivel la kaa ne so ɛnggyɛ wo ne kaa bok ɛbhɛ ɛZaka, ɛ kaa ne bok iryat gbom.

ɛLuka 3:11

ɛYohana gha ne kyii nɛ, ɛ yaak nibhɛ, “ɛNyi gha ne ɛ bok itsura ifɛ ifaa, te ɛ nang ɛhaa ne ɛ sang ɛdɛng, ɛhaa ne ɛ bok ire nang, te ne ɛ ma mɔn ɛlɛy.”

ɛTomɛ 14:17

Gbik ne iphɛ ɛlɛy, sɔng ɛTaanggbey ya kɛ ne jung shɛɛ tang tɔɔl nyini ito ɛbhɛ nang: Ɛbhɛ ɛ nang nyini inɛn ne irywa ne ikos iyɛnɛng, ɛ nang nyini ishwighi gbik ne irway ihwala.”

ɛTomɛ 14:27

Ne sɛ nibhɛ kɛ tuu iNtakiya de nibhɛ ne tumare ninaa ne roos sa ɛlɔ ɛdaan, nibhɛ ji tɔng ɛkɔn na ne ɛTaanggbey ya kɛ mɔn lenɛ nibhɛ wo. Nibhɛ ne ta phyii tɔng nibhɛ ɛli ne ɛTaanggbey ya kɛ phaal ninyi na ne hame nibhɛ so niYahodawa na ɛnkiinɛ wo nɛ nibhɛ yaa nang ne itin nɛ wo.

ɛTomɛ 17:25

Sɔng ɛ tɔk iphyik ɛlɔ ɛten ɛsii nang, sɔng ɛ ma yung tɔk ɛkɔn nang, daa ɛli ne ɛbhɛ ɛ naas ninyi na iken, ne ifɔng, nɛ nikɔn na nɛ nibhɛ sim gbik.

iRooma 11:20

Ɛlɛy ne phɛ so! Kaa ne hyɛghɛ ilaak ge nɛ ne itin nɛwo daa ne yɔm ne sang nang ne itin nɛ. iGyɛ wo nang, ne lenɛ ne nang itin nɛ ɛ kɛ ne sɛ ɛ shɛɛ ndɔ ne itin de. iPhɛ ɛlɛy, sɔng ne ɛ hal ɛgyɛy ya nang, yang wum ɛnik.

iFisus 5:5

Seng ɛn iphɛ ncɛncɛng ɛlɛ, ɛhaa ne nzangas sa, ne ɛhaa ne roos ihyop igywebhe ne ibek ge nɛ wo, ne ɛhaa ne irisɛ gha, ne iphɛ soye ɛkɔn ɛdaan nɛ ne ire igunkyi de ntsong ngga, sɔng ɛdɛ ɛbhɛ bok ihop ndɔ ne isha ne igbɔm ɛKiriti da gbik ne ɛTaanggbey ya nang.

iKɔlɔsi 3:16

Te ibol ɛKiriti de shɛɛ ndɔ ne irway mon da gbom. Mɛmɛ ɛn ne nigwaa nɛ, te ˆɛ kpɛng ɛn nyini ndɔ ne ntsɛntsɛng, ˆɛ yaak ɛn ne ighel ne ɛWee ne iBol ɛTaanggbey, ne ighel ne dɛp ɛTaanggbey ye, ne idee ne iKabyik kɛ nang, ˆɛ tɔɔsel ɛn ɛTaanggbey yegha irway ihwala ndɔ ne irway mon.

1 iTasɔlɔnika 1:9

Daa ɛli nɛ ninyi na ne ito nibhɛ bhɛ tɔng ihywee ne say da ne ɛ kaa say ɛn njwi wo. Nibhɛ tɔng ɛli ne ɛ kaa hyere ɛn nyini ɛlɔ ɛTaanggbey ya ɛ tek ɛn re igunkyi de ntsong nggaa, ɛ yaa re ɛn ɛTaanggbey ne itin na, ɛhaa ne iken na ntsong ngga,

1 ɛTimɔti 1:3

Nzi sim te ˆɛ sɛ shɛɛ ne iFisus de, ɛli ne ngga mɔng ngɛ nten de ne naa phɛ ne iMakyidɔniya de. Nidɛng ninyi na so ne iFisus de nɛ nibhɛ i mɛmɛ ninyi na ne ivol ne irywɛɛk, nzi ne sim te ɛ sɛ yɛk nibhɛ nɛ nibhɛ kɔɔnge.

1 ɛTimɔti 3:15

Wu kɛ ne bees me nten, ɛwee yɛwoo wo yaa ne teyɛ ɛ seng ihywee ne ishwɛɛ da ne njwɛɛn yaa shɛɛ ndɔ ne ijwee ɛTaanggbey yo, ne iphɛ so idira ninaa ne roos ɛTaanggbey ne iKen na, ɛkangashi gha gbik ne ɛtum ne itin de.

1 ɛTimɔti 4:10

iPhɛ phɛ kɛ te njwii sɔ nggbang njwii kyangase ne ɛtomɛ gha daa ɛli ne njwi kɛ sit irwisɛ daa ɛTaanggbey ne iKen, ne ɛbhɛ so ɛHaa ne Phɔt ninyi na gbik, yang ji so ninaa ne ìnang ne itin na.

1 ɛTimɔti 5:21

Nzi bol ne igyɛ ɛnu ɛyisɛ ɛTaanggbey ne ɛYɛso ɛKiriti gbik nɛ nimalɛka ne kɛ kasa wu te ˆɛ roos ikpii ne bol lɛdaa wo wɛlɛng sim ito, ne i sim ɛdɛng ɛ phyin ɛdɛng.

1 ɛTimɔti 6:13

Nzi bol ne igyɛ ɛnu ɛyisɛ ɛTaanggbey ne ɛbhɛ ɛ naas nikɔn na iken de gbik ko gbik ne ɛnu ɛyisɛ ɛYɛso ɛKiriti ne ɛ kaa nang ishɛɛda iyɛnɛng ngge ɛnu ɛyisɛ ɛBilatus ɛBuntus sa.

1 ɛTimɔti 6:9

Ninyi na nɛ nibhɛ kat irway ne tɔk iryat de i ne hoghɛ ndɔ ne itɛrɛk, ne irwa gbik ne ihyop igywebhe hywee-hywee ne ihywɛ so iwamang, ihywɛ hɔ nibhɛ ndɔ ne bees se gbik ne iku.

2 ɛTimɔti 4:10

Mɔn ɛlɛ wo daa ɛli ne ɛDimas sa kɛ yɛk irisɛ nikɔn ɛzay yɛdee wo, ɛ kɛ tek me ɛ yeghe ne iTasɔlɔnika, ɛKirisɛn ne yeghe ne iGalatiya, ɛTitus ne ma yeghe ne iDamatiya.

ɛTitus 2:12

iZɛɛng ngɛdee wo i mɛmɛ njwɛɛn nɛ te njwɛɛn mbaray ishwɛɛ da ne ifɛ sang tɔɔsel ɛli ne ɛTaanggbey ya so wo, gbik ne ihyop nikɔn ɛzay de, te njwɛɛn te hywɛɛ byirik, i hyel cik, i shɛɛ ɛli ne ɛTaanggbey ya so ɛzay yɛghaa wo.

ɛTitus 3:6

iKabyik ɛTaanggbey yɛdee wo ne kɛ sit njwɛɛn nɛ gbom lenɛ ne ɛYɛso ɛKiriti ne ɛ soye ɛHaa ne Phɔt njwɛɛn.

2 ɛBiturus 1:11

Yaa ne lenɛ ɛlɛ wo ne say nyini ne ibɔ iphaa ndɔ ne igbɔm ne inat ɛDaray njwɛɛn ɛYɛso ɛKiriti ɛhaa ne phɔt njwɛɛn.