Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 ɛTimɔti 6:16 - ɛWee ne ìTsɛm iHywas

16 ne ɛbhɛ zɔng ne ɛ phyin ihwet ne iku. Ɛɛ shɛɛ ndɔ ne iwɛwɛy de ne hame ɛnyi sɛ yɛɛ ne phɛ cɛcɛk ne iphɛ. Ɛbhɛ ɛ soye ɛhaa ne hame ɛnyi kɛ ku yaang ɛbhɛ, ɛnyi i sang yɛɛ ne yaang ɛbhɛ. Te ne nang ɛbhɛ ne igbom gbik ne igbɔm ne sang taal le. Ɛɛy.

အခန်းကိုကြည့်ပါ။ ကော်ပီ




1 ɛTimɔti 6:16
30 ပူးပေါင်းရင်းမြစ်များ  

Sɔng ɛnyi kɛ ku yaang ɛTaanggbey yegha nang. ɛNgɔn ɛDaan na ne ɛ soye ɛTaanggbey ya, ne ɛ so ɛlɔ ɛKyɛɛ gha, ɛbhɛ kɛ ne te njwɛɛn seng ɛli ne ɛTaanggbey ya so.


ɛYɛso gha ne kyii nɛ ɛ yaak ɛbhɛ, “Nggɛ maa phyɔngɔle ne nyinɛn ɛbɛ wo, ne ˆɛ maa tɔ tang seng me ɛFilibus see? Gbik ɛnyi gha ɛ kɛ yaang me ɛ kɛ ne yaang ɛKyɛɛ gha. Aa ne mɔn ɛli ɛ yɔng wu te n tɔɔrek nyini ɛKyɛɛ ngeghaa?


Sɔng ɛnyi kɛ ne ku yaang ɛKyɛɛ nge gha kang ne ɛnyi gha ne ɛ le daa ɛlɔ ɛTaanggbey ya nang, ɛbhɛ zɔng ɛbhɛ kɛ ku yaang ɛTaanggbey yegha.


ɛYɛso gha ne yaak nibhɛ, “Nzi tɔng nyini itin nɛ, ɛli ne tang yɛk ɛBaraying nge gha, ‘Nggu Sonɛ.’ ”


Te nang ɛbhɛ ne ndiinday de ndɔ ne idira ninaa ne roos de gbik ne ndɔ ɛYɛso ɛKiriti gha ne ᐩizam be gbik, ne ishay-ishay! Ɛɛy.


Te ne nang ɛTaanggbey njwɛɛn na ne ɛKyɛɛ njwɛɛn na ne ndiinday ne ishay-ishay. Ɛɛy.


ɛKiriti gha soye izazurum ɛTaanggbey de ne hame i yɛɛ ne yaang ne irwisɛ. Ɛbhɛ soye ɛngɔn ɛkɔɔn ndɔ nikɔn na ne kɛ ryɔng ngo gbik.


Te ne nang ɛGɔm ne iNat ta ne ndiinday ne igbom cɛcɛɛy! ɛHaa ne ɛbhɛ ɛ soye ɛTaanggbey ya zɔng ngo, ɛhaa ne ɛ sang ɛgak ko, ɛhaa ne i sang yaang ɛbhɛ wo. Ɛɛy.


Sɔng ɛYɛso ɛKiriti gha i sunuuy nang. ɛLi ne ɛ kɛ so ne ɛryɛ, ɛlɛy ne ɛ so izenge, ɛlɛy ne aa ne ku i shɛɛ ishay-ishay.


Gbik ɛdɛ ɛkɔn ɛyɛnɛng hyɔrɔ gha ne kɛ nang ɛ le daa ne irywa. Ɛ le ɛlɔ ɛTaanggbey ne ɛ so ɛTaa, ɛhaa ne ɛbhɛ ɛ kɛ ryɔng iroy, ne ifɛl gbik nɛ niyuyɔrɔ nɛ nibhɛ soye iwɛwɛy daa ne irywa. ɛHaa ne hame ɛ sunuuy, ɛ sang hyeeme te ɛlɔ ɛsirim.


iBol de ne njwi kɛ phok ɛlɔ ɛNgɔn ɛbhɛ gha ne njwii tɔng nyini wo i bo ɛTaanggbey ya so iwɛwɛy, sɔng igbyik so ɛlɔ ɛbhɛ gha nang, kɔɔ ncɛt.


Wu njwɛɛn i ne hyel ndɔ ne iwɛwɛy de ɛli ne ɛTaanggbey ya so iwɛwɛy de, njwɛɛn i ne byingis ìtsɛm be nɛ nigwaa. Neyi ɛNgɔn ɛbhɛ ɛYɛso ɛKiriti na i ne kuus ɛfɔt njwɛɛn no gbik.


Sɔng ɛnyi kɛ ku yaang ɛTaanggbey yegha nang; gbik ne iphɛ ɛlɛy wu ɛrɔngɔ kɛ ne sim ɛrɔngɔ gha, ɛTaanggbey ya ne i shɛɛ ndɔ njwɛɛn, ishwim ɛbhɛ da ne te hyɔrɔ ndɔ njwɛɛn no.


Te ne dɛp ɛTaanggbey yegha ne ɛbhɛ ɛ soye ɛTaanggbey ya zɔng lenɛ ne ɛDaray njwɛɛn ɛYɛso ɛKiriti ɛhaa ne phɔt njwɛɛn. Te ndiinday, ne igbom, ne ito, ne igbɔm teye ivaa ɛbhɛ, lenɛ ne ɛtum ɛzay yo, ne ɛlyilyɛghaa, gbik ne ishay-ishay! Ɛɛy.


Ɛ kɛ te njwɛɛn njwɛɛn teye ninaa ne re igbɔm, nɛ nibo ninaa ne mɔn ɛtomɛ ɛTaanggbey ne ɛbhɛ ɛ soye ɛKyɛɛ ɛbhɛ. iPhɛ ɛlɛy, te ne yɔng ɛYɛso ɛKiriti gha bok ndiinday ne igbɔm ne ishay-ishay. Ɛɛy.


ɛDaray ɛTaanggbey ya bo, “Mee nzo me ɛHaa ɛYisɛ yɛ ne ɛHaa ɛTsim mɛ. Mee nzo ɛTaanggbey ya ne ɛ sonɛ ɛlyilyɛghaa, ɛhaa ne ɛ kaa ku sonɛ, ɛhaa ne ɛ sɛ ta yaaso, ɛHaa ne iGbɔm Gbik.”


Ne n phok ɛgbaang ne izɔlɔs ihywɛ le ɛcuruu ne igbɔm ma ihywɛ bo, “ɛLyilyɛghaa wo ɛlɔ ne shɛɛ ɛTaanggbey ya ne so ɛlɔ nɛ nibhɛ shɛɛ nɛ nɛ ninyi. Aa shɛɛ nɛ nibhɛ, nibhɛ ne teye ninyi ɛbhɛ. ɛTaanggbey ya ne ito ɛbhɛ aa shɛɛ nɛ nibhɛ, ɛ teye ɛTaanggbey nibhɛ.


Sɔng ɛtuk sɛ ta sonɛ dɔng nang. Sɔng nibhɛ sɛ ne ta tɔk ɛpitila ne iroy ne ifɛ yaa tol nibhɛ nang daa ɛli ne ɛDaray ɛTaanggbey ya ɛbhɛ sɛ́ nang nibhɛ iwɛwɛy de. Nibhɛ sɛ́ ne re igbɔm ba ishay-ishay.


“ɛDaray ɛTaanggbey mos, ˆɛ kɛ hɔn ɛ sɛ say ndiinday, ne igbom, ne ito. Daa ɛli ne ˆɛ kɛ ryɔng nikɔn na gbik, kɛ lenɛ ne sim mo i ryɔng nibhɛ, nibhɛ sonɛ, nibhɛ so niken.”


Nibhɛ bo, “Ɛɛy! Te yɔngɔ idɛp, ne ndiinday, ne ntsɛntsɛng, ne irway ihwala, ne igbom, ne ito-ndiinday, ne ihwet, soye ivaa ɛTaanggbey njwɛɛn ne ishay-ishay. Ɛɛy!”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ