1 ɛTimɔti 6:14 - ɛWee ne ìTsɛm iHywas

¹⁴ Nzi bok kɛ te ˆɛ roos ikpii ne ivol lɛdaa wo gbyak tang ɛkɔn ne tok ne irwirwik, ɛDaray njwɛɛn ɛYɛso ɛKiriti gha phyii bhɛ kyii.

1 ɛTimɔti 6:14 ပူးပေါင်းရင်းမြစ်များ

2 ɛBiturus 3:14

iPhɛ ɛlɛy, nigwaa nge ne nzi sim, ɛli nɛ ɛɛ ne hyep ɛn ɛtuk kɛghaa nggyɛ wo, ne ɛ mɔn ɛkɔn na ne aa yɛ ne mɔn ɛn te ɛ shɛɛ ɛn ɛnu ɛyisɛ ɛTaanggbey ya wɛwɛy tang ɛkɔn ne rip, te ne ɛ bok ɛn irway ne laal ne ɛnu ɛyisɛ ɛbhɛ gha.

1 ɛBiturus 1:7

Nggbang ngga kɛ yɛɛs nyini te mpɛ tɔɔrek iwɛwɛy ne ìnang ne itin mon da. I tɛɛsek iwɛwɛy ne izinariya de ne iphɛ so ɛkɔn na ne iphɛ yaa phyɔngɔle iphɛ taal le wo ne igboo. ɛLɛy ne i ne ma tɛɛsek iwɛwɛy ne ìnang ne itin mon de ne iphɛ phyin izinariya de ne ndiinday. ɛLɛ wo ne ìnang ne itin mon nɛdaa wo sɛ ne yɛɛs nyini ne idɛp, ne ndiinday, gbik ne igbom ɛtuk ka ne sɛ phaal ɛYɛso ɛKiriti yegha te igbagha ɛzay yo gbik yaang ɛbhɛ.

1 iTasɔlɔnika 5:23

Te ɛTaanggbey ya ne ito ɛbhɛ ne ɛ soye ɛhaa ne irway ne laal la, tul nyini kang yɛnɛng-yɛnɛng, ɛ te ikabyik mon, ne iken mon, ne ibek mon de shɛɛ wɛlɛng ɛkɔn ne tok, ɛtuk ka ne ɛDaray njwɛɛn ɛYɛso ɛKiriti gha sɛ bhɛ kyii wo.

ɛYahuza 1:24

Te ne dɛp ɛTaanggbey yegha ne ɛbhɛ ɛ bok ihwet ne aa phyik njwɛɛn ɛlɔ ne njwɛɛn yaa yung ho wo, ɛ yɛɛs ne njwɛɛn ɛlɔ ɛbhɛ gha, wɛlɛng ɛkɔn ne tok ka, ɛnu ɛyisɛ ne ito-ndiinday ɛbhɛ de ne irway ihwala da gbom mo.

iBirani 9:28

ɛLɛy ne iphɛ ne ma so, kɛ ne nang ɛKiriti yegha ɛdaan zɔng te ɛ bo ɛfɔt ninyi gbom. Ɛ sɛ ne ta bhɛ kyii, ikyii ne ifaa yɛ, sɔng te ɛ ta ba ɛfɔt to nang, ɛ sɛ yang bhɛ kyii te ɛ phɔt ninaa nɛ nibhɛ hyep ɛbhɛ wo.

ɛTitus 2:13

Njwɛɛn i shɛɛ ɛlɛ wo i hyep ɛtuk ɛwɛng nga ne njwɛɛn kɛ yɛk ne irway da. Nten de ne ito-ndiinday ɛTaanggbey ne nindiinday ɛHaa ne Phɔt njwɛɛn ɛYɛso ɛKiriti gha sɛ tɔɔl le wo.

Nikɔn ne kɛ Phaal 1:7

Yaang ɛn! Ɛ yaaso ndɔ ne inɔp, ninyi na gbik sɛ yaang ɛbhɛ, nɛ ninaa nɛ nibhɛ kɛ tolo ɛbhɛ ne nibhɛ kugha wo. iLwem ɛzay da gbik sɛ san ɛbhɛ. ɛTsak! Ɛlɛy ne phɛ sɛ te. Ɛɛy.

iBirani 9:14

Neyi ɛKiriti na ne phyin neyi nikɔn nɛnaa nggyɛ wo gbom. Kɛ lenɛ ne iKabyik ne inat tɛdee nggyɛ wo ɛKiriti gha ne ɛ sang ɛkɔn ne tok ka ne nang ɛTaanggbey yegha ito ɛbhɛ gbik. ˆƐ kɛ mɔn ɛlɛ wo te ɛ kuus icwas ne irway njwɛɛn, te njwɛɛn tek nikɔn na nɛ nibhɛ aa sang phyik njwɛɛn no, njwɛɛn yaa re ɛTaanggbey ne iken na ntsong.

2 ɛTimɔti 4:1

Nzi bol ne igyɛ ɛnu ɛyisɛ ɛTaanggbey ne ɛYɛso ɛKiriti ne ɛbhɛ sɛ bol ninaa ne iken nɛ ninaa ne ikpuu ɛshara, daa ɛli ne sɛ ɛbhɛ kyii ɛ re igbɔm ɛbhɛ da.

2 iTasɔlɔnika 2:8

Nɛ nten nɛ ne ji phaal ɛsang-phok kɛghaa wo, ɛDaray ɛYɛso gha sɛ ne phoo ɛbhɛ ne ifɔng ɛnu ɛbhɛ. ɛDaray ya ne ta bees ɛsang-phok ka ne iwɛwɛy ne ito-ndiinday ɛbhɛ de ɛtuk ne yɛɛs ɛbhɛ gha.

iKɔlɔsi 4:17

Yaak ɛn ɛCipus sa wu te ɛ kyii ne ihywɛɛ ɛbhɛ, ɛ taal ɛtomɛ gha ne ɛDaray ya kɛ nang ɛbhɛ wo.

iKɔlɔsi 1:22

ɛlyilyɛghaa wo, ne lenɛ ne iku ne ibek ɛKiriti de ne iphɛ soye inwam ba nɛ neyi na, ɛTaanggbey ya kɛ ne te ˆɛ te ɛn nyini nitaay ɛbhɛ. ɛKiriti gha kɛ ne phɛ ne nyinɛn, ˆɛ so ɛn kang, wɛwɛy tang ɛkɔn ne tok ɛnu ɛyisɛ ɛTaanggbey ya.

iFilibi 1:10

ɛKɔn nɛghaa wo yaa ne phyik nyini ˆɛ yɛɛ ne kasa ɛn ɛkɔn na ne ɛ kɛ jam, te ˆɛ shɛɛ ɛn wɛwɛy, wɛlɛng ɛkɔn ne tok phyii bhɛ hɔn ɛtuk ka ne ɛKiriti gha sɛ bhɛ kyii wo.

1 iKɔrɔntos 1:8

ɛYɛso gha ya ne boos nyini gɛgɛy ndɔ ne ìnang ne itin de ɛli ne hame sɛ́ sɛ nyini ne ɛkɔn ne rip ɛtuk ka ne ɛDaray njwɛɛn ɛYɛso ɛKiriti gha sɛ bhɛ kyii wo.

1 ɛYohana 3:2

Nigwaa nge ne nzi sim, njwɛɛn soye ninɔn ɛTaanggbey ɛlyilyɛghaa wo. Sɔng kɛ ne ku tɔɔl njwɛɛn ɛkɔn na ne njwɛɛn sɛ teye nɛ nang, njwɛɛn i yang yɛɛ wu sɛ́ sɛ ɛKiriti gha kɛ tɔɔl le wo njwɛɛn sɛ ne ma te tɛ ɛbhɛ, daa ɛli ne njwɛɛn sɛ yaang ɛbhɛ ɛli ne ɛ so.

1 ɛBiturus 1:19

Kɛ yang say nyini nɛ neyi ɛYɛso ɛKiriti na nɛ nibhɛ ku phyin ne ndiinday gbik. ɛYɛso ɛKiriti gha ne so te ɛngɔn ne pharak ne hap itsanga, byirik, wɛlɛng ɛkɔn ne tok.

1 ɛTimɔti 6:20

ɛTimɔti, wɛɛ ɛkɔn na ne kɛ tek kɛ nɛ ne iwɔ wo yɛnɛng. Hosop pɛ ne ivol ɛbuu da ne ifɛ sang bok ɛnik ɛTaanggbey yo gbik ne ishamas ne iwamang ngge gbik nɛ ninaa nɛ nibhɛ bok iphup ne igyɛ wo nibhɛ ji yɔng wu iphɛ so ishweng ngga, kaabi irywɛɛk ga.

2 iTasɔlɔnika 2:1

Nigwaa en daa ne ibol ne bhɛ kyii ɛDaray njwɛɛn ɛYɛso ɛKiriti de gbik ne ibol ne tumɛ njwɛɛn te bhɛ sɛme ne ɛbhɛ wo, njwii roro ne nyinɛn,

1 iTasɔlɔnika 3:13

Te ɛDaray ya yɛk ngɛ irway mon hante ne ihwet, te tul nyini kang, wɛlɛng ɛkɔn ne tok ɛnu ɛyisɛ ɛTaanggbey ya ne ɛbhɛ ɛ so ɛTaa gha, ɛtuk ka ne ɛDaray njwɛɛn ɛYɛso gha sɛ bhɛ kyii nɛ ninyi ɛbhɛ na.

iFilibi 2:15

Te ˆɛ te ɛn kang wɛlɛng ɛkɔn ne tok, ninɔn ɛTaanggbey wɛlɛng inyuu, ndɔ ɛzay ɛnggyuk ɛbebhe yɛghaa wo, ɛzay ya ne ˆɛ tol ɛn nɛ tɛ niyuyɔrɔ na,

iFilibi 1:6

Nzi ne yɛɛ ncɛncɛng ɛhaa ne ɛ kɛ tsa ɛtomɛ ɛyɛnɛng ngɛ gha wo ndɔ mon no, aa ne re ɛnu ɛyisɛ ɛ taal ɛtuk ka ne ɛYɛso ɛKiriti gha sɛ bhɛ kyii wo.

iFisus 5:27

Te sɛ́ ne sɛ aa nang ito ɛbhɛ idira ninaa ne roos de, tɛ nibhɛ ne so ɛkɔn ne ɛ kɛ jam byirik, wɛlɛng irwirwik, ne ɛkɔn ɛkpɛɛ. Tɛ nibhɛ so kang wɛlɛng ɛkɔn ne tok.

2 ɛBiturus 2:21

iPhɛ kɛ jam mɛ, te sɛɛ yɔng nibhɛ kɛ sang ku seng ɛnkiinɛ tsik ko, ne ya yɔng nibhɛ kɛ seng ɛbhɛ wo nibhɛ ji kyi ta hyereey ne ɛtsim ma, nibhɛ tek ikpii ɛTaanggbey kang da ne kaa nang nibhɛ wo.

2 ɛBiturus 3:2

Nzi sim te ɛ sɛ taate ɛn ne ivol da nɛ ninabawa ne ile ɛTaanggbey ya kaa tɔng nyini wo gbik ne ikpii ɛDaray da ne ɛ so ɛHaa ne Phɔt ta kaa bol ɛnu ninɔn ne tom ma ne ɛ kaa tom nyini nɛ wo.