1 ɛTimɔti 6:13 - ɛWee ne ìTsɛm iHywas

¹³ Nzi bol ne igyɛ ɛnu ɛyisɛ ɛTaanggbey ne ɛbhɛ ɛ naas nikɔn na iken de gbik ko gbik ne ɛnu ɛyisɛ ɛYɛso ɛKiriti ne ɛ kaa nang ishɛɛda iyɛnɛng ngge ɛnu ɛyisɛ ɛBilatus ɛBuntus sa.

1 ɛTimɔti 6:13 ပူးပေါင်းရင်းမြစ်များ

ɛMacu 27:11

ɛYɛso gha ne kyinak ɛnu ɛyisɛ ɛBilatus, ɛBilatus sa ne phom ɛYɛso yegha, ɛ yɔngɔ, “iGyɛ so yɛ ɛGɔm ne niYahodawa ghaa?” ɛYɛso gha ne yaak ɛbhɛ, “Ɛ kɛ mɔng.”

ɛMacu 27:2

Nibhɛ ne robhos ɛbhɛ, nibhɛ bo ɛbhɛ nibhɛ bhɛ nang ɛBilatus se ne ɛ kaa so ɛgɔm-na ne iRooma.

ɛYohana 14:6

ɛYɛso gha ne kyii nɛ ɛ yaak ɛbhɛ, “Mee nzo ɛnkiinɛ wo ne itin de gbik ne iken de. Sɔng ɛnyi yaa phɛ ɛlɔ ɛKyɛɛ gha tang roos ɛlɔ nge gha nang.

ɛYohana 19:11

ɛYɛso gha ne kyii nɛ ɛ yaak ɛbhɛ, “Sɛɛ yɔng ɛTaanggbey kɛ sang nang ngɛ igbɔm ba daa me wo, sɔng ɛ sɛɛ ne bok kang. ɛNyi gha ne ɛ kɛ nang me ne igyɛ wo nang, ɛ kɛ ne mɔn ɛfɔt ne ɛbhɛ phyin ɛwoo mo wo.”

ɛYohana 5:21

ɛLi ne ɛKyɛɛ gha kyii tes ninyi na nɛ nibhɛ kɛ kus niken na, ɛlɛy ne ɛNgɔn na yaa ne tes ninyi na nɛ nibhɛ kɛ kus so niken ne mang.

ɛYohana 5:26

ɛLi ne ɛKyɛɛ gha bok ito ne nang iken de ndɔ ɛbhɛ wo, ɛ kɛ ne ma nang ɛNgɔn na ito ne nang iken de ndɔ ɛbhɛ ne mang.

ɛTomɛ 17:25

Sɔng ɛ tɔk iphyik ɛlɔ ɛten ɛsii nang, sɔng ɛ ma yung tɔk ɛkɔn nang, daa ɛli ne ɛbhɛ ɛ naas ninyi na iken, ne ifɔng, nɛ nikɔn na nɛ nibhɛ sim gbik.

2 iKɔrɔntos 9:13

Yaa ne lenɛ ne ishɛɛda ɛtomɛ mon de, ninyi na gbom yaa ne nang ɛTaanggbey yegha ne ndiinday daa ɛli ne ɛ kɛ roos ɛn iBol iYɛnɛng ɛKiriti ne ɛ bo ɛn ɛ kɛ nang ɛn ne itin nɛ wo. Yaa ne ta lenɛ ne iphyik walala mon da ne ɛ kɛ phyik ɛn nibhɛ gbik ne ɛbyin ninyi na ne irway ihwala da.

iGalatiya 3:26

Gbik mon no ɛ kɛ ne te nyini ninɔn ɛTaanggbey lenɛ ne nang ne itin nɛ ndɔ ɛYɛso ɛKiriti gha.

1 ɛTimɔti 1:12

N bok irway ihwala ne ɛDaray njwɛɛn ɛYɛso ɛKiriti gha, ne ɛbhɛ ɛ kɛ nang me ihwet da ndɔ ɛtomɛ yɛghaa wo. Ɛbhɛ ɛ kɛ yaang sɛ kyinak daa ne ibol nge, ɛ nang me ɛtomɛ ɛbhɛ gha.

1 ɛTimɔti 1:15

iBol lɛdee wo ne so itin nɛ sɛ kyinak daa ne iphɛ, iphɛ kɛ hɔn sɛɛ say iphɛ gbik. iBol de ne iphɛ bo, “ɛYɛso ɛKiriti gha kaa yɛɛs ndɔ ɛzay ya te ɛ phɔt ninaa ne ɛfɔt.” Mee wo ne n bok ɛfɔt to n shɛs ndɔ ninaa ne ɛfɔt ta.

1 ɛTimɔti 2:5

Daa ɛli ne ɛTaanggbey ya so ɛdaan, ɛhaa ne ɛ so ɛceree ninyi na ne ɛTaanggbey ya ne ma so ɛdaan, kaabi ɛnyi yɛghaa wo, ɛbhɛ ɛYɛso ɛKiriti gha.

1 ɛTimɔti 5:21

Nzi bol ne igyɛ ɛnu ɛyisɛ ɛTaanggbey ne ɛYɛso ɛKiriti gbik nɛ nimalɛka ne kɛ kasa wu te ˆɛ roos ikpii ne bol lɛdaa wo wɛlɛng sim ito, ne i sim ɛdɛng ɛ phyin ɛdɛng.

1 ɛTimɔti 6:12

Tel nggbiy ne ìnang ne itin da yɛnɛng. Wum ibol ne iken ne inat de ne kɛ yel-le yɛnɛ wo ne ihwet. iBol de ne ɛ kɛ ku nang ishɛɛda iyɛnɛng ngɛ ɛnu ɛyisɛ nishɛɛda na gbom mo.

Nikɔn ne kɛ Phaal 1:5

Ne izɛɛng ne irway ne laal ne ifɛ le ɛlɔ ɛYɛso ɛKiriti ne ɛbhɛ soye ɛshɛɛda ne sɛ kyinak daa ne ibol ɛbhɛ. Ne ɛ soye ɛngɔn ɛkɔɔn ndɔ ninaa ne yiisitsik ne ikpuu da. Ne ɛbhɛ ɛ soye ɛgɔm nigɔm ɛzay ya. Te nang ɛbhɛ ne ndiinday ne ɛbhɛ ɛ sim njwɛɛn, ɛ kɛ sɔnɔ njwɛɛn ndɔ ne ɛfɔt njwɛɛn no lenɛ nɛ neyi ɛbhɛ ne ɛ kɛ lok.

Nikɔn ne kɛ Phaal 21:6

Ne ɛ yaak me, “Kɛ taal! Mee nzo me ɛHaa ɛYisɛ yɛ ne ɛHaa ɛTsim mɛ, ɛHaa ne iTsa yɛ ne ɛHaa ne iTaal lɛ. Gbik ɛnyi gha ne irway ɛbhɛ i has te ɛ yɛɛs, naa ne nang ɛbhɛ inɛn ɛncincɛk ne iken da ɛ sɔ buu.

Nikɔn ne kɛ Phaal 22:1

ɛTsim mɛ ɛlɛy ɛMalɛka gha ne tɔɔrek me ihywel ne ifɛ bok inɛn ne nang iken, ne mpɛ i tol nggyɛnggyɛl te ɛmɔdɔbi. Mpɛ le ɛcuruu ne igbɔm ɛTaanggbey ya, ne ɛNgɔn ne ɛpharak ka.

Nikɔn ne kɛ Phaal 3:14

Haa ɛmalɛka ne idira ninaa ne roos ne iLɔdakiya na nɛ te ɛ yaak nibhɛ, iBol lɛdee bɛ ne iphɛ lɛ ɛlɔ ɛnyi gha ne i yeres ɛbhɛ Ɛɛy ya, ɛshɛɛda gha ne ɛ so sɛ kyinak daa ne ibol ɛbhɛ de, ɛnyi gha ne ɛbhɛ ɛ bok igbɔm ba daa nikɔn na ne ɛTaanggbey ya kɛ ryɔng ngo.