1 ɛTimɔti 6:11 - ɛWee ne ìTsɛm iHywas

¹¹ iGyɛ ne ɛTimɔti wo ne ɛ soyɛ ɛnyi ɛTaanggbey, tel nikɔn nɛnaa wo. See ito ne tɔk ihywel cik, ne ishwɛɛ ihywee ne ishwɛɛ ɛTaanggbey, ne ìnang ne itin, ne ishwim, ne rop iku gbik ne ihywɛɛ.

1 ɛTimɔti 6:11 ပူးပေါင်းရင်းမြစ်များ

2 ɛTimɔti 2:22

Tel lɛ ihyop igywebhe ne ifas da te ɛ see ito ne roos icik, ne ìnang ne itin, ne ishwim gbik ne irway ne laal. Mɔn ɛlɛ wo nɛ ninaa nibhɛ yeres daa ne irywɛɛk ɛDaray yo ne irway iwɛwɛy.

2 ɛTimɔti 3:17

Te ɛnyi ɛTaanggbey ya te hyɔrɔ, ɛ ryɔng nge te ɛ mɔn gbik nitomɛ niyɛnɛng nga.

1 ɛTimɔti 4:12

Sɔng ɛ sim ɛnyi bɛɛs sɛdaa ɛli ne ɛ tɔ ne ifas nang. Yang teyɛ ɛkɔn ne mɛmɛ nɛ ɛlɔ ninaa ne roos sa ndɔ ne ivol mo, ne ishwɛɛ mo, ne ishwim mo, ne ìnang ne itin mo gbik ne ishwɛɛ wɛwɛy mo.

iBirani 12:14

Mɔn ɛn gbik ɛkɔn na ne ˆaa yɛɛ ne mɔn ɛn te ˆɛ shɛɛ ɛn ncaang nɛ ninyi na gbik. iPhɛ ɛlɛy, tul ɛn nyini kang, daa ɛli ne sɔng ɛnyi sɛ yɛɛ ne yaang ɛDaray yegha wu ɛ kɛ sang tul le kang ngo nang.

1 iKɔrɔntos 10:14

iPhɛ ɛlɛy, nyinɛn no ne nzi sim nyini wo, sɔng ɛ phɛ ɛn cɛcɛk ne ɛlɔ ne re igunkyi de ntsong ngga nang.

1 ɛBiturus 3:11

Te ɛ hyereey ɛ tek ibebhe ɛ tɔk iyɛnɛng. Te ɛ tɔk irway ne laal ne irway ɛbhɛ gbik.

1 iKɔrɔntos 6:18

Tel ɛn nzangas de! Gbik ɛfɔt to ne ɛnyi gha i mɔn no, sɔng ɛbhɛ dat ibek ɛbhɛ nang. ɛHaa ne ra nzangas sa ne mɔn ibek ɛbhɛ de ɛfɔt.

1 ɛTimɔti 5:10

Te ɛ so ɛkuk ne ngka nitomɛ ɛbhɛ kɛ jam, kaabi ɛ boos ninɔn ɛbhɛ byirik, ɛ say ninaa ne ikpoo, ɛ mɔn ninaa roos ɛTaanggbey ye ɛtomɛ, ɛ phyighis ninaa nɛ nibhɛ i tɔk iphyik, ɛ kɛ see ito daa ne mɔn nikɔn niyɛnɛng cɛcɛɛy.

1 iKɔrɔntos 14:1

See ɛn ito ɛ tɔk ɛn ishwim, te ne ɛ yɛk ɛn ihyop daa nikɔn na ne izɛɛng ne iKabyik ɛTaanggbey de i naas so, yàng ji so izɛɛng ne ivol ɛnɛbi da.

iRooma 14:19

iPhɛ ɛlɛy, te njwɛɛn see ito te mɔn nikɔn na nɛ nibhɛ yaa yɛɛs ne irway ne laal nibhɛ ta byinɛ njwɛɛn.

1 ɛTimɔti 6:20

ɛTimɔti, wɛɛ ɛkɔn na ne kɛ tek kɛ nɛ ne iwɔ wo yɛnɛng. Hosop pɛ ne ivol ɛbuu da ne ifɛ sang bok ɛnik ɛTaanggbey yo gbik ne ishamas ne iwamang ngge gbik nɛ ninaa nɛ nibhɛ bok iphup ne igyɛ wo nibhɛ ji yɔng wu iphɛ so ishweng ngga, kaabi irywɛɛk ga.

1 ɛTimɔti 1:14

ɛDaray njwɛɛn na kaa ne sit izɛɛng ɛbhɛ de walala daa mee, ɛ ta nang me ìnang ne itin ne ishwim ba ne ifɛ so ndɔ ɛYɛso ɛKiriti gha.

2 ɛTimɔti 2:21

ɛLɛy ne iphɛ ne sonɛ ninyi na ne mang. Wu ɛnyi gha kɛ kuus ito ɛbhɛ ndɔ ne ibebhe de, ne ɛ so tɛ nikɔn na ne i mɔn ne ɛtomɛ ɛgbaang ɛtuk ka. Ɛ kɛ tul le kang ɛ teye ɛnyi ne aa mɔn ɛkyɛɛ ne ijwee ɛbhɛ gha ɛtomɛ, ɛ kɛ ne ryɔng te ɛ mɔn gbik ɛtomɛ ɛyɛnɛng nga ne ɛ kɛ jam.

2 ɛTimɔti 3:10

iGyɛ ne ɛTimɔti, ˆɛ kɛ roos imɛmɛ nge da, ˆɛ yɛɛ ɛli ne nzi shɛɛ, ˆɛ yɛɛ ɛkɔn na ne nzi sak me nɛ, ne ìnang ne itin nge, ne ɛbɔk nge, ne ishwim nge gbik ne irop iku nge.