1 ɛTimɔti 6:10 - ɛWee ne ìTsɛm iHywas

¹⁰ Daa ɛli ne sim ijam be gbom mo iphɛ phɛ soye ɛtum ne ibebhe de hywee-hywee. Tɔk iryat de gbom mo kɛ te ɛbyin ninyi na kɛ hana ìnang ne itin nibhɛ de, nibhɛ kɛ hɔ ito nibhɛ irway ishwii gbom.

1 ɛTimɔti 6:10 ပူးပေါင်းရင်းမြစ်များ

ɛMacu 13:22

iHywee de ne ihywɛ kɛ ne ho ndɔ ne itsutsɔ da ne so te ninyi na ne i sɛ nibhɛ kɛ phok ibol ɛTaanggbey de nang, icwas nikɔn ɛzay, ne tɔk iryat ne cwaal nibhɛ, iphɛ ring ibol de ne hɔn ndɔ ne irway nibhɛ da, sɔng iphɛ ne tang yɛk ɛkɔn nang.

ɛMacu 23:13

“ɛKɔn ne ɛnik nyinɛn ninaa ne kpɛl ɛShara gha nɛ niFarisawa na! Ɛ so ɛn niluk! Ɛ kɛ cwaal ɛn ninyi na ɛnu ne izuk ne igbɔm ɛdaa ne irywa da, sɔng ɛ kɛ lel ɛn nang, sɔng ɛ kɛ ne kyii ta tek ɛn ninyi na nɛ nibhɛ sim nibhɛ aa lel lo nibhɛ lel nang.

ɛMacu 6:19

“Sɔng ɛ tumɛ ɛn iryat de ɛzay yeghaa wo ne nzuu de yaa re wo ihywɛ ta phulɛm mo, ninaa ɛyi ta bala ɛlɔ yɛ nibhɛ yibhɛ wo nang.

ɛMarakus 4:19

nibhɛ ne kyii ta i tas icwas nikɔn nggyɔngyɔɔt ɛzay, te sim iryat, gbik nɛ ɛbyin nikɔn nɛ. Nikɔn nɛnaa nggyɛ wo ne i ring ibol ɛTaanggbey de ne hyel cik ndɔ nibhɛ wo. Sɔng nibhɛ ne yɛk ibɔrɔk kang.

iKɔlɔsi 3:5

iPhɛ ɛlɛy, ne ˆɛ phoo ɛn ihyop nikɔn ɛzay de nɛ nibhɛ so ndɔ ne irway mon da. Phoo ɛn ihyop ne nzangas de, ne ihyop nikɔn ne iyɔm ncwa da, ne icwas ivebhe da, ne irisɛ de ne iphɛ soye re igunkyi de ntsong ngga.

1 ɛTimɔti 3:3

Sɔng ɛkpuru ne iguut nang, sɔng ɛhaa ne tɔk irywen nang. Ɛ so yak, ɛɛ sim ishwɛɛ ncaang. Sɔng ɛhaa ne sim ijam gbom nang.

1 ɛTimɔti 6:21

Kɛ lenɛ ne roos imɛmɛ yɛdaa nggyɛ wo, ɛbyin nɛ kɛ ne hana ɛnkiinɛ ne ìnang ne itin no. Te izɛɛng ngge ne shɛɛ ne nyinɛn gbik. Ɛɛy.

1 ɛTimɔti 6:9

Ninyi na nɛ nibhɛ kat irway ne tɔk iryat de i ne hoghɛ ndɔ ne itɛrɛk, ne irwa gbik ne ihyop igywebhe hywee-hywee ne ihywɛ so iwamang, ihywɛ hɔ nibhɛ ndɔ ne bees se gbik ne iku.

2 ɛTimɔti 3:2

Ninyi na sɛ teye ninaa ne sim ito nibhɛ. Nɛ ninaa ne sim ijam. Nɛ ninaa ne ton ito nibhɛ. Nɛ ninaa ne tɔɔsek ito, nɛ ninaa ne towos ninyi. Nɛ ninaa ne bɛɛs nikyɛɛ. Nɛ ninaa ne sang tɔɔl irway ihwala daa ɛkɔn ne kɛ nang nibhɛ. Nɛ ninaa ne hame nibhɛ kɛ tul en kang.

2 ɛTimɔti 4:10

Mɔn ɛlɛ wo daa ɛli ne ɛDimas sa kɛ yɛk irisɛ nikɔn ɛzay yɛdee wo, ɛ kɛ tek me ɛ yeghe ne iTasɔlɔnika, ɛKirisɛn ne yeghe ne iGalatiya, ɛTitus ne ma yeghe ne iDamatiya.

ɛTitus 1:11

Nggbinggbing i yɛk nibhɛ nɛ nibhɛ kunggbyak, daa ɛli nɛ nibhɛ suruk ihywɛɛ ne idee de gbom daa ne mɛmɛ ne ɛkɔn na ne ɛ kɛ sang jam lenɛ ne sim iryat ɛbuu.

ɛYakub 5:19

Nigwaa en, te yɔng wu ɛdɛ mon kɛ ne labhe ɛ tek itin de ɛdɛng i ji kyii ne ɛbhɛ ne nkiinɛ wo dɔng.

ɛYahuza 1:11

iPhɛ so nibhɛ ɛkɔn ne ɛnik! Nibhɛ kɛ hyel ihywel ɛKɛɛnu. iRisɛ ne ijam kɛ te nibhɛ mɔn ɛkɔn na ne ɛBalamu kaa mɔn. Nibhɛ bɛɛs nindiinday ɛli ne ɛKɔɔra kaa mɔn, ne bunga nibhɛ gbik te ɛKɔɔra gha.

Nikɔn ne kɛ Phaal 18:13

Sɔng ɛnyi tɔɔ say nibhɛ isinamon de nang. Sɔng ɛnyi ne tɔɔ say nibhɛ mbut ɛnkaani da, ne ɛturarɛ ne igboo wo, ne ɛturarɛ ne imuru gbik ne ɛturarɛ ne iluban ngo nang. Sɔng ɛnyi ne tɔɔ say nibhɛ inɛn ɛnap ba, ne inɔɔy ne ifaa da, ne inuk ɛlikama da; ne ntsɔk ɛlikama da, gbik ne irwandɔng ngga nang. ɛLɛy dɔng, sɔng ɛnyi tɔɔ say nibhɛ ne ᐩigyol ne ntsabhak ge, ne ᐩinantse de, nɛ nikyɛɛkyɛ ne ᐩinantse na, nɛ nikpuru na gbik ne ikpen ninyi da nang.