1 ɛTimɔti 5:8 - ɛWee ne ìTsɛm iHywas

⁸ Gbik ɛnyi gha ne ɛ kɛ sang nang icwaang ɛbhɛ wo ɛkɔn, yang ji so ninaa ne ijwee ɛbhɛ na, ɛ kɛ ne ton ìnang ne itin ɛbhɛ de. Ne ɛ phyin ɛnyi gha ne ɛ sang so ɛhaa ne roos sa ne ibebhe.

1 ɛTimɔti 5:8 ပူးပေါင်းရင်းမြစ်များ

ɛMacu 18:17

Wu ɛ kɛ ne ta bhɛ mbaray tang phok nibhɛ, ne ɛ cwi ne ɛbhɛ ɛlɔ ne idira ninaa ne roos, wu ɛ kɛ ne ji ta bhɛ mbaray tang phok idira ninaa ne roos sa, ne ɛ bo ɛn ɛbhɛ te ɛ kɛ teye ɛhaa ɛzay ne ɛhaa ne ɛfɔt.”

ɛMacu 7:11

Wu nyinɛn no ne ɛ so ɛn nibebhe ninyi na ɛ yɛɛ ɛn ɛli ne aa nang ɛn ninɔn mon na nikɔn niyɛnɛng nga, ne yang ji so ɛKyɛɛ ɛdaa ne irywa gha ɛbhɛ aa ne ji sang nang ninyi na nikɔn niyɛnɛng nga nɛ nibhɛ kɛ roo ɛbhɛ woo?

ɛYohana 15:22

Sɛɛ yɔng nggɛ sang yɛɛs n bol nɛ nibhɛ wo sɔng nibhɛ sɛɛ ne bok ɛfɔt to nang. iPhɛ ɛlɛy yang sɔng nibhɛ bok idɛ ibol de ne iphɛ yaa phɔt nibhɛ daa ne ɛfɔt nibhɛ wo nang.

1 iKɔrɔntos 6:6

ɛHaa ne roos sa yaa ne yang ji kyi bo ɛgwaa ɛbhɛ ɛhaa ne roos ɛ phɛ nɛ ne icwam ɛshara, ɛlɔ ninaa ne hame nibhɛ ma yung soye ninaa ne roos!

2 iKɔrɔntos 12:14

Ɛlyilyɛghaa wo nzi sim te naa yɛɛs ɛlɔ mon na iyɛɛs ne itwat tɛ. Sɔng nzi ne bo aa tɔɔk ɛn irighitik nge nang, daa ɛli ne nyinɛn ne nzi sim sɔng nikɔn mon nang. Sɔng ninɔn na bhɛ tek ɛkɔn na nibhɛ wɛɛ nɛ niKyɛɛ nang, nikyɛɛ na bhɛ yang tek ɛkɔn na nibhɛ wɛɛ nɛ ninɔn nibhɛ.

2 iKɔrɔntos 6:15

ɛKiriti gha bok isaa nibhɛ ne ɛShɛtan naa? ɛYakɔn ɛbhɛ kɛ byinki ɛhaa ne roos sa ne ɛhaa ne sang roos saa?

iGalatiya 6:10

iPhɛ ɛlɛy, gbik nten de ne njwɛɛn kɛ sɛ, te njwɛɛn mɔn ninyi na gbik nikɔn niyɛnɛng, yang ji so ninaa ne roos ɛKiriti yegha.

2 ɛTimɔti 2:12

Wu njwɛɛn kɛ ne rop iku, njwɛɛn sɛ ne re igbɔm ne ɛbhɛ. Wu njwɛɛn kɛ ne yɔng wu hang i yɛɛ ɛbhɛ, ɛ sɛ ne ma yɔng wu hang i yɛɛ njwɛɛn.

2 ɛTimɔti 3:5

Nibhɛ sɛ tɔɔsel kpas tɛ nibhɛ soye ninaa ɛTaanggbey nibhɛ ne kyii mbaray ihwet da ne ifɛ yaa phyik nibhɛ ne roos ɛTaanggbey yegha byirik. Sɔng ɛkɔn byinki yɛnɛ ninyi yɛnaa nggyɛ wo nang.

ɛTitus 1:16

Nibhɛ bo wu nibhɛ i yɛɛ ɛTaanggbey ye, ɛtomɛ nibhɛ gha i ne kyi ton iyɛɛ ɛTaanggbey yeda. Nibhɛ soye ɛkɔn ne ishis, nisang-phok, sɔng nibhɛ kɛ ma yung jam mɛ nibhɛ sɛɛ mɔn ɛkɔn ɛyɛnɛng nga nang.

2 ɛBiturus 2:1

Ninabawa ne irywɛɛk kaa ne le ndɔ ninyi ɛTaanggbey ya, ɛlɛy nɛ nikyɛɛ ne icwam ne irywɛɛk ka sɛ ne ma le ndɔ mon. Nibhɛ sɛ mɛmɛ ninyi na ne ivol ne irywɛɛk ne ifɛ labhe, ne ifɛ yaa bees ninyi na. Nibhɛ sɛ ma yung yɛɛs ne ivol ne mbaray ɛDaray ye ne ɛ kɛ phɔt nibhɛ, nibhɛ mɛmɛ ninyi na nɛ gying, ɛli ne iphɛ sɛ hɔ nibhɛ ɛkɔn ne bees itso nibhɛ.

ɛYahuza 1:4

Daa ɛli nɛ nidɛng ninyi na sonɛ nɛ nibhɛ kɛ lel ndɔ mon no gying. Sɔng nibhɛ so ɛli ne ɛTaanggbey ya i sim mo nang. Nibhɛ kɛ misi izɛɛng ɛTaanggbey de iphɛ teye ɛnkiinɛ ne roos ihyop igywebhe ne ibek, nibhɛ ishamas ɛYɛso ɛKiriti yegha ne ɛbhɛ ɛ soye ɛndiinday ya gbik ne ɛDaray njwɛɛn na. Kaa ne ku haa ibol ne hyɛ nibhɛ ɛshara ne iku gha ndɔ ne ɛWee ne iBol ɛTaanggbey yo ne ile.

Nikɔn ne kɛ Phaal 2:13

Nzi yɛɛ ɛlɔ gha ne ɛ sonɛ wo soye ɛlɔ ne ɛShɛtan bok ne igbɔm. Gbik ne phɛ ɛlɛy, ɛ kɛ ne wum irywɛɛk nge gɛgɛy, sɔng ɛ kɛ hana ìnang ne itin mo da ne mee wo nang. Ɛ kaa ma yung mɔn ɛlɛy nten de ne kaa phoo ɛNtipas se ne ɛ kaa soye ɛshɛɛda nge gha ne sɛ say ibol ɛbhɛ ndɔ ɛgarang mon na ne ɛShɛtan na bok ne igbɔm ba.

Nikɔn ne kɛ Phaal 3:8

Nzi yɛɛ nikɔn na ne ɛɛ mɔn no gbik. Nzi yɛɛ ihwet mo da so ncɛt, gbik ne iphɛ ɛlɛy ɛ kɛ roos imɛmɛ nge da gbik, sɔng ɛ kɛ ton irywɛɛk nge wo nang. Nggɛ ne phaal ɛnu ne izuk ɛnu ɛyisɛ mo ne hame ɛnyi ya yɛɛ ne gangke yɛ.