1 ɛTimɔti 5:6 - ɛWee ne ìTsɛm iHywas

⁶ ɛKusang nga ne ɛ ne roos ɛnggɔnggɔɔt ɛzay yo zɔng ngo nang, ne ɛ ku soye ikom gbik ɛli ne ɛ kyi so ɛken na.

1 ɛTimɔti 5:6 ပူးပေါင်းရင်းမြစ်များ

ɛMacu 8:22

ɛYɛso gha ne yaak ɛbhɛ, “Kungus me, te ɛ tek ikpom ba ifɛ rɛrɛs ikpom ba.”

ɛLuka 12:19

Ne n ji yaak ito nge, ‘Ɛ bok ire de ne iphɛ yaa hɔn nɛ ishay de gbom. Soos sɛ te ɛ phɔng ɛkɔn mo, te ɛ re ɛ sɔ ɛ phok ito mo iyɛnɛng.’ ”

ɛLuka 15:13

Ne phyɔngɔle ncɛt, ɛngɔn ɛshɛɛrɛng nga ne kpuru nikɔn ɛbhɛ gbik ɛ phɛ ɛhak ɛgarang ne ɛ so kyakyak. ɛNggyɛy yo ne ɛbhɛ bees iryat ɛbhɛ de ndɔ ne ishwɛɛ ɛbuu.

ɛLuka 15:24

Daa ɛli ne ɛNgɔn ngeghaa wo kaa ku, ɛ kɛ ne bhɛ kyii dɔng. Ɛ kaa birit, kɛ ne ta sɛ ɛbhɛ.” Nibhɛ ho ne ijɔwɔ de.

ɛLuka 15:32

iPhɛ kɛ ne jam mɛ njwɛɛn tɔɔl irway ihwala ba, daa ɛli ne ɛgwaa mo gha kaa ku ɛ kɛ ne bhɛ kyii, ɛ kaa birit kɛ ne sɛ ɛbhɛ.’ ”

ɛLuka 16:19

“ɛDɛ ɛnyi ne iryat ta kaa sonɛ ne ɛ kaa yaak ghe ne itsura ne ijam, ɛ ta re ire iyɛnɛng cɛcɛɛy.

ɛLuka 7:25

iKyee ne ɛ kaa phɛɛs ne yaang ɛn lɛɛ? ɛNyi ne ɛ bok itsura ne izel naa? Kwa! Ninyi ne sɔsɔɔy itsura ne izel da, nibhɛ ta i phok itso nibhɛ ba iyɛnɛng ngge i shɛsɛ ne idee nigɔm.

iFisus 2:1

Ne ile de, ˆɛ kaa so ɛn ikpom ndɔ ne ikabyik lenɛ ne ˆɛ kɛ ben ɛn ikpii ɛTaanggbey da nɛ ɛ mɔn ɛn ɛfɔt.

iFisus 2:5

Nten de ne njwɛɛn kaa so te ikpom ba lenɛ ne ɛfɔt njwɛɛn no, ɛTaanggbey ya yiisik njwɛɛn niken nɛ ndɔ ɛKiriti gha. Kaa lenɛ ne izɛɛng ɛbhɛ i phɔt nyini wo.

iFisus 5:14

Daa ɛli ne iwɛwɛy de iphɛ tɔɔsel nikɔn na gbik a ɛli nɛ nibhɛ so. iPhɛ phɛ kɛ te kɛ haa i bo, “Seme! iGyɛ wo ne ˆɛ so inwa da! Yilitsik ɛlɔ ne ikpom ba! ɛKiriti gha yaa ne tol lɛ.”

iKɔlɔsi 2:13

ˆƐ kaa so ɛn nyini ikpom ɛlɔ ne ɛfɔt mon no gbik ne iyɔm ne hyɛ itee ne tul nyini ndɔ ne ishwɛɛ ne ibek ge, ɛTaanggbey ya ne yiisik nyini niken nɛ ndɔ ɛKiriti gha, ɛtsim mɛ ne ɛ kɛ hana njwɛɛn ne ɛfɔt njwɛɛn no.

2 ɛTimɔti 3:6

iHywee ninyi yɛdee nggyɛ wo i talane nibhɛ leesel ne idee ninyi tɛ nibhɛ luk nikuk nɛ nibhɛ so kyɔkyɔt ne ɛfɔt kɛ sɔ ito nibhɛ, ihyop igywebhe ta bok ihwet daa nibhɛ.

ɛYakub 5:5

ˆƐ kɛ shɛɛ ɛn ndɔ ɛzay ya ndɔ ne phok ito mon iyɛnɛng, ˆɛ re ɛn ˆɛ sɔ ɛn ɛli ne ˆɛ kɛ sim ɛn. Ɛɛy, ˆɛ kɛ ne sal ɛn nyini ˆɛɛ hyep ɛn igbey ne hyɛ wo.

Nikɔn ne kɛ Phaal 18:7

ɛLi ne ɛ kaa tɔɔk ito ɛbhɛ de ɛ sim ishwɛɛ ne phok iyɛnɛng ngge, ɛlɛy ne ˆaa ne ma bak ɛn ɛbhɛ nggbang ngga ne irway ishwii da. Daa ɛli ɛ kaa bol ndɔ ne irway ɛbhɛ da ɛ bo, ‘Nzo ɛkuk ɛgɔm, sɔng nzo me ɛkusang nang, Sɔng nzɛ ne tang yaang irywa ishwii nang.

Nikɔn ne kɛ Phaal 3:1

Haa ɛmalɛka ne idira ninaa ne roos ne iSadis sa nɛ te ɛ yaak nibhɛ, iBol lɛdee bɛ ne iphɛ le ɛlɔ ɛnyi gha ne ɛ bok iKpabyik ɛniitaa ɛTaanggbey da nɛ niYiyɔrɔ ɛniitaa na. Nzi yɛɛ nikɔn na ne ɛ mɔn no gbik, i wɛɛ yɛ te ɛ so ɛken kaabi ɛ so ikom.