1 ɛTimɔti 5:5 - ɛWee ne ìTsɛm iHywas

⁵ ɛKusang nga ne ɛ sang ɛhaa ne iphyik ka i ne sit irwisɛ daa ɛTaanggbey, ɛ bol ne ɛTaanggbey ya ne igbey ne ɛtuk, te ɛTaanggbey ya phyik ɛbhɛ.

1 ɛTimɔti 5:5 ပူးပေါင်းရင်းမြစ်များ

ɛLuka 18:1

ɛYɛso gha kaa ta tɔng ninɔn ne icwam ɛbhɛ na idɛ ibol ne igɔrɔp be ne iphɛ yaa mɛmɛ nibhɛ nɛ ɛli nibhɛ yaa ku i bol ne ɛTaanggbey tang nibhɛ te kpos.

ɛLuka 18:7

Yaa ne mɔn ɛli ɛTaanggbey ya sang nang ninyi ɛbhɛ na ne ɛ kɛ ku kasa wo, nɛ nibhɛ san ɛbhɛ ishwin da ne ɛtuk ka ne igbey yo ɛkɔn na ne ɛ so ɛhaa nibhɛ ghaa? Aa maa shɛɛ tang phyik nibhɛ naa?

ɛLuka 2:37

Ne ɛ shɛɛ ne ɛkusang ngge, ɛbhɛ hɔn ishay nzuwubɔ ɛnaras ne iphɛ nwaas, ɛɛ re ɛTaanggbey ye ntsong cɛcɛɛy. Sɔng ɛ kaa ne i hosop bhe ne iDeng ngge nang, ɛ kaa ku i roro ne ɛTaanggbey ya cɛcɛɛy, ɛ kuma.

ɛTomɛ 26:7

ɛKɔn nɛghaa wo ne kaa ku sim-mɛ wo ne ihywee ɛnduwubɔ ne ihywɛɛ ihywaa de kɛ yɛk ne irway nibhɛ hyep tɛ nibhɛ yaang kɛ shwaak, ɛli nɛ nibhɛ kyangase nɛ ne re ɛTaanggbey yegha ntsong ngga izenge ne ihwɛlɛ wo. iGyɛ ne ɛgɔm, kɛ ne lenɛ ne iyɛk ne irway da nzi hyep te shwaak ibol lɛdee wo nɛ niYahodawa na kɛ yaa yaang iben nge da ɛgɔm ɔɔy!

ɛTomɛ 6:1

Ndɔ nituk kɛnaa nggyɛ wo nɛ ninaa ne roos sa kɛ hantey yɛ nibhɛ te gbom mo, niYahodawa na nɛ nibhɛ ibol ilem ne iGirik ge ne yaa bol daa ne ito niYahodawa de nɛ nibhɛ bol ilem ne iRamik ge, nibhɛ bo wu hang i wɛɛ nikusang nibhɛ daa nikɔn na ne i hosop izenge ne ihwɛlɛ wo.

ɛTomɛ 9:39

ɛBiturus sa ne shii bo nikɔn ne ɛ roos nibhɛ. Ne sɛ ɛ kɛ bhɛ tuu nibhɛ ne phɛ ne ɛbhɛ dak ne ijwee ne irywa wo. ɛBiturus sa ne bhɛ sɛ nikusang ne ɛdak kɛ gbom. Nibhɛ ne te ɛBiturus segha gyɔɔ nibhɛ san nibhɛ tɔɔsel ɛbhɛ itsura ne igbaang ne itsura ne ɛDokas sa ne i ta bok ɛbhɛ ɛTabita gha kaa lɔl nibhɛ nɛ ɛli ne ɛ kɛ tɔ ɛken na.

ɛTomɛ 9:41

ɛBiturus sa ne wum ɛbhɛ iwɔ te ɛ phyik ɛbhɛ ɛ yilitsik. ɛBiturus sa ne ji yel-le ninaa ne roos sa gbik nɛ nikusang nga ɛ ji nang nibhɛ ɛTabita yegha ɛken nɛ.

iRooma 1:12

Kaabi nzi bo te njwɛɛn byinkit i te en itsɔngɔl gɛgɛy ngkak. Te n te nyini itsɔngɔl gɛgɛy, ɛ ma te ɛn mɛɛn itsɔngɔl gɛgɛy ndɔ ne ìnang ne itin de.

iRooma 1:5

Kaa ne lenɛ ne ɛDaray ɛYɛso gha, te ne ta nang irywɛɛk ne ndiinday, kɛ ne nang izɛɛng ɛTaanggbey ne ɛ ta yel-le me te n te me ɛhaa ne tom ɛbhɛ mbɛ tɔng ibol ɛbhɛ de ɛlɔ ninyi na ne hame nibhɛ so niYahodawa na gbik, tɛ nibhɛ nang ne itin nɛ, nibhɛ ta roos nɛ ihywɛɛ.

1 iKɔrɔntos 7:32

Nzi sim te ɛ sɛ kɔɔng ɛn tak ɛn ito mon iyɔm be. ɛNyi gha ne ɛ sang ɛkuk ka, ɛɛ see ito ne mɔn ɛtomɛ ɛDaray ya ɛli ne ɛDaray ya yaa phok yɛnɛng ɛbhɛ.

1 iKɔrɔntos 7:34

ɛlɛy ne ihywɛɛ ɛbhɛ de kɛ ne hosop bhe ɛphaa. ɛKuk ka ne ɛ sang ɛras sa, hang ɛlyilyap yɔɔ, ɛɛ ne ma kyii ne ihywɛɛ ɛbhɛ de daa nikɔn ɛDaray ya ɛli ne aa tek ibek ɛbhɛ ne ikabyik ɛbhɛ daa ɛDaray ya. ɛKuk ka ne ɛ bok ɛras nang ɛ ne nang ihywɛɛ ɛbhɛ de daa nikɔn ɛzay te ɛ̀ras sa phok iyɛnɛng.

iFisus 6:18

Te nɛ i bol ɛn ne ɛTaanggbey cɛcɛɛy ɛli ne iKabyik ge i hyel ne nyinɛn. Bol ɛn ɛTaanggbey ya daa nikɔn na gbik ne ɛ sim ɛn. Shɛɛ ɛn ɛkanang te ˆɛ nang ɛn ihwet mon daa ne bol ne ɛTaanggbey ya daa ninyi ɛbhɛ.

iFilibi 4:6

Sɔng ˆɛ sap ɛn ɛkɔn nang. Yang mɔng ɛn ɛTaanggbey yegha gbik nikɔn na ne ˆɛ sim ɛn ndɔ ne ibol ne ɛbhɛ, roo ɛn ɛbhɛ ne irway ihwala.

1 ɛTimɔti 2:1

Naa tsa n yaak nyini, te roro ne ɛTaanggbey, i bol ne ɛbhɛ, i phomos ɛbhɛ nikɔn, i tɔɔsel ɛbhɛ irway ihwala ɛlɔ ninyi na gbik.

1 ɛTimɔti 5:16

Wu ɛdɛ ɛkuk ka sonɛ ne ɛ soye ɛhaa ne roos nɛ nikusang nga so ne icwaang ɛbhɛ, tɛ ne ɛ phyik nibhɛ. Sɔng i tek idira ninaa ne roos de ne righitik kɛwo nang. Wu i kɛ mɔn ɛlɛ wo, ninaa ne roos sa ya ne ma ji sɛ ikɛk ne phyighis ne ninaa nikusang nɛ nibhɛ sang ɛhaa ne iphyik ka.

1 ɛTimɔti 5:3

Nang nikusang nga nɛ nibhɛ sang ɛhaa ne phyik ka ne ndiinday.

2 ɛTimɔti 1:3

N bok irway ihwala ne ɛTaanggbey ɛhaa ne nzi mɔn ɛbhɛ ɛtomɛ gha ɛli nɛ nikyɛɛ-nikyɛɛ nge kɛ mɔn, izɔlɔs ne irway nge ne so tɔrɔk. Nzi tas ne igyɛ ne igbey ne ɛtuk gbik nten de ne nzi bol ne ɛTaanggbey ya.

1 ɛBiturus 3:5

ɛLɛ wo nɛ nikuk ne ile na nɛ nibhɛ kaa so kang ngo, nibhɛ soye ninaa ne sit irwisɛ da daa ɛTaanggbey ya kaa gyura en. Nibhɛ kaa roos ibol niras nibhɛ de.