1 ɛTimɔti 5:18 - ɛWee ne ìTsɛm iHywas

¹⁸ Daa ɛli ne ɛWee ne iBol ɛTaanggbey yo i bo, “Sɔng i sɔɔl ɛrandɔng ngo ne iziring ɛnu nten de ne ɛbhɛ sɔɔn ire de nang.” Ne ta yɔngɔ, “ɛHaa ɛtomɛ gha kɛ hɔn sɛ tal ɛbhɛ ilong ɛbhɛ.”

1 ɛTimɔti 5:18 ပူးပေါင်းရင်းမြစ်များ

1 iKɔrɔntos 9:14

Ne ma so ɛlɛy ne mang, ɛTaanggbey ya kɛ yɛk ngɛ, ɛ bo wu ninyi na nɛ nibhɛ sanga ibol iyɛnɛng ngge nibhɛ aa ne ma sɛ ire nibhɛ de nɛ ne ndɔ yɛ.

ɛLuka 10:7

Shɛɛ ɛn ne ijwee yɛwoo nggyɛ wo ɛɛ re ɛn, ɛɛ sɔ ɛn gbik ɛkɔn na ne kɛ nang nyini. ɛHaa ɛtomɛ gha kɛ hɔn sɛ tal ɛbhɛ ilong ɛbhɛ. Sɔng ɛ yaa bhɛ kaan ɛn ɛ roos ɛn idee ninyi de nang.

ɛMacu 10:10

Sɔng ɛ boos ɛn irambak ndɔ ne ihywel mon da nang, sɔng ne ɛ boos ɛn ɛhak ɛtura nang, sɔng ɛ boos ɛn ihwak ikpikpangat nang, sɔng ne ɛ ta boos ɛn ɛnggbong nang daa ɛli ne ɛhaa ɛtomɛ gha kɛ hɔn sɛ tal ɛbhɛ ilong ɛbhɛ.

ɛYakub 4:5

Hang ˆɛ wɛɛ ɛn te iphɛ so buu ne kɛ haa ndɔ ne ɛWee ne iBol ɛTaanggbey yo i bo, “ɛTaanggbey so hyɔrɔ ne ɛnkyis wu ikabyik ge ne ɛ kɛ yɛk ndɔ njwɛɛn no i sim ɛhak ɛkɔn na naa?”

iRooma 10:11

Te ɛli ne ɛWee ne iBol ɛTaanggbey yo bo, “Gbik ɛnyi gha ne ɛ kɛ nang ne itin nɛ ne ɛbhɛ sɔng aa ne sɔ ncwa nang.”

iRooma 9:17

iPhɛ phɛ kɛ te ɛWee ne ibol ɛTaanggbey yo i bok ɛHyiridus yegha, “Nggɛ yɛk kɛ nɛ ɛ teyɛ ɛgɔm ma te nzɛ n tɔɔrek ihwet nge lenɛ ne igyɛ wo, te irywɛɛk nge wo ne ta shwalat ɛzay ya gbik.”

iGalatiya 3:8

Ne ile de kaa ku haa ndɔ ne ɛwee ne bol ɛTaanggbey yo wu ɛTaanggbey ya sɛ say ninyi na ne hame nibhɛ soye niYahodawa na wu nibhɛ so cik lenɛ ne itin ne bol nibhɛ. iPhɛ ɛlɛy, kaa ne ku mɔng ɛBaraying ngegha ibol iyɛnɛng ngge, i bo, “Sɛ ne lenɛ ne igyɛ ninyi ɛzay ya ne sɛ ɛwɛng.”

iRooma 11:2

Sɔng ɛTaanggbey ya kɛ mbaray ninyi ɛbhɛ na ne ɛ kaa ku yɛɛ ne ile de nang. Ɛ yɛɛ ɛn ɛkɔn na ne ɛWee ne iBol ɛTaanggbey yo i bol daa ne ito ɛLiya de ɛli ne ɛ kaa phɛ ne ishwin ɛbhɛ da ɛlɔ ɛTaanggbey ya daa ne ito niSɛrɛla de ɛ bo,

iRooma 4:3

ɛWee ɛTaanggbey yo bo, “ɛBaraying nga kaa nang ne itin nɛ ne ɛTaanggbey ya, daa ne ìnang ne itin ne ibol ɛbhɛ de, ɛTaanggbey ya ne bo ɛbhɛ wu ɛ so cik.”