1 ɛTimɔti 5:17 - ɛWee ne ìTsɛm iHywas

¹⁷ Te nang nihelem ma nɛ nibhɛ so nindiinday ya, nɛ nibhɛ hyel ne ɛtomɛ nibhɛ gha yɛnɛng ngo ne ndiinday kancɛng ne ɛtomɛ nibhɛ gha, yang ji so ninaa nɛ nibhɛ sanga bol iyɛnɛng ngge, nibhɛ ta mɛmɛ ninyi na nɛ wo.

1 ɛTimɔti 5:17 ပူးပေါင်းရင်းမြစ်များ

ɛMacu 24:25

Phok ɛn, nggɛ ne ku tɔng nyini nten nɛ tɔ.

ɛLuka 10:7

Shɛɛ ɛn ne ijwee yɛwoo nggyɛ wo ɛɛ re ɛn, ɛɛ sɔ ɛn gbik ɛkɔn na ne kɛ nang nyini. ɛHaa ɛtomɛ gha kɛ hɔn sɛ tal ɛbhɛ ilong ɛbhɛ. Sɔng ɛ yaa bhɛ kaan ɛn ɛ roos ɛn idee ninyi de nang.

ɛLuka 12:42

ɛDaray ya ne kyii nɛ, ɛ yɔngɔ, “ɛHay ɛbhɛ so ɛkpuru ne itin na, ɛhaa ne ntsɛntsɛng ngaa? Ɛbhɛ soye ɛhaa ne ɛkyɛɛ ne ijwee ɛbhɛ gha kɛ nang ɛbhɛ irighitik ne wɛɛ ijwee, ɛ ji nang ɛbyin nikpuru na ɛkɔn ne re nibhɛ nten de ne yaa nang nibhɛ nɛ.

ɛYohana 4:38

Nggɛ tom nyini te ɛbhɛ pha ɛn ire ne hame nyinɛn ɛ kɛ tubhus ɛn. Nidɛng nibhɛ kaa sɔ nggbang ngɛ, nyinɛn ɛ kɛ ne ji pha ɛn ilong nibhɛ de.”

ɛTomɛ 11:30

Nibhɛ ne mɔn ɛlɛy, nibhɛ ji tom ɛBanabas se gbik ne ɛShawulu nɛ nikɔn na, tɛ nibhɛ nang ninu nikɔɔn ninaa ne roos ne iYɛrushɛlɛm be.

ɛTomɛ 20:35

Ndɔ nikɔn na ne nggɛ mɔn, nggɛ tɔɔrek nyini wu iphɛ so nggbinggbing ɛ mɔn ɛn ɛtomɛ gbom te ɛ sɛ ɛ phyik ɛn nitaasek. Kaabi ɛ tas ɛn ne ibol ɛDaray ɛYɛso de ne iphɛ bo, ‘ɛNyi gha ne ɛ kɛ nang ngo, ɛ bok ɛwɛng ɛ phyin ɛhaa ne kɛ nang ɛbhɛ wo.’ ”

ɛTomɛ 28:10

Nibhɛ ne naas njwii nikɔn na ihywee-ihywee. Ne sɛ njwi aa bo nikɔn njwi lel ɛgyirigyi inɛn na, nibhɛ ne tumɛ njwii nikɔn na gbik ne njwi sim.

iRooma 12:8

Wu izɛɛng ngɛ so izee ne tes ninyi itsɔngɔl gɛgɛy te ne ɛ tes itsɔngɔl de gɛgɛy yo, wu izɛɛng ngɛ ne so izee ne nang ɛkɔn, te ne ɛ nang ne irway walala, wu izɛɛng ngɛ ne so izee ne igbɔm, te ne ɛ boos ninyi na byirik, wu izɛɛng ngɛ ne so izee ne san iyɔm, te ne ɛ san iyɔm be ndɔ ne izinɛ ne ishwɛ.

iRooma 15:27

Ninyi ne iMakyidɔniya na kɛ mɔn ɛlɛ wo ndɔ ne irway ihwala, ibol lɛ kaa yung so nibhɛ nggbinggbing. Wu ninyi na ne hame nibhɛ so niYahodawa na kaa sɛ ɛwɛng ne iKabyik ɛlɔ niYahodawa na, iphɛ kɛ ne te nibhɛ nggbinggbing nibhɛ ma phyik niYahodawa na nɛ Niwɛng nikɔn iryat ta nɛ nibhɛ kɛ ma sɛ wo.

iRooma 16:12

Kyili ɛn mɛɛn, ɛTirifɛna ye gbik ne ɛTirifɔsa, nikuk kɛnaa nggyɛ wo kɛ mɔn ɛtomɛ ɛDaray ya gbom. Nɛ ta kyili ɛn mɛɛn ɛPɛrisis se ɛdɛ ɛkuk ka ne nggɛ sim ɛbhɛ, ɛ kɛ mɔn ɛtomɛ ɛDaray ya gbom.

1 iKɔrɔntos 15:10

Nɛ so izɛɛng ɛTaanggbey de ihywɛ kɛ te me nzo ɛli ne nzo wo. Sɔng izɛɛng ɛbhɛ de daa me wo kɛ ne te buu nang. Kwa, nggɛ ma yung mɔn ɛtomɛ gha nibhɛ gbik, gbik ne iphɛ ɛlɛy, sɔng ne so mee nang, izɛɛng ɛTaanggbey de ne ihywɛ so ne me wo.

1 iKɔrɔntos 16:16

roos ɛn ibol ninyi yɛdee nggyɛ wo gbik nɛ ninaa ɛtomɛ mos sa.

1 iKɔrɔntos 3:9

Njwi so nitaay ndɔ ɛtomɛ ɛTaanggbey ya, nyinɛn no ne ɛ ji so ɛn te ihwap ɛTaanggbey da, ɛ ta so ɛn te ijwee ne ɛTaanggbey ya i lɔl dɔng.

2 iKɔrɔntos 6:1

Daa ɛli ne njwi so ninaa ɛtomɛ ɛTaanggbey ya, njwii ne roro ne nyinɛn, sɔng ɛ say ɛn izɛɛng ɛTaanggbey de ihywɛ te buu nang.

iGalatiya 6:6

Gbik ɛnyi gha ne i kɛ mɛmɛ ɛbhɛ ne bol ɛTaanggbey de, tɛ ne ɛ ma mɔn ɛKyɛɛ ne icwam ɛbhɛ gha ɛkɔn ɛyɛnɛng.

iFilibi 2:16

ˆɛɛ ta naas ɛn nibhɛ ibol ne nang iken de. iPhɛ sɛ te n hal ɛgyɛy ne nyinɛn ɛtuk ka ne ɛYɛso ɛKiriti gha sɛ bhɛ kyii wo, te iphɛ tɔɔrek wu hang nggbang nge da ne ilong nge kɛ te buu.

iFilibi 2:29

Say ɛn ɛbhɛ ne irway ihwala te ɛgwaa ndɔ ɛDaray ya. Nang ɛn ihywee ninyi yɛdee nggyɛ wo ne ndiinday ɛli ne iphɛ kɛ jam mɛ.

iFilibi 4:3

iGyɛ ne ɛtaay ɛtomɛ nge gha, nzi roro ne igyɛ, phyik nikuk kɛnaa wo daa ɛli ne nɛ nibhɛ kɛ tak iyɔm ɛtomɛ ne mee ndɔ sanga ibol iyɛnɛng ngge. ɛLɛy ne ɛKɛlɛmɛn ne ɛbyin nitaay ɛtomɛ nge gha ninaa ne irɛɛk nibhɛ so ndɔ ne ɛWee ne iKen no.

1 ɛTimɔti 3:5

Wu ɛnyi gha i doo ne boos ijwee ɛbhɛ wo, aa ne mɔn ɛlii ɛ yɛɛ ne wɛɛ idira ninaa ne roos ɛTaanggbey yedee?

1 ɛTimɔti 4:10

iPhɛ phɛ kɛ te njwii sɔ nggbang njwii kyangase ne ɛtomɛ gha daa ɛli ne njwi kɛ sit irwisɛ daa ɛTaanggbey ne iKen, ne ɛbhɛ so ɛHaa ne Phɔt ninyi na gbik, yang ji so ninaa ne ìnang ne itin na.

1 ɛTimɔti 4:14

See ito ne mɔn ɛtomɛ ne ìnang ngga ne iKabyik ge kaa nang ngɛ wo. ìNang ngga ne kaa nang ngɛ ɛli nɛ ninyi na kaa bol ibol mo de nten de nɛ nindiinday ninaa ne roos sa kaa teesek kɛ ne ibɔ ɛwɛng ngge daa ne ito de.

1 ɛTimɔti 4:16

Wɛɛ ito mo yɛnɛng gbik ne ɛkɔn na ne ɛ mɛmɛ ninyi na nɛ wo. Kyinak gɛgɛy ndɔ nibhɛ, daa ɛli ne wu ˆɛ kɛ mɔn ɛlɛ wo, ˆaa ne phɔt ito mo gbik nɛ ninyi nɛ nibhɛ i phok kɛwo.

1 ɛTimɔti 4:6

Yaa sɛ ˆɛ kɛ mɛmɛ nigwaa na nɛ nikɔn nɛnaa wo, ˆaa ne teyɛ ɛkpuru ɛyɛnɛng ɛYɛso ɛKiriti gha. ɛHaa ne ɛ kɛ hɔn ndɔ ne ibol ne ìnang ne itin de gbik ne imɛmɛ iyɛnɛng ngga ne ˆɛ roos so.

1 ɛTimɔti 5:19

Sɔng ˆɛ mɔn ɛtomɛ ne ibol ne kɛ yɛɛs sɛ nɛ daa ɛndiinday ne idira ninaa ne roos sa nang, hyep ɛ kyi sɛ nishɛɛda ifaa hang itwat yɔɔ.

1 ɛTimɔti 5:3

Nang nikusang nga nɛ nibhɛ sang ɛhaa ne phyik ka ne ndiinday.

2 ɛTimɔti 2:6

ɛHaa ne hap ihwap ririk ka, iphɛ kɛ jam mɛ ɛbhɛ ɛ sɛ tsa ɛ phɔwɔ ire ne ihwap ɛbhɛ de.

2 ɛTimɔti 4:2

Nzi bok kɛ, hang nten sonɛ yɔɔ, hang iphɛ sang sonɛ yɔɔ, see ito ne sanga ibol ɛTaanggbey de. Hɔ ihywɛɛ ninyi de, te ɛ nep nibhɛ, ɛ te nibhɛ itsɔngɔl gɛgɛy ɛ mɛmɛ nibhɛ nɛ ndɔ ɛbɔk ne ɛ sang ɛgak.

iBirani 13:17

Roos ɛn ibol nindiinday mon de, te ˆɛ mɔn ɛn ɛkɔn na nibhɛ bok nyini tɛ mɔn ɛn, daa ɛli nɛ nibhɛ bhɛ wɛɛ ishwɛɛ mon, nibhɛ sɛ ne bhɛ mɔng ɛTaanggbey ye ɛtomɛ gha nɛ nibhɛ kɛ mɔn. Wu ˆɛ kɛ roos ɛn ibol nibhɛ de, nibhɛ yaa ne mɔn ɛtomɛ gha ne irway ihwala, sɔng ne irway ishwii nang, daa ɛli ne sɔng ɛtomɛ ne irway ishwii gha yaa phyik nyini nang.

iBirani 13:24

Kyili ɛn nindiinday mon na gbik ninaa ɛTaanggbey ya. Nigwaa mon na nɛ nibhɛ so ne iTaliya na i kyiisi nyini.

iBirani 13:7

Taate ɛn nɛ nindiinday mon na nɛ nibhɛ kɛ tɔng nyini ibol ɛTaanggbey de. Wɛɛ ɛn ishwɛɛ nibhɛ da, wɛɛ ɛn ɛli nɛ nibhɛ kaa taal. Roos ɛn ihywee ne ìnang ne itin nibhɛ de.