1 ɛTimɔti 5:14 - ɛWee ne ìTsɛm iHywas

¹⁴ iPhɛ ɛlɛy, nzi sim tɛ nikusang nga nɛ nibhɛ tɔ niphas sa sɛ rop ɛwɛrɛ, nibhɛ yaak ninɔn, nibhɛ wɛɛ idee nibhɛ de, ɛlɔ nɛ nibhɛ yaa yung phaal ɛhaa ne iphup njwɛɛn na ikɛk ne bees ivol daa njwɛɛn.

1 ɛTimɔti 5:14 ပူးပေါင်းရင်းမြစ်များ

ɛTitus 2:5

Tɛ nibhɛ shɛɛ hywɛɛ, nibhɛ shɛɛ iwɛwɛy, nibhɛ yɛɛ ne wɛɛ idee nibhɛ. Tɛ nibhɛ teye nikuk nɛ nibhɛ bok irway ne phyik, nibhɛ roos ibol niras nibhɛ ɛlɔ ne yaa yung bɛɛs ibol ɛTaanggbey de.

1 ɛTimɔti 6:1

Gbik ninyi na nɛ nibhɛ bok irighitik ne soye nikpuru na, tɛ nibhɛ nang nikyɛɛ ne ijwee nibhɛ na ne ndiinday ne iphɛ so kancɛng nɛ nibhɛ, ɛlɔ ne yaa yung bol ivol ne bɛɛs irywɛɛk ɛTaanggbey yo gbik ne imɛmɛ njwɛɛn da.

ɛTitus 2:8

Mɔn ɛtomɛ ne ivol iywɛnɛng ne yaa sang sɛ yɛ ne ɛkɔn ne tok. Tɛ ninaa ne iphup mo na sɔ ncwa, ɛli ne hame nibhɛ yaa sɛ ɛkɔn ɛkpɛɛ nɛ nibhɛ yaa bol da ne ito njwɛɛn de.

1 ɛTimɔti 4:3

iHywee ninyi yɛdee nggyɛ wo sɛ yɛk ngɛ i ring ne robhos niwɛrɛ. Nibhɛ ta yɛk ngɛ wu hang i re idɛ ihywee ne irwye da dɔng. iPhɛ dee ɛTaanggbey ɛbhɛ kɛ ne ryɔng irwye da gbik tɛ ninyi na nɛ nibhɛ kɛ nang ne itin nɛ wo nibhɛ ta yɛɛ itin de say iphɛ ne irway ihwala.

iBirani 13:4

Gbik mon no, nang ɛn ɛwɛrɛ gha ne ndiinday, te ɛrong-inwa ɛwɛrɛ gha ne shɛɛ ywɛywɛy, daa ɛli ne ɛTaanggbey ya sɛ hyɛ ninaa ne nzangas sa, nɛ ninyi na nɛ nibhɛ kɛ bees se wo ɛshara.

1 ɛTimɔti 5:11

Sɔng ne ˆɛhaa irɛɛk nikusang ngge nɛ nibhɛ tɔ niphas sa ndɔ ne irɛɛk kɛdee nggyɛ wo nang. Daa ɛli ne yaa sɛ ihyop ne ibek nibhɛ de kɛ yaa tak nibhɛ iyɔm, nibhɛ ne hosop ihywɛɛ nibhɛ daa ɛtomɛ ɛKiriti gha.

1 ɛTimɔti 2:8

Ndɔ ne ijwira ninaa ne roos da, nzi ne sim tɛ niras sa sɛ i bol ne ɛTaanggbey, iphɛ ne so nggbinggbing niras sɛ soye ninaa ne ishwɛɛ nibhɛ kɛ jam ɛTaanggbey yegha. Yaa ne sɛ nibhɛ kɛ tɔɔk ibɔ de nibhɛ yaa bol ne ɛTaanggbey ya, tɛ nibhɛ ne mɔn ɛlɛy wɛlɛng njenjek ne ishamas.

2 iKɔrɔntos 11:12

“Naa ne re ɛnu ɛyisɛ ne mɔn ɛkɔn na ne nzi mɔn no, te nzɛ n hyɛghɛ ‘igbaang ninɔn ne tom mɛnaa nggyɛ wo,’ ɛlɔ nɛ nibhɛ yaa yung sɛ ɛkɔn ne hal ɛgyɛy, nibhɛ yɔng wu njwii mɔn ɛtomɛ ɛdaan nɛ nɛ nibhɛ.

iRooma 14:13

iPhɛ ɛlɛy, nɛ njwɛɛn kɔɔng hyɛghɛ nigwaa njwɛɛn na ɛshara gha. Yang ku ryɔng ɛn irway mon ɛli ne hame aa te ɛn ɛnyi gha ɛ kyibhɛ ɛ ta mɔn ɛfɔt.