1 ɛTimɔti 5:11 - ɛWee ne ìTsɛm iHywas

¹¹ Sɔng ne ˆɛhaa irɛɛk nikusang ngge nɛ nibhɛ tɔ niphas sa ndɔ ne irɛɛk kɛdee nggyɛ wo nang. Daa ɛli ne yaa sɛ ihyop ne ibek nibhɛ de kɛ yaa tak nibhɛ iyɔm, nibhɛ ne hosop ihywɛɛ nibhɛ daa ɛtomɛ ɛKiriti gha.

1 ɛTimɔti 5:11 ပူးပေါင်းရင်းမြစ်များ

1 ɛTimɔti 4:3

iHywee ninyi yɛdee nggyɛ wo sɛ yɛk ngɛ i ring ne robhos niwɛrɛ. Nibhɛ ta yɛk ngɛ wu hang i re idɛ ihywee ne irwye da dɔng. iPhɛ dee ɛTaanggbey ɛbhɛ kɛ ne ryɔng irwye da gbik tɛ ninyi na nɛ nibhɛ kɛ nang ne itin nɛ wo nibhɛ ta yɛɛ itin de say iphɛ ne irway ihwala.

1 ɛTimɔti 5:12

Yaa ne lenɛ ɛlɛ wo nibhɛ hyɛ ito nibhɛ ɛshara, daa ɛli nɛ nibhɛ kɛ sang shwaak ibol ɛyisɛ de nɛ nibhɛ kɛ sim-mɛ wo.

1 ɛTimɔti 5:14

iPhɛ ɛlɛy, nzi sim tɛ nikusang nga nɛ nibhɛ tɔ niphas sa sɛ rop ɛwɛrɛ, nibhɛ yaak ninɔn, nibhɛ wɛɛ idee nibhɛ de, ɛlɔ nɛ nibhɛ yaa yung phaal ɛhaa ne iphup njwɛɛn na ikɛk ne bees ivol daa njwɛɛn.

1 ɛTimɔti 5:9

Sɔng ˆɛ ku shɛɛ haa irywɛɛk ɛkusang nga ne ɛ kɛ sang phee ishay nzuwubɔ ɛtaraa nang. ɛKusang nga ne ɛ kaa sang so cik ɛlɔ ɛras nten de ne ɛras sa kaa tɔ ɛken.

ɛYakub 5:5

ˆƐ kɛ shɛɛ ɛn ndɔ ɛzay ya ndɔ ne phok ito mon iyɛnɛng, ˆɛ re ɛn ˆɛ sɔ ɛn ɛli ne ˆɛ kɛ sim ɛn. Ɛɛy, ˆɛ kɛ ne sal ɛn nyini ˆɛɛ hyep ɛn igbey ne hyɛ wo.

2 ɛBiturus 2:18

Nibhɛ rɛrɛ, nibhɛ ton itso nibhɛ daa ne ivol ɛbuu. I ne lenɛ ne sim phok yɛnɛng ne yɔm ncwa nibhɛ de, nibhɛ ne i sim tɛ nibhɛ sɛɛ hɔ ninyi na nɛ nibhɛ tɔɔ le ne iphɔrɔt ndɔ ne ishwɛɛ ne ɛfɔt da.

Nikɔn ne kɛ Phaal 18:3

Daa ɛli ne igbagha ɛzay yo kɛ sɔ inɛn ɛnap ne ihyop ne nzangas ne ɛbhɛ de. Nigɔm ɛzay ya gbik kɛ ra ne ɛbhɛ. Ninaa ne iza ɛzay ya gbik kɛ yɛk iryat daa ne ihyop ne ishwɛɛ ne phok iyɛnɛng ɛbhɛ.”

Nikɔn ne kɛ Phaal 18:7

ɛLi ne ɛ kaa tɔɔk ito ɛbhɛ de ɛ sim ishwɛɛ ne phok iyɛnɛng ngge, ɛlɛy ne ˆaa ne ma bak ɛn ɛbhɛ nggbang ngga ne irway ishwii da. Daa ɛli ɛ kaa bol ndɔ ne irway ɛbhɛ da ɛ bo, ‘Nzo ɛkuk ɛgɔm, sɔng nzo me ɛkusang nang, Sɔng nzɛ ne tang yaang irywa ishwii nang.

Nikɔn ne kɛ Phaal 18:9

Sɛ́ ne sɛ nigɔm ɛzay ya nɛ nibhɛ kɛ ra nzangas de ne ɛkuk kɛghaa nggyɛ wo, nibhɛ ta bok ihyop ne ishwɛɛ ne phok yɛnɛng ngge ne ɛbhɛ wo, kɛ yaang ngkoy ne igboo wo ne ifɛ re ɛbhɛ wo, nibhɛ ne san iku ɛbhɛ de.