1 ɛTimɔti 5:1 - ɛWee ne ìTsɛm iHywas

¹ Sɔng ˆɛ sit ɛhelem ma ne ɛbung nang. Yang bol ne ɛbhɛ hywɛɛ te ɛkyɛɛ mo. Boos ɛngɔn ɛphas sa te ɛgwaa mo,

1 ɛTimɔti 5:1 ပူးပေါင်းရင်းမြစ်များ

ɛMacu 23:8

“Sɔng ne yel-le nyini ɛKyɛɛ ne iCwam ma nang, daa ɛli ne ɛ bok ɛn ɛKyɛɛ ne iCwa ma ɛdaan, ne ɛ so ɛn nigwaa gbik.

ɛTomɛ 14:23

Kɛ ne sɛ ɛtsim mɛ nɛ ɛBulus sa ne ɛBanabas sa kɛ kasa nirɔngɔ nindiinday ndɔ ne idira ninaa ne roos nibhɛ, nibhɛ ne i bol ne ɛTaanggbey nibhɛ kuma, nibhɛ nɛ ji tek nindiinday ya ndɔ ne iwɔ ɛDaray yo nɛ nibhɛ kɛ nang ne itin nɛ ne ɛbhɛ wo.

ɛTomɛ 15:4

Ne sɛ nibhɛ kɛ bhɛ tuu iYɛrushɛlɛm be, ninaa ne roos sa, nɛ ninɔn ne tom ma gbik nɛ ninu ne ikɔɔn na ne say nibhɛ. ɛBulus sa ne ɛBanabas sa ne tɔng nibhɛ nikɔn na gbik ne ɛTaanggbey ya kɛ mɔn lenɛ nɛ nibhɛ wo.

ɛTomɛ 15:6

Ninɔn ne tom ma nɛ ninu ne ikɔɔn na ne sɛm en nibhɛ wɛɛ bol lɛdee wo.

ɛTomɛ 20:17

ɛBulus sa ne bhɛ shɛɛ ne iMilitus de ɛ tom mɛ bhɛ yel-le ɛbhɛ ninu ne ikɔɔn ninaa ne roos ne iFisus sa.

iRooma 13:7

Tal ɛn ɛrɔngɔ gbik ɛkɔn na ne ɛ roos nyini. Wu ijam ne ne ivel te ɛ tal ɛn, wu ijam nikɔn te ɛ tal ɛn. Wu nang ɛnyi ne ndiinday te ne ɛ nang ɛn nɛ, wu phok ɛnik ɛnyi, te ne ɛ phok ɛn.

iGalatiya 6:1

Nigwaa en, wu kɛ sɛ ɛnyi gha mɔn ɛfɔt to, nyinɛn no ne ɛ so ɛn ndɔ ne ikabyik ge, ne ɛ kyi ɛn ne ɛbhɛ ne nkiinɛ wo hywɛɛ. Tɛ ne ɛ ma wɛɛ ɛn nyini yɛnɛng, ɛlɔ ne aa ma yung kyibhɛ ɛn daa ne tɛrɛk kɛ ne mang.

1 ɛTimɔti 5:17

Te nang nihelem ma nɛ nibhɛ so nindiinday ya, nɛ nibhɛ hyel ne ɛtomɛ nibhɛ gha yɛnɛng ngo ne ndiinday kancɛng ne ɛtomɛ nibhɛ gha, yang ji so ninaa nɛ nibhɛ sanga bol iyɛnɛng ngge, nibhɛ ta mɛmɛ ninyi na nɛ wo.

1 ɛTimɔti 5:2

boos nikuk niharak ka te nigyinɛ mo, te ɛ boos nikuk niphas sa te nigwaa mo, ndɔ ne iwɛwɛy gbom.

ɛTitus 2:2

Mɛmɛ nihelem niras sa nɛ tɛ nibhɛ shɛɛ ihywɛɛ, nibhɛ wum ito nibhɛ, tɛ nibhɛ gbaat ito nibhɛ, tɛ nibhɛ kyinak gɛgɛy ndɔ ne ìnang ne itin de, ne ishwim gbik ne irop iku.

ɛTitus 2:6

ɛLɛy ne mang, te ninɔn niphas sa itsɔngɔl gɛgɛy tɛ nibhɛ shɛɛ hywɛɛ.

ɛYakub 3:17

Ntsɛntsɛng ngge ne ihywɛ ne le ɛlɔ ɛTaanggbey ya nang, idee ɛyisɛ yɛ, ihywɛ so wɛwɛy, ihywɛ i ne yɛɛs ne shɛɛ ncaang, ihywɛ bok ihywɛɛ, ihywɛ so lyaak, ihywɛ bok isan iyɔm, ihywɛ bok izɛɛng, sɔng ihywɛ i tɔɔrek sim ito nang, sɔng ihywɛ ne bok iluk nang.

ɛYakub 5:14

ɛDɛng ndɔ mon no so shwa? Te ne ɛ yel-le nindiinday ninaa ne roos tɛ nibhɛ boote ne ɛTaanggbey daa ɛbhɛ, nibhɛ sit ɛbhɛ ne inɔɔy ndɔ ne irywɛɛk ɛDaray.

1 ɛBiturus 5:1

Mee wo ne nzo ɛnu ne ikɔɔn na, ɛgwaa mon ɛhaa ne roos sa, nzi ne bol nɛ nigwaa ninu ne ikɔɔn na nɛ nibhɛ so ndɔ mon no. Nggɛ yaang ne irwisɛ nge nggbang ngga ne ɛKiriti gha kɛ sɔ wo, nzɛ ne ma sɛ ihop ndɔ ne ndiinday ɛbhɛ de ɛtuk ka ne ɛ sɛ yɛɛs so.

2 ɛYohana 1:1

ɛWee yɛwoo le ɛlɔ ɛndiinday ɛYohana, ɛbhɛ phɛɛs ɛlɔ ɛgyinɛ ne ijwee ne ɛTaanggbey kɛ kasa gbik nɛ ninɔn ɛbhɛ ninaa ne nzi sim gbom. Sɔng mee zɔng nzi sim nibhɛ wo nang, gbik nɛ ninyi na nɛ nibhɛ ma yɛɛ itin ne bol ɛTaanggbey de.

3 ɛYohana 1:1

ɛWee yɛwoo wo le ɛlɔ ɛndiinday ɛYohana, ɛbhɛ phɛɛs ɛlɔ ɛtaay nge ɛGayus se nɛ ɛhaa ne nzi sim ɛbhɛ nɛ ne itin nɛ.

Nikɔn ne kɛ Phaal 4:4

Nidɛng nicuruu ne igbɔm ma nzuwubɔ ifaa nɛ nibhɛ nwaas ne so ɛnggyɛ wo nibhɛ kɛ te ɛcuruu ne igbɔm mɛghaa nggyɛ wo gyɔɔ. Ninu ne ikɔɔn nzuwubɔ ifaa nɛ nibhɛ nwaas kaa ne sooset daa nicuruu ne igbɔm ma, nibhɛ bok itsura ihwala, nɛ nikɔn ne ito ne igbɔm ne izinariya.