1 ɛTimɔti 4:7 - ɛWee ne ìTsɛm iHywas

⁷ Shɛɛ kyaam ne nggbyɛrɛs ne bɛɛs ɛTaanggbey yegha gbik ne ivol ɛbuu da. Yang gbaat ito mo te ɛ shɛɛ ihywee ne ishwɛɛ ɛTaanggbey da.

1 ɛTimɔti 4:7 ပူးပေါင်းရင်းမြစ်များ

ɛTomɛ 24:16

iPhɛ phɛ kɛ ne te nzi kyangas me nɛ te n yaang izɔlɔs ne irway so byirik, ɛnu ɛyisɛ ɛTaanggbey ya gbik nɛ niten nisii.”

1 ɛTimɔti 1:4

Yaak nibhɛ tɛ nibhɛ kɔɔng tɔng ivol ne nggbyɛrɛs da gbik ne ibol ne irɛɛk nikyɛɛ-nikyɛɛ de ne iphɛ sang bok ɛgak ko. Daa ɛli ihywee nikɔn nɛnaa wo i yɛɛs ne ishamas zɔng. Sɔng nibhɛ phyik ne ɛkɔn ndɔ ɛtomɛ ɛTaanggbey ya ne i saras lenɛ ne ìnang ne itin de nang.

1 ɛTimɔti 1:9

Njwi i ne ta yɛɛ, sɔng iMɛmɛ ɛMuusaa da so daa ne ito ninyi ne cik nang. iMɛmɛ yɛ yang so daa ne ito ninaa nɛ nibhɛ tes ikpii ne imɛmɛ da tsaan. Nɛ ninaa ne ito ihet. Nɛ ninaa nɛ nibhɛ sang shɛɛ ishwɛɛ ɛTaanggbey. Nɛ ninaa ne ɛfɔt. Nɛ ninaa ne hame nibhɛ kɛ tul en kang. Nɛ ninaa ne bɛɛs ɛTaanggbey ye. Nɛ ninaa ne phobho nikyɛɛ gbik nɛ nigyinɛ, nɛ ninaa ne phobho ninyi.

1 ɛTimɔti 2:10

tɛ nibhɛ yang mɔn nitomɛ niyɛnɛng ninaa nɛ nibhɛ yaa tɔɔrek ishɛɛda ne roos nibhɛ.

1 ɛTimɔti 3:16

Sɔng ito irway sonɛ nang, ɛduk ne ìnang ne itin njwɛɛn na ne ɛTaanggbey ya kɛ phaal lo so kyukyum. Kɛ tɔɔrek ɛKiriti yegha ndɔ ne ibek Kɛ tɔɔrek ɛ soye ne itin lenɛ ne iKabyik. Kɛ yaang ɛbhɛ lenɛ nɛ niMalɛka, kɛ tɔng ibol ɛbhɛ ndɔ ne igbagha, Kɛ nang ne itin nɛ ne ɛbhɛ ɛzay ya gbik, kɛ bo ɛbhɛ ndɔ ne ndiinday.

1 ɛTimɔti 4:8

iGbaat ne ibek ga bok iphyik, ishwɛɛ ihywɛɛ ne ishwɛɛ ɛTaanggbey da ne bok iphyik ga ndɔ nikɔn na gbik. Daa ɛli ne ishwɛɛ ihywee ne ishwɛɛ ɛTaanggbey da kɛ sim njwɛɛn iken ɛlyilyɛghaa wo gbik ne ɛzay ne ɛ yaaso.

1 ɛTimɔti 6:11

iGyɛ ne ɛTimɔti wo ne ɛ soyɛ ɛnyi ɛTaanggbey, tel nikɔn nɛnaa wo. See ito ne tɔk ihywel cik, ne ishwɛɛ ihywee ne ishwɛɛ ɛTaanggbey, ne ìnang ne itin, ne ishwim, ne rop iku gbik ne ihywɛɛ.

1 ɛTimɔti 6:20

ɛTimɔti, wɛɛ ɛkɔn na ne kɛ tek kɛ nɛ ne iwɔ wo yɛnɛng. Hosop pɛ ne ivol ɛbuu da ne ifɛ sang bok ɛnik ɛTaanggbey yo gbik ne ishamas ne iwamang ngge gbik nɛ ninaa nɛ nibhɛ bok iphup ne igyɛ wo nibhɛ ji yɔng wu iphɛ so ishweng ngga, kaabi irywɛɛk ga.

1 ɛTimɔti 6:3

Gbik ɛnyi gha ne ɛ mɛmɛ ne idɛ imɛmɛ da kang ne ifɛ kɛ sang roos ɛtsim ne ɛnting ne ibol ɛDaray njwɛɛn ɛYɛso ɛKiriti de, ifɛ sang ta so kancɛng ne imɛmɛ ne roos ɛTaanggbey da,

1 ɛTimɔti 6:5

gbik ne ishamas nɛ ninyi ne icwas nibhɛ kɛ te buruburu nibhɛ sang tɔ yɛɛ itin ne ibebhe. Nibhɛ wɛɛ te roos ɛTaanggbey da so ɛnkiinɛ ne tɔk iryat.

2 ɛTimɔti 2:16

Tel ivol ɛbuu ne bɛɛs ɛTaanggbey yegha, daa ɛli ne ifɛ hanas ninyi na ne shɛɛ ishwɛɛ ne ifɛ sang so ivaa ɛTaanggbey.

2 ɛTimɔti 2:23

Tel lɛ ivol ne iwamang ngga ne ishamas ɛbuu de, daa ɛli ne ihywɛ yɛɛs ne izok zɔng.

2 ɛTimɔti 3:12

ɛTsak, gbik ɛhiha ɛnyi ne ɛ sim te aa shɛɛ ihywee ne ishwɛɛ da ne ɛTaanggbey ya sim ndɔ ɛYɛso ɛKiriti gha, aa ne sɔ nggbang.

2 ɛTimɔti 3:5

Nibhɛ sɛ tɔɔsel kpas tɛ nibhɛ soye ninaa ɛTaanggbey nibhɛ ne kyii mbaray ihwet da ne ifɛ yaa phyik nibhɛ ne roos ɛTaanggbey yegha byirik. Sɔng ɛkɔn byinki yɛnɛ ninyi yɛnaa nggyɛ wo nang.

2 ɛTimɔti 4:4

Nibhɛ sɛ gangat itoro nibhɛ de ɛlɔ nibhɛ aa yung phok itin ne bol de, nibhɛ ne jii sim tɛ nibhɛ sɛ i tenes nggbyɛrɛs.

ɛTitus 1:14

Tɛ nibhɛ kɔɔng nge tenes nggbyɛrɛs niYahodawa da ne ifɛ sang so itin de. Tɛ nibhɛ ta kɔɔng nge roos ikpii ninyi da nɛ nibhɛ mbaray itin de.

ɛTitus 2:12

iZɛɛng ngɛdee wo i mɛmɛ njwɛɛn nɛ te njwɛɛn mbaray ishwɛɛ da ne ifɛ sang tɔɔsel ɛli ne ɛTaanggbey ya so wo, gbik ne ihyop nikɔn ɛzay de, te njwɛɛn te hywɛɛ byirik, i hyel cik, i shɛɛ ɛli ne ɛTaanggbey ya so ɛzay yɛghaa wo.

ɛTitus 3:9

Tel lɛ ishamas ɛbuu de gbik ne ibol ne wɛɛ irɛɛk ne itaang ngge, ne izok ge, ne ishisim daa ne ibol iMɛmɛ ɛMuusaa da. Daa ɛli ne sɔng nikɔn nɛnaa wo bok iphyik nang, sɔng nibhɛ kɛ ne ta jam nang.

iBirani 5:14

iRe gɛgɛy de so idee ninyi nɛ nibhɛ kɛ hɔn lenɛ ne igbaat nɛ nibhɛ kɛ ku gbaat en, nibhɛ yɛɛ ne hosop iyɛnɛng ne ibebhe.