1 ɛTimɔti 4:6 - ɛWee ne ìTsɛm iHywas

⁶ Yaa sɛ ˆɛ kɛ mɛmɛ nigwaa na nɛ nikɔn nɛnaa wo, ˆaa ne teyɛ ɛkpuru ɛyɛnɛng ɛYɛso ɛKiriti gha. ɛHaa ne ɛ kɛ hɔn ndɔ ne ibol ne ìnang ne itin de gbik ne imɛmɛ iyɛnɛng ngga ne ˆɛ roos so.

1 ɛTimɔti 4:6 ပူးပေါင်းရင်းမြစ်များ

ɛMacu 13:52

Ne ɛ ji yaak nibhɛ, “iPhɛ ɛlɛy, gbik ɛnyi ne kpɛl ɛShara gha ne ɛ kɛ teye ɛngɔn ne icwam ne igbɔm ɛdaa ne irywa gha ne so te ɛnyi ne ijwee gha ne ɛ kɛ tuul nikɔn niphas nɛ nitɛl lɛ ndɔ ne ɛgban ɛbhɛ.”

ɛLuka 1:3

iPhɛ ɛlɛy igyɛ ne ndiinday ɛTiyɔfɔlɔs, nggɛ ne phɛl ibol lɛ hywɛɛ, lenɛ nɛ ne ɛtum mɛ. Nzi ne yaang iphɛ kɛ ma jam mɛ te n tɔng ngɛ iphɛ ɛli nɛ nikabhak kɛ so.

ɛTomɛ 1:15

Kaa ne sɛ ɛdɛ ɛtuk kɛ ninaa ne roos sa ne tumɛ ɛn. Nibhɛ kaa ne hɔn ninyi ikɔl idaan ne nzuwubɔ ifaa gbik. ɛBiturus sa ne yilitsik ɛ yɔngɔ,

ɛTomɛ 20:31

iPhɛ ɛlɛy, ne ɛ shɛɛ ɛn ɛkanang! Tas ɛn, izenge wo kɛ hɔn ishay itat ne nzi kpɛng nyini wo. Sɔng nggɛ cwaal ɛnu nang, ne ɛtuk ne igbey nzi kpɛng nyini nɛ niyilis ne irwisɛ nge.

ɛTomɛ 20:35

Ndɔ nikɔn na ne nggɛ mɔn, nggɛ tɔɔrek nyini wu iphɛ so nggbinggbing ɛ mɔn ɛn ɛtomɛ gbom te ɛ sɛ ɛ phyik ɛn nitaasek. Kaabi ɛ tas ɛn ne ibol ɛDaray ɛYɛso de ne iphɛ bo, ‘ɛNyi gha ne ɛ kɛ nang ngo, ɛ bok ɛwɛng ɛ phyin ɛhaa ne kɛ nang ɛbhɛ wo.’ ”

iRooma 15:15

Gbik ne iphɛ ɛlɛy, nggɛ ne haa ɛwee yɛwoo wo ne irway nviit, nzi bol ne nyinɛn daa nidɛng nikɔn na te n taate nyini nɛ. Nzi bol ne irway nviit lenɛ ne izɛɛng ne ɛTaanggbey kɛ nang me,

1 iKɔrɔntos 4:17

iPhɛ ɛlɛy nggɛ ne tom nyini ne ɛTimɔti ne ɛ soye ɛngɔn nge ndɔ ɛDaray ne nzi sim ɛbhɛ, ɛnyi ne sɛ kyinak daa ne ibol ɛbhɛ. Aa ne taate nyini ne ihywee ne ihywel da ne nggɛ hyel ndɔ ɛYɛso ɛKiriti gha ne ifɛ so kancɛng ne ɛkɔn na ne nzi tɔng nilɔ na gbik ndɔ ne idira ninaa ne roos sa.

2 iKɔrɔntos 11:23

Wu nibhɛ so ninaa ne mɔn ɛtomɛ ɛKiriti, ne n phyin nibhɛ. Nzi bol te ɛhaa nisan! N phyin nibhɛ ne mɔn ɛtomɛ ɛKiriti gha, nggɛ sɔ nggbang gbom, kɛ robhos me ndɔ ne ijwee ne nyang, kɛ hal me gagak tang ɛgak, nggɛ wɛɛ iku gbom.

2 iKɔrɔntos 3:6

Ɛbhɛ kɛ te njwi kɛ yɛɛ ne teye ninaa ɛtomɛ ne ibol ne ìtsɛm ihywas de ne kɛ rop po, izee ne sɔng i lenɛ ne ikpii ne kɛ haa nang, i yang lenɛ ne iKabyik, daa ɛli ne iKpii da ne kɛ haa wo i yɛɛs ne iku, iKabyik ge i ne nang iken.

2 iKɔrɔntos 6:4

Njwii yang gbaat itso mos de ndɔ ne nikɔn na gbik, te njwi tɔɔrek wu njwi soye nikpuru ɛTaanggbey ya. Njwii gbaat itso mos de ndɔ ɛbɔk gbom, ne nggbang, ndɔ ne phyingɛl ne i phyii njwi, ne ndɔ ɛmpyep.

iFisus 6:21

Naa ne tom ɛTikyikus se, ɛgwaa mos ne njwii sim, ne ɛ mɔn ɛtomɛ ɛbhɛ gha ndɔ ɛDaray ɛli ne sɛ kyinak daa ne ibol ɛbhɛ. Aa ne tɔng nyini nikɔn na gbik, tɛ ne ˆɛ ma seng ɛn ncaang nge gbik ɛli ne nzo.

iFilibi 2:20

Sɔng n bok ɛdɛ ɛnyi gha te ɛTimɔti gha ne icwas ɛbhɛ so daa mon no nang.

iFilibi 2:22

ˆƐ yɛɛ ɛn ɛTimɔti yegha ɛli ne ɛ so, daa ɛli ne njwi kɛ mɔn ɛtomɛ ne sanga ibol iyɛnɛng ngge ne ɛbhɛ wo te ɛngɔn ne ɛkyɛɛ.

iFilibi 3:16

ɛGbaang ɛkɔn nɛ so, ɛlɔ gha ne njwɛɛn kɛ bhɛ tuu te re ɛnu ɛyisɛ ne nɛ ɛlɔ yɛ.

iKɔlɔsi 2:19

iHywee ɛnyi yɛdee nggyɛ wo kɛ ne ku hosop bhe ne ɛKiriti gha ne ɛbhɛ so ito ne idira ninaa ne roos de. ɛHaa ne ɛbhɛ bok idira ninaa ne roos de ɛlɔ ɛdaan na, kaabi ibek ɛbhɛ de, ne i lenɛ ne itsibhi de nilɔ yɛ byingis se iphɛ raras ihywee ne raras da ne ɛTaanggbey ya ɛbhɛ ɛ yɛk ngɛ wo.

iKɔlɔsi 3:16

Te ibol ɛKiriti de shɛɛ ndɔ ne irway mon da gbom. Mɛmɛ ɛn ne nigwaa nɛ, te ˆɛ kpɛng ɛn nyini ndɔ ne ntsɛntsɛng, ˆɛ yaak ɛn ne ighel ne ɛWee ne iBol ɛTaanggbey, ne ighel ne dɛp ɛTaanggbey ye, ne idee ne iKabyik kɛ nang, ˆɛ tɔɔsel ɛn ɛTaanggbey yegha irway ihwala ndɔ ne irway mon.

iKɔlɔsi 4:7

ɛTikyikus yaa tɔng nyini ibol nge gbik. Ɛ so ɛgwaa mos ne njwii sim ɛbhɛ gbom, ɛnyi ne sɛ kyinak daa ne ibol ɛbhɛ, ɛtaay ɛtomɛ mos ndɔ ɛDaray ya.

1 iTasɔlɔnika 3:2

Njwi ne ji tom ɛTimɔti ye ne ɛ so ɛgwaa mos ne ɛtaay ɛtomɛ mos ndɔ ne sanga ibol ɛKiriti de ɛlɔ mon na. Njwi kɛ tom ɛbhɛ te ɛ yɛɛs te ɛ te nyini itsɔngɔl gɛgɛy, ɛ hante nyini ne ihwet ndɔ ne ìnang ne itin mon de.

1 ɛTimɔti 1:10

Nɛ ninaa ne ra nzangas. Nɛ niras nɛ nibhɛ ra nɛ nilyiyap-ne-kut gbik nɛ nikuk. Nɛ nibhɛ ra nzangas nɛ nikuk. Nɛ ninaa ne yibhɛ ninyi nibhɛ lɛbhɛl. Nɛ ninaa ne wul irywɛɛk. Nɛ ninaa ne naas ishɛɛda ne irywɛɛk, gbik nɛ ninaa ne mɔn nikɔn na nɛ nibhɛ sang so kancɛng ne imɛmɛ ne itin.

1 ɛTimɔti 4:16

Wɛɛ ito mo yɛnɛng gbik ne ɛkɔn na ne ɛ mɛmɛ ninyi na nɛ wo. Kyinak gɛgɛy ndɔ nibhɛ, daa ɛli ne wu ˆɛ kɛ mɔn ɛlɛ wo, ˆaa ne phɔt ito mo gbik nɛ ninyi nɛ nibhɛ i phok kɛwo.

1 ɛTimɔti 6:3

Gbik ɛnyi gha ne ɛ mɛmɛ ne idɛ imɛmɛ da kang ne ifɛ kɛ sang roos ɛtsim ne ɛnting ne ibol ɛDaray njwɛɛn ɛYɛso ɛKiriti de, ifɛ sang ta so kancɛng ne imɛmɛ ne roos ɛTaanggbey da,

2 ɛTimɔti 1:6

iPhɛ phɛ kɛ te nzi tas sɛ nɛ, nzi bo te ɛ shɔke ne igboo ne ìnang ngga ne ɛTaanggbey ya kaa nang ngɛ lenɛ ne nggɛ yɛk kɛ ne iwɔ ɛwɛng ngo.

2 ɛTimɔti 3:10

iGyɛ ne ɛTimɔti, ˆɛ kɛ roos imɛmɛ nge da, ˆɛ yɛɛ ɛli ne nzi shɛɛ, ˆɛ yɛɛ ɛkɔn na ne nzi sak me nɛ, ne ìnang ne itin nge, ne ɛbɔk nge, ne ishwim nge gbik ne irop iku nge.

2 ɛTimɔti 4:3

Daa ɛli ne nten yaaso nɛ ninyi na sɛ mbaray imɛmɛ ne itin de. Nibhɛ sɛ yang tumɛ nikyɛɛ ne icwam nɛ nibhɛ yaa mɛmɛ nibhɛ nɛ nikɔn na ne itoro ne rangas nibhɛ i sim te iphɛ yaa phok.

ɛTitus 2:1

iGyɛ wo, iphɛ so nggbinggbing ˆɛ mɛmɛ ninyi na nɛ ɛli nɛ nibhɛ yaa shɛɛ ishwɛɛ da ne ifɛ so kancɛng ne imɛmɛ ne itin da.

1 ɛBiturus 2:2

Te ne ɛɛ sak ɛn nyini ne ire ne ikabyik ge ɛli nɛ ninɔn nishesheng nga i sak ghe ne mbalas da, te ɛ hɔn ɛn ndɔ ne ìphɔrɔt mon da,

2 ɛYohana 1:9

Gbik ɛnyi gha ne ɛ kɛ sang kyinak daa ne imɛmɛ ɛKiriti da, ɛ ta hante ne ɛkɔn ne ɛdak kɛwo, sɔng ne ɛ bok ɛTaanggbey ye nang. Gbik ɛnyi gha ne ɛ kɛ ne kyinak daa ne imɛmɛ ɛKiriti da, ne ɛ bok ɛTaa yegha gbik ne ɛNgɔn na.

ɛYahuza 1:5

Nzi yɛɛ ɛ ku yɛɛ ɛn ibol lɛdee wo, nzi ne sim na ne taate nyini nɛ wu ɛTaanggbey ya kaa phɔt ninyi ɛbhɛ na ne ivel ne iMasad da, ne ɛ kyii mɔɔng ɛ bunga ninaa nɛ nibhɛ sang nang ne itin nɛ wo.