1 ɛTimɔti 4:3 - ɛWee ne ìTsɛm iHywas

³ iHywee ninyi yɛdee nggyɛ wo sɛ yɛk ngɛ i ring ne robhos niwɛrɛ. Nibhɛ ta yɛk ngɛ wu hang i re idɛ ihywee ne irwye da dɔng. iPhɛ dee ɛTaanggbey ɛbhɛ kɛ ne ryɔng irwye da gbik tɛ ninyi na nɛ nibhɛ kɛ nang ne itin nɛ wo nibhɛ ta yɛɛ itin de say iphɛ ne irway ihwala.

1 ɛTimɔti 4:3 ပူးပေါင်းရင်းမြစ်များ

1 ɛTimɔti 4:4

Daa ɛli ne gbik nikɔn na ne ɛTaanggbey ya kɛ ryɔng ngo kɛ jam, iphɛ ɛlɛy, sɔng ne mbaray ɛdɛ ɛkɔn na nang wu kɛ say ɛbhɛ ne irway ihwala.

iBirani 13:4

Gbik mon no, nang ɛn ɛwɛrɛ gha ne ndiinday, te ɛrong-inwa ɛwɛrɛ gha ne shɛɛ ywɛywɛy, daa ɛli ne ɛTaanggbey ya sɛ hyɛ ninaa ne nzangas sa, nɛ ninyi na nɛ nibhɛ kɛ bees se wo ɛshara.

iRooma 14:6

ɛNyi gha ne ɛ kɛ bo ɛdɛ ɛtuk ka ɛ phyin ɛbyin nituk kɛwo, ɛ mɔn ɛlɛ wo, te ɛ nang ɛDaray ye ne ndiinday. ɛNyi gha ne ɛ re nikɔn na gbik ko, ɛ mɔn ɛlɛ wo te ɛ nang ɛDaray ye ne ndiinday, daa ɛli ne ɛ tɔɔrek ɛDaray yegha irway ihwala da ne ire de nyɛɛn. ɛNyi gha ne ɛ sang re ɛbyin nikɔn na, ɛ mɔn ɛlɛ wo te ɛ nang ɛDaray ye ne ndiinday daa ɛli ne ɛ ma tɔɔrek ɛDaray yegha irway ihwala.

iKɔlɔsi 2:16

iPhɛ ɛlɛy, sɔng ne ˆɛ sim ɛn ɛnyi yɔngɔ wu ˆɛ kɛ ben ɛn daa ɛkɔn na ne ˆaa re ɛn, ne ɛkɔn na ne ˆaa sɔ ɛn nang. Sɔng ɛnyi ne yɔng ˆɛ kɛ ben ɛn daa ne idɛ idira de nang, hang idira ne wɛɛ ifɛl ifas yɔɔ, hang idira ɛtuk ne iwɛsɛ yɔɔ.

1 iKɔrɔntos 8:8

Sɔng ire de iphɛ yɛɛs ne njwɛɛn cɛcɛk ne ɛTaanggbey ya nang. Wu njwɛɛn kɛ sang re, sɔng njwɛɛn yaa ne tɛ ye nang, wu njwɛɛn kɛ ne re, sɔng njwɛɛn yaa ne hantey yɛ nang.

iKɔlɔsi 3:17

Gbik ɛkɔn na ne ˆɛ mɔn ɛn, hang ivol yɔɔ, hang ɛtomɛ yɔɔ, mɔn ɛn ndɔ ne irywɛɛk ɛDaray ɛYɛso, ˆɛɛ tɔɔsel ɛn ɛTaanggbey ye ne ɛ so ɛTaa irway ihwala lenɛ ne ɛYɛso gha.

1 iKɔrɔntos 7:28

Wu ɛ kɛ ne ku tul ɛkuk ka, sɔng iphɛ ne so ɛfɔt nang. Wu ɛngɔn ɛlyilyap pa kɛ ne ma sim ɛ̀ras sa, sɔng iphɛ ne ma so ɛfɔt tang. Gbik ne iphɛ ɛlɛy, ninaa nikuk ka sɛ ne sɔ nggbang daa ne ibol ne wɛɛ ijwee, nzi ne sim te nzɛ phɔt nyini ndɔ ne nggbang ngga.

iRooma 14:3

ɛNyi gha ne ɛɛ re nikɔn na gbik ko, sɔng ne ɛ bɛɛs ɛnyi gha ne ɛ sang re wo nang, ɛlɛy ne ɛnyi gha ne ɛ ne re ivee da, sɔng ne ɛ hyɛ ɛnyi gha ne ɛ re nikɔn na gbik ko ɛshara nang daa ɛli ne ɛTaanggbey kɛ ku say ɛbhɛ.

iBirani 13:9

Sɔng ˆɛ tek ɛn imɛmɛ ifas, ihywee-ihywee kpuru ihywɛɛ mon de nang. iPhɛ kɛ jam mɛ ˆɛ hante ɛn irway mon ne ihwet ne izɛɛng ɛTaanggbey, sɔng daa ne roos ikpii ne re ire nang. Sɔng ninyi na nɛ nibhɛ roos ikpii yɛdaa nggyɛ wo i sɛ iphyik nang.

1 ɛTimɔti 2:4

ɛTaanggbey ya ne ɛ sim te gbik ninyi na sɛɛ sɛ iphɔrɔt da, nibhɛ ta seng itin de.

1 iKɔrɔntos 6:13

“Kɛ ryɔng ire de ɛlɔ ne iphul, kɛ ne ma ryɔng iphul de ɛlɔ ne re,” ɛTaanggbey ya sɛ ne bunga iphul de ne ire de gbik. Sɔng kɛ ne ryɔng ibek ge ɛlɔ ne nzangas sang, kɛ ryɔng ibek ge te iphɛ nang ɛDaray ye ne ndiinday, ɛDaray ya ɛbhɛ ne hyep ibek ge.

iRooma 14:17

Daa ɛli ne sɔng igbɔm ɛTaanggbey ba so daa ne ibol ne re i sɔ nang, ifɛ yang so daa ne ibol icik, ne irway ne laal, ne irway ihwala ne iKabyik ɛTaanggbey i naas.

ɛMacu 15:36

Ne ɛ bo ivɛrɛdi ɛniitaa da gbik ne izing ngge, ɛ tɔɔrek ɛTaanggbey ye irway ihwala, ɛ kpɛl, ɛ naas ninɔn ne icwam ma, nibhɛ ne ma ji bhɛ naas idira ninyi de.

ɛMacu 14:19

ɛYɛso gha ne yɛk ngɛ ninyi na sooset ne idik, ne ɛ ji bo ivɛrɛdi ifɛ iwii da, ne izing ihywɛ ihywaa de, ɛ yɛɛn ɛdaa ne irywa, ɛ tɔɔrek ɛTaanggbey ye irway ihwala, ɛ ji kpɛl ivɛrɛdi da, ɛ ji naas ninɔn ne icwam ɛbhɛ na, nibhɛ ma ji bhɛ naas ninyi na.

ɛTomɛ 27:35

Ne sɛ ɛBulus sa kɛ boote ɛlɛ wo, ne ɛ bo ibɛrɛdi ne ɛ tɔɔrek ɛTaanggbey ye irway ihwala ɛnu ɛyisɛ nibhɛ gbik, ɛ kpɛl ne ɛ tsa ɛ yaa re.

ɛYohana 6:23

iHwak ikparak ne le ɛgarang ne iTibari ifɛ kyinak cɛcɛk ɛlɔ gha ne ɛDaray ya kaa tɔɔrek ɛTaanggbey yegha irway da, daa ne ibɛrɛdi de ɛ ji nang idira ninyi de nibhɛ re wo.

ɛLuka 24:30

Kɛ ne sɛ nibhɛ kɛ bhɛ sos nibhɛ yaa re ire, ɛYɛso gha ne bo ibɛrɛdi, ɛ tɔɔrek ɛTaanggbey ye irway ihwala, ɛ kpɛl iphɛ ɛ ji nang nibhɛ wu te nibhɛ re.

ɛMacu 15:11

Sɔng ɛkɔn na ne ɛɛ lel ndɔ ɛnu ɛnyi gha ɛbhɛ na ɛbhɛ ivebhe da nang, yang so ɛkɔn na ne ɛ wuusi ndɔ ɛnu ɛnyi gha ɛbhɛ nang ɛnyi gha ivebhe da.”

1 ɛTimɔti 5:14

iPhɛ ɛlɛy, nzi sim tɛ nikusang nga nɛ nibhɛ tɔ niphas sa sɛ rop ɛwɛrɛ, nibhɛ yaak ninɔn, nibhɛ wɛɛ idee nibhɛ de, ɛlɔ nɛ nibhɛ yaa yung phaal ɛhaa ne iphup njwɛɛn na ikɛk ne bees ivol daa njwɛɛn.