1 ɛTimɔti 4:16 - ɛWee ne ìTsɛm iHywas

¹⁶ Wɛɛ ito mo yɛnɛng gbik ne ɛkɔn na ne ɛ mɛmɛ ninyi na nɛ wo. Kyinak gɛgɛy ndɔ nibhɛ, daa ɛli ne wu ˆɛ kɛ mɔn ɛlɛ wo, ˆaa ne phɔt ito mo gbik nɛ ninyi nɛ nibhɛ i phok kɛwo.

1 ɛTimɔti 4:16 ပူးပေါင်းရင်းမြစ်များ

ɛMarakus 13:9

Nyinɛn ne ninyi nge wo nang, ne ɛ wɛɛ ɛn nyini yɛnɛng. Sɛ lenɛ ne ibol nge de, ne bol nyini nishara, i phɛɛs ne nyinɛn ndɔ itsɔɔy bhɛ hal nyini. Ne kpuusi nyini i phɛɛs nɛ ɛlɔ ne igbaang nigɔm gbik nɛ nishɛrɛng ngɛ. ɛNggyɛ yo ne ɛ sɛ ne bhɛ sɛ ɛn ikɛk ɛ tɔng ɛn nibhɛ ibol nge de.

ɛLuka 21:34

“Wɛɛ ɛn nyini yɛnɛng, sɔng ɛ sim ɛn irywɛɛk ga, ne isɔ da gbik ne icwas ne ishwɛɛ ɛzay ya kpuru ihywɛɛ mon de nang. ɛTuk kɛgha nggyɛ wo sɛ yung ban nyini dirik te irwa.

ɛTomɛ 26:22

Gbik ne iphɛ ɛlɛy ɛTaanggbey kɛ ne phyik me nggɛ hɔn izenge wo. iPhɛ ne nggɛ kyinak ɛbɛ wo nzi tɔng igbaang ninyi nɛ nihala yɛ gbik ibol nikɔn de ne nggɛ yaang ngo. Sɔng ihak ibol ne nzi bol nang. Nzi yang bol ibol nikɔn de nɛ ninabawa gbik ne ɛMuusaa kaa ku yɔng wu nibhɛ sɛ tes.

ɛTomɛ 6:4

Te njwit to njwi ne ji re ɛnu ɛyisɛ ne bol ne ɛTaanggbey ya gbik ne mɛmɛ ninyi na ne ibol ɛTaanggbey de.”

iRooma 11:14

Nzi mɔn ɛlɛ wo, te nzɛ n yaang nigwaa nge niYahodawa na kɛ yɛk ɛnkyis te ne lenɛ ɛlɛy i phɔt nidɛng ndɔ nibhɛ.

iRooma 16:17

Nigwaa ɛn, nzi bok nyini te ɛ wɛɛ ɛn nyini yɛnɛng ɛlɔ ninyi na nɛ nibhɛ te nyini ɛ hosop ɛn nyini wo, nibhɛ yɛɛset ne imɛmɛ ifas ne ifɛ soye nikɔn kyibhɛ nɛ nibhɛ labhe nɛ nikɔn na ne kɛ ku mɛmɛ nyini nɛ wo. Shɛɛ ɛn kyakyak nɛ nibhɛ!

iRooma 2:7

Nidɛng ne sonɛ nɛ nibhɛ kɛ see ito nibhɛ mɔn iyɛnɛng cɛcɛɛy, nibhɛ tɔk ndiinday ne igbom gbik ne iken ne iphɛ sang taal le. Nibhɛ ne ɛTaanggbey ya sɛ ne nang nibhɛ iken ne inat.

1 iKɔrɔntos 1:21

ɛTaanggbey ya ndɔ ne ntsɛntsɛng ɛbhɛ de ɛ kɛ ring ninyi ɛzay ya ne seng ɛbhɛ lenɛ ne ntsɛntsɛng nibhɛ. ɛTaanggbey ya kɛ yang mɔn ɛtomɛ ne ibol de nɛ ninyi na i bok iphɛ, “iBol iwamang ngge,” ne njwii sanga wo, ɛ phɔt ninaa nɛ nibhɛ kɛ nang ne itin nɛ ne iphɛ.

1 iKɔrɔntos 9:22

I ne sɛ nzo ɛlɔ ninaa ne ìnang ne itin nibhɛ da so kyɔkyɔt to, ne ma n te te ɛhaa ne ìnang ne itin ɛbhɛ so kyɔkyɔt te nzɛ n hɔ nibhɛ. Nggɛ tes me nikɔn na gbik ɛlɔ ninyi na gbik, te n yaang nggɛ phɔt ɛbyin nɛ.

1 iKɔrɔntos 9:27

Nzi ne gbaat ibek nge de gbom, nggɛ bo iphɛ te ɛkpuru nge, ɛlɔ ne yaa yung sɛ ɛtsim mɛ ne nggɛ sanga nidɛng ibol iyɛnɛng ngge, ji kyi bhɛ ring me ne say ilong nge.

iFisus 4:14

Kɛ mɔn ɛlɛ wo te njwɛɛn kɔɔng nge kaan ne ihywɛɛ njwɛɛn de tɛ ninɔn nishɛɛrɛng nga. Te njwɛɛn sang teye ninyi ne i kaan ne ihywɛɛ nibhɛ te icwen ne igbil kɛ luu. Te njwɛɛn sang teye ninyi ne imɛmɛ ne iluk i hyeem ihywɛɛ nibhɛ ifɛ bok ngɛ nilɔ na kang-ka-kang.

iKɔlɔsi 4:17

Yaak ɛn ɛCipus sa wu te ɛ kyii ne ihywɛɛ ɛbhɛ, ɛ taal ɛtomɛ gha ne ɛDaray ya kɛ nang ɛbhɛ wo.

1 iTasɔlɔnika 2:16

Nibhɛ ring njwi ne tɔng ninyi na ne hame nibhɛ soye niYahodawa na ibol iyɛnɛng ngge, ɛlɔ nɛ nibhɛ aa ma yung sɛ iphɔrɔt da. Ɛlɛ wo nɛ nibhɛ ne hanas ne shwaasek ɛgyuuru ne ɛfɔt nibhɛ gha hyɔrɔ. iPhɛ dee njenjek ɛTaanggbey de kɛ ne tɔm daa nibhɛ.

1 ɛTimɔti 1:3

Nzi sim te ˆɛ sɛ shɛɛ ne iFisus de, ɛli ne ngga mɔng ngɛ nten de ne naa phɛ ne iMakyidɔniya de. Nidɛng ninyi na so ne iFisus de nɛ nibhɛ i mɛmɛ ninyi na ne ivol ne irywɛɛk, nzi ne sim te ɛ sɛ yɛk nibhɛ nɛ nibhɛ kɔɔnge.

1 ɛTimɔti 4:15

See ito ne mɔn nikɔn nɛnaa wo. Nang ibek mo ndɔ nibhɛ gbik te ɛrɔngɔ yaang ire ɛnu ɛyisɛ mo.

1 ɛTimɔti 4:6

Yaa sɛ ˆɛ kɛ mɛmɛ nigwaa na nɛ nikɔn nɛnaa wo, ˆaa ne teyɛ ɛkpuru ɛyɛnɛng ɛYɛso ɛKiriti gha. ɛHaa ne ɛ kɛ hɔn ndɔ ne ibol ne ìnang ne itin de gbik ne imɛmɛ iyɛnɛng ngga ne ˆɛ roos so.

2 ɛTimɔti 2:10

iPhɛ ɛlɛy, nggɛ ne tɔɔk nggbang nikɔn da gbik, ɛlɔ ninaa ne kɛ kasa nibhɛ wo, tɛ nibhɛ sɛ iphɔrɔt da ne ifɛ so ndɔ ɛYɛso ɛKiriti gha, nibhɛ ne ta sɛ ndiinday ne inat de.

2 ɛTimɔti 3:14

iGyɛ ne ɛTimɔti wo, ne ˆɛ re ɛnu ɛyisɛ ne roos ɛkɔn na ne ˆɛ kɛ mɛmɛ nɛ, ˆɛ nang ne itin nɛ ne itin. Daa ɛli ne ˆɛ yɛɛ ninyi na ne ˆɛ kɛ mɛmɛ nɛ ɛlɔ nibhɛ.

2 ɛTimɔti 4:2

Nzi bok kɛ, hang nten sonɛ yɔɔ, hang iphɛ sang sonɛ yɔɔ, see ito ne sanga ibol ɛTaanggbey de. Hɔ ihywɛɛ ninyi de, te ɛ nep nibhɛ, ɛ te nibhɛ itsɔngɔl gɛgɛy ɛ mɛmɛ nibhɛ nɛ ndɔ ɛbɔk ne ɛ sang ɛgak.

ɛTitus 1:9

Te ɛndiinday ya soye ɛnyi ne ɛ kɛ wum ibol ɛTaanggbey de ne sɛ kyinak ngɛ wo gɛgɛy, ɛli ne kɛ mɛmɛ ɛbhɛ nɛ wo. Yaa ne lenɛ ɛlɛ wo ne ɛ te ɛbyin ninyi na itsɔngɔl gɛgɛy lenɛ ne imɛmɛ ne itin, ɛ ta i nep ninaa nɛ nibhɛ bok iphup be ne imɛmɛ ne itin da.

ɛTitus 2:15

Mɛmɛ nibhɛ nɛ nikɔn nɛnaa wo, mɔn ɛtomɛ ne igbɔm mo da gbik ˆɛ te ninaa ne tenes sɛ na itsɔngɔl gɛgɛy ˆɛ ta nep nibhɛ. Sɔng ɛ sim ɛnyi bɛɛs sɛ nang.

ɛTitus 2:7

Ndɔ nikɔn na gbik teyɛ ɛkɔn ne mɛmɛ nɛ ɛlɔ nibhɛ gha daa ne mɔn nikɔn niyɛnɛng. Ndɔ ne imɛmɛ mo da tɔɔrek itin nɛ, sɔng ˆɛ ra ne ijɔwɔ nang.

ɛFilimɔn 1:19

Mee ɛBulus nzi haa ibol lɛdee wo ne iwɔ nge, naa tal lɛ. Sɔng naa ma yung boote ibol ne iken iphas de ne ˆɛ kɛ sɛ lenɛ ne mee wo nang.

iBirani 12:15

Wɛɛ ɛn yɛnɛng, sɔng ɛdɛ mon hyere ɛTaanggbey yegha ne ɛ nang izɛɛng ngge ɛduu nang. Sɔng ɛdɛ mon yɛk irway ivebhe ne ifɛ yaa hɔn ifɛ yɛɛs ne ishisim, ifɛ bees ninyi na gbom mo nang.

iBirani 13:9

Sɔng ˆɛ tek ɛn imɛmɛ ifas, ihywee-ihywee kpuru ihywɛɛ mon de nang. iPhɛ kɛ jam mɛ ˆɛ hante ɛn irway mon ne ihwet ne izɛɛng ɛTaanggbey, sɔng daa ne roos ikpii ne re ire nang. Sɔng ninyi na nɛ nibhɛ roos ikpii yɛdaa nggyɛ wo i sɛ iphyik nang.

ɛYakub 5:20

Ne ˆɛ seng ɛn ɛbɛ, gbik ɛnyi gha ne ɛ kɛ ban ɛhaa ne ɛfɔt ta ɛ kyii ne ɛbhɛ ne ɛnkiinɛ wo, aa ne phɔt iken ɛhaa ne ɛfɔt tɛghaa nggyɛ wo ɛlɔ ne iku, ɛ ta te i han ɛbhɛ ne ɛfɔt da gbom.